牛精皇 (已結業)

天氣轉冷突然想吃火鍋，本來很想念輝哥火鍋，但又想試試其他火鍋店，希望有新發現，中午後打電話到牛精皇訂枱很開心仍有枱呢兩個人點得不多食物，先來個皮蛋芫茜湯底，清清淡淡，還有很多我最愛的皮蛋和芫茜。凍豆腐不算超滑但很有豆味，大大舊，好吃。我不太吃牛，不過牛精皇好像主打吃牛肉哈哈，男友點了手切牛肉，看上去切得很好手勢，肉紋也很靚，不過男友稱太軔了，好難咬，雖然店員一早便提醒要是怕軔的話，點牛頸肉好一點。手打蝦滑，挺好，很彈牙，鮮甜，一份的份量亦挺多。手打墨魚丸亦同樣彈牙鮮甜，大大粒，好有咬口鯪魚丸則較遜色。其他食物跟一般火鍋店無太大差別，個人覺得不太抵吃呢。

兩天前天氣還很熱很濕，但這兩天突然又變冷。又是適合打邊爐的時候。這次與朋友互相遷就，來到九龍城涮一涮。九龍城看似很偏遠，但原來與樂富十份近。來到的時候已經幾乎滿座，首先先自行調制醬料（注意：醬料要每位加＄18)，可自由加蒜、蔥等等。湯底選了野生松茸豬肚雞鍋。起初湯底很多泡，店員細心地替我們隔了泡，之後不斷替我們加湯底雞與鍋是另外上的，店員替我們放了雞進鍋，滾了一會兒便關火。對我們說自行計時8分鐘後便可以吃了。原本想點竹蔗茅根水的，但因為太受歡迎，售韾了，唯有叫綠茶。不過原來是道地蜂蜜綠茶，是的至愛來到牛精皇這吃牛的地方，怎能不叫牛？牛皇拼盤一定是必叫之選！雖然是貴，但真的值。牛皇拼盤有3層，第一層是安格斯牛肉粒及牛白肉；第二層是牛舌及牛𦟌；第三層是頂級肥牛安格斯牛肉粒必須要泡在湯底最少10分鐘，泡得越久，會更好吃！吃進口，會感覺到牛肉的脂肪油從牛肉擠出來，十分美味！接著說說其他肉，牛白肉真的是火鍋珍品，因為接近牛胸骨的軟骨，所以吃的時候會感到爽脆！涮6-7秒便能吃牛舌與牛𦟌，肉質結實又帶點彈性，配上醬汁更鮮美。頂級肥牛脂肪分佈平均，入口綿綿的，肉香突出。打邊爐必配烏冬，稻庭烏冬是我愛的

又到左打邊爐既季節，年年都去屋企附近酒樓食，今次就同屋企人去新地方打邊爐！正所謂新一年，新景象xd我當然有做足功課先去嫁喇，屋企人都好中意食牛！見佢咁出名既牛精鍋同牛皇拼盤，乜都唔洗諗－就牛精皇喇！唔只牛出名，佢地既海鮮都幾有名，隻隻生猛活潑，不過我地咁遠水路黎到就緊係要食佢地既主打拼盤A_A入到黎環境尚算寬敞，有好多大圍枱，好適合一家大細黎依到歡聚一堂！望一望四周，牆上會因應客人方向設置電視機，如同係睇電視送飯冇分別XD所以都幾岩香港人既風格，不過7點入座，餐廳已經就快爆滿，好彩我地早黎左一步除左餐牌睇湯底、海鮮外，仲有餐單可以剔～大多數既材料都齊全，不過飲品就要另外再望望，除左大家最期待既牛精鍋，再會揀其他配料～醬料每位需加$18，大家因應自己喜好落料，不過如果大家食牛精鍋濃湯，可以選擇唔加，因為佢個湯底已經夠晒濃郁入味～招牌牛精鍋濃湯，我地最期待既畫面出現了！！店員會先幫我地落料，再等佢慢慢滾，湯底材料全部都係牛雜，湯底係超濃郁既牛腩汁，加埋牛雜就真係牛味十足～材料都幾多，絕對個個都有份，浸過牛湯既牛雜，每塊都牛味撲鼻，主要係牛腩、牛肺、牛根、牛肚等等，食落帶少少餘香，湯汁啖啖精

