牛陣HANARE Platinum Label

營業中

休息中

最近天氣開氣開始變冷，最適合打邊爐，食得港式台式火鍋多，但日式火鍋也不賴。在日式火鍋之中，喜歡壽喜燒又愛shabu shabu，今日來到牛陣Hanare一次過可以食到兩種不同的鍋物。朋友選了壽喜燒，而我則揀了shabu shabu。Shabu Shabu有四種湯底可以揀，有鰹䙳、壽喜燒醬油、味噌同蕃茄湯底，配上國產牛$169。至於壽喜燒就揀了$189鹿兒島黑毛和牛。午市套餐跟三款前菜side dish，都有驚喜，仲可以配埋飲品同雪糕。餐廳使用的日本國產牛肉同黑毛和牛，肉質鮮嫩，油花分佈均勻，搭配一旁的醬油、芝麻醬或是月見蛋汁令味道更佳。套餐還伴隨著各式新鮮的蔬菜，如香菇和豆腐等，也整個套餐更為均衡。餐廳裝修簡潔有少少似無印風，環境乾淨闊落，又有包箱無論是家庭聚餐還是朋友聚會都好適合。

店名: 牛陣HANARE Platinum Label 地址: 銅鑼灣告士打道280號世貿中心11樓1102號舖銅鑼灣站D4出口，行5分鐘環境: 4.5/5價錢: 4.5/5味道: 5/5牛陣開左新副線，主打壽喜燒🤩位於銅鑼灣世貿，裝修以純白為主日系裝修，座位闊落舒適‼️今次就分別試左壽喜燒同涮涮鍋🤤鹿兒島縣產黑毛和牛壽喜燒御膳❤️❤️❤️❤️❤️$189套餐包左鹿兒島縣產黑毛和牛、本日前菜、旬之野菜盛合、飯/烏冬、飲品、甜品，和牛油花十分均勻，入口即化😍以壽喜燒煎煮，肉香更為突出，壽喜燒嘅香甜襯托起，就更為軟嫩，配上烏冬一流😍前菜十分精緻，開胃一流👅煮上野菜盛合，最後再加埋任食嘅焙茶雪糕，超滿足🧐日本国産牛涮涮鍋❤️❤️❤️❤️❤️$169套餐同樣包本日前菜、旬之野菜盛合、飯/烏冬、飲品，揀左’極'黃金鰹魚湯底，味道十分清甜👅日本国産牛同樣色澤均勻，經涮涮鍋煮，口感軟嫩，鰹魚湯底更能突顯出日本国産牛嘅肉香，之後再加入烏冬，索哂啲沖嘅味😝

朋友介紹這間高級日式涮涮鍋，午市可以無限時享用日式料理放題。 午市有壽喜燒御膳 、涮涮鍋套餐選擇，套餐：前菜、野菜盛合、主食、飲品及任食雪糕。壽喜燒御膳有4款和牛選擇，我選了鹿兒島縣產黑毛和牛，油花分布靚，濃郁肉香，大片有口感，滿口牛脂香，蔬菜令湯底更有甜味。日本國產牛餐極 黃金鰹魚湯最受歡迎，湯底清澈，更食到食材本身的味道，國產牛牛花不錯，配搭野菜盛合，營養更豐富。任食雪糕今次是培茶口味，茶味濃郁，巨峰提子梳打、柑桔檸檬梳打 少汽，解膩。

食嘢食得招積，食牛陣都食得挑剔～ 所以去咗銅鑼灣呢間暫時全港最最最雅緻嘅牛陣度食lunch！😆日式簡約環境非常寬敞舒適，氣氛悠閒😌因為食量唔大，所以冇食放題～ 只係食咗午市涮涮鍋套餐～ 絕對係性價比高，質量同份量都非常好👍🏻兩份套餐都有前菜同甜品～ 日日款式唔同～ 侍應都為我哋細心介紹每款前菜，同推介涮涮鍋嘅湯底特色～ 精緻是日前菜 ⭐️⭐️⭐️⭐️北寄貝沙律、鯖魚昆布、鮟鱇魚肝醬油豆腐三款前菜都係冷盤，擺盤精緻，入口清新～ 濃厚溜醬油壽喜燒湯涮涮鍋 (關東風壽喜燒） - 鹿兒島黑毛和牛 ⭐️⭐️⭐️⭐️⭐️套餐亦跟配一隻無菌蘭王蛋，食得開心之餘亦食得安心～ 講返最重要嘅鹿兒島黑毛和牛，真係非常新鮮鮮味～ 牛脂雪花分布均勻，色澤紅潤，喺壽喜燒鍋度涮一涮，再沾滿蘭王蛋汁，溫熱口感加上蛋香與肉香交融，肉質綿軟，真係好食到不得了～ ’極‘黃金鰹魚湯 涮涮鍋 - 日本國產牛 & 北海道夢の大地豚 跟 野菜盛合 ⭐️⭐️⭐️⭐️⭐️其實揀完壽喜燒湯底之後就諗來諗去，唔知揀咩好，於是問侍應最推介邊一款湯～ 佢推介我哋揀’極‘黃金鰹魚湯，湯底清澈甘香，可以保留食材原有鮮味～ 果然湯底如實，金黃清香，可以食到各款野菜原有嘅味道，

