牛品台式火鍋

營業中

休息中

是日來到尖沙咀逛街，選擇這間台式吃到飽火鍋餐廳。餐廳環境寬敞乾淨，不同套餐有不同時長和任食食材，而我們就選擇了60分鐘的午市定量套餐H餐:西班牙栗飼豬梅肉+美國頂級肩胛肉。說是定量套餐，其實分量也不少，我們肉類能吃滿足之余，丸類和蔬菜等配菜都是任食的，還有自製台式芋圓糖水吃到飽，每人一杯飲品，和一客雪糕❤️湯底也有十款選擇，除了招牌牛品一品鍋，牛品秘製麻辣鍋，還有酸菜白肉鍋等，可以說重口味和清淡口味人士都能滿足，而我們因為天氣熱，選了清新點的番茄鍋，酸酸甜甜好開胃😋說回牛肉和豬肉。肉類新鮮沒有肉腥味，注豬肉有彈性和豬肉香，牛肉同樣，肉質很俗，加上分量真的不少，其實吃定量套餐已經夠飽。餐廳的食材乾淨，選擇不少，丸類方面我要推薦芋泥包心豬肉丸，配料方面就要大力推薦芋頭！餐廳的芋頭粉粉綿綿，入貨真的很優秀！其實吃到最後已經很飽，但其實還有幾款熟食，湯，肉燥飯可供選擇，試了鹵水和醃青瓜，口味都不錯，總之又是非常滿足的一餐😝😝

/近排咁啱上網見到好多人介紹呢間放題有得仼食芋圓！即刻衝左去食下！😆佢哋既芋圓有多款料可以DIY,三色芋圓真係非常軟糯，配上紫米，紅豆，鳳梨椰果，海草水晶珠，寒天等，口感非常豐富，花奶，糖漿都可以按自己個人口味！😋😋 （未開始打邊爐就食左一碗🤪）-火鍋必食⭐️🥢美國頂級肩胛肉超級大塊又唔會好多根😋牛味濃郁，雪花好靚❄️！🥢 麻辣鴨血Feel到應該浸咗好耐，鴨血超級入味，麻辣味都好夠！🥢台灣腸每次見到有台灣腸都要嗌黎食下🫣 外皮脆脆地咁勁好食😆🥢炸地瓜球同平時食開嘅地瓜球有啲唔同，佢係實心嘅，啱啱炸起熱辣辣，入面有滿滿嘅地瓜溶，中間仲夾住芋泥！-自助吧食物款式都幾多，另外都有好多熟食選擇，一定一定要食佢哋嘅芋圓😆😆

火鍋控要留意，尖沙咀雖然有好多火鍋放題，但今日俾我發掘到一間十分值得再去的台式火鍋吃到飽，時間有120 分鐘不會太趕，食得非常輕鬆，上菜極快😎，而且服務業員態度親切有禮，環境好乾淨，坐位寬敞，大班人來更加熱鬧。今日我同朋友兩個來，就揀咗🔸牛御品 ($339/位) 120 分鐘先落左個鍋底，湯底有10款選擇，我地就揀咗「元氣養生鍋」，湯底味道唔錯，是牛品推介的湯底，都幾濃雞味，不錯。🔺澳洲M9和牛肩胛肉🔺美國頂級肩胛肉🔺安格斯牛板腱🔺精邀美國牛胸腹🔺封門柳🔺安格斯一口牛🔺牛舌片🔺西圳牙栗飼豬梅肉🔺西班牙栗飼豬五花🔺紐西蘭羊卷肉🔺花雕酒雞件🥩肉類方面我特別喜歡澳洲M9和牛肩胛肉，牛味突出，油脂分佈均勻，肉質鬆軟唔會痴牙，7成熟，入口即溶。安格斯一口牛，也十分好吃。其他牛肉豬肉雞肉質素都唔錯，肉味好濃。台式小食款式好多，有地道夜市風味的食品，炸地瓜丸，台式甜不辣，原味香腸，椒鹽蝦，宜蘭蔥餡餅，台式滷水豬耳，滷水豬肚，滷水雞翼尖，我覺得炸地瓜丸，台灣香腸，椒鹽蝦。海鮮方面都新鮮，有蜆肉、蝦同青口，「牛御品 」套餐會送上新鮮鮑魚（每位一隻）十分大方。自助區有好多台灣直送的蔬菜和丸類，全部都可以自

