牛精皇 (已結業)

一聽到天文台話會轉冷而且氣溫會跌到17度❄❄！就即刻諗起去打邊爐啦~又唔想係屋企打wo因為又要洗餐死！所以費事煩就出街打邊爐~係openrice search睇下食邊間好啦。原來屋企附近福佬村道有間叫牛精皇既評價都幾高，所以就興高采烈地同埋朋友去打邊邊喔！到埗後，店員就推介左牛精鍋湯底👍！她說係餐廳既人氣湯底！既然黎到牛精皇無理由唔食佢個人氣鍋架~所以就order左！個牛精鍋到台後，店員再將d牛既各部份放落湯內再整熱！我眼見就有牛筋，牛肺，牛膀，金錢肚樣樣有！未食已經知道非常入味啦！！結果真係預我所料~每樣牛既内臟都煮到香淳又淋滑，而金錢肚就好爽彈有質感~正呢！！之後我地就叫左d配料打邊爐，餐廳都幾先進~有部平版電腦落order, 感覺幾新潮呢！我地就order左午餐肉~上台時已切成條狀，唔使太大塊！厚切既關係令入口感覺幾好！午餐肉獨特既豬香難以形容，總之食完一舊再想食第二舊啦😆炸魚皮~新鮮炸起！熱辣辣脆卜卜~將d魚皮輕輕放在湯拖一拖！解熱氣又唔油膩！食落沒有油溢味帶點魚香！ 象拔蚌刺身太挎張了吧！？份量勁大份！賣相一流，較淺色部份我就刺身食法，夾埋d wasabi豉油！鮮味無比入口

等到11月尾，天氣終於凍啦，最啱嘅活動就係打邊爐啦，朋友介紹左間九龍城既火煱店，評語都吾錯，就一於跟佢食啦入到去full晒，好彩朋友訂左位，否則模門釘啦，裝修都幾企理，坐得都幾舒服用ipad黎點菜，又幾先進喎👍👍好多野都想食，毫無頭鍺之際，店員推介左個4人餐畀我地，1488好夠食，就一於由佢發辦啦😁😁😋total有14款野食，真係多到食吾晒，哈哈， 有豬豚肉啦，肥牛啦， 墨魚丸啦，手打嘅豬肉丸啦，鯪魚肉丸啦，生根啦，響鈴喇，肥雞等打邊爐精髓在於湯底, 湯底我點左蕃茄湯底，夠晒濃味咁濃味既湯底配埋響即炸鈴食一流, 表面沾滿湯汁，咬落卜卜脆仲有最好食嘅，我就係覺得係象拔蚌，象拔蚌切得夠薄, 咬口好爽脆, 點點WASABI同鼓油食真係一流!! 其次係手打既丸物，真係好q彈，而手打墨丸, 爽口又咬到墨魚肉，百分百墨魚鮮美, 鮮蝦水餃, 落足料炮製，包入大大隻的蝦仁，爽口彈牙肥牛切得頗厚身，表面略帶雪花，牛味濃，肥瘦均勻，口感嫩滑帶脂香呢餐個性價比起高，完勝任食火鍋多多聲👏👏👏👍

為姨甥慶祝生日，特地選了這間火鍋店，滿足我們這班無牛不歡的男士。一早於開飯網預訂座位，去到便安排入座樓上雅座，布置精緻簡潔，空間寬敞，最重要的是乾淨企理，令人食得放心。是夜一行五人，先來個法國生蠔醒醒胃口，果然鮮味爽滑。再分別點了兩個二人套餐，再加一個招牌牛精鍋，內裡有手切牛肉、牛膀、牛筋、牛肚等，只消一灼便可進食，爽脆嫩滑，絕對是首選之作，更不容錯過此鍋湯底，融合所有牛髓精華，濃而不膩並帶有鮮甜牛美，對於嗜牛的老饕來說，簡直會呷過不停。至於套餐內的肥牛、鮮雞件、牛肉骰粒、丸類、餃子等亦是用心自家製作，真是不容小看。最後，必定要點牛皇拼盤，不同牛肉部位盡在眼前，必定能令所有牛魔王盡興而歸！