呢間係牛陣嘅高級副線，環境好有日式風格🇯🇵，舒服又靚！✨ 最正係lunch無限時，可以慢慢嘆！😌我哋試咗壽喜燒黑毛和牛餐同埋日本國產牛餐，兩個都好好食！😋黑毛和牛餐嘅黑毛和牛厚切，肥瘦均勻！🤤 油花分布得好好，每一啖都充滿和牛嘅香氣！🐮日本國產牛餐嘅牛肉都唔輸蝕，肉味濃郁，而且都幾厚切，口感一流！👍跟餐嘅野菜盛合🥬🌽，蔬菜新鮮，種類都幾多！前菜好精緻！玉子🥚、海帶包鰹魚、蟹籽沙律，賣相一流！🤩 玉子蛋黃味好濃郁，海帶鰹魚好特別，蟹籽沙律仲有魷魚🦑，好有驚喜！湯底方面，壽喜燒湯底甜甜哋，好惹味；甘熟鮮蕃茄湯🍅，酸酸甜甜，好開胃！飲品方面，青檸梳打同柑桔檸檬梳打都正常，當中青檸梳打係罐裝屈臣氏～柑桔檸檬梳打係餐廳自己調嘅☺️最後，仲有雪糕放題🍦！抹茶紅豆味🍵🫘，幾好食，唔會太甜，不過我哋食完主菜已經好飽，淨係試咗少少～都好想繼續食🫢總體嚟講，牛陣HANARE嘅食物質素真係幾好！👍 環境舒服，服務又好，性價比高！💯 值得一試！🥳 下次都可以再嚟！

今日出銅鑼灣想係附近食lunch, 搵到呢間牛陣白金版，仲有和牛壽喜燒😍睇到流晒口水，即刻上去食！一入去，見到環境清靜優美，簡約風格，座位寬敞，有卡位，有圓枱，滿足各客人需要，光線足夠，而且唔貴，最緊要服務非常好！🥰🥗先來前菜是章魚沙律、魚湯豆腐、昆布鯖魚卷：章魚沙律好爽口，豆腐酸甜新鮮 ，鯖魚少少鹹，醃得幾好喎！午市餐：🐂壽喜燒的鹿兒島黑毛和牛配烏冬$189壽喜燒湯底好鮮甜，唔會太濃，忍唔住飲兩啖先！一開始侍應會幫我哋啲壽喜燒汁，然後每次加的時候就自己因應需求而加。和牛大大塊，好多雪花，好厚入口非常油咬口，實在好好食！😍 烏冬好有咬口，煙煙韌韌幾好食，一個份量都夠飽！🐟本日推薦海鮮配極黃金鰹魚湯底配烏冬$199鰹魚湯底少鹽分，比較清淡，但好香好出魚味，市面買嘅鰹魚汁同佢冇得比！食物滾熱後，配合餐廳提供的醬汁都好好食！蠔、魚、蝦好新鮮，尤其是蠔，碌熟後都大大粒，縮水唔多，好juicy 好鮮甜❤️🍊橙汁橙汁正常，不偏酸或甜🥤金桔檸檬梳打飲到有金桔味香的檸檬梳打，不錯！🍨焙茶味雪糕：有點像奶茶，有點像伯爵茶，好香，唔苦，忍唔住叫多咗兩杯！

任吃高質日本產黑毛和牛Sukiyaki😍 別錯過喔！..牛陣HANARE 質素一向有所保證，無論日夜都提供高質無限時優質日本產黑毛和牛主題Sukiyaki Set Menu🥢，以挑戰「更美味的壽喜燒」為目標，讓食客從心底感覺幸福❤️，讓人一試難忘。未試過既你，一定要來試試喔！呢日趁有時間又來吃個lunch，下午時光特別捨意，吃飽更有活力展開一天的旅程～而家午市更設有Sukiyaki & Shabushabu 2種選擇，亦會包括：本日前菜、旬之野菜盛合、飯/烏冬、飲品、甜品，真係肚皮大滿足。最後記得要食雪糕😍 【焙茶口味】 我都忍唔住 order 多2杯雪糕～大滿足❣️午市壽喜燒御膳。Lunch Sukiyaki 🔸日本国産牛 (相對牛咪重一點）關東風 配蘭王蛋汁🥚午市涮涮鍋 。Shabushabu(甘甜完熟蕃茄湯底）🔸鹿児島県産黒毛和牛 (脂肪更多更油香滑）..×××××ש銅鑼灣告士打道280號世貿中心11樓1102號舖..

