牛極 (彌敦道)

營業中

休息中

窮遊香港-人氣日式石燒牛扒有朋友問 上個post威靈頓牛牛唔夠平民有冇平d既牛扒分享所以分享番呢間 最平牛肩排180g$80仲可以任添 飯 湯 沙律 醬汁一定食得飽佢地會提供一成熟既牛扒 比客人根據自己喜好 自己煮（餐牌睇圖）.入店前係自動售賣機落單⭐️牛肩排 相對重肉味 店員建議唔好煮太熟（仲主動拎碗 同圍裙 比我 加分）⭐️牛柳 相對口感比較軟 多肉汁唔加醬汁 都好好食是日湯係 日式蕃茄牛肉湯.總結$80真心唔貴 可以一試. #牛極 (油麻地)地址：油麻地彌敦道464號地舖.⭐️評分：味道：4/5環境：4/5 是日2人坐4人位 開心服務：4.5/5 店員落單前主動介紹牛牛 落單後都有服務抵食：4.5/5.‼️想睇更多資訊

疫情下消費，兼係tea time時間唔使排隊。店員仔仔好有禮貌介紹點用部機點餐付款。我叫咗牛舌套餐。擺低d嘢出去攞湯飯salad，返嚟個石燒牛舌已經喺台，jeejee聲，上菜速度很快！ 牛舌配汁或者黑椒鹽都好食，d蒜頭燒完之後好正。不過我諗石燒都係有脂肪牛肉會更好食d。

今日去了油麻地！之前路過見到好多人排隊，今日去小了人排隊就去試試！這一間只要點個餐就可以任食飯湯和沙律我們點了一份牛肩肉一份牛柳肉一上台有石板在底下！要多熟可以自己控制！自己切開慢慢煎！牛肩肉的肉味比較香濃！肉質比較有咬口肉質比較明顯！牛柳比較軟滑！入口鬆軟可口！飯甘香鬆軟，仲有海苔可以加！湯是牛肉、紅蘿蔔、白蘿蔔、蕃茄湯味道香濃好好味！沙律，有椰菜和小蕃茄！旁邊有沙律汁可以加！總結味道不錯！價錢合理

主打石燒牛扒既牛極 近排開左好多分店 今日就同朋友一試究竟牛極採取自助落單形式 要先係門口售票機落單入座後 等緊石板牛既時候 就可以去自助吧中 自己裝湯 沙律 飯 全部都係任裝架🥗沙律有兩款醬汁可以揀 分別係芝麻醬同柚子沙律汁 椰菜爽口 仲有粒粒番茄仔 配上柚子沙律汁 酸酸地好開胃 仲可以解膩🍅日式牛肉湯飲落比較似番茄湯 入面有煲到好腍嘅洋蔥同給紅蘿蔔⁣🍚米飯⁣白飯乾身 仲可以加芝麻紫菜粉撈飯▪️牛柳 $110/200g牛柳上枱時 只有外層經微微煎香 約一成熟可以自行燒至自己喜愛嘅生熟程度 店員提醒因牛柳太厚 可以先翻一翻 以免一邊過熟 再切小塊煎牛柳一啲都唔柴 食落無筋有肉汁 比起牛肩有咬口 肉味香濃 配飯食一流▪️牛肩排 $80/180g牛肩排口感同牛柳截然不同 肉質較嫩 比起牛柳更juicy⁣⁣ 入口肉味無牛柳咁濃郁 不過個人都係偏好牛肩排自助吧中有提供三款醬汁 分別係燒肉汁 辛味燒汁 蒜蓉 私心推薦蒜加燒肉汁⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣整體而言 性價比幾高 湯 沙律 飯 都係任裝 唔怕食唔飽

跟朋友暢飲後想吃些東西才回家，想起附近新開了一家牛極，難得不用排隊，十分幸運店舖以自助形式營業，先在自動販賣機自行選擇肉類，價格由$80至$450不等，供應6款牛扒，份量選擇有100克至400克不等餐廳新裝修日式木系，氣氛環境舒適，坐位寬闊價錢已包括無限任食沙律、湯和白飯！餐具及調味料都是自取！店員十分細心地幫我們拿取圍裙當中有我最喜愛的生蒜椰菜沙律，新鮮爽口，加埋日式麻醬，非常開胃日式牛肉湯有紅蘿蔔、牛肉粒和洋蔥，真材實料滿滿牛肉味牛肉上菜時只有一成熟，可以根據喜好烹調！牛肩排肉質嫩滑，入口一點也不韌牛柳油花較少，牛肉味重，質感較實，肉汁豐富桌上擺放有喜瑪拉雅岩鹽、牛排香料及黑椒，可按個人喜好調味，味道更有層次店員介紹午市有更優惠的套餐供應，下次一定要再來試試