同事大早前已經book定位，等收工後去九龍城嘅牛精皇打邊爐。。。而職員都喺第二層留咗間大房俾我哋，房間位置啱啱夠放一張大枱，仲勁開心咁見到有三部電視，啱哂鐘意電視撈飯嘅我。職員等我哋揀好哂要嘅調味配料同湯底後，就開始遞上幾碟牛什俾我哋。原來自己以前係咁唔識食，因為從來都對牛什無好感，更加唔會喺打邊爐嘅時候食。如果唔係同事好客氣咁夾咗啲金錢肚同牛肺俾我，我都唔知牛什用嚟打邊爐原來可以咁好食。因為咁就驅使我第一次上嚟寫食評嘞食完牛什之後，就嗌咗尐薄身嘅肉眼邊肥牛，味道有尐似平時喺出邊普通打邊爐嘅肥牛咁，所以我鍾意食頂級牛肉多尐。因為頂級牛肉肥瘦啱啱好，入口即溶。。。正!。不過，肥牛都算靚，因為色澤上已經好出色，望落去就好有肚餓感除咗牛，仲有脆鯇魚、雲吞，韮菜餃，墨魚丸，仲有什菜盤都值得試！食咗一輪肉，點少得食我最愛嘅芝士丸。呢道嘅芝士丸唔同到我要請埋我個袋食。我估唔到今次啲芝士咁有彈力，稍為界開尐，芝士向上射，射到我個袋 因為嗌嘅份量唔多，呢粒芝士丸係嗰餐我唯一嘅芝士丸，所以就算剩低呢粒無咗靈魂嘅芝士丸都照食但係爛船都有三分釘，粒丸仍然係彈牙嘅！另外一個我最愛嘅菜式就係響鈴，喺湯浸一浸就可

最近天氣凍得不得了，打邊爐再適合不過。這次來到九龍城中尋找美食，店家安排我們在二樓用餐。招牌湯底，內有牛腩，牛尾，牛肺等，湯底牛味濃郁 煮幾分鐘，就可以吃牛腩及其他牛雜，店主會建議稍後再食用較難熟的牛尾。牛筋已經較熟，入口Q彈，但也容易咬爛，牛腩不用多說，不肥不瘦，連一層薄薄的牛筋，吃下去很有滿足感。 打邊爐另一個不能少的一定是肥牛了。兩碟雪花肥牛上來就吸引了大家的眼球。肉色鮮紅，肉質新鮮肥美，易熟，入口同樣散發新鮮的牛肉味，正中喜愛牛肉人士的下懷！ 另一個彈牙的魚肉，也可一試，不腥不膩，易熟，嚼起來十分勁道，值得推薦！

自從係呢間公司做咗之後差唔多一星期就打一次邊爐今次又嚟到大家都好鐘意既牛精皇大大話話 牛精皇都嚟過四五次了每次都Keep到水準真的不錯今次都當然係點番招牌湯底 - 牛精皇不用多說了實在太惹味了又點了大Fit的肥牛軟腍的肥牛配上香濃既牛精皇湯底大Fit香脈既響鈴放落湯到2秒 就能吸收湯既精華又能食到香脆既響鈴鱔片 十分新鮮其他配料都係大Fit驚喜的是咁多次都可以保待水準!

牛精皇 呢排喺度諗，人生存無非都係想享受人生，都係想開心，但偏偏呢個社會唔到你享受唔到你話事，出身平凡只能夠默默耕耘，賺取微薄嘅工資，想享受人生？有冇問過你老細？工作太辛苦，呢日終於可以約埋成班朋友一齊去打邊爐，放鬆下，傾吓計，朋友選擇左係九龍城嘅牛精皇，因為朋友之前食過，覺得質素好好，所以大力推介我哋同佢一齊去再食。 入到餐廳，朋友二話不說已經叫咗個牛精鍋，牛精鍋原來入邊全部都係牛內臟同牛腩等，好彩我都鍾意食牛內臟，所以覺得牛精鍋勁香勁正，湯底超濃味！ 濟洲黑豚肉先來一碟黑豚肉，黑豚肉色澤粉嫩，擺得好靚，成朵花咁，食落都幾重豬味，一層脂肪一層肉，再點餐廳特製醬汁，幾好味。 蝦鬼鬥墨鬼呢個要重點推介，其實係油炸鬼入面釀咗蝦滑同埋墨魚滑，油炸鬼炸到勁脆，超香口，熱辣辣咁，一舊油炸鬼有齊蝦滑同墨魚滑，外脆內軟超級正。 海鮮拼盤呢盆海鮮拼盤超抵食，又有蝦、脆肉鯇、聖子、帶子同蟹柳，都只係二百幾蚊，而且全部味道都好新鮮，尤其是脆肉鯇，碌一陣，咬落勁爽脆，而且魚味好香，肉質彈牙，另外帶子都好鮮甜，店員教我地碌一碌就好，如果唔係好容易會變乾瑤柱。

