牛精皇 (已結業)

與中同相聚，最是方便因為大家的居住地點都相當接近是次便由同學M決定了到九龍城打個邊爐，迎接冬日早了點到，便在門口看看有什麼好吃的原來牛精皇不只有火鍋，更有多款刺身選擇大大隻象拔蚌和其他生猛海鮮內裡也陳列了生蠔和刺身的名牌一入座，店員便逞上了醬汁架都齊備了常用的配料乾蒜和多蔥是必要的!牛精皇的湯底選擇非常多，也很特別不是常見的日式湯底，反而多中式湯底例如有蕃茄薯仔湯、胡椒豬肚等而關於牛的湯底好像也有4-5個我們選了比較清淡的雪耳海底椰豬肺湯滾後，已有淡淡香氣，味道和湯底也很足手打四寶丸是是日最愛我們四人都在搶呢和酒樓的相比，彈牙和濃味程度差距甚大蝦丸爽口，能嘗出蝦的鮮味，該是新鮮製造而黑椒牛根丸的黑椒既香又肉味濃我們還點了兩樣海鮮珍寶帶子原來帶子是刺身，朋友還想著是火鍋配料，想把它煮熟了從圖可見帶子也挺大和厚身的整碟的份量也頗多帶子質感爽身、鮮美另一樣海鮮是紐西蘭青口青口粒粒飽滿幸好湯底較清淡，沒有蓋過青口的本身的鮮味有這麼好的湯底，當然要有一樣吸湯的配料就是他!—野生竹笙竹笙平常都不會在屋企煮通常都是出街吃米線的配料竹笙質地幾爽，雖然不是脆口，但咬落會有索索聲而佢盡吸湯中精華，口感同味

臨近聖誕節，同朋友的飯局總是特別多。今次同朋友去到九龍城搵食，呢排天氣終於凍返啦！所以我地興致勃勃地決定去打邊爐，牛精皇之前都食過一次，令我念念不忘，所以今次決定再去！我地大概七點就到，餐廳已經坐滿一半人。入到去，店員好熱情地介紹佢地既二人套餐。同埋遞上打邊爐的醬油和調味料~ 兩個女仔食量唔大，所以我地決定散叫配料。嚟到牛精皇唔食佢地既招牌湯底就真係徙晒，招牌鍋底「牛精鍋」是必叫的！牛精鍋 $198 湯底上枱時，店員介紹他們家的牛精鍋湯底是每天用上十多斤牛骨及其他秘料新鮮淆製的，絶無添加味精，鍋底用料與湯底分開烹煮 。 所以店員擺好湯底才把牛精鍋的配料放進去，配料包括有金錢牛肚、牛肺、牛尾、牛腩、牛孖筋及牛膀。見到個湯底甘足料甘正，真係令我水口都流晒出嚟吖！另外，我地叫左幾樣配料，分別是 讚歧烏冬、本地農場新鮮雞（半隻）、豬腰拼豬肝。本地農場新鮮雞（半隻）$98 份量十分的新鮮雞，半隻的份量已經很多。而且色澤很粉嫩，隻雞一上枱我地已經急不及待整嚟食！肉質嫩滑，尤其是雞脾的位置！豬腰拼豬肝 $58 豬腰同豬肝都好新鮮，內臟係要新鮮先至好食！唔食過唔知道原來豬腰係甘正架

天氣一凍就心思思想去打邊爐唔想老婆大人凍親"肉"手最好就係約佢出街打邊爐啦!!今次揀去牛精皇烚下烚下!先揀湯底價錢由最抵$68至$248不等其實好想食主打招牌牛精鍋$198不過老婆怕騷咁當然要就就佢啦最後一致揀暖胃的潮洲鹹菜豬肚湯$98湯頭唔覺有師傅勁香胡椒味豬肚有彈性絕對係鮮貨鹹菜唔乸喉好正 她鍾意餃餃震叫個什餃佢嘆下先魚皮餃,鮮蝦雲吞,鳳城水餃及第一次嘅牛肉餃又幾鬼頂癮食落似山竹牛肉但又多咗塊滑嘟嘟嘅皮不太愛餃餃震嘅我都力讚好味,其它三款都爆料高質真不錯我同老婆也十分鍾意食彈牙爽口之物這個珊瑚蚌拼貴花蚌$108啱晒我哋心意淥一淥攪掂點D混醬彈牙爽口通通吃盡 呢個牛皇拼盤落錯檯見咁鬼正影張相引下D老友嚟食先得好鬼C豐富囉有牛舌,牛白肉,安格斯牛肉粒,牛展,本地肥牛和頂級牛肉只賣$468好鬼抵食啫你哋話係唔係吖但係我都唔輸蝕老婆叫我食最正呢本地頂級雪花肥牛$398真係有D赤赤哋但係我呢D咁聽老婆話人梗係照辦啦,一試已覺物有所值牛味香濃不在講入口軟滑冇渣吃後一口牛肉香太幸福了 老婆唔食牛當然要叫碟濟洲黑豚肉$98佢食啦試咗一片肉香不錯見她食完一片又一片就知佢好滿意 什菜籃$42有我最喜歡