今日去咗油麻地既牛極食飯。間鋪嘅地點都好方便，只係喺地鐵站C出口行幾分鐘就到。一入到去見到有部自助點餐機，原來係要自己喺部機度落單跟住俾錢。之後就可以坐低等啲職員拎餐俾你。咁我哋就叫咗一個200g嘅牛柳同180g嘅牛肩肉。隔離就有一個自助吧枱，嗰度有飯，有湯，有沙律，仲有醬汁可以自己拎。黎呢間餐廳最有趣嘅係所有牛肉全部都係自己控制佢嘅熟度，自己鍾意食幾熟就燒幾熟。牛柳比較腍，十分嫩滑。而牛肩肉冇咁腍，但係就比較容易切開，咬落去十分有口感。佢哋啲牛肉配埋自己喺吧枱拎嗰啲蒜蓉加燒汁一流！而我最鍾意嘅就係佢哋嘅麵豉湯，入面除咗有海帶同豆腐，仲有菇。食完飯飲返碗熱辣辣嘅湯真係冇得頂！

😍$80石燒牛肩排 沙律餐湯白飯任裝🍚
真係超級抵!!👏🏻生酮之後四圍搵扒食
牛肩排180g只係$80🙀易咬而且筋位食落有QQ口感 我喜歡😋
簡單用現磨粉紅鹽同胡椒調味已經足夠而牛柳都只係$110 200g
切起上嚟已經感覺到佢比較淋
食落去淋身無筋軟熟
大胃人士仲有白飯任裝🍚
好似我生酮/減肥女仔仲有椰菜沙律🥗
我食左成3碗沙律😂有柚子汁/芝麻醬揀
任添嘅牛肉湯好足料 牛肉好淋入哂味
味道似稀釋版嘅羅宋湯 幾開胃
如果想食靚肉仲有和牛揀 一樣咁抵食!!油麻地分店新開地方仲好闊落✨
.📍 牛極 (油麻地)油麻地彌敦道464號地舖

係油麻地好耐未見過有餐廳排隊，呢間牛極成日見到人排，咁梗要再去試試啦，嗰日中午1:30去排隊已經有八個人係前邊跟住原來排隊去點餐幾點餐，都好快，我點左澳洲肉眼300g出來時都賣相都幾靚，又有份，夠大件，幾抵食，呢個價錢仲包埋出去攞自助吧沙律、湯、飯。眼見侍應都好忙，後來的閒d問佢地原來熱石有300度溫度可以用來燒比我嘅一成熟牛扒。牛排咬落肉汁好豐富，肉味好濃郁，正！沙律有椰菜絲、湯有日式牛肉湯都幾夠味幾好飲，仲有檸檬水免費提供，呢到實在係食牛扒唔錯嘅選擇。

因為開係男朋友屋企附近於是試下，如果好味就會變成我地既飯堂入門口前用販賣機下單，似足日本啲餐飯玩法。店員會在旁幫忙點完餐店員就安排入座。兩個人坐四人枱，好闊落，唔洗咁擠逼。食物：前菜的湯、白飯同海苔粉都係自助的。餐具同醬汁都係。個湯竟然唔係麵豉湯，而係羅宋湯，估佢唔到正正常常無特別。想讚下個白飯，唔係好記得係咩咪日本白米，但軟硬適中，配上海苔碎好不錯。主角係石燒牛扒！我點了混合，牛肩肉、西冷同其他每樣少少。唔係最頂級嘅牛肉，但百零蚊來講無得挑剔肉味好夠都幾juicy總結：抵食，亦都明點解咁受歡迎會再幫襯。溫馨提示，食完成身都會有陣油煙味，約會/食完仲有地方去的話就要留意

