犇道 Chef Ben- Cafe & Steak Bar (弦海) (已結業)

今日上咗屯門朋友屋企，再一齊去附近嘅犇道食晏。我哋叫咗蟹肉通卷粉、番茄牛膝飯同黑松露薯條🍟。蟹肉意粉好食😋，蟹肉份量都幾多，新鮮香甜，通卷粉煙煙韌韌，頗有嚼勁。番茄牛膝飯都好食🤤，牛膝肉好嫩滑軟淋，番茄汁香濃惹味。略嫌飯煮得淋咗少少。薯條份量好多，佢哋用幼薯條，炸得好香脆，黑松露醬味道濃郁，略嫌欠缺薯仔味。火山咖啡令人有少少失望，味道比較淡，無乜咖啡香味。特別鍾意餐廳環境開揚闊落，樓底高，自然採光令人舒適，悠然自得地享受一個中午。