常常經過九龍城，總是心思混的想吃泰國菜，但天氣涼鰂，原來打邊爐也是一種不錯的選擇。打邊爐之餘又啤一啤，人生之樂也。單單看菜單，選擇十分多，而且可以選擇雙拼。混醬時刻，總是要加入大量的炸蒜，香蔥。湯底選擇了番茄牛尾湯。十分鮮甜，番茄十分的甜香。煮到最後，牛尾也是十分淋，一咬即溶。薯仔吸收了番茄的味道，愈滾愈有味。黑豚肉。薄切的黑豚，肉味不算濃，但勝在肥肉和肉平均，咬口十足。牛皇拼盤。一碟牛拼盤，是這裡的招牌，先有牛白肉，牛粒，牛舌，本地手切牛等等。只能說牛香十足，入口軟淋又香，還留有點點酒份餘香，十分吸引。響鈴就吃得多，但紫菜響鈴還是第一次。紫菜十分香脆濃味，什至搶走了湯汁味，因此習慣了平想吃響鈴飲湯汁的人可就會不太鐘意了。最後送上了芒果雪米糍，一解酒膩感。

慢慢踏入冬季，今晚與我的男人來吃火鍋，地點選了我們最愛的牛精皇。火鍋餐紙。蕃茄牛尾湯底。牛皇拼盤。牛肉分三層，頂層是牛粒和牛白肉，中間是牛脷、牛展、頂級牛肉，底層是安格斯牛肉和手切肥牛。每層都用上頂級靚牛肉，由頂層開始食，牛味濃香濃厚，雪花部分平均，入口油香豐富不膩口，肉質爽嫩彈牙，厚薄均一味道驚喜出色。脆鯇魚腩。魚肉爽脆鮮甜，輕輕一滾鮮甜肉嫩，湯底鮮甜伴上魚香，果然不錯。脆炸紫菜響鈴。第一次吃紫菜響鈴，炸得脆口不油膩，響鈴吸盡湯底精華，輕輕滾數秒，紫菜香味突出，非常滿足。四寶丸。貪心的我叫上四款不同味道的丸類，肉丸打得起膠彈牙，味道鮮香肉味突出，入口爽彈不會過於腍身，每粒大小均一，一口一粒味道滿意。

今晚來到牛精皇打邊爐，我朋友唔食牛，咁我唯有吃豬肉啦！韓國濟洲黑豚肉。韓國來的豬腩片，豬味濃郁鮮甜，豬肉夾有油脂入口油香豐富但毫不膩口，肉質爽嫩帶點咬口，味道非常驚喜。自家製鮮蝦雲吞。自家製鮮蝦雲吞果然名不虛傳，內裡包上大大隻鮮蝦肉，豬肉和蝦肉比例剛好，皮薄餡料多，入口極度爽彈鮮味。宏尖沙咀彌敦道100號The ONE 5樓502室#katrina尖沙咀脆炸午餐肉。午餐肉先輕輕一炸，口感結實油香重，肉質軟腍帶有香口脆身，油溢味不重，頗是特別。鮮帶子片。帶子片鮮嫩非常鮮甜，厚厚一片帶子味道鮮嫩爽口，海鮮沒有雪藏味道。最怕帶子有一層厚厚的雪藏味，這裡的帶子厚嫩鮮甜，果然不錯。⋯我和友人二人同行，吃得飽滿又滿足。

聽就聽得多，終於嚟試啦，叫咗麻辣湯底同蕃茄湯底，蕃茄湯非常好味，麻辣就同平時食嘅一樣，冇乜特別但都係好味，鍾意呢度嘅其一原因係有晒我鍾意食嘅嘢例如竹笙同萵荀，推介潮州魚蛋勁好味，好滑同埋彈牙！

牛精皇炎炎的夏天終於終於都過去了，這個星期秋意漸涼，實在是吃火鍋的好時機，不過說到吃火鍋，我相信香港人對打邊爐的熱愛程度應該是世界級的了。為何打邊爐這麼吸引？香港人一年四季都在打邊爐，就算炎炎夏日，只要開空調，一樣可以打邊爐。我相信是那種熱鬧的氣氛，及火鍋湯底的濃郁味道，這些都深深吸引着香港人。這天，我和朋友放工後，便相約到九龍城的牛精皇吃火鍋，其實之前我都已經吃過一次，實在對他的招牌牛精鍋湯底念念不忘，難得這幾天涼意十足，當然要止一止火鍋心癮。先飲餐廳自家製的竹蔗茅根。招牌牛精鍋，牛精鍋材料非常豐富，有金錢肚、牛肺、牛腩、牛孖筋、牛尾及牛膀，我相信在香港，很少火鍋店會用上這些部位去作為湯底，這是非常難得的。湯底終於都滾起了，我和朋友先呷一口湯，牛味非常香濃，真係精華所在，牛內臟的精髓都蘊含着這煲牛精鍋裡，非常吸引，香氣迫人！頂級手切安格斯牛肉這碟安格斯牛肉色澤鮮紅，有不錯的雪花紋，脂肪分佈平均，肥牛牛味香濃，質感幼嫩滑溜，肉脂相間，非常吸引！加上牛精鍋的湯底，牛味更逼人！手打墨魚丸、手打蝦丸這間火鍋店的火鍋配料質素都非常高，這裏的手打丸值得一讚，調味剛剛好，而且質感彈牙可口，墨魚丸更