牛品台式火鍋,又多左一間台式元素既火鍋店基本上蔬菜,醬料,輕食,熟食唔少都係自助形式,包括雪糕跟台式甜品一聽就知食牛,開左唔耐,但6點幾都排滿人,仲超多WALKIN客呢一定要預訂坐位啊~請左名廚主理湯底,湯底先飲一口感受一下牛品一品鍋牛骨牛腩藥材等調配,飲入口鮮香濃厚,食材基本上都超夠味唔洗用醬料用餐時間120分,提供多款高級肉食,包括日本牛肉,西班牙豬肉等等必食台式料理小吃跟台灣直送食材鮮鮮鮮,以呢口價在尖沙咀係抵食,一般要貴多100蚊先有,呢度係尖沙咀可接受芋頭都係必食,口感特別好,仲有黑色花枝丸彈牙,牛肉味濃鮮嫩甜品自助,多種食材自己配搭雪糕有4隻味!自助區蔬菜多達40種以上,仲有滷肉,滷水食品提供,多一個胃都唔夠呀!!牛品地址：尖沙嘴樂道32至34號     

同朋友諗住食台式火鍋既時候, 搵到呢間牛品.見地點幾方便係正Isquare後面, 所以就試下佢.今次叫左牛御品套餐, 牛肉方面可以任食澳洲M9和牛、美國頂級肩胛肉等, 豬就有西班牙豬五花同豬梅肉, 比較小見既係仲有羊卷肉可以叫套餐包埋每人一客活鮑魚或者棒球貢丸, 入座前可以揀埋要邊款. 佢地既鮑魚非常新鮮, 完全唔會因為淥得過熟而變韌或者縮水, 仍然係非常爽口彈牙. 至於湯底, 今次我地就叫左個牛品一品鍋同黑蒜黃金鍋. 2個湯底都算足料, 牛品鍋入面有牛筋、牛腩同牛肚. 而黃金鍋入面就有唔小蜆肉, 都幾鮮味. 肉方面, 今次都係主攻M9和牛, 因為質素真係唔錯, 雪花均勻, 唔係果啲細細片薄薄既牛肉, 而係每片都係完整大大片, 淥完都唔會話縮得太勁, 口感十足. 另一樣幾特別既係, 店舖設置左個自助甜品區, 入面有仙草、芋圓、寒天、鳳梨椰果等, 非常吸引. 如果嗌牛御品或者牛殿品套餐, 仲會包樓下春陽茶事飲品一杯tim!

今晚同朋友去咗尖沙咀樂道一間餐廳「牛品台式火鍋」食火鍋，我們揀咗「牛御品 吃到飽套餐 $339/每位」，套餐包括：🐮 澳洲M9和牛肩胛肉、和牛脂肪均勻，好有牛味，正🇺🇸 美國頂級肩胛肉 食落口感受到富有嚼勁的牛肉，味道肉香微甜，非常之不錯🥢 安格斯牛板腱、精選美國牛胸腹、封門柳、牛舌片、安格斯一口牛、西班牙栗飼豬梅肉、西班牙栗飼豬五花、西班牙栗飼豬五花、花雕酒雞件，其它肉類都相信不錯🥢 套餐還贈送 新鮮活鮑魚 (每位一隻)，大大隻，爽口又彈牙🦐 其它海鮮有海蝦、蜆肉及青口，樣樣都好新鮮🥢 另外，餐廳有多款台式小食，如皮蛋豆腐、甜不辣、台灣香腸、滷水豬耳、炸地瓜丸、椒鹽蝦、宜蘭蔥餡餅等等，一次過可以食到多款台式小食，有如置身於台灣夜市之中，令我十分滿足🥤飲品我叫了珍珠鮮奶茶🍦甜品還食了Haagen-Dazs 雪糕