九龍城出名泰國菜，呢一點可能好多人都知但其實九龍城有2、3條街都佈滿左火鍋店呢到既隱世火鍋店，食物質素真係同任食既不可相提並論 (當然價錢都已經差左條街不過咁多選擇，又真係唔知揀邊間好今次就等土瓜灣既街坊同你分享下我既心水至愛當初點解揀左入牛精皇?!就係比佢咁有霸氣既牛頭吸引左 (唔食得都睇得MA叫得牛精皇，對牛既選擇當然更加嚴謹，同有更多牛既不同部位可供選擇比較特別既有牛膀、牛肺、牛尾、牛筋同牛展門口同餐廳入面都張貼左雜誌既介紹不過今次我地無叫到牛肉黎食 (一大可惜因為同行友人今朝MOK左牙，話食牛肉會發炎 (乜唔係海鮮咩?不過算拉，怕佢第日發炎返黎怪我地所以揀左雪耳海底椰豬肺湯，一齊清熱補肺湯底十分足料，滾左之後大家即席 ’比’左碗湯黎飲有雪耳、紅棗、豬肺、海底椰、椰子味道清甜、靚湯一碗! (唔知侍應哥哥有冇發覺到我地湯底消耗量特別高呢餐廳提供左個架比每一枱，多D空間放野食亦有抹手紙在旁雖然無得食牛，但可以另外兩樣出名既野就係餃類同丸類，真係粒粒新鮮，粒粒足料又彈牙四式餃子盛有我最愛既魚皮餃同韭菜餃你唔會係第二到食到咁JUICY既魚皮餃咬落去已經感受到鮮味，同充滿肉汁既口感 (得2

早幾天氣溫驟降在12度這種寒夜不作他想一定係食火鍋了,去開九龍城當然約車爸爸去溫馨圍爐吧!!九龍城很多出色火鍋店今次揀選牛精皇須然我不吃牛但車爸爸愛嘛梗要就下老細耶,還記得拍拖時經常往附近夜消磨呢趁這夜回味下往事~特意早點開餐18:30都已有客比我倆更早,到19:30經已坐滿客人了~打邊爐又怎少得我好朋友可樂啊^0^湯底揀咗暖胃的潮州鹹菜胡椒豬肚湯$98未開始時一人飲咗一碗湯真才實料用上新鮮豬肚靚貨鹹菜及大量胡椒味道濃香兼刺激喝一碗身心俱暖~生料要咗我至愛餃子這兒有四式餃子盛$78有魚皮餃,水餃,鮮蝦雲吞及香茜滑牛餃,人小小叫這個一流不太佔胃又可試足幾款當然滑牛餃要交車爸爸享用聽聞吃下像山竹牛肉,另先試水餃餡料正宗有竹荀木耳豬肉大大隻比例好好吃下有大量爽口木耳而且餃皮滑口非常,雲吞又係勁飽滿蝦肉彈牙而魚皮餃就煙韌有咬口香味四散很可口~珊瑚蚌拼貴花蚌$108我愛彈牙兼有獨特香味的貴花蚌車爸爸愛爽口珊瑚蚌各取所需輕輕一灼美味迷人~車爸爸工作辛苦叫碟靚靚本地頂級手切雪花肥牛$398給他一人獨享夠瘋了吧!!先看飄飄的雪花散落嫣紅的肥牛已像畫一般迷人,然後見他邊食邊點頭已感受到這肥牛的魅力~那片

