牛陣HANARE Platinum Label

營業中

休息中

Shabu shabu鹿兒島產黑毛和牛餐 $189前菜：豆腐、鮟鱇魚肝、芥末響螺豆腐質地幼滑，入口即化；鮟鱇魚肝鹹香適中，好少見前菜有得食🙈芥末響螺用微辛嘅芥末提味，既保留左響螺嘅鮮甜，又多了一層刺激感，好開胃🤩湯底：極黃金鰹魚湯湯底清澈純淨，鰹魚嘅鮮甜融入湯中，更加能夠將黑毛和牛嘅油香發揮出嚟😍鹿兒島產黑毛和牛牛肉嘅油脂分佈均勻，肉質柔嫩，有牛味！🤤搭配鰹魚湯幾好。三大塊和牛，都夠飽肚 （雖然梗係會想食多啲😆😆）野菜盛合大概有九種蔬菜，每一款都好新鮮，搭配鰹魚湯時，野菜嘅清香更添層次感🫰柑桔檸檬梳打酸甜清爽，可以解膩，唔錯😋是整頓餐的一個完美結尾。這款飲品不僅清新解膩，還有一種提神的效果，令人感覺神清氣爽。壽喜燒日本國產牛餐 $169諗住一個貴啲，另一個就嗌平啲啦。雖然話價錢低啲，但一樣有質素！前菜同上一個餐一樣，所以唔多講。前菜：豆腐、鮟鱇魚肝、芥末響螺壽喜燒日本國產牛壽喜燒的醬汁調配得當，鹹甜平衡（對比shabu shabu湯底一定係甜啲，但適中👍🏻），濃郁但唔覺得膩。國產牛肉質紮實且富有嚼勁，份量都唔少🤤巨峰提子梳打有提子嘅香氣，甜度恰到好處，夠清爽😋芝麻雪糕一嚟可以用枱面嘅Q

呢一間係行牛陣嘅高級路線，所以食材都會更加優質。餐廳主打和牛壽喜燒，而且佢嘅午市套餐仲有埋前菜同埋無限嘅雪糕，真係好吸引。❤️鹿兒島縣產 黑毛和牛 壽喜燒 hkd 189真係好驚喜！因為呢個和牛雪花比例真係超好！佢唔會太肥，但係口感食落去都係好滑㗎 ！加埋生蛋真係冇得輸！呢個質素完全性價比高啊！必叫！❤️ 本日推薦海鲜涮涮鍋配'極”黃金鰹魚湯底 hkd 199海鮮有大蝦、魚片同埋大粒嘅生蠔，食材都好新鮮！同鰹魚湯底好夾！而且我欣賞個大蝦冇蝦腸🤣食得放心~配埋三款前菜、野菜成盒、烏冬，成個套餐已經好夠飽同埋好豐富！雪糕嘅口味今次係芝麻味，其實雪糕係可以任食，但係實在太飽，所以同朋友一齊分享咗個雪糕，芝麻味香濃！加埋環境都好舒服，朋友都話會再嚟！💁🏼‍♀️服務：有加一，職員好樂意為你服務🏡環境：光線充足，非常寬敞

係銅鑼灣牛陣HARARE食lunch就可以以最抵價錢食到來自鹿兒島縣的黑毛和牛壽喜燒或牛涮鍋，佢地既lunch set有埋本日前菜、野菜盛合、飯/烏冬、飲品，相當夠食，如果大食啲既亦都有放題，豐儉由人喇😝我地就要左一個壽喜燒(鹿兒島縣黑毛和牛)🐮一個牛涮鍋(日本国產牛&北海道夢之大地豚)🐮🐷share食。鹿兒島縣黑毛和牛真係無得輸，油脂分布平均，又大片，點一點生雞蛋食，口感更滑，雞蛋用左日本空運蘭王蛋，可以安心食用😋牛涮鍋有日本國產牛同豚肉，牛無咁多脂肪，但口感唔錯👍🏻湯底要左期間限定的香醇赤味噌湯底，有舊牛油🧈一滾就溶晒，湯底勁香，蔬菜🥬好入味好好食，好推薦！最後仲可以享用任食的雪糕🍦是日口味係黑芝麻🤣所以係一定夠晒飽😛🔸鹿兒島縣黑毛和牛🔸日本国產牛&北海道夢之大地豚📍#牛陣HANARE Platinum Label (#銅鑼灣美食)#銅鑼灣 告士打道280號世貿中心11樓1102號舖

