牛極 (通菜街)

營業中

休息中

因為工作關係，平時下午5點鐘放飯，多數呢個鐘數都好難搵好野食，因為好多餐廳都會落場。今日咁岩經過旺角通菜街牛極，之前都有聽過呢間CP值高石燒牛專門店但一直未有時間去試，今日就去一試!入到去餐廳門口就有部自助點餐機，可以自助揀你自己想食既牛部位同份量，亦可以入到去坐低左先向侍應落單。今日揀左$110牛柳200g，一上枱石燒既聲音"沙沙"聲已經好吸引，塊牛柳又大又厚, 肉質鬆軟，口感相當不錯。再配埋蒜泥和牛極自家製燒肉汁，味道更加豐富，配白飯真係一流! 另外每張台放置咗黑椒、岩鹽同香草三種調味，可以按個人口味自行添加。平時好怕牛肉太生，石燒最大優點係可以自己係已加熱既石板上面再稍為煎一煎自己鐘意既熟度，可以配合返自己既個人喜好。另外餐廳設有自助區，餐具擺哂係呢個位，所有白飯、餐湯、沙律、醬汁都係任添任食，就算食量大既人都一定會飽肚，果然CP值真係好高! 今次用餐體驗十分好，下次一次會再黎食!

呢一年嘅熱石燒牛扒餐廳越嚟越多，有啲仲賣得越嚟越貴，最先開始熱石燒其中一間就係牛極，今日嚟到旺角，又諗唔到有咩好食所以我哋就決定再試下先。我哋嗌咗最平嘅300 gram牛肩肉，同埋300 gram混亂牛扒，首先我哋撳咗飛仔買咗先，之後店員就會帶我哋入座，入到去我哋就喺自助bar拎咗嘢食先，分別有日式牛肉湯，白飯，醬汁同埋沙律菜過咗5分鐘都唔夠，牛扒就嚟啦，我哋都鍾意食生啲所以燒咗冇幾耐 ，就切開嚟食啦，牛肉非常嫩滑，肉質亦都新鮮，真係好味到300 gram都唔夠食，唔怪之開咗咁多間仲係咁多人嚟食啦，性價比非常之好

one grill 就係自己牛自己燒👍🏻雖然好忙但好玩😂😂而且幾成熟我話事仲有仲有自己即燒即食夠哂熱辣辣出面有珍珠米嘅飯，湯，沙律菜自己任拎所以一啖熱辣辣自己燒嘅牛一啖飯🥰🥰🥰🥰感覺好有日本和食feel☺️坦白講牛真係一分錢一分貨平嘅牛真係預咗得雪味冇牛味不過今次呢牛都尚算有牛味有𡁻口亦冇話專登用生粉整到好鬆好假咁整體來講可以一試不過自己燒嘅話一般都唔建議叫太貴嘅牛，因為自己好易overcook所以叫普通牛淺嚐就可以

牛極 - 石燒牛專門店一向對石燒牛情有獨鍾，就到了一間石燒牛專門店-牛極，牛極有多間分店，主打性價比高的石燒牛，今日就到了位於旺角的分店一試。食石燒牛一定不陌生的自助區，有任添的白飯、沙律、牛肉湯，多款特色醬汁和配料如黑椒、鹽粒和飯素。石燒牛柳點了200G份量的牛柳，一人份量剛剛好，牛柳脂肪含量較低，不會太油膩，開頭三成熟度可以吃到牛肉的幼嫩，牛味亦重；然後七成熟度時肉質又不會乾柴，口感軟腍，配上燒肉汁吃十分夾！

今次嗌左個鐵板嘅牛柳，$110有成200g 特厚牛柳，真心超抵食呀😍 嚟到嘅牛柳係放喺一個好熱嘅鐵板上面，我就揀左放喺鐵板上邊大約五至7分鐘，店員有提醒我要反一反牛牛🐮 燒到大約六成左右我就切咗佢黎食啦。牛柳好厚底，但就算六成熟，裏面都好軟熟，好Juicy. 而最驚喜係呢舊牛柳居然係冧冧地，好易入口👍🏻 我最鍾意佢有呢個鐵板嘅idea，令到牛肉保持喺熱嘅溫度，配搭埋自助沙律吧嘅沙律🥗沙律幾fresh, 兩樣配埋令到食牛嘅時候一啲都唔會肥膩😋😋