近來發現左CWB 有間牛陣HANARE Platinum Label食壽喜燒無限時放題，不過今日不想食太飽，叫左light 既lunch set 叫左兩個餐都包前菜，同飲品前菜有馬刀貝沙律，昆布卷都幾開胃，鮟鱇魚斑豆腐感覺健康幾特別本日海鮮餐$199野菜盛有冬菇，金菇，粟米，蕃茄，菜同豆腐，都幾新鮮同豐富！極'黃金鰹魚湯底，清清地又甜，能帶出海鮮既鮮味海鮮有大粒生蠔同大蝦🍤同魚片，全部都新鮮和甜午市壽喜燒御膳鹿兒島黑毛和牛餐 $189鹿兒島黑毛和牛肉質嫩腍，油脂平均，有五片，餐配有蔬菜🥬及烏冬。 柑桔檸檬梳打，青檸梳打都包在餐飲內，幾fresh 如果想飽d可選擇食放題，無限時任食但留意餐廳有落場時間，午市營業時間係 12:00-15:00，15:00要離座～牛陣HANARE Platinum Label (銅鑼灣)📍銅鑼灣告士打道280號世貿中心11樓1102號舖

位於世貿中心上面一出𨋢就見到好靚嘅佈置入到去，嘩！好日本feel呀白色同埋木為主，好有日本小清新嘅感覺可以喺咁靚嘅環境打邊爐真係唔係經常見到Sukiyaki Lunch Set定量套餐可以揀日本國產牛或鹿兒島縣產黑毛和牛，另外亦有放題選擇選擇左黑毛和牛套餐 $189套餐包括咗前菜、野菜盛盒、烏冬/白飯、飲品前菜有三款：馬刀背沙律，鯖魚昆布卷，鮟鱇魚肝豆腐三款都好好味黑毛和牛有4大塊，油脂分布好平均，油花好靚，食落好香牛味，口感好唔錯，又未至於入口即溶咁膩食埋個烏冬份量啱啱好ShabuShabu Lunch Set 有牛、豚肉、雞、海鮮嘅選擇日本國產牛$169套餐一樣包咗前菜、野菜盛盒、烏冬/白飯、飲品及雪糕放題湯底有五款選擇，揀咗赤味噌湯底牛肉大約有12片，油脂分布都幾平均，食落好香牛味，質素完全唔輸和牛！飲品揀咗巨峰提子梳打及金桔檸檬梳打，唔錯唔錯，唔會太甜雪糕口味係焙茶，好香濃嘅焙茶口味，不過又唔會苦，真係食完一杯又一杯，大滿足！

再訪第三次，由500幾蚊第一次食赤身肉，第二次食鹿兒島和牛600幾蚊，第三次食秋季限定既宮崎仙台和牛800幾蚊。三次都十分滿意！服務態度好，店員細心介紹，我地由7:30坐到人地last order 收工咁濟，最後都會好細心提供花茶俾我地解膩。手機一落order 野食即到，牛肉水準滿分，其他野食新鮮好味！雖然食物種類唔係太多，但就係貴精不貴多，特別出面放題少食到既舞茸菇，呢度都有！而且Sapporo, Orion 支裝啤酒，sake,都係任飲，真係值回票價。期待佢地飛驒牛限定季節，再黎食多次！

一直都好鍾意食壽喜燒，尤其去完日本食完關西風壽喜燒之後，更加鍾意。之前都食過牛陣打邊爐，佢哋曾經有做過關西風嘅壽喜燒，但真係可遇不可求。冇諗到佢哋竟然開咗間任食壽喜燒嘅店，仲要係行關西風，好日本嘅感覺。🍄可以係Openrice上訂位🍄好精緻嘅日式小菜，但味道麻麻哋食得慣😅😅🍄刺身同天婦羅，係好味嘅🍄我哋要咗個最入門級版嘅牛，對牛因為真係冇乜追😅🍄套餐仲跟豚肉同雞肉，豚肉燒出黎點蛋液都好好味。雞肉就唔知要點燒，因為真係有排燒，可能其實佢係要攞去打邊爐🍄點蛋真係好好味🍄之後轉涮涮鍋食蔬菜。但由於前面嗰啲全部都可以任食，我哋又叫咗好幾round，其實已經食到好飽。喺等緊蔬菜滾嘅時候，我哋又叫咗啲甜品嚟食。🍄日式蛋捲，我鍾意佢隻碟🍄有好多甜品選擇，個柚子味嘅雪糕最好味呢餐飯好似都食咗兩個幾三個鐘，飽到上心口。食最平嘅餐，我覺得都已經好抵，同埋餐廳嘅服務態度都好好，執嘢都執得好勤快。我覺得係物有所值嘅。😋😋

