犇道 Chef Ben- Cafe & Steak Bar (弦海) (已結業)

中午食晏，嚟到Chef Ben 食晏，點咗日本唐揚炸雞蛋包飯和厚過我塊面嘅漢堡包加薯條，凍檸檬茶，首先嚟凍檸茶，大大杯，嘩飲完重可以無限，添加 大熱天時咁就梗係飲多幾杯啦，轉眼個日本唐揚蛋包飯就嚟到喇，嘩大大碟真係都幾抵食呀，跟住個厚過我塊面嘅漢堡包都嚟埋，仲有勁多薯條，睇落都幾好食，咁就舒舒服服坐喺梳化度慢慢食，周圍環境都唔錯，食得都幾舒服，服務員嘅態度都幾好，唔怪得呢度生意都唔錯，中午都差不多爆滿，但係只可惜呢度唔可以電話訂位，比較麻煩，希望佢遲啲會改善啦。

本人與朋友於昨天（8月27日）晚上7:30光顧 貴店，並只是點了斧頭扒。而店員說因製作需時須等15分鐘，眼見隔離枱（約15位以上），遲過我們到店，但兩塊斧頭扒、墨汁意粉、串燒、咸豬手、漢堡包、龍蝦（基於太多不能盡錄），全部已上給該枱的顧客。而 貴店經理於8:15pm告訴我們基於製作需時，因此便先附上薯片讓我們再作等侯。其後，其他店員陸續詢問為何我們的斧頭扒還沒到？到了8:25pm，我看見店員奉上好幾諜的菜餚於隔離枱上。因此，我忍不住詢問經理：「我們已等了一小時，只是點選一塊斧頭扒，為何要等這麼久？」該經理回答：「因為隔離枱客人是預先訂購的，所以兩塊斧頭扒給了該枱客人，而現在你們點選的是臨時拿出來的，我會給你們打折扣9折。」其實錢對我來說不是這麼重要，而是餐廳服務質素，我住港島區，專承光顧 貴店，朋友和我提早慶祝生日，為何會得到這樣的待遇？而該經理是和該枱客人是熟識的，有傾淡和一齊拍照，想問這是一個怎樣的服務質素，聽說你們經營者是出身於酒店業，我也很想知道 貴店是否只會奉承熟識的顧客，而不會吸納新客？

今日order左是日廚師發辦牛扒，雖然唔知係牛嘅咩部位，但一啲都唔馬虎。首先餐湯非常好味，主菜7成熟牛扒煎得剛剛好，最後仲有驚喜既就係餐飲凍檸茶用啤酒杯上，所以非常大杯。

必試人氣斧頭扒人地成日話大西北無咩好野食，自從屯馬線同東鐵過海段開通之後，屯門呢區進駐左好多正野，今晚同朋友去左屯門新樓弦海樓下既商場試下犇道既人氣斧頭扒，店員推介佢地最多人叫既澳洲M5頂級斧頭扒配三杯啤酒既套餐，一於同朋友啤啤佢啦🦐柚子燒蝦沙律 ($108)食斧頭扒之前叫左個沙律，揀左個柚子燒蝦沙律，新鮮大蝦燒烤過後去殼，肉質爽口彈牙，上面淋上酸酸甜甜既柚子醬，配埋新鮮爽脆既沙律菜一齊食，夠哂開胃🥩澳洲M5頂級斧頭扒 + 3 杯啤酒 ($1388)主角出場啦，呢個超巨型頂級斧頭扒好大份，三個人都好夠食，即叫即燒上到枱仲熱辣辣，切開見到粉嫩既牛肉，肉汁豐腴，牛味香濃，建議先試左食材既原汁原味再蘸醬食，兩者都好吸引

今日上咗屯門朋友屋企，再一齊去附近嘅犇道食晏。我哋叫咗蟹肉通卷粉、番茄牛膝飯同黑松露薯條🍟。蟹肉意粉好食😋，蟹肉份量都幾多，新鮮香甜，通卷粉煙煙韌韌，頗有嚼勁。番茄牛膝飯都好食🤤，牛膝肉好嫩滑軟淋，番茄汁香濃惹味。略嫌飯煮得淋咗少少。薯條份量好多，佢哋用幼薯條，炸得好香脆，黑松露醬味道濃郁，略嫌欠缺薯仔味。火山咖啡令人有少少失望，味道比較淡，無乜咖啡香味。特別鍾意餐廳環境開揚闊落，樓底高，自然採光令人舒適，悠然自得地享受一個中午。

