牛極 (彌敦道)

營業中

休息中

我同我朋友兩個人嗌左兩份有鐵板燒 兩份牛肉都超大碟再配上日本飯午餐來講真係飽㗎過程中燒下燒下真係好過癮再配上湯同埋健康嘅沙律真係一流同埋好好食分量十足地點又好近好方便如果大家得閒嘅話就去食啦

星期六咁啱買完鞋行過見到呢間日式燒牛肉$80起，即刻入去踩踩點。本來想叫和牛，但諗諗吓，不如都係由最平開始試吓先，有驚喜的話下次先食和牛🤪等於人哋話試一間餐廳，一定要食煎蛋，先知道間餐廳好唔好😏好啦言歸正傳，一上菜嘅時候有支籤插著張抹手紙，我問侍應係咪驚油彈親我？😂佢話係因為得一成熟，叫我自己睇吓要幾多成，等返相應嘅時間就得⏱如是者我等咗應該三、四分鐘跟住一打開，哇，好香🙈切開佢應該都已經去到七成熟，切落去嘅時候見到有筋，我心諗平嘢係咁㗎啦！$80你想點啊？點知食落去嘅時候，點解食唔到條筋？😮當然唔會去到入口即溶嗰隻，但係我完全唔覺得係食緊$80嘅嘢，我就算喺一田買塊扒返嚟都係咁上下，但講緊係一田買應該都要超過一舊水！呢間野都未免太屈機！🤩仲有沙律、白飯、湯任裝！下次我一定要試吓和牛🤤

餐廳：牛極 (油麻地)地址：油麻地彌敦道464號地舖今次係我第3次食牛極，都係因為經過彌敦道見到呢間新開分店而去食😋，呢間分店相對較大，座位亦較多，限聚令收緊最緊要食得安心，好彩牛極嘅相應措施都做得唔錯👍🏼食客點左野食就可以返埋位坐，白飯🍚、水、湯🍲同沙律🥗都係自助形式任食任飲，不過就規定一定要戴返口罩先可以出去拎❗️旁邊仲有消毒洗手液比食客使用牛極午市有做lunch menu，不過好想食牛就揀左個牛柳200g($110)，牛柳肉質好軟腍🐂，屬於牛里脊肉，因為數量少，又係牛最嫩嘅部分😍，價錢相對較貴，脂肪少嘅呢個瘦肉部分肉味無牛肩或其他脂肪多嘅地方重，但係就岩哂鍾意健康少少嘅人（好似我咁😆）切開細細舊可以自己按喜愛嘅生熟程度去燒，熱石唔夠熱仲可以請店員幫手換，每一啖放入口真係好腍好嫩滑🥰，好幸福呀

依幾日都唔敢約朋友住,但出開去,想食野先返屋企,所以搵D食得快小小既餐廳諗起去意大利果陣，一班人食牛扒，有d要全熟，有d人食7成，有d人食5成，有d人3成😂😂😂真係好煩😅😅 最鐘意食牛扒, 所以黎  就唔會有上面呢個問題，已經食過好幾次，每次都好滿意。全部一人一個熱石自己燒自己控制生熟程度🤗一個價錢包晒白飯，沙律，湯及醬汁無限加添👏我今次揀左牛柳200g都係 $110，唔洗加一😁塊牛柳好稔好嫩，無筋，啖啖肉味都濃厚😜可以開頭食下d生d, 後尾再食d熟d, 試下唔同質感😁最鍾意加埋蒜蓉食，超香口呢😍😋

又系牛呀😋😋😋全自助式 自助落單 沙律🥗飯 檸檬🍋水 餐具🍴 汁醬 全部自己拎 記住要帶口罩呀🙏🏻😄😄 提一提真系要拎圍裙 因為個石燒板嚟到d油真系會彈嚟彈去 其實餐廳都好窩心 用張廚房紙先蓋住 減小左d油彈落個客到除咗二款燒肉汁 同蒜蓉之外 仲有pink salt 🧂 pepper corn 同bbq 🥩 seasoning 去調味最正嘅系塊牛肩肉嚟到切開仲系Medium Rare如果想食熟少少 就在喺石板上邊燒一燒 我就中意MR 啱啱好唔記得左講佢個沙律🥗系椰菜絲 日式麻醬同柚子醋 好惹味😍😍😍💖💖💖💖

中學時家境不算太富裕，通常考完試就會跟同窗到快餐店吃鐵板餐自我滿足。今時今日想找到鋸牛扒的地方，聽到滋滋聲實在不容易，很多地方廚師會按客人要求已經一早預備好熟成度，但有時想吃某些部份熟一些或生一些就無法控制了。朋友聚舊相約於牛極上桌時已經放於熱板上，可先將肉排放於碟上再按個人喜愛的熟成度放於熱板上。 蒜片放置於牛排上提升香味及肉味。牛肩排有嚼口，喜歡口感的可以切大塊一點。牛柳肉質較腍，肉味亦較濃，脂肪比例亦較平均。自助沙律吧又有無限牛肉湯供應，牛肉湯味道不錯，足足一個人喝了六大碗。沙律則可以平衡一下啖啖肉。更有黑胡椒海鹽及BBQ調味粉提供，但其實都無需要加太多，反正肉味都已經很濃。更有檸檬水提供，用膳後清清味蕾就最合適，又有圍群供應就不怕衫有油污。