食完日式火鍋之後，又回歸到港式打邊爐（天氣涼左係密d ）。九龍城福佬村道係火鍋店集中地，輝哥N年前食過，又貴又被白眼，唔會再去，今次去佢隔離：牛精皇，純粹因為見openrice零喊面，應該都ok掛。叫得牛精，當然以牛做主打，招牌湯底係內有牛肚、牛肺、牛腩、牛膀等等的牛精鍋，不過屋企人麻麻地內臟，所以就點左 意式番茄牛尾鍋（$128），呈橙紅色的湯底有好多番茄浮面，牛尾唔大舊，但數量幾多，感覺對辦。先呷一口，好鮮甜好濃郁，味道自然，店員話個底係豬骨湯，再加番茄、牛尾熬煮，唔怪得咁正，我地係咁密密飲。之後加湯都係豬骨湯，唔會溝淡左。食材方面，牛肉當然不能少。呢度供應的 手切本地肥牛有兩種：厚少少的頸脊、薄身的肉眼邊，我怕難咬，所以叫左後者（$268）。一碟約有20片，色澤平均地鮮紅，雪花唔多，偏瘦，但淥完之後完全唔覺韌，雖然未至入口即溶，但都算腍，仲好有肉味。有種火鍋料好特別，就係 紫菜響鈴（$63），係常見的響鈴裡面包住一塊紫菜，即時惹味倍增。即點即炸熱辣辣，當小食就咁食都好脆口，放落湯唔好淥多過3秒，否則會極速變腍。呢度好多配料都可以雙拼，以較貴一款價錢計，再加$10。我鍾意食

自從品嚐這所火鍋小店後，真的是百般滋味在心頭，還是回味無窮。原因很簡單的， 湯底是每天用上十二斤牛骨及其他秘料新鮮淆製的，絶無添加味精，鍋底用料與湯底分開烹煮 。而且抽風系統良好，即使用上絨毛面的櫈子，亦無沾上半點火鍋味，離開的時候，更不會鍋味隨身。今天晚上，再與識飲識食的好友團長，再次光臨這所火鍋小店。為的就是要多次品嚐這裏的招牌鍋底招牌牛精鍋。這個鍋底呈深啡色，面層幾乎沒有任何油脂浮游著。不稍一會，侍應哥哥再給端上食材，當中包括有金錢牛肚、牛肺、牛尾、牛腩、牛孖筋及牛膀。每款食材份量十足，絕對是童叟無欺。還是先嚐一口湯底，依然是濃厚鮮甜，富有牛味，但絕無牛羶味。這次我和團長還點選了招牌主打的牛皇拼盤。拼盤用上三層式的層架端上，當中包括擺放在頂層的牛白肉、安格斯牛柳粒、中層的牛舌、牛展及底層的手切安格斯肥牛及本地手切肥牛。視覺效果非常精緻吸睛。待應哥哥解釋牛肉每天由屠房新鮮直送的，因此肉質豐盈飽滿，色澤均勻。位於頂層米白色的牛白肉，是接近牛胸骨的軟骨位，又稱為牛胸肉，每只牛只有一斤左右，所以非常罕貴。侍應哥哥吩咐我們滾灼六秒便可，熟透後會成卷曲狀，口感爽彈煙韌。另一款是安格斯牛肉粒，

去九龍城食火鍋揀左間未去過的「牛精皇」, 沒有預約只有2個鐘用餐時間。地舖已經坐滿, 店員引領到2樓。2樓內被間開幾間獨立房間, 而且有獨立浴室。店員解釋2樓前身是劏房, 原來如此。第一次在劏房內打邊爐真特別。雖然是劏房, 但經過翻身而且掛上不少電影poster, 因此完全感受不到劏房的味道。平時要在獨立房間用餐, 人數要多又有最低消費, 這裡完全沒有真難得。火鍋店叫「牛精皇」, 果然牛的選擇特別多。除海鮮刺身外, 其他的火鍋料選擇一般, 沒有一些特色獨有的食物。火鍋醬料選擇不太多, 但每位$18, 真好賺。另外每壼茶要$20, 還是點渣$38竹蔗茅根水更加實際。打邊爐火煱料及湯底同樣重要, 這裡湯底有16款, 選了普通的莞茜馬蹄皮蛋湯($68)。湯內有不少菜、皮蛋及馬蹄, 味道清甜。本地手切肥牛肉眼、肉眼邊($268) 牛肉排放得整齊有序, 牛肉的脂肪分佈平均, 紋理清晰有序, 未看已經口水流。輕輕的浸在湯內, 有牛肉味但不太濃郁, 牛肉不是和牛般入口即溶, 但有咬感。質感及味道都不錯。手打四寶丸($98) 有蝦丸、墨魚丸、牛丸及鯪魚丸各2粒。味道不見突出, 非常普通的四寶丸。四式餃