Lunchtime 過嚟食，同朋友食，得一個鐘頭食飯時間，所以分別嗌咗一個打邊爐同埋壽喜燒set，牛嘅份量啱啱好，海鮮大大份，性價比超高，雪糕仲可以無限添加😋😋下次會再嚟

牛陣HANARE - 午市壽喜燒御膳 今日介紹一間位於銅鑼灣區嘅日式放題火鍋店，就係牛陣2023年於銅鑼灣世貿中心開設高級副線「牛陣はなれ Platinum Label」，主打黑毛和牛嘅壽喜燒御膳。採用日本嘅黑毛和牛同埋北海道夢之大地嘅豚肉。午市壽喜燒御膳 - 鹿兒島黑毛和牛 $189香甜嘅壽喜燒醬汁配上油脂豐盈大理石紋理嘅鹿兒島黑毛和牛，再配埋蛋汁，加一口白飯，經典既食法。午市涮涮鍋套餐 - 日本國產牛 $169總共有五款湯底選擇，分別係鰹魚、蕃茄、壽喜燒、喇沙同埋味噌，我哋就揀咗「極」黃金鰹魚湯底，簡簡單單清清地嘅湯底更加能反映牛肉嘅鮮味，日本國產牛油脂，雖然冇鹿兒島黑毛和牛咁勁，但係咁樣反而用嚟打邊爐就啱晒！套餐重包括前菜、野菜盛合、主食、飲品同任食雪糕。地點：銅鑼灣告士打道280號wwwtc世界貿易中心11樓L11-02號

屋企人話未試過食壽喜燒，而佢哋又比較鐘意食放題，喺openrice搵咗一排，發覺好似得牛陣はなれGyujin Hanare Platinum Label有比較高質牛肉嘅壽喜燒任食冇限時間，所以就去book 位試試。店內環境舒適，十一月主打係仙台牛，想屋企人食好d，所以都叫咗最貴嘅choice比佢哋試😚牛牛嚟到，店員會耐心介紹牛嘅品種、食壽喜燒嘅建議方法。喺個鍋度加d洋蔥、油脂、自家壽喜燒汁，然後就放一塊仙台牛入去，見到開始變色，就將佢放入日本生蛋之中…啟動!!!😛 有牛脂嘅牛特別香嫩，如果每個人平均食返3-4碟，又不停叫sapporo beer/ sake，其實已經值回票價，不過因為壽喜燒個汁係自家製，所以糖度冇得調校，食多幾轉其實會好”膩”😆下次想吓試松本牛、飛驒牛🥹

📍牛陣HANARE Platinum Label 🔍銅鑼灣告士打道280號世貿中心11樓1102號舖-----星期六放假同朋友嚟咗呢一間喺世貿新開唔係好耐嘅牛陣高級副線食Lunch。餐廳環境行Muji簡約日風，加上柔和背景音樂，整個氣氛同平時嘅牛陣都不太一樣，高級版係休閒feel，普通版係熱鬧feel。午餐時段有壽喜燒或者涮涮鍋，我哋揀咗各一來試試。涮涮鍋湯底有五款選擇，其中兩款係期間限定嘅，我地試嘅香醇赤味味噌湯底帶微微辣香，提味但不過嗆。涮涮鍋主食方面，可以選擇北海道夢之大地豚、日本國產牛鹿兒島黑毛和牛或者當日海鮮等。而午市壽喜燒御膳就有國產牛或者鹿兒島黑毛和牛，如果唔想食牛，餐廳亦可幫忙轉做豚肉，幾貼心。.無論係涮涮鍋定係壽喜燒御膳，套餐裏面都包括有前菜、野菜盛盒飯或烏冬飲品同埋甜品而甜品方面雪糕係可以無限添加嘅雪糕。定位同普通牛陣唔到，肉質亦都真係食到明顯差別，北海道夢之大地豚肉質軟嫩，肉味非常濃郁；而海鮮亦質素上乘，大蝦緊實彈牙，蠔肉肥美大隻。而蔬菜拼盤都係日本蔬菜，味道分外鮮甜。如果覺得唔夠食嘅話可以掃Qrcode追加，而追加嘅價錢比想象中驚喜，例如夢之大地豚只需要$29就

