魚蝦蟹 @ 中環 唔係過年先有魚蝦蟹既… 標榜用海鮮材料淆好耐既湯底…無味精…推薦一飲到底。呢個slogan吸引左好鍾意飲湯既我入黎吔個晏仔 呢度午餐都幾多選擇…全部食材都以海鮮為主。有湯又有無湯 我地點左特大海蝦配招牌鮮濃蝦湯同咖哩蟹肉撈麵…同加左錢升下cup 特大海蝦果然無呃人…隻蝦好大隻🤩🤩。 概然講到個湯咁正…當然要飲頭啖湯…夠熱👍🏻…有海鮮既鮮甜味…果然足料…好啱鍾意清清地既你。如果你想再濃味dd…老闆建議加入佢地既調製韓式辣醬同蒜蓉…加左撈混佢又另一種風味。建議試左老闆既心意先再加調味。 講番碗米線先。蝦肉實淨爽口…靚野黎。驚喜係多左舊魚…幾嫩滑…落單時老闆建議轉米線底…話同個湯夾d又真係幾好…雖然唔知麵會唔會更啱…當然信專業。米線好滑…不過我就覺得腍dd… 咖哩蟹肉撈麵都幾多蟹肉…夠慷慨…日式咖哩做得唔錯…可以食到薯仔煮到同咖哩汁融為一體。所以比較濃稠dd。呢個麵質好煙韌…撈咖哩汁唔錯。 配菜既蕃茄漬物做得甜酸度適中好開胃 小食既煎餃子就不過不失 燒賣配特濃蝦汁…賣想變成章魚小燒賣咁 老闆好健談…講左做餐廳理念…同好緊張客人意見…同埋分享左現時經營環境既困難等等。 老闆推介左一個韓式泡菜蝦意粉…由於工序多…會夜晚先提供…有機會會再黎試下你既推介 要支技下香港小店

點解呢個名感覺好熟口熟面咁🤔🤔 工廠區茶記…晚上8點幾已經靜鷹鷹。門口望下餐牌…見幾多選擇就膽粗粗試下 呢度有一般茶記既食物外…連拉麵鐵板餐都有。不過…都係點番d穩陣d既野安全 三眼仔蔥油雞扒飯 呢個幾正…三隻蛋是基本(早排見到有6隻蛋飯🤣🤣)…如果有燶邊就perfect。雞扒都幾大塊…皮煎得幾脆…肉質都幾 juicy。要讚下個蔥油豉油…調得幾好味…撈飯一流 滑蛋煎豬扒飯 個滑蛋整得唔錯…豬扒都幾juicy 見到加$12有小食就唔客氣加多個串燒…炸雞翼同咖哩角 雞肉串燒 即叫即燒…雞肉都幾嫩…少少沙嗲唔錯 咖哩角 就不過不失啦 炸雞翼 野食算係唔錯…有下次既茶記…

今次同朋友再訪尖沙咀牛品打邊爐。因為之前黎過感覺好好…地點方便…坐得舒服… 朋友唔食得辣…所以今次試咗佢地既蕃茄濃湯底。好香濃蕃茄味…未開波已經飲左兩碗湯🤣🤣 牛肉保持水準…肉質嫩滑又夠肉味。 自助區今次見到有油炸鬼…又唔錯…因為好索湯…配蕃茄湯啱哂。呢度菜既種類好多…最驚喜見到有紫羽衣高纖維菜… 呢度最正仲有王子麵…尾聲時整個牛肉加丸丸麵…再去食碗芋圓就完美結局 整體嚟講…黎牛品打邊爐印象非常好…食材新鮮…湯底選擇豐富…自助/飲品區好多款式。最正係甜品仲有台式芋圓DIY。加上服務好細心。 如果大家想食台式火鍋，呢間店絕對係一個好選擇。

今日上環整野…所以上定網搵下食乜。見到呢間日本餐唔錯 一入黎見到呢度裝修都幾西化…一d都唔似日本餐廳。不過裝修幾靚 今日我地試個brunch menu… 坐低左…店員好細心介紹下個brunch玩法。包左頭盤…任叫既壽司刺身🤩🤩…主菜同甜品。我地額外加左classic free flow 枝豆 呢味野就好少會甩拖既…開下個胃先 波菜 成棵菜棟起身既擺盤好靚…上面有少少芥末籽調下味再配埋日式麻醬就好好味。 蝦 蝦身好爽脆扎實…點醬油食唔錯 牛肉 外面火炙過…入面仲pink…肉質好嫩滑…配個酸醋汁加小辣椒好惹味 刺身/壽司 刺都主要係三文魚…赤身同油甘魚…壽司同卷物都以呢三種魚做材料…魚好新鮮…我地都encore左兩round🤣🤣🤣。重點係每一round都保持水準 主菜 chicken teriyaki 串燒熱辣辣…雞肉燒得好嫩…配上teriyaki燒汁唔錯…最緊要個汁唔會太濃稠同甜…唔錯 天婦羅 有蝦同幾款蔬菜…麵衣夠薄又脆。蝦好新鮮…好味 甜品就有我最愛既cream brùleē…上面有紅豆點綴下仲有塊芝麻餅… 另一個就生果雪芭…酸酸maymay可以平衡下 酒類就試左杯okiru volka底好香濃荔枝味既soda…幾好飲…仲試左兩款sake…比較甜口好啱我 呢度氣氛好熱鬧…有機會可以夜晚黎…氣氛應該更好…好啱一班朋友黎 食物質素好好…服務非常貼心…推介