今次同朋友打邊爐，想食好啲食豪啲，就叫左個精選二人餐，兩個人share都係三百蚊左右。湯就揀左皮蛋湯，材料都幾足，等湯滾時係甘食皮蛋，哈哈！醬料都放得好整齊，自由添加嗌左個咸檸七，略嫌七喜唔太夠氣二人餐都幾豐富，有牛，海鮮，烏冬，菜，我就最滿意手打丸。粒粒唔同味，粒粒都好彈牙，手打得好靚。啲餃都係自家包的，抵讚！呢個set既牛都唔錯，有安格斯牛柳粒，手切牛肉，全部都好靚。不過最驚喜係牛白肉，因為我第一次食，覺得好surprise,放落湯淥一陣已經食得，好薄好滑，油脂味好香，出面打邊爐真係好少見有得食，所以我建議可以試下牛白肉。我地都無再追加喇，兩個人食二人餐都食到超飽，最後臨走仲送左粒雪米磁比我降下火，哈哈。

今晚涼涼哋想打邊爐，見食評唔錯，招牌打正旗號食牛，一於試下。唔叫普通二人餐，散叫逐樣揀。牛揀咗最貴嘅手切本地頸脊，$298，唔係好多，但重點係完全冇牛味，又鞋，仲有雪味，一啲都唔掂。個牛精皇湯底一陣藥味，好多肉碎飄浮，食咩都有啲骨同肉嘅碎，咁嘅湯底$198。湯底入面嘅牛筋，硬到完全食唔到，牛骨一陣雪味，唔知掉落去做咩。即炸響鈴又厚又唔脆，唔知想點。啲伙記想做到好殷勤，但好煩！係好煩！成日走埋嚟，放咗舊咁熱嘅嘢入口仲要應你！啲嘢食剩返一兩塊示意你碌埋，冇嘢呀？我想幾是碌關你咩事？要快啲碌比你收碟？整刺身嘅砧板、刀亂咁放，見到都唔開胃！兩個人食咗成千蚊，冇叫海鮮，但衰過任食！好嬲！九龍城大把好嘅火鍋鋪，誤信食評，唔會再食！同佢反映，都唔係要佢收平啲，只係話去廚房跟一跟。跟咩呢？不過你比coupon我都唔敢再嚟！

又來到九龍城區搵食, 這次的目的不是泰菜而是打邊爐.位於福佬村道的牛精皇地點很易找, 而餐廳是朋友介紹的.朋友說二人餐最抵食, 更有少見的牛白肉食, 值得一試.店員會先奉上醬料架讓你自己調味醬料, 這都是一些基本的醬料及配料.混醬後店員就會提走醬料架.採用電子餐牌, 簡單易看. 有散叫打邊爐材料, 也有不少小菜選擇.二人餐也有2個價錢選擇, 便宜一點的是$388.想食牛白肉的, 可以選$538的二人套餐. 這個套餐包的食物比較豐富, 單看菜單已經很吸引.套餐只包了$78以下的湯底, 如果想選貴一點的湯底, 只要補差額就可以啦.湯底有我最愛的蕃茄薯仔湯, 當然要選這個啦.餐廳會用一個層架將套餐內的材料一次過上枱, 一共有三層, 上層是丸類, 中間一層是海鮮及雲吞水餃, 最下層就是牛肉、牛柳粒及牛白肉.整個賣相相當吸引, 也增加了我的食慾. 因為當時我真的超肚餓呀~最上層的丸類, 有黑椒牛丸、手打鯪魚丸、手打墨魚丸和手打蝦丸.四種丸類, 其中三款是新鮮手打, 這個真的是意料之外.手打丸口感非常爽口彈牙, 又數蝦丸同墨魚丸最有鮮味這種爽彈口感只有人手打才會有的效果.中間一層全是自制的餃類,