九龍城有一位名牌中醫師出名等得耐同佢見個面通常夜到要喺九龍城食埋晚飯路經牛精皇比個牛頭吸引左七點幾已經滿座好彩樓上雅座仲有位睇吓Menu兩位長老唔想食牛來到牛精皇唔食牛實在有點浪費唯有下次自己再嚟食過諗住叫海鮮五層塔點知太好賣沽清有心食真係要預早訂方便懶人唔想諗太多一於叫個四人餐＄788包四款湯底傳統番茄薯仔鍋沙嗲鍋清湯鍋芫茜馬蹄皮蛋鍋其他湯底可以補差價我地就揀左蕃茄薯仔因為感覺上健康啲見到有紅卜卜新鮮番茄好多薯仔湯底未落肉已經非常鮮甜調味藍最愛生熟蒜美國特級肥牛卷肥牛感覺新鮮雪花不算多勝在肥瘦均勻放入湯一陣即刻食得牛肉味比想像中香濃牛肉味十足之餘口感仲有彈性韓國黑豚肉豚肉切得好薄真係好似一張豬肉紙咁樣一落湯就食得食得出有豬肉的甘香手打三寶丸有墨魚丸、鯪魚丸、蝦丸好鍾意佢一碟有幾種丸我可以試多幾個味道全部都爽口彈牙雜菜籃嫩綠的菜葉好新鮮鮮雞件半隻增加成本用鮮雞雞肉嫩滑唔需要什麼調味已經食得出雞嘅鮮甜味道絕對不是雪藏夥食四式餃子盛鳳城水餃，魚皮餃，鮮蝦雲吞，自製香茜滑牛餃餃子新鮮皮薄涵靚雲吞入面有鮮蝦幾大隻食得出足料而且好有口感即炸響鈴新鮮熱騰騰脆卜卜唔通係即叫即炸的那種沾湯食爽皮到不得

牛精？再唔係脾氣的專利！也可以是火鍋的專利！想不到，這樣的牛脾氣，是如此地引死人！XDDD叫得做「牛精皇」當然有返咁上下「牛脾氣」！特式？當然是以牛為主！！牛精，同樣有著齊備的佐料，想點加都得！！呵~~ 食火鍋之前，先黎一人嘆返隻生蠔！勁肥美多汁，JUICY得黎蠔味不俗！一隻有點不夠喉！這一次，來點特別的，湯底是「清潤雪耳海底椰豬肺鍋」用料也不少！有著海底椰、大大舊的雪耳，還有豬肺鍋！個湯清清地，但又好滋補~ ^^火鍋，少不了的炸魚皮，這裡都很大的一碟。炸到卜卜脆的~~雙併滑，很喜歡！一款是蟹籽鮮蝦滑及蟹籽墨魚滑，新鮮打起，睇見都正！十分喜歡的原因是蝦及墨魚夠新鮮夠濃，而且很爽口彈牙，少有地自家丸滑可以做到咁好。水魷魚，而家好多地方都無得食，見到呢度有，當然要點了！大大的一碟，也是新鮮好味！水魷是扺抗不了的魅力！點上佐料的醬就好好味了！桂花蚌及珊瑚蚌雙併，份量也是很大的一碟。新鮮爽口，不會有雪味，最好不過了！這裡的海鮮類也水準不錯，值得一讚。仲食響鈴？out咗啦！試呢個啦~ 炸紫菜響鈴，中間夾有紫菜卷一齊炸！新鮮炸起，放入湯底兩三秒，口感比普通響鈴多了咬口，而且紫菜中和了油味不錯呢~~