夏天打邊爐，冬天食雪糕係常識吧🤣 今次去咗呢間位於尖沙咀嘅台式放題火鍋，前菜、火鍋配料、小食、飲品等等都係有台灣地道感覺。前菜方面，我自己就最鍾意麻辣鴨血、j台灣腸同米血糕，真係超級經典嘅台灣小食😍😍 湯底我哋揀咗元氣養生鍋，佢用咗紅棗、雞、人蔘等食材熬製而成，超級香濃🐔 值得一提嘅係佢嘅任食肉類，套餐包括牛舌片、安格斯牛板腱、紐西蘭羊卷肉、頂級美國肩胛肉同精選美國牛胸腹，啲肉非常淋，同埋好香，比起其他放題火鍋店出色。總括而言，餐廳嘅CP值幾高，同埋比起一般火鍋放題店食物特別，種類都好多，推介推介！🍲牛極品套餐 (任食兩小時) $219

《午市火鍋吃到飽🇹🇼》———————————————#牛品 🐮-呢間喺尖沙咀鬧市嘅台式火鍋店位置非常方便，地方寬落，乾淨企理，而且播住國語流行曲，充滿台灣風味☺️-60分鐘午市套餐有指定肉類150g同埋自助火鍋配料吃到飽🥰 我哋分別揀咗西班牙栗飼豬梅肉+美國頂級肩胛肉同西班牙栗飼豬梅肉+安格斯牛板腱🐮 尤其推薦個豬梅肉，爽嫩彈牙，啖啖肉🐽-湯底選擇都唔少，例如牛品一品鍋、牛品秘製麻辣鍋、沙茶海鮮鍋、剝皮辣椒雞鍋、元氣養生鍋、柴魚昆布鍋等等😌呢款黑蒜黃金鍋夠哂惹味，裡面仲有好多大大隻嘅蜆卜卜聲咁滾起😝-自助區有好多款唔同嘅配料選擇，包括多種台灣直送配料，例如櫻花蝦片、墨汁花枝丸、香芋包心貢丸同海膽包🤤 -而且仲有好幾款台式特色小食、包括有滷水雞尖、滷水豬肚、蒜泥拍青瓜，特別中意佢嘅滷水肥腸，好入口索哂啲精華🤎-甜品方面，食返幾杯雪糕已經回本啦🍨佢仲可以自製三色芋圓，可以按口味加入紫米、西米、寒天、薏米、鳳梨椰果、紅豆、綠茶愛玉同涼粉，落埋黑糖或者花奶簡直係一流😚-⭐價錢參考：（另收加一）西班牙栗飼豬梅肉及美國頂級肩胛肉定量火鍋套餐：$148西班牙栗飼豬梅肉及安格斯牛板腱定量火鍋套餐：$11

牛殿品吃到飽套餐@$559/位每位送一粒棒球貢丸，好似小朋友拳頭👊🏻咁大😆貢丸食落爽彈無渣，睇番餐牌單叫要$49/2粒👍🏻元氣養生鍋有淡淡藥材香味，唔會搶食材鮮味。海鮮拼盤有鮑魚帶子好有誠意。👉🏻鹿兒島黑毛和牛回本位✨我哋主力都係食呢款A4和牛，每碟有兩大塊，雪花均勻非常靚仔。淥幾下就食得，佢唔係即溶口感而係有小小咬口，軟嫩無渣，而且唔會好快膩，可以食好多🫶🏻👉🏻澳洲M9肩胛肉比日本和牛瘦小小🤏🏻牛味較重，淥啱熟度都好軟滑。👉🏻台灣直送食材食和牛食到咁上下，我哋都叫左小小特色食材試吓：心内美（紫紅色蘿蔔）、水蓮菜、阿在伯高麗菜豬肉水餃、炸地瓜丸、麻辣鴨血、花枝漿、米血糕。最中意係水餃，真材實料又鮮甜，飽飽都食左4粒。👉🏻烏梅汁、珍珠鮮奶茶「牛殿品吃到飽套餐」包每位一杯「春陽茶事」手搖飲品。其他套餐都係加$20就可以享用一杯。烏梅汁半糖甜度剛好，可以減少好多火鍋油膩感。珍奶嘅珍珠煲得夠透煙煙韌韌。餐廳仲有三個大雪櫃整齊擺滿新鮮食材，又有滷肉飯、滷水豬肚等等；最最吸引係店式愛玉放題，配料任加，「糖水自由」真係好爽😄

