影片
更多
2015-10-10
1027 瀏覽
早幾日去左九龍城參觀朋友既新居，順便夜晚一齊搵野食！結果我地去左間高質素既地方打邊爐 =]佢就係 "牛精皇" ! 地點位於：九龍城福佬村道60號地下。 由於最近屋企冇咩湯飲，所以我地點左個蕃茄薯仔鍋=]真心覺得個湯底好鮮甜，而且帶點濃濃既薯味 ;最重要既係完全唔覺得有味精，所以成餐飯食完就唔會口渴！ 打邊爐，當然唔少得要食肥牛啦！點左個頂級手切牛肉(小)，2個人食個(小)已經好足夠；價錢冇記錯$168，以呢個價錢食到咁新鮮、嫩口既牛肉，唔算貴！ 另外，亦點左芝心丸！呢個勁正，熟左之後攤一陣，再咬一半；d 芝士會由中間流出來，食落又唔會過膩，相反佢很香，而且爽口彈牙呢 =] 除左芝心丸之外，我地亦點左個新鮮既手打蝦丸！即使我一粒丸分開3次食，啖啖都係新鮮蝦肉，唔會話中間宥其他野夾雜住，絕冇偷工減料！蝦肉味道鮮甜，而且同樣好爽口呀 =] 最後我地叫左個牛骨髓，聽講牛骨髓好補鈣，而且有減緩衰老、延年益壽既作用；岩哂我！佢無咩味，係淡淡地，食落去口感好軟、好滑，我會點豉油 + 辣醬食。
早幾日去左九龍城參觀朋友既新居，順便夜晚一齊搵野食！
結果我地去左間高質素既地方打邊爐 =]
佢就係 "牛精皇" ! 地點位於：九龍城福佬村道60號地下。
由於最近屋企冇咩湯飲，所以我地點左個蕃茄薯仔鍋=]真心覺得個湯底好鮮甜，而且帶點濃濃既薯味 ;
最重要既係完全唔覺得有味精，所以成餐飯食完就唔會口渴！
打邊爐，當然唔少得要食肥牛啦！點左個頂級手切牛肉(小)，2個人食個(小)已經好足夠；
價錢冇記錯$168，以呢個價錢食到咁新鮮、嫩口既牛肉，唔算貴！
另外，亦點左芝心丸！呢個勁正，熟左之後攤一陣，再咬一半；
d 芝士會由中間流出來，食落又唔會過膩，相反佢很香，而且爽口彈牙呢 =]
除左芝心丸之外，我地亦點左個新鮮既手打蝦丸！即使我一粒丸分開3次食，啖啖都係新鮮蝦肉，唔會話中間宥其他野夾雜住，絕冇偷工減料！
蝦肉味道鮮甜，而且同樣好爽口呀 =]
最後我地叫左個牛骨髓，聽講牛骨髓好補鈣，而且有減緩衰老、延年益壽既作用；岩哂我！佢無咩味，係淡淡地，食落去口感好軟、好滑，我會點豉油 + 辣醬食。
張貼