一家人叫了個四人餐四人餐＄788包四款湯底傳統番茄薯仔鍋沙嗲鍋清湯鍋芫茜馬蹄皮蛋鍋其他湯底可以用＄78補差價我就揀左蕃茄薯仔鍋新鮮番茄十足加薯仔非常鮮甜美國特級肥牛卷脂肪與肉嘅比例均勻，放入湯中一陳間便可以入口，肉質鮮甜韓國黑豚肉切度好薄，比牛肉耐少少便已經熟透，較煙韌彈牙鮮雞件半隻雞肉嫩滑，沒有雪雞個種味道，因大大舊要滾耐少少即炸響鈴脆到不得了！浸一浸再吃時可保留脆卜卜嘅感覺生根打邊爐必備，浸在濃郁既湯內吸收了蕃茄嘅酸甜味，更令人開胃手打三寶丸有墨魚丸、鯪魚丸、蝦丸超彈牙爽口，鯪魚丸內有陣皮，口感特別四式餃子盛鳳城水餃，魚皮餃，鮮蝦雲吞，自製香茜滑牛餃餃子新鮮，雲吞內鮮蝦大隻午餐肉至愛午餐肉，打邊爐必選雜菜籃打邊爐必有嘅唐生菜，油麥菜炸魚皮炸魚皮夠晒脆口手打稻庭烏冬軟彈煙韌，浸在湯中夠晒入味出前一丁吃到捧住個肚走如你喜歡食刺身嘅朋友其實佢仲有好多選擇

年年生日都食中菜，所以今年就打下邊爐啦！同事推介呢間打邊爐幾出色，所以就黎試下啦！我地四個人，見有個四人餐幾抵食，就嗌佢啦！四人餐$788都幾多野食，我地仲唔識死嗌多左幾樣野結果食唔哂@@豬肺雪耳湯底-媽媽話唔想咁燥咁熱氣，於是店員就推介左呢個湯底俾我地，個湯好甜，都幾重椰汁味，可以每人飲兩碗再打邊爐@@肥牛卷（餐）-牛肉肥瘦適中，又唔會切得太薄，仲未融哂雪既關係，所以食落幾有牛味。嚮玲（餐）-係即刻炸架！店員推介我地就咁點汁食都不錯，但我都係中意淥佢三秒再食，濕得黎又唔會淋哂，都幾香腐竹味。手切牛肉（餐）-呢個當然比肥牛更靚仔啦！厚身少少，但脂肪較多，入口即融。三寶丸（餐）-最欣賞係墨丸，好爽口陣牙，仲會食到一粒粒既墨魚粒，咬落幾爽。雞件件（餐）-雞超級滑，但佢切得有啲大舊，每人唔係分到好多件咋！午餐肉（餐）-份量都幾多，食落幾香又唔會太咸，啲肉亦唔會鬆散。菜類（餐）-呢幾樣都不錯的，種類繁多岩哂唔同人既口味！

秋風起, 食臘味??錯錯錯啦, 我話最岩就係打邊爐!!!!黎到好多火鍋店既九龍城, 真係好多選擇!!!今次我就揀左係福佬村道既【牛精皇】招牌上仲有隻牛頭係度, 令我呢個牛魔皇十分期待~~~這裡醬料每位 HK$18, 雖然有點貴；不過這是打邊爐必要的, 所以先來混一下醬吧!!!先點了炸魚片頭來止下肚餓!!!魚片頭炸得金黃, 外脆內嫩又不油膩, 作小食一流''*另外仲點了法國生蠔 Gillardeau No.2 過口癮~~肉質很嫩滑爽口, 海水味較重, 確實好新鮮, 一啖食落去好滿足''*火鍋湯底這裡都很多選擇!!!由於不想太熱氣, 就點了清潤雪耳海底椰燉豬肺鍋白色的湯底滾左之後好香海底椰的味道；入面仲好足料, 大大舊雪耳, 仲有好乾淨又冇異味''*打邊爐滋潤湯底既 No.1 啊~~店員特別推介必試四色餃子併原來是他們自家製的, 分別有鮮蝦雲吞, 水餃, 韮菜餃及魚皮餃~~皮薄餡又多, 每隻都好大隻又脹卜卜, 而且滾耐左都唔會散開, 出色又好味!!!還點了脆鯇魚腩, 很爽口彈牙；而水魷大部份都係鬚位, 真係打邊爐次次都要點的''*好快就到主角出場：牛皇拼盤以三層鐵架捧上, 共有六款不同部位