喺尖沙咀嘅牛品台式火鍋真係一個幾台式嘅火鍋餐廳。我同我女朋友去咗呢間餐廳，試咗佢哋嘅60分鐘半自助火鍋，啲食材新鮮，啲湯底好味，真係好滿足。我哋分別揀咗西班牙栗飼豬梅肉同安格斯牛板腱，同埋西班牙栗飼豬梅肉同美國頂級肩胛肉。啲肉質都好鮮嫩，啲味道都好豐富。個養生湯底都好正，啲味道好濃郁，而且唔會太鹹或者太辣。我哋仲試咗啲任食蔬菜同丸同粉絲，都好好味。仲有滷水肥腸滷水豬肚滷肉飯，燉湯連仙草芋圓糖水都有得俾你。除咗啲食物之外，啲服務員都好友善同埋快手。啲環境都好清潔同埋舒適，係一個好適合聚會或者約會嘅地方。牛品台式火鍋令我諗返起喺台灣嘅日子，而且啲食物新鮮好味，湯底濃郁，服務員友善專業，環境舒適。如果你想食一餐好味嘅火鍋，牛品台式火鍋絕對係一個好選擇。我一定會再嚟返黎呢度，同我女朋友再次享受啲美食同埋好環境。

現在先有時間寫食評，牛品係我公司附近的一間放題店，還記得我要求坐牆邊位，到咗後他沒有安排，要我再三提及，佢才勉強給我一個位置，但見其實食完之後還有很多空位、2、4人檯….不明白為什麼要這樣安排。言歸正傳，一坐落去枱面實在太牆、😅坐位非常之狹窄，放了煲，已沒有任何位置放其他嘢，需服務職員也不是勤力的一種，往往都要叫他、才收取食完嘅食物，令我很不滿服務態度😑，食物方便多元化，牛肉係70分好味的，但是這個價錢其實出邊有很多地方能夠選擇到。所以如果下次，錯，應該都不會有下次。🤔PS其實有咁多位置，為什麼不給予已定位的坐得舒服一點這樣有比較令人會比高分一點。😩

呢一間喺尖沙咀樂道嘅 牛品台式火鍋 真係好有驚喜呀 lunch嘅攻略就係可以揀一個價錢ok嘅餐 而後其他呀自助配料都係任食嘅例如啲丸呀 生菜呀 配菜等等呢度嘅嘢食好高質 嘢食感覺好乾淨 裝修亦都好新 好乾淨 好多座位 坐得好舒服嘅嘢食排列好整齊 首先講講醬料有9款 非常之多自助區域有好多種丸類 蔬菜 芋頭 麵筋等等非常之多種 用有好乾淨小食區更加係好有驚喜呀 有可以自製滷肉飯滷大腸 雞翼 尖手拍青瓜等等好多種開胃菜 非常好味 仲有飯麵可以任加 今日揀咗個 沙茶海鮮鍋湯底有蝦 青口等等好濃郁 lunch set揀咗西班牙栗飼豬梅肉 加美國頂級肩胛肉 非常新鮮同沙茶醬好match 今日仲做甜品師㖭呀 有自助嘅甜品區 可以自製台灣嘅芋圓果凍涼粉等等 呢一餐真係滿分呀 飲品櫃裏面亦都好整齊多款飲品 呢一間真係我自助火鍋嘅至愛可以一試再試