環境舒適、服務都好好、order後食物好快送到👍🏻任食無限時間可以慢慢食😆食到好飽😌😌✨分左4個價錢可以選擇唔同嘅牛。✨特上✨特撰鹿兒島縣野崎牛$629+10%小童$309+10%✨鹿兒島縣野崎牛赤身肉$529+10%小童$259+10%✨上級✨日本國產嚴選黑毛牛$$429+10%小童$209+10%✨上撰豪州長期肥育牛$329+10%小童$159+10%✨鍾意食肉嘅你地要去食下啦、無限量供應、有肉味好juice😋#牛陣HANARE Platinum Label(銅鑼灣）#銅鑼灣告士打道280號世貿中心11樓1102號舖營業時間星期一至日：12:00-15:0017:30-22:00

今日同好朋友慶祝生日，佢話想食Sukiyaki，我即刻諗到bookmark咗嘅「牛陣HANARE Platinum Label」，一場黎到梗係揀「特選鹿兒島縣産野崎牛」，$629位可以無限時任食高質和牛、刺身、前菜、天婦羅、蔬菜、主食，仲包埋任飲果汁汽水同啤酒，真心抵食👍🏻店員嘅服務更值得一讚，貼心有禮，亦細心講解烹調嘅步驟👍🏻店員會先上一轉所有食物，刺身方面有甜蝦、帶子、三文魚、吞拿魚蓉同油甘魚，新鮮肥美，要留肚食牛肉呀😋第一食法先將牛油搽勻，然後加入洋蔥爆香，再放入和牛煎香，加入少許壽喜燒汁，和牛野崎牛佈滿雪花紋路，入口軟滑充滿油脂，點上蛋汁令肉質更加香滑，令人回味無窮😌之後再追加嘅質素一樣咁高質，絕無提供次一等嘅肉👍🏻第二食法先將蔬菜加入鍋中，然後放入和牛同壽喜燒汁，呢種食法會更食得出牛味，帶有蔬菜嘅清甜味，我係重口味人士更加鍾意第一種食法😆野崎牛赤身肉油脂較前者少，肉質較為有彈性有嚼口，當你食過特選之後，赤身肉就較為遜色了😌📍牛陣HANARE Platinum Label (銅鑼灣)銅鑼灣告士打道280號世貿中心11樓1102號舖人均消費：$700食物：⭐️⭐️⭐️⭐️⭐️環境：⭐️⭐️⭐️⭐️

晚上一行人10位，提早一日預約，服務員幫我們安排了在房裏用餐。我們預約了在七點，可以吃到關門9:30 ，不過其實老實說，大概吃了1.5小時至兩小時，就已經很飽，所以什麼不限時食，也對我們沒關係😂前菜樣子精美👍🏻一共三個，不太記得名字，只記得最左邊的有芝士，最好吃主菜叫了不同的牛👍🏻牛味很濃，有清湯煮的及壽喜燒。壽喜燒吃到一半的話，因為會很漏，所以在吃清湯時，會覺得更好吃，而且更突顯牛的味道。之前見過有食評話難食，不太清楚為什麼覺得難食？ 曾經多次去過Yakingu Gxxxx，上環及中環店，我覺得今次光顧這裏，牛的味道沒有比不上他們啊！也多次去過Sukiyaki Moxx，當中的蛋和今次的蛋黃也是日本蛋，牛味也沒有比不上！ 不過吃到大概第3-4片，其實已經很飽了，所以在吃下去，就開始有些少想暫停吃牛😂無論是蔬菜、牛、蛋、刺身、天婦羅etc 都很好吃😄 用這個價錢，所以也很抵！ 如果覺得哪裏不夠好的地方，我覺得是甜品部份不夠多元化，沒有雪糕😓 只有sorbet，而蘋果汁有點稀！ 可能環境比較白，所以看見ceiling 不夠乾淨。不過服務呢？ 都是很好👍🏻

昨天（7月12日）光顧貴公司的$629套餐，簡直係一個痛苦的時刻，貴公司聲稱QR code 追加，啤酒只有一款，我order 3枝，最後只有1枝，牛肉十分難吃，我加單要等30至45分鐘，3個小時請問可以吃多少，貴公司收一級價錢，只供應九流的食物，果然係白金享受，請貴公司注意店內職員工作流程，只係行行企企，提供開始的食物及最後check the bill，放心，我不會再光顧貴公司，最後提醒貴公司如果沒有服務及優質的食物，請不要扮高級。