呢排成日係H Zentre附近浦…成日都經過呢間拉麵店…見到生意唔錯…好鍾意睇到煮拉麵位出煙既畫面。上網check下原來係有星過江龍拉麵店。 呢度環境都幾舒服…樓底高…唔會有焗促感覺。裝修都幾型格。 望下餐牌…選擇唔會太花多眼亂…good 店員強列推介期間限定既牡犡白湯拉麵 我地點左都幾多野食…因為驚無飯氣加多碗飯🐽 牡犡白湯拉麵 湯底用新鮮牡犡熬製而成。飲一啖好濃厚既牡犡鮮甜味…湯汁厚身好掛麵。配左一隻醬漬牡犡…慢煮叉燒(好軟腍)…火箭菜回甘同個湯好夾。要讚下個湯好夠熱… 豚骨辛拉麵 湯底有濃郁豚骨味道…加入辛辣好惹味…豚肉帶少肥…入口好鬆化 呢度用左比較細既麵條…麵質幾滑身帶少少爽口…唔錯 豚肉餃子 呢個正常發揮 一口芝士脆豚 呢個麵衣好薄薄一層…一咬開d耮芝士即刻流出黎…食時記得小心焫襯 鳥皮烏賊揚 呢個好好味…雞皮加墨魚就是好味…外皮脆…墨魚滑彈牙有墨魚香味 燒豚肉叉燒飯 隊完個麵有d唔夠喉…點多個飯先。呢個有齊炙過同慢煮既肉…都唔錯 夾著日本過江龍…服務都好細心…加埋呢個食物質素…價錢好合理。

上次紅磡開飯…走時遇到川味香。行去昅下d野食都幾有東北燒烤feel…價錢又係好親民嗰隻…今次就過黎試下 狀態麻麻就點少少野食下…全部要左中辣…一聽到就夠哂惹味…一路食一路抹汗…因為呢晚幾熱下 娃娃菜 燒到菜啱啱microsoft…菜本身好甜…加埋辣就好好味 魚腐外脆肉軟 豆卜 燒到脆卜卜就是好味 司華力腸 呢樣野就無乜難度既…重點用既腸好脆口🤩🤩 雞皮…雞軟骨…燒饅頭都正常發揮 雞翼 皮脆肉嫩 燒茄子 燒得夠火喉…一夾就離皮 每樣野都燒得唔錯…夠地道…價錢唔貴…今晚仲可以偷聽隔離檯講故仔…差d聽到唔捨得走。無計…有人客黎就 …唯有自動起身留俾下一批聽眾🤣🤣🤣

梵日本鳥燒 @ 尖沙咀 同大家介紹下呢間係厚福街盡頭H8 22/f既串燒店。有靚景野食又好味 上到黎就見到大bar檯同串燒爐…仲有個尖沙咀靚夜景。 店員細心問想坐窗邊定坐爐前…bakbak畏高就揀左坐師父前面…雖然暖少少但可以欣賞師父表演 店員話呢度7pm前有happy hour beru $100任飲…而家630…飲兩杯都返本有凸…飲杯🍻🍻 我地都點左幾多野食…有d野點一串share就可以試多幾樣 雞翼 好鍾意日式燒法…可以輕易摵走兩條骨先食。皮脆肉嫩…少少鹽就已經好好味 雞髀肉 雞髀肉就有咬口…雞皮微焦 柚子醬雞胸肉 店員細心提下雞胸會做到medium…黎到見到少少pink…不過配埋個柚子醬好味…雞肉好嫩滑 雞皮同雞patpat大家鍾唔鍾意…我就好鍾啦。呢度既皮燒到外面脆但唔會好乾 雞腎 正常發揮 雞肝 店員都會細心介紹呢度雞肝都會比較生保持個嫩滑質感…但客人可以要求熟d既。我地就當然跟廚師啦…出到黎外面微焦…入面仲好粉嫩😍😍😍。好味 雞胸軟骨 我好鍾意食雞軟骨…一粒粒既或者雞膽位都啱。呢到提供既係雞胸位仲跟左少少肉。好味 免治雞肉棒+豚肉溏心蛋 呢個要突登放埋一齊…點解？因為店員衷心推介要點雞肉棒同燒溏心蛋。因為同時間上的話可以食住半邊溏心蛋…之後雞肉棒就點流出黎既蛋黃…看圖識do 和牛沙朗 好香牛肉味同油香…好鬆化又不失口感 牛肉野菜 呢個牛肉牛味濃有質感…蔬菜燒得剛剛好 銀杏…蒜頭 都唔錯 燒牛油果配cream cheese 呢個味道唔錯…唯一係牛油果比較生dd…未夠creamy 除左日藉師父外…呢度其中一位男店員原來都係師父級…點知道？因為咁啱佢有粉絲探佢…佢就即刻變身師父…見佢燒野功架都好勁… 呢度有好服務…靚景…食物質素唔錯…最緊要價錢好合理…