平時係屯門河畔附近跑開步既時候， 留意到有間裝修唔錯既新餐廳，平時都幾旺場， 一直想搵機會試。 終於搵左個星期五晚試一試！🔥🔥🔥一坐低就見到其他枱既食客枱面好大舊， 好搶眼既超大斧頭扒！ 經侍應介紹，原來呢個係呢道招牌菜 - 澳洲M5 頂級斧頭扒配薯條 + 3 杯啤酒 $1388。當然唔可以錯過啦！Order ! 😍😍😍飲住杯 Stella 一路嘆住咁靚既河景， 爽！😌斧頭扒即叫即整， 大約等左20分鐘， 終於上菜啦！🥰果然冇令人失望， 份量十足。其間侍應過黎介紹切法， 同斧頭扒既特點， 服務好周到。👍 上面放住三舊又香又美觀既牛油。 炸得好香脆既薯條。斧頭扒表面煎得好香，中間既肉充滿粉紅色既肉汁😍 牛既脂肪分布都好均勻， 夾埋一齊食， 肉香爆棚！！！配上既肉汁好濃郁！今餐食得好滿足， 以咁大size 既扒同肉既質素黎講， 呢個價錢絕對對得住！ 而家周圍環境又好， 都會推薦朋友黎試下。

#您係唔係食肉獸 #您有無去過呢度.之前好多人都有同我講話好好食叫我一齊去食但......我一直都唔係太心動今次就決定同佢去試吓啦.犇道 Chef Ben- Cafe & Steak Bar (弦海)📌屯門業旺路101號弦海地下G01B號舖.朋友仔都話呢間餐廳牛扒質素好好所以唔理咁多, 就去食.‌我哋大家都係一起身就想約食好西!於是就去咗呢度~♦️ 斧頭扒餐而家天氣咁熱, 當然係要凍吓啦~所以要啤啤🍻🍻佢!叫咗2杯Stella Artois爽呀!!!啱啱放低隻杯就見到大大份嘅斧頭扒上咗枱啦~睇到眼仔都掉出嚟，因為塊扒大過我塊面呀~除咗斧頭扒外仲配咗薯條同菜點埋黑椒汁, 正~~我叫咗Medium, 切開嚟幾粉嫩!😋😋😋好juicy唔會食到鬆肉粉味!👍🏻👍🏻脂肪唔太多, 入口唔會太肥膩!!.環境同座位好闊落，梳化位非常好坐～服務態度都唔錯！下次一定會再訪試埋飯同意粉類😍😍😍..整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣🟣環境：🟣🟣🟣🟣地點：🟣🟣🟣.總括嚟講，犇道係地點遠咗D，食物出品正！坐位寬敞又舒服！••••••••••••••••••••••••••••••#攸桐媽飲飲食食

日常工作繁忙，難得準時收工，放工後落公園河邊行吓散吓心，順便睇下食乜。行到去呢個新屋苑弦海，見到河邊有間餐廳，叫『犇道』好似幾 chill, 有啤酒有咖啡，個舖頭名有三頭牛，當然有牛扒，啱晒我呢啲牛摩皇。我們一坐下侍應就細心介紹一下佢地既晚餐，唔洗諗我一見到斧頭扒，就立即叫澳洲M5 頂級斧頭扒配脆薯條, 需然我們只有兩人，但我多多都食得晒呀🤭😋。再來杯Stella 生啤，爽呀！斧頭扒來到，嘩！真係好大塊😆，侍應悉心介紹怎樣切，真係好服侍周到。 我們叫了五乘熟，切開有點粉嫩，唔錯。再點下廚師配上既牛油，有香草味好香呀！再食吓薯條，真的很脆，十分好食。餐廳外面有公園，又有啲康樂設施，仲要有單車徑添，餐廳內外環境都唔錯，下次可以再來😋

