牛極 (樂聲大廈)

營業中

休息中

牛極居然開到黎港島區，今日行過銅鑼灣怡和街，發現呢度開左間牛極，橫竪仲未食lunch，即刻試下先。牛柳 $110叫左牛柳。牛柳上枱既時候外面全熟，入面基本上只有一兩成熟，要自己係石板上加熱。我另外拎左一d蒜蓉，加熱後變自制蒜蓉醬。肉質唔係好肥，但好淋，厚切完再用石板燒10秒就剛剛好，加上燒好既蒜蓉醬，唔洗其他調味料。同其他牛極分店一樣，沙律同蕃茄湯任飲。蕃茄湯正常。沙律主要係生菜同番茄，醬有柚子醬同芝麻醬揀。

好多時落車都會經過但一直都無試, 今日聽朋友介紹就決定同屋企人一齊去試下。一行6人分左2枱, 有叫到牛柳, 肉眼, 西冷如果好似我咁鍾意食軟身易咬既就一定要試下牛柳, 真係好軟, 我媽D牙唔利同小朋友食都無問題。好值得一試, 但相對黎講就無咁重牛味, 不過對我黎講就好夠味。肉質: 4.5/5牛味: 3/5我都有試下屋企人點既肉眼, 就無咁軟, 但肉味重好多。如果鍾意有咬口, 同肉味重既人, 應該會鍾意食肉眼。肉眼唔記得影相肉質: 3.5/5牛味: 4/5另外, 再叫左個牛脷,  普普通通正常我地唔算大食所以全部都係叫左最細SIZE既牛, 另外再食埋沙律同埋日式牛肉湯就好夠飽, 不得不說佢個日式牛肉湯真係好好飲。題外話, 店長姐姐真係好好人, 好Nice同好細心, 我媽行動唔太方便, 店長行過聽到我媽話想飲多碗湯, 就係我帶更口罩準備身起既時候, 佢就拎左碗湯俾我媽。同埋好多時都好主動同細心咁解答。 令到成個晚餐加左好多分。

如果喜歡啖啖肉既朋友，值得推介這間「牛極」牛扒專門店！😋他們沿用日本店舖的購票形式，先在門口的購票機購買食物，可以用現金或支付寶香港付款，拿到收據後職員會安排座位給你。食物有職員送到你的桌上，我們前後購票不到5分鐘，食物已準備好，十分快速👍🏻今次我們試了「和牛」、「牛舌」和「牛柳」，職員建議先食「牛柳」因為已經半熟放在鐵板上，先食否則會過熟，香煎到有點血紅色已經很淋身。和牛是全生，需要自己煎熟的，可按喜好自己控制生熟程度，和牛都有點根，未做到入口即溶的效果。「牛舌」已經熟好，我不太喜歡有點厚身。白飯、麵豉湯、沙律是自由任食的。

之前食過一次外賣午餐「牛舌丼」是可以。格了幾個月，經OpenRice order 外賣自取。當我下單後，1分鐘內餐廳職員致電給我，她問關於點餐詳情，還叫我現在可來取外賣。我感那麼快就可以！我就立刻出門去取，到餐廳後，都未準備好，我還等了5分鐘以上。套餐外觀可以，有蕃茄牛肉湯、生菜沙律配芝麻醬、牛肩肉、白飯。落訂單時，牛肩肉已預設為5-7成熟，我還想「應該此熟度是最好吃的，所以預設了😋」當我食第一口牛，肉質好鬆化！但期後全都是有筋，全份牛最少1/3都是筋，是食不下的😓🤭！感失望！蕃茄湯裏的牛肉都還好，忟得夠軟！原來同事前幾個月已食過一樣的餐，也是一樣，占一半以上都是筋，也感失望！結論：下次不會再點！（同事說：係永不😅）

外賣質素不差於堂食，食物包裝乾淨企理，唔會因為係外賣而做差咗Openrice 落單自取方便快捷☺️（用咭或Alipay仲再有折扣）唔想諗可食亂切，必食牛肩，牛舌😄建議堂食熱辣辣，每日都唔同湯