牛陣喺銅鑼灣開咗較高檔次嘅「牛陣HANARE Platinum Label」，主打high-end舒適嘅Shabu Shabu享受，而且仲有大熱嘅sukiyaki壽喜燒！今次同老公二人撐枱腳，一於兩樣都要試一試～落咗Order首先端來前菜，擺盤好精美，配合日系裝修嘅環境真係食得特別舒服老公嗌嘅黑毛和牛shabu shabu 首先上菜～ 有蔬菜盒同烏冬，其實定食份量都幾多！到我嘅壽喜燒～ 一向很喜歡國產牛牛味濃，配上帶甜味嘅壽喜燒汁燒真係好好味！壽喜燒都一樣有一盤菜～最後以芝麻雪糕作結～ 大滿足！

Lunch Time都要食好啲! 人氣日式火鍋放題餐廳「牛陣」係銅鑼灣世貿中心有間高級副線「牛陣はなれ Platinum Label」，餐廳主打日本黑毛和牛壽喜燒等和式精品🥘最近佢地推出午市套餐，價錢$129起，星期一至日都有得食，套餐包括前菜、涮涮鍋/壽喜燒、肉類、旬之野菜盛合、飯/烏冬、飲品，更可以任食雪糕😋大滿足今次叫左一個午市壽喜燒御膳 & 午市涮涮鍋套餐 壽喜燒- 鹿兒島黑毛和牛 $189 壽喜燒醬汁帶甜味，黑毛和牛帶雪花紋肥瘦比例剛剛好，口感軟諗帶肉香，配上雞蛋一齊食大滿足之後再落埋冬菇、白菇等野菜香甜滋味，下飯一流午市涮涮鍋 $169有5款湯底選擇，今次揀左期間限定的新加坡風味叻沙湯底，味道帶濃郁椰香辣味，肉就揀左日本國產牛，油脂感會冇黑毛和牛咁重，肉味香濃，值得一試

平時食壽喜燒或者邊爐都食得多，不過大部份都係限時一個鐘或者個半鐘就要走，同男朋友見到呢到可以由十二點坐到三點，諗住唔好食得咁趕急就過嚟試一試。我哋唔係嗌放題，不過雪糕可以任食，今次係黑芝麻雪糕，味道都相當濃郁，絕對唔敷衍。‣ 壽喜燒黑毛和牛餐 $189壽喜燒會包一隻蛋，而蛋漿相當濃郁，將啲黑毛牛浸落去再咬嗰陣個口感滑溜到不得了，相當香嘅牛味。而套餐亦會跟一個前菜，我最鍾意就係豆腐，食落去相當舒服。而主菜我就揀咗烏冬，佢嘅烏冬相當煙靭，搭配壽喜燒汁真係冇得彈。每份套餐都會包一杯嘢飲，我就嗌咗荔枝紅茶，茶係我解膩用嘅好幫手。‣ 日本國產牛餐 $169同壽喜燒唔一樣，呢個套餐就會附上醬汁。國產牛嘅油花都幾均勻，食落去都幾舒服。唔使你跑嚟跑去，會有專人拎過嚟俾你調完自己鍾意嘅醬汁再拎開佢。同樣都係跟一份前菜，蔬菜就同壽喜燒套餐冇分別，都係有嗰啲常客：冬菇、豆腐、唐生菜等等。男朋友就嗌咗巨峰提子梳打，佢都係鍾意氣泡攻上嚟嘅感覺。

hanare @ 銅鑼灣天氣涼左最啱打下邊爐…今次再訪因為呢度既lunch百幾蚊就有交易…而家食物質素好好…呢個價錢絕對超值開飯…前菜有類似豆腐物體…昆布包住魚乾仔同薯仔沙律(入面好似有貝類裙邊同海鮮粒)…覺得個沙律好好味牛肉分別點左国產和牛配壽喜燒同鹿兒島和牛配赤味噌。外貌協會既我就覺得鹿兒島牛肉靚仔d…不過…國產牛個樣就有實力。內涵就要試過先…國產牛肉因為油脂比較少…肉質比較有嚼頭…但牛肉味道。覺得配甜甜地既壽喜燒比較夾…呢道個壽喜燒調得唔錯…唔會甜耶耶…鹿兒島和牛牛肉油花比較多…肉質都比較鬆化同油香重…入口就滑好多。赤味噌個湯好濃稠…味道唔錯…不過就會冚左牛肉味道…下次都會點番之前試過既鰹魚湯牛肉質素大家各有千秋…油香或者牛肉味適隨尊便除左牛肉…兩個餐都跟左好靚好新鮮既蔬菜…豆腐…擺盤仲幾靚添。食完所有野仲有個烏冬做結尾…大滿足。呀！個餐仲包左野飲同雪糕任食🤩🤩🤩呢度都有放題可以選擇…如果你自問好擦得…不以挑戰下#相機先食 #cameraeatfirst #foodporn #foodlover #yum #eating #instagood #foodgram #foods #