在餐廳吃牛扒試過牛扒的生熟程度，同期望的不一樣。 不過自從上次去過旺角牛極之後，就愛上這裏可自行在石磚上煎牛扒，吃到自己喜生熟度。我和朋友一進門口先在自動食卷販賣機，選了180g的牛肩排和200g牛柳，然後將食券交給店員。除了這兩款，還有澳洲牛仔肉眼，西冷，日本和牛赤身或富油脂供選擇，份量也是可自選的。可在自助區裏拿飯丶沙律和日式牛肉湯，然後才坐，方便之餘又可以據食量而裝添，不會浪費食物。沙律醬有胡麻和柚子醬選擇，還有蒜泥，烤肉和辛辣烤肉醬提供。牛肉湯好濃味，但喝不到味精，不錯。在吃沙律的時，牛扒上來時牛肉的表面略煎熟，但切開裏頭還是生的，將生的那面按到石磚上十秒，再放入口，嗯，是我喜愛的三成熟呢！一咬下去，肉汁四射。 牛柳較牛肩肉更鬆軟，不過後者的脂牛肉味更濃，應該因為牛脂較多吧。更神奇是，每一口牛肉直到最後一口都很燙口，石磚的熱持久實在令人讚嘆。

油麻地新開石燒牛呢排簡直令到個人身心疲累，同男朋友簡直好似軟禁。難得今日要出去油麻地拎口罩，終於可以順便輕鬆下同埋食下野，据下牛排。行行下見到岩岩試業既牛極，性價比又高既餐廳食石燒牛！有部機係要自己買飛嘅，買飛嘅時候，有個職員好好咁係隔離講解！同男朋友各自一塊澳洲牛仔肉眼排２００Ｇ，$110蚊。佢呢到既沙津、湯、白飯，都係任食，姐係半自助，一定夠晒飽。有吾同既汁可以點。自制麵鼓湯。裝修得幾日式。餐廳好細心，有即棄圍裙，為免客人整污糟件衫。牛方面上菜時入面其實係好生，只係一成熟。塊哥好熱，要手快d切開一嚿嚿，平均煎舊牛扒。200G黎講都叫厚，內面肉紅卜卜，冇乜肥肉。一路煎煮，一路出牛汁，又一路食，牛味豐富，吾un，我喜歡6成熟配沙律食，好食😋。就算放喺石版上邊煎煮左10分鐘都唔會好乾，仲係好有肉汁！抵食又飽住走。

我懷疑我前世同牛有不共戴天之仇口😅😅所以今世一見到牛就要食之而後快😎行街經過見到新開張🤩當然要入去報牛啦🤤由於疫情關係，入店前探熱同清潔雙手已經成為所有食肆嘅指定動作，而且仲要隔枱坐，真心覺得食肆好難撈😌希望捱過明天會更好💪🏾新開張關係啲餐具都全新，全部立立令😆指定動作去自助售賣機篤食啲乜...平時食開牛肩同牛柳㗎...今次試吓澳洲牛仔肉眼$110/200g，果然牛味好濃郁...再加埋d生蒜真係正到痺👍🏻性價比一流，食牛我鍾意牛極❤️

愛吃牛嘅我，最近愛上了熱石牛。經過油麻地發現新開咗間「牛極」，當然要試一試，滿足下個胃啦👍🏻澳洲牛仔肉眼200g, 份量好足夠，超厚肉。店員講解完白飯．沙律．湯都是自助任食，轉個頭9秒9已經送上一成熟嘅牛，喜歡熱石牛嘅原因，因為熟度由自己來控制同調味。肉質好嫩又唔鞋，不斷流出肉汁，好Juicy😋餐廳衛生好乾淨，做足防疫措施，量體溫．搓手液．每枱分隔有足夠距離，今餐食得好安心。呢個價錢食到高質數牛，好抵呀👍🏻下次要再嚟試埋和牛😋

「牛極」最近又係油麻地開左分店，主打火山石煎牛扒，餐廳將牛肉烤至一成熟，然後放到預熱了的火山石上端給客人，自己決定幾成熟都得👍🏻而餐廳採用自助購票系統，客人可以自行點選想要的肉類及份量，但暫時只支持現金支付餐廳設有自助區，沙律、日式牛肉湯、米飯、水、醬料以自助形式提取，任添任吃🤣日式牛肉湯有點似羅宋湯，內有紅蘿蔔、牛肉粒同洋蔥等，相當多配料，幾好飲－－－－－－1. 牛肩排 180g $80 4.2/5餐廳都幾細心，會在牛肉上鋪上廚房紙，免得熱油四濺，一切開牛肩排，入而呈粉紅色🤤食落唔韌仲幾腍，完全冇筋，肉汁慢慢流出黎，而且廚房加左牛油、海鹽和黑椒作調味，唔洗點醬汁已經好吃，性價比超高😋2. 牛柳 200g $110 4/5牛柳口感相對較實，因為油花較牛肩排少，不過牛肉味重，肉質鮮嫰，厚切更有口感🙈