早前石頭燒紅極一時，成日大排長龍，見最近疫情少左人出外用膳，唔洗同人逼就最啱我啦🤣🤣牛嘅部份，我中意牛肩多過西冷或牛柳。牛肩肉身淋度適中，有咬口得黎唔需要趙好耐，也不會攝住牙縫，而且帶肉汁。平時叫餐廳煮5成，成日都唔啱心水。石頭燒可以自己話事，中意生又得，熟又得。一塊石燒熱到300度，廚房會先煎一煎執住肉汁，再放上石。上枱後唔好反住，聞到焦香先反，一路食，一路餘溫繼續煎香，唔需要不斷反，時間剛好。亦不會有血洗出，而入面大約是5-7成中間。肉質嫩滑

餐廳位於旺角，這天出旺角的原因，就是因為需要幫朋友購買模型，模型早已賣光了，我也失敗了，但還是需要吃飯。這間餐廳主打的就是石燒牛， 選擇這間石燒牛的原因，全因為平民，大眾化，價錢合理，性價比高，加上用料新鮮，單單是這些原因，已經令我沒有選擇其他的想法。 食物方面， 牛肉來到的時候大約只有一成熟，可以烹調自己喜愛的熟成度， 當然是最佳的選擇。永遠也是有選擇的比沒有選擇的好，自由來得不易， 自己親手煮成的牛肉， 外皮帶點焦香，內裏肉質鮮嫩，肉汁豐富，這就是選料的重要性，當然也要讚賞一下自己的烹調技巧。

經過一段時間在家工作，日日食公仔麵，返返 office對自己好啲，找間餐廳食好西。太耐無去旺角區，啲舖頭面目全非，行到女人街見到有我最愛燒牛肉，睇餐牌價錢又相宜，就試吓啦！有好幾款牛排選擇，我點了200g牛柳$110，包白飯，紅湯，沙律自助巴任食。沙律可選胡麻沙律汁或柚子沙律汁白飯可加紫菜碎，好好味牛柳未來到，牛肉香味先來到，一陣陣勁濃香味飄來。切開非常嫩滑，生熟程度適中，咬落無渣，牛味非常濃郁，好耐無食牛扒，好味。

近來很少外出吃飯,而燒肉也停了一排沒有去吃。突然間,心血來潮,想一嚐石燒肉。於旺角附近覓食,就一眼看到此家”牛極”,看看餐牌及環境,吸引了我進店。店內說大不大,說細不細,但環境尚算良好。店內還有自助售票機、水吧、放置餐具位都很整潔,讓客人第一眼的印象良好。是次,本人點了180g的牛柳, 價錢是HKD80. 少於HKD100吃到石燒牛,可算是抵食,是平民價錢,且飯及湯都是任取的。牛柳先燒至一成熟後,再於石燒板上按自己喜愛的熟透度燒,但建議這兒的牛柳不用燒太耐。燒完後,再配上鹽或醬汁,真是味道一流。湯方面,應是牛尾湯,煲湯的火喉和時間掌握很好,令人再想再添再飲。 喜歡燒肉的朋友們,這家燒肉不妨試試。

今次再去牛極食石燒牛排，一樣都係半自助式，上次食左午肩排，今次就試下牛柳。一上枱要跟指示將牛切為小塊之後再慢慢燒，今次牛柳切落無牛肩咁軟身，不過食落係比較有口感，肉質有咬口唔會鞋，重點係切小塊之後肉汁都無乜點流失。自助區個羅宋湯雖然菜料唔算多，但我鍾意佢夠清，飲落冇乜味精，沙律一樣都係咁新鮮，拌柚子汁做前菜一流。值得一提係d職員有禮貌，食完個牛都唔會趕人走，仲叫d人re fill湯飯or沙律，而且座位好闊落，可以坐低慢慢食。