今天午餐來到牛陣的頂流品牌Hanare牛肉選用了高檔次的鹿兒島黑毛和牛我點了壽喜燒套餐包前菜飲品和甜品前菜有三款中以鮟康魚肝最美味壽喜燒汁清爽帶甜味非常美味鹿兒島黑毛和牛紋理靚仔有牛味什錦蔬菜和豆腐多樣化富非常友人點了涮涮鍋選了極鰹魚湯底清晰湯底鮮美最能突出食材真味兩款肉品有日本國產牛和北海大地豚國產牛牛味特濃豚肉則柔軟順口配以烏冬食用最正宗適合不過了最後甜品有芝麻雪糕作完美結局涮涮鍋套餐更有雪糕無限制添加雖然是高檔品牌但價錢相對宜人下次用餐會再來試試他們的放套餐

首先想講清楚，呢度唔係佢講嘅"無限時"任食。佢9點幾已經last order，晏晝亦有落場時間，絕對唔係旺角嗰間真無限時。我同朋友分別開舖無耐黎過三次，最近嗰次係我九月黎過。兩個都覺得好正，啲牛又香又滑真和牛質素，所以近排轉凍就約埋黎。黎到發現餐牌轉咗，開始心知不妙。叫咗600幾嗰個。啲牛完全唔係之前嗰啲貨式，家下唔香唔滑無牛味兼韌... 極度失望！又少一間香港餐廳可以食！佢其他嘢係keep 到嘅。天婦羅啲漿好薄，炸得好。蕃薯好甜。魚生好新鮮，甚至新鮮過部分酒店自助餐。甜品都好食，係個芝蔴雪糕比較鞋。服務都ok 嘅。啲staff 好有禮貌，但冇主動換鍋。燶曬要叫先換。總結：呢個貴價主要黎食牛，啲牛唔掂，冇可能會返黎。

壽喜燒御膳鹿兒島縣產 黑毛和牛和牛雪花均勻，入口即化。有配埋生雞蛋沾。涮涮鍋日本国産牛＆北海道夢之大地豚國產牛油脂係周邊，雖然冇和牛咁腍，但牛味好香濃 大地豚肉質鮮嫩，脂肪分布均勻，口感滑嫩，豬味濃郁。赤味噌湯底聞落好似拉麵湯底咁，食落唔會好咸，係好香濃嘅味噌味前菜有：鮟鱇魚肝/昆布卷/馬刀貝豆腐沙律2個餐都包左蔬菜，索晒啲湯汁好好食可以揀飯或者烏冬，我地要左各一份，烏冬吸晒湯汁好正。最後仲有任食雪糕，今日係焙茶味，茶味濃得黎仲有少少奶香味。蘋果汁 柑橘檸檬梳打環境舒適優美，午市可以食到3:00 。

今日天氣寒冷，我和朋友在銅鑼灣想吃日式熱食，最後揀咗呢間，主要見佢午餐無限時，可以食到下午三點餐廳落場時間。裝修主要以現代日式風格為主，簡約時尚。我和朋友各點了一個午餐，午餐包咗前菜、野菜盛盒、烏冬或白飯、飲品及甜品。前菜有章魚沙律、昆布鯖魚卷及魚湯豆腐；章魚沙律章魚粒粒爽口，昆布鯖魚卷比較少見，近似日式做法，魚湯豆腐夠滑。鹿兒島產黑毛和牛配’極‘黃金鰹魚湯底 $189鰹魚湯呈金黃色，清甜得來好有魚香味，將大大塊的黑毛和牛放入湯內，和牛雪花分布均勻，入口牛味香濃，鰹魚湯底唔會搶咗牛嘅味道，反而提升咗整體嘅鮮味。配上日本米飯🍚，飽飽滿足。壽喜燒日本國產牛配烏冬 $169店員會幫我哋先放壽喜燒汁入鍋內，壽喜燒明顯鮮甜味道突出。雖然係國產牛，但佢嘅雪花紋亦不少，入口油脂飽滿，夾埋壽喜燒汁食啖啖都係享受。另外，烏冬亦煙靭有咬口，食完成個人暖笠笠。飲品：荔枝紅茶及檸檬紅茶兩款飲品均沒有加冰，飲到香濃嘅紅茶味，荔枝及檸檬香最啱食完熱食中和一下。甜品：焙茶味雪糕放題，食到有茶香，唔會太甜。總括而言，環境寬敞開陽，店員有禮，食物質素唔錯。