打邊爐已經成為左我既生活一部份～任食邊爐已經再滿足吾到我～所以，我只好不停尋找，更fit的邊爐！呢間野，睇名就知佢主題一定係牛啦～我至愛😍要試一野！［牛精皇湯底］講到名牛精皇湯底，點都要試一野啦！大愛牛雜既我，一睇到d料就已經心心眼！這根本就是牛雜湯底！有牛根，牛肚，牛肺，牛尾，蘿蔔⋯ d牛根勁林，蘿蔔就最好等最後，索哂d味先食！又林又甜！出面好小有牛尾，但呢道有！又真係不錯！［每一款牛］有好幾款牛，所以當然要每樣試一碟啦～難得泥到九龍！我覺得本地牛最好食，d牛味最濃，小爽口！其他牛，就比其他店差不多！［牛根］由於大家太中意食牛根，而出面又吾係成日有得食，所以我地特別叫多左一碟！真心，大fit!爽口！入味！d骨膠原，完全攻陷了我！［鯇魚片］不是太多塊，不過，勁爽口，鮮甜！中意食魚既大家，可試一野！［魚肚］可能比較偏門，不過，比起食過既，大件好多，吾煮一陣就溶哂！成件過，勁入味！總括來說，可以值得一試，食物有水準，地點宜搵，不過價錢略貴！

好耐無去九龍城搵食了，以前最少兩星期一次，以前成日同朋友過黎，今晚好彩最尾都約得齊人，我地共有六個人，天氣又凍凍地，去打邊爐一定係好選擇。咁行行下見到一間食食牛打邊爐既餐廳，我地見到咁多牛部位可以食，好快就決定入去食啦打邊爐最緊要一定係個湯底，之前有食過一d餐廳既湯一係就好淡，d野好似白烚咁，一係就好咸，狂落味精，咁我問呢間餐廳侍應，佢就話招牌湯底就係招牌牛精鍋，因為湯底出名夠濃又夠料，如是者，我地點完湯底同野食就開始等食啦。黎左個湯底，就係招牌牛精鍋，佢先上左個湯先，然後有隻碟裝住唔同既牛部位，湯煲滾左就放落去，成個湯底即刻又香又濃味,滾左一陣間我地就夾起黎食,牛腩好濃烈牛香,牛肺夠新鮮,牛根我更加係熱愛,夠腍易咬又有膠質感覺,而另外牛肚十分爽口,光係食呢盆牛鍋湯料我地已經有四成飽了,但我見隔台真係當湯料餚湯冇食過,真心覺得可惜同浪費,因為咁好食既野都唔識食,浪費餐廳既心機！ 然後,當然打邊爐一定唔得配料,我地快揀左個海鮮拼盤,叫得盤一定多選擇啦,好快大大碟既拼盤出場,選擇有很多,例如:海蝦,聖子,鮮蠔,子,爽滑魚片等,D蝦上台個陣仲係郁緊,好新鮮,由於我地覺得拼盤全部新