喜來稀肉都算係韓風燒肉店既始祖…最出名當然係佢地既鐵板上面放上蛋漿 安排左係窗邊位…可以有夜晚旺角街景睇下 呢度個自助區有泡菜、醃蘿蔔、青瓜、涼拌小菜等多款韓式前菜，還有生菜和醬料可以自由選擇。我個人很喜歡這裡的泡菜，味道酸辣爽脆，非常開胃。 店裡提供兩種蛋漿，一種是原味，一種是芝士味。我個人比較喜歡芝士味蛋漿，香濃的芝士味和烤肉搭配在一起非常美味。最鍾意d蛋漿微焦。仲有可以放d蒜係鐵板上配肉一齊食。 我地點左牛五花…厚切五腩…雪花牛同護心肉…牛肉石鍋飯同水冷麵 牛五花燒起來非常香。五花腩厚切最正…燒到微焦配麻油加鹽就最好味。兩款牛肉味濃…肉質好嫩 牛肉石鍋飯…石鍋夠熱做到有飯焦效果，拌上醬汁和牛肉一起好好味。 水冷麵麵條好Q彈，湯頭酸甜非常清爽 酗讚下抽氣做得不錯，吃燒肉的時候不會覺得好大煙。門口仲有噴噴辟下味…細心。 仲有就係呢度提供韓國常見的水樽，好有韓國的感覺。 整體係一間值得推薦的韓國燒肉店。肉質新鮮…服務周到…環境舒適…價格合理。

酒屋一杯喜 @ 天后 朋友帶我去chill下…因為要睇戲所以book左早d食…食完慢慢行返去CWB睇Dune 2 呢度環境唔錯…位置寬敞…燈光設計好舒服 店員好細心推介食物…介紹得都唔錯喎 白松露薯仔沙律 薯仔沙律本身就好鍾意食…加入白松露有種淡淡香味唔錯 剌身每一款都好新鮮…象拔放係檸檬片上食時帶d檸檬香味唔錯…鮮甜又爽口。牡丹蝦好大隻又多膏…肉質好軟糯。牙帶第一次食…肉質好札實…油香好重…幾好味 串燒 豆腐外脆肉軟 雞翼燒到皮好脆放少少鹽提鮮就好好味 免治雞肉棒好多細軟骨口感好好…每次串燒都必點…墨魚香腸就正常發揮 天婦羅 炸漿薄薄一層…唔油膩好爽身。蝦好大隻又爽甜 仲有蔬菜小辣椒…蕃薯…瓜等等…最正係跟碗熱烏冬… 關東煮有大根…竹輪…豆腐…雞蛋…個湯好清甜…食完仲成碗湯飲哂 呢度逢星期2都會有live band…但今日星期6點解有人準備唱歌既…店員話係新合作…所以邀請黎試下音先。一開聲兩位都係唱得之人…女歌手仲要係靚女添…即刻叫兩杯highball聽陣歌先走。有機會星期2黎棒下場先

銅鑼灣登龍街遊蕩緊食乜…見到有間東北串燒小店…見到幾多人幫襯…身為串燒王既我當然要會一會呢間串燒王 點下點下都幾多野食…😍😍 韭菜 有揀過…好嫩無渣 五花腩 五花腩做燒肉/串燒已經贏在起跑線…串燒加入孜然粉辣粉就好好味 雞軟骨 申燒必點曬食物 司華力腸 脆卜卜 午餐肉 第一次見燒午餐肉…幾特別 仲有魚腐…雞翼…茄子…雞髀菇 其他野都燒得好惹味…時間都掌握唔錯… 不過呢度食野要有d耐性…因為都好多外賣平台生意…加上堂食爆滿。上菜比較慢。好彩老細好有禮貌…每次送餐都會講唔好意思 如果係銅鑼灣想食下東北串燒…呢度係個唔錯選擇…地點夠方便…價錢經濟