牛精皇呢日同男朋友去咗九龍城打邊爐，因為天氣漸涼，終於等到秋天啊！黎到梗係叫佢嘅招牌湯底招牌牛精鍋，估唔到非常足料，湯底同埋入邊嘅材料係分開上嘅，店員會俾我哋影完相之後，就將材料倒入去湯底入邊，裏面有唔同牛嘅部位，令到成個湯底都非常濃味，充滿牛的精華。配料我哋叫咗安格斯牛肉、手打丸、紫菜響鈴、魚皮餃等。安格斯肥牛嘅雪花好靚，好有牛味，入口融化，唔使點醬汁都已經好正，加埋湯底嘅精華，原汁原味實在好味！手打丸超彈牙，我哋叫咗蝦丸同埋墨魚丸，而且好夠味，咬落彈牙鬆化。紫菜響鈴啱啱炸起，非常鬆脆，呢度都幾特別，通常係出面食嘅火鍋都唔會有紫菜係響鈴入邊，原來加左紫菜係響鈴入邊會令到響鈴食起嚟更香更鬆脆。記得之前電視都有介紹過呢一間火鍋店，專食牛嘅罕有部位，鍾意食牛嘅你不能錯過。

九龍城除左食泰菜，其次就係邊爐於是夜晚收工去左呢間打邊爐逐樣叫好煩，所以叫左個二人餐呢個係莞茜皮蛋湯個湯已經好足料，皮蛋好食然後上菜，新鮮其他配料就三層架上頂層都係丸類，超大粒超彈牙中間有海鮮同餃類，聖子幾好食最底係牛雪花分佈平均，牛柳粒入口即溶！試埋生蠔，43蚊隻，都幾新鮮！太多野食，兩個女仔表示食唔晒侍應服務幾好，冇黑面，有耐性講解，間唔中主動過黎撈走d泡

最近開始秋涼,,,,,最o岩就係打邊爐喇!!早幾日放工之後就同老公去左九龍城打邊爐......兩隻牛魔皇一於試下呢一間牛精皇啦**兩個人打邊爐, 最煩就係嗌咩野食~嗌得多, 又食唔哂,,,,,嗌得少又好似得個幾樣野食!!呢間餐廳有兩款2人餐~o岩哂2個人撐枱腳去打邊爐呀!!我地就揀左下面既精選二人餐 $538湯底方面....都有好多選擇~店員推介招牌牛精鍋, 裡面有齊哂金錢肚, 牛筋, 牛肺, 牛膀, 牛尾和同牛腩....感覺好豐富,,,,,不過老公話想試沙爹鍋, 所以最後都係揀左沙爹!!!上菜之前, 梗係要自己混一混醬先啦!!!醬料每位 $18首先登場既係一個三層架~XD**感覺十足食緊HIGH TEA咁呀!!上層係手打蝦丸, 墨魚丸....中層就有雲吞, 水餃, 青口, 魚皮餃同聖子~墨魚丸有粒粒墨魚肉, 好有口感~而下層呢, 就有頂級手切肥牛, 極品安格斯牛肉粒同牛白肉***牛白肉輕輕灼後幾秒就食得~爽口又彈牙...頂級手切肥牛牛肉新鮮, 色澤鮮明, 肥廋適中~牛味濃郁細膩....口感超軟嫰呀**最後就係雜菜籃同烏冬....店員話鳥冬都係佢地自家製架....比我平時食開既鳥冬幼身

今晚約左舊同事食飯，涼涼地大家都想打邊爐，就落左九龍城揾食。記得之前去過牛精皇幾好味，一於wall in睇下仲有無位先。早黎好彩仲有位，我地兩個都懶諗食咩，所以一睇餐牌有"優惠2人餐"就即刻order. 呢個餐有牛卷，半隻雞，即炸響鈴，菜同烏冬等等。雖然呢度有好多款特別湯底，不過驚食唔晒所以要左簡單既沙爹鍋。沙爹味夠濃夠香，而且夠晒味，所以野食唔洗再點豉油。呢度主打牛肉，當然食左肥牛卷先，件件都肥瘦平均，唔會太薄。咬落彈牙軟熟，肉味濃郁。仲有半隻雞，舊舊都有肉，唔會剩係比d骨頭當半隻。因為雞要淥耐d, 所以由得佢慢慢滾。淥左一輪先記得食，起初仲驚淥到老晒，但入口肉質仍保持嫩滑，一d都唔鞋，新鮮雞先可以咁好味。呢度仲有最讚既即炸響鈴，因為即炸可以點甜酸汁就咁食，口感脆似炸雲吞，有d蛋香味。原始d淥3秒再食，索晒d湯又係另一個風味。手打烏冬又係淥完仲好彈牙煙韌, 平時響日式鋪食果d都無咁彈，撈埋d沙爹湯食仲正。跟餐仲有滑豆付同蔬菜籃，食咁多肉類點都要D蔬菜清下腸胃.  食完2人餐已經夠晒飽。