牛精皇 終於放工了，最近都比較大壓力，很需要和朋友一起暢談吃喝玩樂，這晚便與三位朋友到九龍城吃火鍋。牛精皇位於九龍城的福佬村道，位置非常容易看到，對面有間足浴店，我的朋友在等待我放工的時候，去了對面做腳部按摩，聽說質素也不錯！進入餐廳後，發現餐廳面積不太大，不過勝在企理乾淨，又有電視看，感覺很舒服。 看一看餐牌，火鍋配料選擇非常多，我和朋友瘋狂地叫不同食物，店員示意我們先行混醬，然後再選擇湯底，我們決定要招牌牛精鍋，牛精鍋材料非常豐富，有金錢肚、牛肺、牛腩、牛孖筋、牛尾及牛膀，先呷一口湯，牛味非常香濃，真的是精華所在，牛內臟的精髓都蘊含着這煲牛精鍋裡，香氣迫人！ 手打四寶丸每次吃火鍋，我都一定會叫手打丸來吃，這裏的手打四寶丸賣相頗精緻，大大的一粒，口感非常爽口彈牙，味道香濃，最喜愛吃手打墨魚丸，墨魚丸打得晶凝通透，質感爽彈，另外，蝦丸味道也不錯，吃得出用料並不普通。 即炸紫菜嚮鈴這是餐廳的主打招牌菜，我看見會枱客人都有點這個來吃，當年我們也要試試，紫菜響鈴炸得非常香脆，放進湯底碌兩秒，既能保持響鈴香脆的口感，又能夠吸收湯底裏的精華味道，當然，

昨晚去打邊爐，可能因為天氣轉冷的關係，而九龍城每次都係我必選地方，多選擇而且大部分好食， 九龍城出發了。我地漫無目的地搵美食，見到有間餐廳專食牛的食肆門口等位人數眾中，基於好奇心驅使下，我地決定加入戰團一齊等，我們七點半去到開始等，但店員提議我地周圍行下先，我地放工腳板都很累，就去了對面按腳，到九點番黎再等多一陣終於有得食。坐底店員就好熱情向我們推介湯底，最後選定了一個招牌湯底─招牌牛精鍋和其他火鍋配料，我們靜靜地等候，但又好期待，見多人等位，質素應該很高吧!大約五分鐘， 湯底上枱了，牛香由遠至近飄來， 我們未放火鍋配料前立即裝了几碗清試味，湯就個招牌牛精鍋湯底真係不得了，精華湯底，入口好清甜牛味，沒有味精湯的感覺，相信一定餚了很久，然後，加入金錢牛肚，牛肺，牛尾，牛腩，牛孖筋及牛蒡，清晰可見湯底十分濃郁，牛愛好者絕不能錯過，配上稍後分享的鮮牛配料，令我垂涎十尺，食指大動了！然後，牛皇拼盤隆重登場了，這個拼盤真是精彩，上枱時已十分震撼，有牛舌，牛白肉，安格斯牛肉粒，金錢牛月展，本地肥牛及頂級肥牛，牛舌和牛月展很爽口，牛白肉就比較脂肪味重但清楚食到牛脂香，其餘牛部位的肉質口感都十分平均，

這天兩個女孩到了九龍城的牛精皇宵夜！因為比較晏的關係，人不萛多！我們點了一個清潤的雪耳海底椰豬肺鍋$138­鍋中有不少雪耳同海底椰，不是像徵的小小了事，十足材料！ 豬肺也不小喲！叫得牛精皇，一定要試試，我們點了本地手切牛頸脊（$298），雪花紋不是太多，色澤鮮紅，但不覺得韌，牛味也重！紫菜響鈴（$63），即是響鈴裡面包住紫菜，即點即炸，放在湯中數秒便ok, 不然會太稔了！。加了紫菜味道不錯，香口了不少！蜂巢豆腐($38)，冰過的豆腐放在湯中，吸收了湯底的鮮味，只要有好湯底，這個必然好吃！兩個女孩，這樣已經足夠了！