行過佐敦想食下下午茶，記得朋友介紹過食牛肉，有一間叫牛極抵食質素又幾好。就入左去試下。半自助試，先係門口點餐再入去食，入面有得自助添飯同羅宋湯，沙律都幾新鮮，仲有胡麻醬同柚子醬撈黎食。今次叫左牛肩排，石燒上枱會係一成熟，比我地慢慢切黎燒，唔係因為食得慢而太熟，牛肩排肉質厚得黎唔會鞋，石燒保留到d肉既肉汁，好juice，自助區同枱面都有幾種調味料，值得一提係d蒜蓉幾新鮮，燒肉燒到就食得之前落d蒜去燒就 perfect。整體性價比高，環境闊落坐得幾舒服。

一個人喺旺角覓食，行吓行吓，見到呢間餐廳，名字幾特別，一睇就知專門食牛😆，拉開少少門望下裏邊，餐廳睇落光猛乾淨企理，咁就決定喺呢度開餐😋要咗$110嘅「牛柳 Tenderloin 200g」，包沙律、餐湯、白飯，呢啲全部係自助兼任食😆沙律菜幾新鮮，簡單好食，有兩種沙律汁可以揀，揀咗柚子汁，清新開胃😋。餐湯係「牛肉湯」，幾鮮味😋。「牛柳」放喺熱辣辣嘅黑石上邊，自己控制牛肉嘅生熟程度，牛肉幾juicy，相當有牛味😋

大家有興趣可以睇返平民價燒肉系列！最平的套餐只需$78可以食到牛！講返個環境先💕💕佢有無限任食白飯🍚、沙律🥗、湯。每張台仲有調味制去幫你自行昇華味道👅👅！-👅：牛柳$110一上台就沙沙聲！好吸引🤤肉質本身就有，但我就食得太慢，燒得太耐，去到後面開始無🤣🤣所以要食果陣先好切，同埋肉感有啲*鞋*加上無咩牛味但就好重黑椒味💕份量都岩岩好，$110尼個價錢都對得起個價既！但如果無話想食牛肉只想食燒肉，我會比較推介另一個平民價燒肉！

之前都未試過石燒牛 朋友介紹左呢間牛極感覺好似幾特別 所以就跟佢黎試下呢間係半自助既石燒牛🐮入座前需要係販賣機度點左餐先所以建議大家上網睇定想食咩咁就唔會阻到後面排隊既人🤖店既面積唔算大，自助吧只有一個corner有湯、白飯、少量沙律吧同埋醬料區除左自助醬料區提供既辛味燒汁、自家製燒肉汁同埋蒜蓉外🧂枱面亦有辣椒粉、胡椒同埋海鹽比你調味無嗌野飲既朋友亦可以係自助吧度斟檸檬水🍋自問自己比較細食 今次簡左200g既澳洲牛仔肉眼🥩而朋友就簡左200g既牛柳，兩款都係$110上菜既時候牛扒上面鋪左張紙巾等啲油唔好彈到周圍都係另外仲可以問餐廳拎紙圍巾，食野論盡同埋著白色衫嘅朋友唔使再怕整污糟件衫啦！講番個石板牛先 初初以為好似扒房啲鐵板咁原來石板既熱力強好多 last得好耐🔥食左一段時間都仲係蚱蚱聲自己可以控制想食幾成熟 都幾好不過第一次燒，唔係好識控制燒既時間一路食一路由塊扒係石板上面煎牛仔肉眼又比較薄身 最後煎到有啲熟過頭口感都愈食愈韌可能煎到咁上下就要拎走塊牛而朋友嗌嗰個牛柳比較厚身 一開始切開好似生肉咁但燒到最後反而keep到個口感而且我覺得牛柳既牛味都比澳洲牛仔肉眼濃雖然呢間無啲扒房既套

都唔知點講，伏到嘔，俾和牛嘅價錢，大陸牛嘅質素，明明話七成熟結果係全熟，我去連鎖超市買舊生牛肉返屋企都冇咁嬲😡😡雖然我有要求，但係都唔算特別高，呢間野啲食評完全唔可靠