行開油麻地見到間石燒牛餐廳新開！入去試吓先！餐廳係用自助購買形式。方便快捷！餐廳有個自助區。米飯、湯、前菜沙律、檸檬🍋水，任食任飲！仲有圍裙比客人用tim!唔怕啲油彈到落件衫到！牛肩排180g呢個牛肩排。肉味都幾濃!入口唔會好乾身！$80真係抵食wor😋Excel 牛柳200g呢個Excel 牛柳口感比較淋！牛味都重！仲好juice tim! 岩哂我呢個牛魔王😋原來餐廳仲有午市 menu，下次可以試吓！

之前同朋友响旺角食過，覺得cp值頗高！！！知道油麻地開左分店，地方環境都寬闊左所以呢日就同女皇大人食下石燒牛牛先同其他分店一樣，係先自助購票後入座店既前方係自助區，不論係餐具、白飯、湯品、醬料、沙律同檸檬都可以係到自取除左自助區既醬料之外，每檯都備有海鹽、黑胡椒同烤肉香草辣椒乾椰菜沙律好新鮮，仲有車厘茄添，落柚子醋汁/和風芝麻醬都好夾！！呢度仲可以加行添上芝麻海苔粉係白飯上面架，單係咁都可以食足一碗飯之後我地既牛排都以熱石呈上我要左最平既“牛肩扒(180g)”HKd$80雖然係餐牌中最平既牛排，但質素唔差，可以自行燒至適合自己既生熟程度，食落肉質唔嚡，亦有肉香而女皇大人既“牛柳(200g)”HKd$110都只係貴小小，份量已經好夠，女皇仲話成塊肉都好嫩腍添不得不提既係當日既湯品，係和風牛肉茄蕃湯，飲落酸甜開胃，仲有好多湯渣好足料

今日cool牙朋友話要帶我食間石燒牛話好食，重點佢cool牙都食到。心諗，我食過嫁？！點知行去佐敦方向，我以為應該新開？點知係我食過幾次既。。。唔同分店，哈哈！依間裝修日本風外，空間感好好，用灰色設計帶木製牛同日本飾物。沙律同白飯同日式蕃茄牛肉湯任食任飲。沙津要配柚子醋汁去膩，芝麻醬加落去都好。牛肩排180g牛肩扒係最愛嘅牛肉部位之一大家都知。一上枱，店員就叫我地快d幫牛翻身，唔好燒一邊另一邊無。牛肩厚厚地長放形，可以加d 粉紅色喜馬拉雅山鹽同埋黑胡椒先再翻另一面。鐵板上邊均勻受熱，一齊熟啦！紫菜飯無限自己整，牛肩汁流係飯面上添牛味！ 牛肩有咬勁外，都唔會老，石燒都好ok。基本上次次都食依個，平又好食。醬料有蒜蓉、自家燒汁同有辛辣汁，樣樣都ok無過咸。牛柳 200g今次牛柳無根位，正，上次都有，係依一分店。加bbq孜然粉好惹味，知朋友點解話佢食到，真係好林，對上一次食一次可能有根位？！無今次咁林，加蒜蓉食一軟一咬，蒜口爆發！

📍牛極(港九新界都有分店）最近見好多人食石燒牛 ，將牛肉放入熱辣辣既石板上 想要幾成熟都得 正！記得帶圍裙 ，因為肉汁會彈出黎！ 🔻牛柳 200g $110我鐘意食肉質比較腍又軟既牛 呢款岩曬我 加上牛肉味無咁重 侍應提醒左我唔好整咁熟 口感會更佳 ，所以我整到好生，好食🙆🏻‍♀️ .🔻牛肩排 180g $80肉質會堅實d 咬落去比較彈牙有口感 肉味重牛味多啲 ，佢地有調味料供應 例如海鹽 蒜蓉 燒汁 加埋去一齊燒黎食，好野味。 .🔻任食自助吧麵豉湯+飯+沙律 係好抵食！ 人均消費：$95地址：油麻地彌敦道464號地舖