相約友人食宵夜，九龍城最方便，因為好多食肆都開得夜！！今次就去左牛精皇打邊爐～店內都幾潔淨，而且椅子都坐得幾舒服，而且每張桌旁邊都會有一個架，用作放火鍋料及飲品，好貼心，因為好多時去打邊爐都會出現唔夠位放火鍋料，有這個架就方便好多！！Order好湯底及火鍋料，店員就會遞上打邊爐的醬油和調味料，自行調味，調好後就會拿走。看到「雪耳海底椰豬肺湯」湯底，我們2個女生都被這滋補的名字吸引了！！而且一打開時真的看到好足料啊！！有雪耳、紅棗、豬肺、海底椰、椰子！！所以第一件事唔係打邊爐，而係先飲返碗湯～好清甜，真係無叫錯，呢個湯底我仲覺得會令牛更鮮甜添～第1款食既就係即炸紫菜響鈴，響鈴就食得多，紫菜響鈴就第1次，一樣好味，多了紫菜的咸味，我真的幾中意，只要大家記得唔好滾超過3秒就好啦。手切本地肥牛（頸脊）一碟有廿幾片，我覺得這個分量似4人分量，雪花平均，肉質比較軟滑，牛味濃郁，而且唔需要滾至全熟，試過1片滾至全熟都不會韌或鞋口，而5-7成熟就最好，咁先夠嫩滑！！！真係會完一片就想再食第二片～蜂巢豆腐6塊為一份，每塊都是大大件的，是將山水豆腐雪至結冰，豆腐內會形成一個個既小洞，放入湯內，它就會吸收晒

家人慶祝我一年一度大日子，聽說這裡的湯底選擇多，而且很捧。甫坐下，先來一個調味架調配適合自己口味的醬料（$18/位），款色也大致跟其他火鍋店大同小異，看出是新鮮的，驚喜的是連麻油也有，加左幾滴已經很香。難得生日，當然要食好少少，點了個四人餐（$788），轉配了招牌牛精鍋湯底（額外加$120）。牛精鍋湯底十分足料，配料和湯底同樣足料，有原鍋呈深啡色味道濃郁的牛肉湯底，還附上一碟牛雜，分別有牛肚、牛膀、牛肺、牛尾、牛筋、牛腩等，份量超多超足料。四人餐內包括美國特級肥牛卷、韓國黑豚肉、鮮嫩雞半隻、即炸響鈴、生根、手打三寶丸、四式餃子盛、午餐肉、雜菜藍、炸魚皮、手打稻庭烏冬和出前一丁。在眾多食物中，除了招牌牛精鍋外，個人比較推薦即炸響鈴、手打三寶丸和四式餃子盛。炸響鈴是即炸的，鬆化程度達最高境界，可直接沾上酸甜汁食用，放湯亦可。我選擇了前者的吃法，鬆脆可口，食完飲啖牛精湯，正呀！手打三寶丸包括了墨魚丸、蝦丸和鯪魚肉丸（次序已分喜愛程度順序排列）。墨魚丸鮮味十足，爽口彈牙，蝦丸還看到一隻完整的蝦呢！可以肯定的是，他們的丸類都是手打的。四式餃子盛包括了魚皮餃、水餃、雲吞和魚餃。以水餃和雲吞最為喜愛

考完試梗係密密約飯局，同朋友出黎放鬆下啦😍， 朋友知道我鐘意打邊爐，所以特意推介左一間係九龍城專食牛既餐廳比我，仲訂埋枱同我一齊去食，真係夠朋友。 間餐廳叫牛精皇，個名好特別，哈哈，一定係牛魔皇既朋友😂。一入到店坐低，店員就拎左裝住調味料既盒仔比我地自制岩自己口味既調味醬，我就一如以往咁咩都加d落去！ 黎到牛精皇，就一定要試下佢個招牌牛精鍋啦。牛精鍋有得揀濃味同淡味d, 而一向重口味既我地，就二話不說就揀左濃味湯底。 牛精鍋入邊就已經有牛肚,牛肺，牛腩，牛膀，牛孖根，仲有牛尾！聽講好似幾補下😂。 牛精鍋既湯底真係好足'牛味'，有牛味之餘仲帶有一種肉質既鮮甜味。一個字！正呀～ 另外，由於大多牛肉既選擇，唔知揀咩好，於是我地就叫左佢個二人set, 經理話可以試到哂所有牛精皇既特色野食。 話咁快二人set就到左，食物用一個三層架裝住，賣相相當吸引！佢第一層有手打丸類（蝦丸、鯪魚丸、墨魚丸），第二層係海鮮（聖子、青口）同自製餃類（韮菜餃、水餃、雲吞、魚皮餃）. 第三層係牛肉（頂級手切牛肉，安格斯牛肉粒同牛白肉)。 係呢個等野食熟既時候，我地叫左一渣竹蔗茅根水，係佢地自己