今日全日都好黑仔，本身都預左今日入屯門玩，就順便決定食好西下下火😤我地沿住屯門河去左弦海個邊食啲有落地玻璃既Cafe，揀左間犇道，叫左佢個澳洲M5頂級斧頭扒套餐，$1388有斧頭扒+兩杯啤酒斧頭扒我地叫左五成熟，我覺得斧頭扒最抵食既位就係屋企整唔到，除非有勁大既焗爐，不然咁大塊扒都好難做到全塊熟得黎又唔會外面太熟既狀況。塊扒好快就上左，真係勁大塊，長到手臂咁長！Waiter仲有教我地點切塊扒，要沿住骨位切落去。本身聞落去成塊都好香，個面啲牛油仲慢慢溶緊。一切開塊扒係粉嫩色既，食落口油脂極重極香，而且煮得好好，啲邊位就算熟啲（一定既事），個差別都係好少，真係做到5成熟。啲薯條係幼薯條，全部都好爽脆，無話太油太冧。下面啲蔬菜都吸晒啲牛油脂，食落口又係好香！而杯Stella 就好大杯，食完我同男朋友都飲唔晒😂 飲完仲有少少wing 😂😂啤酒配大啖肉就真係好啱下火👀

犇道以前在龍門居是間小店，最初做慢煮肉類餐廳時，已有光顧；因疫情轉型做外賣便當和零售凍肉，還可儲印花，換小食，光顧得更多；後來搬了新店在弦海，就沒再去了。今晚終於約到食肉獸，一起來回味這裡的慢煮牛肉吧！店舖大了很多，變成了有異國風情的西餐廳。座位寬闊舒適，而且落地玻璃向著屯門河，又有單車徑和公園，環境挺漂亮的。見到有啤酒分享盤，一款主菜配兩杯生啤或無酒精飲品。食肉獸二話不說，就點了澳洲M5頂級斧頭扒配薯條$1388，太豪邁了吧？好，一於奉陪！一杯飲品轉特飲'日出之秋'，名字很吸引，其實是荔枝茶，飲品的頂部有深橙色浮面，向下漸漸變淡，就像日出暈染的光芒，很漂亮！加上荔枝肉清甜爽口，味道很不錯！消暑解渴。啤酒點了Stella Artois，有紅肉﹑有啤酒和薯條，絕配！認識的大部分女士，都喜歡喝Stella的清香麥味，這個啤酒分享盤配搭得真好。主角澳洲M5斧頭扒，份量很澎湃！像個小球拍般大，厚度有一吋多，還有炸薯條﹑燒茄子﹑南瓜﹑青瓜﹑蘆筍﹑車厘茄等配菜，如果胃口細的話，真的可以三至四人共享。不過有食肉獸在，絕對會豪邁地吃光它！點了七成熟，接近全熟的了，因為慢煮過，仍然很有肉汁，不會覺得乾身

今晚又係唔煮飯嘅日子🤣兩條友求其食啲嘢❣️入正題❣️龍蝦🦞湯➕多士❣️龍蝦湯好正好濃味❣️橄欖油多士再加啲蕃茄仔食落好開胃👍🏻廚師發辨牛扒薯菜➕水蜜桃🍑香橙🍊梳打$268我哋叫咗5成熟😊好有牛味又厚又大件而且好嫰口❣️牛扒下邊仲有茄子🍆翠玉瓜🥒紅蘿蔔🥕蘆筍❣️薯條係即炸仲係熱辣辣的❣️水蜜桃香燈呢個組合好啱夏天飲❣️酸酸甜甜👍🏻北海道帶子墨魚汁忌廉扁意粉➕檸檬接骨木特飲$188有驚喜💓墨魚汁好濃呀🤤仲要好多料😬有大量菇菇同大大粒嘅帶子仲有魚子🤤魚子每啖都爆汁🤣唔腥好新鮮❣️檸檬接骨木個味道好特別🤔聞落去有啲似香薰味但唔難飲🤣

原來舊店搬左去弦海，新店主打牛扒主題 x 日式咖啡店😍 店舖正正係單車徑旁，店內牆身仲掛左架靚靚單車🚲 環境又舒服又夠chill😌每個Dinner set都包括精選頭盤沙律、是日餐湯、飲品🍹 頭盤係蕃茄莎莎配意大利黑醋+法包，酸酸甜甜十分醒胃🤤 餐湯係周打蜆湯，超級足料，蜆肉、蝦、雞肉係佔左成碗湯既一半…飲完飽左三分一😂北海道帶子墨魚汁忌廉扁意粉 $188雖然會食到個咀黑曬🌚 但咁好食無所謂啦!! 沾滿墨魚汁既扁意粉軟硬適中，仲有三隻又大又厚肉既北海道帶子，鮮味十足💯 好怕食到啲杰撻撻既墨魚汁意粉，@chef_ben_hk 既出品完全無依個問題，creamy得黎唔會好滯👍A5宮崎和牛漢堡包 配即炸脆薯條 $168依個burger真係超高質😍 果然係A5宮崎和牛漢堡，又juicy又鮮甜，肉汁充滿牛肉香味🤤 配上洋蔥圈、煙肉、粟米脆片、生菜絲，超足料👍 不得不提炸薯條勁好食...外脆內軟，仲有得refill仼你食🫶🏼

