牛極 (樂聲大廈)

照燒鰻魚鐵板餐個鰻魚於熱石上面滋滋作響，味道方面，鰻魚汁很香，食既時候要掌握到時間，鰻魚才不會完全燶掉。沙律、湯及飯是任添的，另外還有醬料巴台，可以調配自己喜歡的醬料。…查看更多

本人與朋友在上個月下午5時左右在銅鑼灣牛極(樂聲大廈) 用膳。然而，用膳中途突然有一隻曱甴爬上了我朋友身上，然後飛了在牆上，我和朋友嚇得彈了起身，走近門口迴避。擾攘幾分鐘後，職員把那隻曱甴踩死。可惜，職員沒有任何道歉，沒有任何表示，在朋友的要求下，是給了我朋友濕紙巾抺身。出現曱甴，我和朋友已沒有心情和食欲繼續用膳，離開餐廳。就一述事件，本人和朋友深感憤怒和不滿，基於：1）餐廳的衛生情況惡劣2）職員對顧客的服務態度冷淡就此，本人曾聯絡牛極(樂聲大廈) 經理，要求餐廳賠償當天的用膳金額給我們。可惜至今仍未收到任何回應。同一時間，本人向了食物環境衛生署投訴，食環署回覆說已到此餐廳巡查，發現餐廳廚房有不潔，並已向餐廳提出檢控。希望話比其他人聽，唔好食壞肚。…查看更多

一舊水唔駛就鋸到塊新鮮靚扒（起碼唔係用蘇打粉哪到霉曬果d「鐵板牛」）！幾成熟自己話曬事！最正係有任食新鮮沙律、牛肉湯同埋日本米白飯任裝！正所謂係上、中、下三路都毫無破綻🤣！正值發育年齡嘅學生同體力勞動人士大食死仔嘅首選！💪🏻💪🏻💪🏻牛肩扒肉味好夠，但係有小許筋。 亂切牛就好嫰又冇筋。之前都有紙圍裙提供，不過可能因為環保同成本考慮，宜家只係用喺塊石加紙「圍板」。另外牛極塊石係用有天然窿窿嘅火山岩，外觀差咗小小！呢方面我鍾意中環滿滿食堂果塊雲石款嘅靚d！（不果呢間午餐冇湯冇沙律，仲要收加一服務費（堅有服務嘅😁））。…查看更多

自己一個唔知食咩好。又想食肉又有菜食balance下。全自助式的牛極係市區嘅一個好選擇！😋😋😋😋價錢唔貴，最平$85有交易，一份150g的牛肩排🥩同任食沙律🥗，飯🍚，同牛肉湯，絕對食得飽。食物質素唔錯，沙律新鮮，牛肉湯足料。唯一不足係今次塊扒比較多筋。除左牛之外，還有豬同雞可供選擇。員工服務態度良好有禮，食物refill 速度合理。餐廳雖然比較細但環境尚算舒適，不會太狹窄，而且不會有太大的油煙味。下次可以再戰！😋…查看更多

之前自己一個黎次次都食牛，覺得都幾抵食，同埋如果鍾意食飯嘅朋友一定好開心，因為白飯同埋沙律同湯都係任食，當然沙律都係最廉價嘅西生菜仲有零星嘅車厘茄，而湯都唔建議飲太多，因為感覺有點兒鹹。任食來講，都算性價比高。今次同男朋友黎，試吓鰻魚併雞扒。個餐一嚟到見到，超級失望。淨係見到有一大pat醬汁，好似浸住咗條鰻魚同埋雞扒。整開啲汁，見到條纖瘦嘅鰻魚尾、同埋好似俾人碎屍完嘅雞扒，塊雞扒下面仲要墊咗椰菜，超級薄、超級細塊。下次真係唔好手痕亂叫…查看更多