*牛極*原來銅鑼灣都開左牛極，同朋友行行下街見到所以就行左入去啦任添白飯，湯同沙律🥗沙律可以加柚子汁同埋芝麻沙律醬 好正 最中意芝麻沙律醬白飯可以加飯素（紫菜）飲完海帶麵豉湯暖粒粒之後牛柳同牛肩脊就到啦 一開始切好曬真係食唔切因為塊石好夠熱好快熟好在餐廳職員好好咁比多個碗我地放牛，咁就可以邊食邊燒啦😁牛肩脊我地厚切左 一開六 慢慢燒黎食咁樣食真係好香好保留到個肉汁 當係牛排咁食牛柳我地一片一片切開，加埋蒜同燒汁就好似食緊燒肉咁 真係2種唔同口感都可以食到

同朋友去食牛極，去到雖然已經係下午兩點幾，但都係要排隊！好彩唔洗排好耐。呢度落單係自己去自動販賣機度揀，同日本餐廳一樣！係香港好少有。呢度仲有任食沙律白飯同任飲湯，一定飽肚。每人仲會有一件即棄圍裙，完全唔驚燒牛扒啲油會彈到周身都係，好貼心。我揀咗牛肩扒，肉質爽口，我比較鍾意食生啲，呢度都滿足到我，可以自己燒到幾多程熟，因為香港啲餐廳好容易會overcook。點少少燒汁，再加蒜蓉，十分野味。朋友叫咗牛柳，我都有試少少，好嫩滑，就算燒得比較熟嘅邊邊位食起身都唔會好鞋。

係啲冷冰冰嘅日子，突然之間想食石燒牛排，所以就去咗銅鑼灣嘅牛極，位置又方便。呢度落單就好似日本餐廳咁，自己係個vending machine 揀自己想食咩牛，食幾多gram。呢度大概有6款牛肉可以揀，每款牛有3個size。我地唔係太肚餓，所以就揀咗最細嘅size。呢度嘅日式牛肉湯，飯，沙律都係任食，係自助形式，自己想食幾多就裝幾多，沙律可以加芝麻醬或者沙律醋。日式牛肉湯味道有啲似羅宋湯。牛柳 200g $110牛柳好嫩滑，係厚切，好少會係香港有咁厚切嘅牛柳，食起身又唔韌。可以根據自己口味加，黑椒，鹽或者香草。記得拎埋啲燒汁同蒜蓉，點少少食就令到個牛嘅味道昇華。牛肩排 180g $80比起牛柳爽口同多啲牛味，不過就有少少筋，影響咗個牛嘅整體口感。我切走咗啲筋，就好好多。同樣地，可以根據自己口味加翻唔同調味料食。我覺得呢度嘅職員好友善，會提醒我翻下啲牛，避免燒焦。係vending machine買完之後，石燒牛就好快上台，上台嘅時候有用paper towel 遮住，感覺比較衛生。同埋上到台牛排唔會過熟，可以根據自己嘅喜好，將牛肉係石上面燒到自己喜歡嘅熟度。最重要價錢一啲都唔算貴！絕對值得

放假來了牛極,下午才有好東西吃,當然要早一點出門可能因為是假日,比較多客人要等了一會位置但很快便有位置了,因為這是牛扒快餐,大家也吃得很快我叫了200g 西冷牛扒,友人的是200g肉眼。西冷口感不錯，厚度十足,肉味濃郁, 友人的肉眼扒就比較軟熟，味道沒那麼濃，但肉汁很多。另外他們有自助bar,可以自取飯、牛肉湯和沙律每一款食物質素也不錯,值得一試牛極的價錢確實也不貴,質素又不錯，我和朋友都是食肉怪，一定會再來

今晚是匆忙的一天🤣期待左食牛極好耐，由於疫情放肆，都要係門口等左十分鐘先入得。入到去，我好快手就點左一份牛肩排180g，同一份牛柳200g，自助area，都有麵豉湯，沙律，白飯等等。多謝店員耐心既講解，若果塊石板唔夠熱既話，可以隨時更換一塊。同埋換完塊板之後，但表面嘅白煙都冇晒，先可以將塊牛扒放上面。價錢而言，不算太平不算太貴，兩人的分量足夠。對我來講，更加享受嘅係將舊牛，放喺鐵板上面燒嘅過程，比起去快餐店黎講過程幾有趣。至於味道方面，不過不失。得閒同朋友嚟呢度都係唔錯嘅選擇。