之前喺尖沙咀讀書，喺北京道一帶留下吾少腳毛😆之前好中意食樂道一間連鎖火鍋店🍲原來原址已經變咗另一間餐廳😲不過共通點系一樣系火鍋店，咁耐冇去過戈頭，就緊系食番餐好既。晚餐分為5種價錢，我地就揀咗牛殿品吃到飽套餐，有日本鹿兒島A4黑毛和牛任食🐮另有澳洲M9和牛肩胛肉、美國頂級肩胛肉、安格斯牛板腱、精選美國牛胸腹、美國封門柳、牛舌片任食！先試試各款台式小食，試咗鹽酥雞🐔炸地瓜丸，甜不辣，台灣腸，炸魚皮，黃金酥炸魚蛋🐟鹽酥雞少少偏硬，炸地瓜丸地瓜蓉好smooth，黃金酥炸魚蛋似長洲大大粒魚蛋，又幾好味。 打邊爐最緊要個湯底🍲揀咗黑蒜黃金鍋，湯底幾重蒜味🧄用黎淥野食一流！店員好快為我地送上海鮮拼盤，留意番要食牛殿品套餐先有㗎。海鮮拼盤有扇貝，青口，鮑魚，蜆肉，海蝦🦐生蠔，食材十分豐富！扇貝同埋蜆肉好味，其餘海鮮都ok。套餐亦附送棒球貢丸一份，個名好過癮吓，原來即系兩粒大貢丸，質感結實之餘亦帶點juicy。跟住終於到主角喇，黑毛和牛油脂非常豐富！🐮又好難得地食完之後吾會好似喺其他火鍋店嘅肥牛咁漏。澳洲M4和牛肩胛肉口感則剛好，牛肉味不俗。安格斯牛板腱冇乜脂肪，勝在牛肉味同樣香濃。套餐亦附送春陽茶事

#chuchu食在尖沙咀📍 牛品台式火鍋行開尖沙咀，🐷仔話想打邊爐，經過i square後面見到牛品就上左去！餐廳座位闊落，坐得好舒服！會播住五月天、周杰倫嘅歌，好貼合台式！—————————————————————❣️ 牛御品吃到飽套餐 $339🍲 牛品一品鍋揀左呢個推介湯底，有好多牛肚牛筋係湯底，超濃牛味！烚牛肉可以加重牛味！🥩肉類- 澳洲M9和牛好大塊！一盤淨係放到2塊！油花雪花狀， 紋路幾平均，牛味突出！order到最尾一輪都係保持水準！- 美國頂級肩胛肉脂肪比例幾好！好夠牛味！- 美國封門柳冇乜脂肪，肉質紮實，肉幾濃- 醉雞件醃得夠味！好滑！唔嚡！仲有西班牙栗飼豬梅肉、安格斯牛板腱、西班牙栗飼豬五花、精選美國牛胸腹、紐西蘭羊卷肉及牛舌片！🐚 新鮮活鮑魚每位都有鮑魚一隻，真係新鮮嘅！上枱嘅時候仲郁緊🍤 鹽酥雞｜炸地瓜丸炸得好香脆！好似去咗轉台灣咁🥢自助區有唔少台灣直送嘅丸類同蔬菜！仲有幾款台式滷水小食，有滷雞翼尖、滷肉飯、滷水蘿蔔、燉湯……✨特別推薦時日燉湯，好小見邊爐有靚湯飲，🐷仔就話要介紹滷肉飯！🥤🧋飲品飲品選擇種類好多，有啲仲係台式嘅罐裝飲品同埋自家製冷泡茶！手機落單仲可以

-近排天氣愈來愈熱，但依然想食打邊爐。行開尖沙咀海防道，突然諗起呢個位一定有打邊爐食，於是就行左入去樂道的呢一間餐廳。呢個位都做左幾手唔同的邊爐店（好似牛一，牛陣），今次轉左做一間台式邊爐店。-食物：台式邊爐其中一個特色就是個湯底，佢湯式選擇都有十種，我地今次叫左個元氣養生鍋（有人參有雞，甘甜味，冇咩藥材味），加多個湯式就加$50。肉的餐最平二百幾蚊，我八點入座，選擇左$259的餐。肉的種類都多，質素以呢個價錢係中上。感覺豬好食過牛。另外，餐廳提供好多台式小吃，例如炸地瓜球，芋圓，鴨血，炸雞，香腸。飲品種都齊全。-環境：座位唔迫好坐，服務就一般啦，有個男員工比較懶，唔願加湯或執野走，要個女員工成日幫手。-總結：加完一，三百蚊都唔洗，我覺得可以接受。餐廳又一直播住我鐘意聽的五月天同周杰倫，加分。牛品台式火鍋地址: 尖沙咀樂道32-34號1樓電話: 27018928