最近知道屋企附近嘅餐廳犇道出左斧頭扒餐，都想試斧頭扒好耐，於是心郁郁係book左個斧頭扒試下，犇道最正既係河邊靚景，加埋小小黃昏日落既感覺一流，而happy hour 飲啤酒仲要買2送1。𝐎𝐫𝐝𝐞𝐫:-⧐澳洲M5頂級斧頭扒配脆薯條⧐stella啤酒M5斧頭扒我預先打電話訂定先，因為驚去到先叫會無得食，一去到坐底，餐廳就即時整啦，斧頭扒係牛既肋骨位置，係連骨肉眼扒黎嘅，英文名Tomahawk Steak，係美式牛扒切割方法，將牛肋部位切成斧頭形狀，一隻牛大概只有14塊。等左大概都接近20分鐘左右就到，雖然要等，不過唔緊要，因為咁先代表即整，新鮮架嘛，店員都細心話左比我地聽要點切，同埋食邊到先會好啲，唔講真係唔知，我仲諗住隨便切幾下。叫左5成熟，不得不說，味道好好，牛味好重，牛肉好味唔洗加咩醬，就加蘸小小鹽或者黑胡椒就已經好出味，前面牛油脂味比較濃，骨位就牛味比較重，加埋兩杯酒咁就食咗兩個鐘，本身想叫Ribs食，可惜店員話下午已經賣哂( ･᷄ὢ･᷅ )，睇嚟好多人都好識食。—————————————📝評分味道 ⁵/ ⁵環境 ⁵/ ⁵服務 ⁴/ ⁵衛生 ⁴/ ⁵抵食 ⁵/⁵———————————

五周年紀念 當然要同老公慶祝一番💕💕屋企附近這間犇省睇落幾有情調一於book定位裝修好時尚 店舖擺設令人好舒服有格調😎😎店員服務仲係酒店級👍👍非常主動 仲係我哋推介 澳洲M5頂級斧頭扒配脆薯條 跟埋三杯500 ml 生啤 ＄1388 （3-4人份）但我兩個都係牛魔王，所以好有信心🤣🤣落單到上枱大概20分鐘左右，即叫即燒絕對理解😌😌店員好細心即刻攞兩杯冰凍嘅Stella俾我哋傾住計先🥳🥳上枱會心微笑一下，斧頭扒就係呢個感覺啦🤭🤭超級巨型，厚肉完全冇血水！內裏係粉紅粉紅，牛味超級濃郁，不愧為澳洲M五頂級👍👍配上自家醬汁我就喜歡點黃芥末由頭食到落尾肉質依然保持嫩滑 有牛味，而且非常Juice！真係一分錢一分貨！值得一讚廚師火候拿捏得非常好👍外皮焦香，加上少少油脂，口感更加提升仲有唔同嘅燒蔬菜🥬食得少少油膩就配上一口蔬菜，解膩之餘健康啲呀嘛😌😌薯條唔錯，即叫即炸非常脆☺️☺️美酒配佳餚加上情調氣氛，服務真係非常好好開心搵到一間值得book mak嘅餐廳🍴

經過見到有間唔錯嘅CAFE, 行埋去望落室內裝修都好舒服.  搵吓資料知道呢間小店嘅牛扒評價幾好, 所以就襯下午茶時段嚟試一試先.今日下午茶時段嚟到, 都仲可以簡LUNCH MENU入面嘅嘢.  一心想試牛扒, 所以就簡咗1份"是日廚師發辦牛扒配薯菜" .牛扒份量唔會太細，肉味濃郁而且煎得亦唔會過火.  配菜炸薯條熱辣辣, 而且呢度仲可以免費Refill; 不過我諗住試佢嘅蛋糕所以就無添食啦. 追加咗件桃味焗餅(Daily House Cake), 不過蛋糕部份就有待改進; 餡嘅味道一般而且餅底偏濕. 整體食物有水準, 下次會再嚟試吓唔同嘅食物.