During the holiday, Niujie, there are good things to eat in the afternoon, of course you have to go out earlierMaybe because it is a holiday, more guests have to wait for a whileBut soon there will be a place, because this is steak fast food, everyone eats fastI ordered 200g sirloin steak, and my friend’s 200g ribeye. The sirloin tastes good, full of thickness, and rich in meaty flavor. My friend’s ribeye steak is softer and less flavorful, but the meat is more juicy.In addition, they have a sel

而家越開越多日式石燒牛，呢間係成日搭車會望到，仲大大隻字寫外賣$50！都幾想嚟試吓，今日終於有機會啦！門口有部售賣機，先點選想吃嘅牛，有不同位置、來源地和重量，我今日就揀咗個最平嘅牛肩排（ 180g），只需要$80 !實在太抵啦！付款後搵個位坐低慢慢等，轉眼間店員就送上啦，咋咋聲！佢哋用紙巾蓋住，你可以先再等一陣，因為塊牛都未咁快熟，除非你食好生啦。等候嘅同時，可以先出去自取沙律和湯，菜絲沙律可以落胡麻醬或者柚子沙律汁，我兩樣都試過，都好味呀，柚子沙律汁酸酸的較開胃，而胡麻醬又好食。今日嘅湯係日式牛肉湯，有紅蘿蔔、肉碎、洋蔥等，味道有點似羅宋湯，很不錯。除咗沙律和湯，白飯都係任裝，我喜歡加少少紫菜碎喺面，更添美味。講返主角，其實都幾厚切， 180g都唔算太細，有兩塊蒜片喺上邊，切開嘅時候裏面仲未完全熟晒，將佢橫放喺石頭上邊燒一陣就已經食得，牛味好濃郁，而且都好易咬開，肉質好唔錯，仲可以有唔同嘅醬汁點，例如燒汁、岩鹽、黑椒和辣醬等，不過我覺得唔點醬都已經好好味！如果怕据扒整污糟件衫，店舖都有提供圍裙，好細心。雖然大部分嘢都係自助式，但感覺店員都好親切，不知怎的，想起在日本民宿一泊二食的時

早前係銅鑼灣工作完後，就順便係附近食埋野先返屋企，見到一間叫牛極的日式鐵板燒店，啱曬愛食牛的我，決定一試。入到店內，先去自助販賣機點餐，之後店員會送餐，我最後選了牛肩排 Top Blade Muscie，分量有三款，我選了180g。而白飯，沙律和湯係自助形式，任食。之後店員奉上牛肩排，大約只有一兩成熟，客人可以因應自己喜歡選擇熟度。我吾食生野，當然整到全熟。即使全熟，也吾覺得乾和硬，尚算能保持肉汁，味道調教不錯。

< 🥩 牛極 > 📍銅鑼灣今日又去咗銅鑼灣行街 想試石燒牛好耐 終於食到🤣🤣🥩牛肩排 180g $80牛肩排好嫩滑 最好係可以自己控制生熟度👍🏻👍🏻 除咗有枱面嘅香草、黑椒同鹽之外 仲可以喺出面自己拎蒜蓉同燒汁😍😍 個人最鍾意燒汁加香草🌿 牛味好濃 咬落唔韌 有肉汁 好味😋😋牛柳 200g $110牛柳比牛肩排大舊 冇乜脂肪👍🏻 好啱減肥人士食😆 同樣好重牛味 唔算太韌❣️ 同樣仲有沙律同麵豉湯可以自己拎 好多選擇😋

牛肉係所有肉類最好味嘅，再加上好耐冇試過食鐵板燒，所以黎到依間平時好多人食嘅餐廳。入到去餐廳，見到一間自動售賣機，係果到可以揀自己食咩牛同克數，由買野食，到食野都係全部自助形式，揀自己食既份量，唔怕做大嘥鬼。湯係麵豉湯，佢有昆布、豆腐，冬菇，飲完唔會覺得口喝，係依家咁凍嘅時候，飲一啖熱湯好舒服。沙律幾新鮮，可以揀焙煎芝麻醬或者柚子沙拉汁，兩種都試左，都幾好食。係攞緊飯嘅途中，牛肩排就已經到左，聞到佢香噴噴，聽到牛肉燒緊既聲，就已經流曬口水。牛肉係自己即燒，可以控制牛肉嘅熟度。牛肉係石上面燒幾秒，就已經熟左出面，切開舊肉，仲有少少血水，再燒一燒就得。食落嘅時候，肉汁仲鎖住係入面，牛肉味好濃，同時都好juicy。