今日過開嚟廟街搵師傅指點迷津，佢指定之前就想搵了醫下肚先，見對面岸新開左間牛極，見咁耐冇食過就入去試吓啦。呢間新開嘅環境幾企理，感覺上好似闊落啲，照舊都係白飯沙律靚湯任裝。另外佢哋仲好貼心咁掛晒啲圍裙喺度，俾你有需要就自己攞。我就嗌咗個牛柳，我覺得三隻醬料入面，最好食係佢隻辣椒醬，佢個辣椒醬少少鹹鹹地又唔會真係好辣，同啲牛都好夾味。啲肉都好腍，一啲筋都冇，啖啖肉咁，最鍾意喺呢度食係幾多成熟自己控制。但係其實牛嘅嘢唔使太熟，所以切開嚟煎兩面就已經可以食得。另外仲有就試咗佢個牛肩肉，呢個肉仲加好食，除咗好腍之外，佢本身好似調咗未咁，咩都唔使點已經食到佢唔香牛味同埋肉嘅鮮味。切開中間仲見到佢啲雪花紋添。不過因為我太興奮太肚餓，所以手都震埋。最重要係咁高質嘅牛扒，價錢十分相宜。

早前大熱，係香港開左好多石燒牛扒店每日都車水馬龍。想試好耐既我但又怕多人，冇耐之後就撞正肺炎更加唔想出去食野…最近見疫情稍有緩和跡象，终於去試一試石燒牛扒。我地仲特登早小小出去食，避開人潮入到去首先就用呢部自助落單機落單，有好多牛可以選擇，仲有和牛食呀！豐儉由人。我地叫左牛柳(200g)同牛肩扒(180g)。之後俾張單店員等開餐~醬汁方面有我大愛既蒜蓉、辛味喼汁同燒肉汁，出面既飯、麵豉湯、沙律同水都可以任拎架！完全唔洗擔心唔夠食！不過大家要珍惜食物，唔好浪費呀~仲有圍裙可以拎，咁就唔驚食到成身污糟晒啦！好快我地叫既牛柳同牛肩扒已經送上，牛肉係熱辣辣既石板上燒到「XX」聲，餐廳仲好貼心咁係牛上面加上廚房紙，防止d汁彈出黎枱面上放左天然海鹽同黑椒等俾食客調味 (相)幾成熟都可以自己控制~我地就中意5成熟左右。因為石板實在太熱喇我地燒左陣就夾起d牛，怕燒太耐會lone左兩款牛既牛味都好濃郁，牛既質素亦都相當好，輕輕既海鹽同黑椒已經帶出鮮味，石板既熱力令到肉汁更能鎖住係入面，十分惹味！牛柳比較軟腍，而同牛肩扒則比較有咬口。呢個價錢可以食到呢個質素令我相當有驚喜！經過今次既體驗下次我會放心試貴d

午餐時段1:00嚟到，好彩排隊等左10分鐘可以買飛入去食，第一次嚟幫襯真係有意外驚喜收穫，第1⃣️價錢抵食，第2⃣️食物好味，仲係石頭燒上枱，第3⃣️白飯、沙律、麵豉湯任飲任食👏🏼👏🏼👏🏼最後值得一讚就係洗手間衛生程度10分好，乾爽、沒有異味、有抹手紙👍🏼成個配套帶着滿意開心嘅心情，下次我會去其他分店睇吓佢哋嘅水平係咪一樣😋

油麻地牛極新舖開張，愛吃牛的老友約我去油麻地彌敦道464號地舖，現因疫情關係進入店時， 服務員會用紅外線探熱器，為我們探熱及提供酒精搓手液，注重衛生值得一讚，令我們食得放心。門口有部自助購票機，我們選左$80牛肩扒180g，牛肉味香，肉質有口感，牛扒放在石燒板自已控制喜愛生熟程度。$110牛柳200g ，肉質嫩滑，牛肉味香真不錯👍餐廳設有自助區有沙律菜、湯、飯和醬汁、檸檬水🍋，飯質感偏硬，麵豉豆腐湯，都不錯。沙律🥗很新鮮。兩個人只$190，這價錢真不錯👍

我同先生也是愛扒之人，除了在家煎扒🥩，每隔一段時間都會去餐廳吃扒！早前到了性價比相當高的餐廳 - 牛極 Gyuugoku Stone Grill Steak 吃半自助石燒牛套餐。油麻地店位於彌敦道大街，門面非常日本風🇯🇵，一入店便是自助售賣機，店內掛滿日式旗幟🎏我們點了🐂牛肩排及牛柳，我們先到自助bar取沙律、湯、白飯🍚、水、餐具🍴及圍巾，店員送上的牛均以廚房紙蓋上，香氣撲鼻👍🏻自己想吃幾成熟就將牛🥩待在熱辣辣的石板上，由1️⃣成至🔟成也可！牛肩排及牛柳兩款也好味，但個人較喜歡牛肩排，特別嫩滑而且有口感。配上牛肉燒汁、辣醬🌶或蒜蓉🧄來吃。前菜椰菜絲沙律及麵豉湯也美味足料，盡不欺場。除了牛肩排及牛柳，還有日本🇯🇵和牛、西冷、澳洲牛仔肉眼等選擇。原來牛極於九龍新界有5️⃣間分店，整體店員服務良好，店內環境舒適