牛品台式火鍋

營業中

休息中

今日難得可以早啲收工，就決定同男朋友食餐好啲，牛品一間台式火鍋店，6:30前入座每一位成人嘅價錢只係$319，長者嘅話$279就可以食到，都幾抵食！食呢個套餐，仲會送每人一隻鮑魚 同 每人一杯春陽茶事！😆😆佢哋一共有20款台式小食，平時喺街邊買個鹽酥雞可能都$40，呢個可以試到咁多款真係好吸引！其中我就最推薦鹽酥雞🐔、牛品牛三寶🐮、麻辣鴨血🦆、台式滷水豬耳🐷、鹽酥蝦🦐、炸花枝丸🦑等😋😋打邊爐當然唔少得要食好多好多肉，我哋今次呢一個火鍋放題套餐，包咗日本極品奈禾牛，肥瘦分布均勻，整體質素唔錯！另外，亦都推薦手切美國頂級封門柳🐂、西班牙栗飼豬梅肉🐷、新西蘭羊卷肉🐏、新西蘭青口🐚、台灣墨魚仔🦑、海蝦🦐等～順帶一提，佢哋嘅火鍋湯底有成10款選擇，我哋今次揀咗一個比較清淡嘅柴魚昆布鍋🐟，估唔到呢個湯底同各款肉類同海鮮都好夾，推薦大家可以試下，可能會有意外驚喜！🙌🏻🙌🏻🙌🏻除此之外，佢哋嘅甜品區都值得介紹吓，除咗有Häagen-Dazs雪糕🍨之外，佢哋仲有台式刨冰同埋各款配料🍧，非常有特色！

最近試咗間台式火鍋性價比極高高質又抵食,120分鐘任飲任食日本奈禾牛仲要晚市成人$319起 （優惠限定6月）牛御品套餐仲送每人一隻鮑魚同指定春陽茶事一杯🔸湯底10選1,我揀咗柴魚昆布鍋,唔會搶咗火鍋配料味道反而仲突出咗🍲🔸海鮮鮑魚新鮮爽彈,我仲叫咗鮮黑魚片,鮮蝦,蜆魚片鮮滑,蝦同蜆都好新鮮,蜆無沙🔸肉類‼️日本極品奈禾牛～油脂平均由日本牧場飼養,肉質彈牙牛淨係食依款都夠😋🔸小食有成20款未計自助區我叫左牛三寶,麻辣鴨血,鹽酥雞,椒鹽蝦,宜蘭蔥餡餅我個人鍾意鴨血嫩滑多汁,椒鹽蝦夠彈牙🔸自助區有多款火鍋配料,熟食🍢飲品方面有自家製冷泡茶,各款汽水飲料🔻甜品任食Haagen-Daz雪糕,仲有自製綿綿冰🍧,DIY仙草凍

朋友想打邊爐，好多都有限時，食得黎又冇乜時間傾計。見到尖沙咀呢間牛品有得揀無限時無食打邊爐，仲包埋任飲1664生啤🍺，真係啱晒傾心事。book 左7點，黎到唔洗等位，揀左湯底就可以坐低叫野飲野食。有10款湯底可以揀，有辣有唔辣，全部都唔洗另外再加錢，我地今次揀左元氣養生鍋。呢個餐一黎就送每人一隻活鮑魚😋好新鮮啊。難得呢個餐係任飲1664生啤🍻，梗係要叫番2杯啤酒la，唔係成日飲啤酒🍺既我都覺得幾易入口，飲完一啖又一啖，傾住計唔覺唔覺飲左好多。除左主打任飲生啤🍻，打邊爐當然唔少得食牛la，有唔同牛既部位同級別，我最鐘意食佢既日本宮崎縣A5和牛，真係食左番唔到轉頭，其他地方食既A5和牛好似都冇呢間咁好食，淥得耐少少，都唔會韌或者好硬。值得一提，比較少d火鍋店有黑魚片，原來黑魚片係勁滑，入口即溶咁，超級好食，encore再encore。除左邊爐食物，仲有好多小食同自助熟食，真係吃到飽。為食既我，每款小食都叫黎試下😋試完晒，我最鐘意烤椒皮蛋豆腐同麻辣鴨血，豆腐夠滑，配烤椒味好特別，好正。除左一般火鍋店既雪糕，牛品仲有台式糖水同埋刨冰，又有得玩又有得食，自己調配甜度😋食飽飽，繼續可以坐喺度飲酒傾

🙋🏻‍♂️餓底探員去咗尖沙咀調查呢間台式火鍋店，餐廳主打台式火鍋放題，供應多款特式地道湯底，高質牛肉，火鍋配料更由台灣直送，讓客人可以品嚐到地道嘅台式原味道🥩牛御品午市吃到飽套餐 $308🧄黑蒜黃金鍋🙋🏻‍♂️表示湯鍋用黑蒜同卜卜蜆熬製成，湯頭充滿濃郁蒜香，又帶有蜆肉嘅鮮甜香氣，黑蒜經發酵處理，有抗衰老，增強免疫力功效，係養生湯鍋之選👍🏻🥩肉類🙋🏻‍♂️表示套餐可無限量追加多款肉類，有美國頂級牛肩胛肉，特級牛小排，頂級封門柳，花雕醉雞件等，最驚喜係有澳洲M9和牛，油花細緻有如大理石紋，食落鬆軟脂香，牛味濃郁，必食👍🏻🦐海鮮🙋🏻‍♂️表示有海蝦，沙白，台灣墨魚仔等海鮮，海蝦新鮮，肉質彈牙，沙白味道鮮甜，墨魚仔爽口煙韌，各款海鮮都充滿鮮味🥟火鍋配料🙋🏻‍♂️表示自助區有多款台灣直送火鍋配料，金沙魚丸彈牙，咬開有流心金沙鹹蛋黃醬，香芋包心上貢有咬口，咬開有爆餡芋泥，香軟綿密，好特別🍗台灣夜市小食🙋🏻‍♂️表示有酥脆香口嘅鹽酥雞，焦香脆口嘅炸午餐肉，爽彈鮮甜嘅炸花枝丸，香脆彈牙嘅炸黃金魚蛋等多款夜市小食，充滿地道風味🍡甜品🙋🏻‍♂️表示自助區有綿綿冰機，可以自製甜品，再配上仙草凍，綠茶愛玉，西米，桃膠等配料

呢間火鍋主打靚靚日本🇯🇵宮崎牛😍佢地仲有無限時♾️火鍋放題岩曬一大班人去打邊爐🍲火鍋🔥配料過百款，仲有廢水飲🤪重點係仲有多款台式小食😋好似去左夜市甘🐮牛肉款式多，樣樣都高質✨✨-日本宮崎縣A5和牛🇯🇵-澳洲M9和牛肩胛肉-美國特級牛小排👍🏻👍🏻-美國頂級肩胛肉-手切美國頂級封門柳-加拿大頂級牛板腱-美國牛胸腹-牛脷心托💓湯底款式多，揀左鴛鴦鍋沙茶海鮮鍋✨：沙茶味好出，好香濃，食物超掛湯吾需要再點其他既醬油🌶️牛品麻辣鍋✨：麻辣好正宗台式風味😍辣得黎好香，吾會食到冇曬知覺😹係好惹味既辣，想追食既感覺😋😋台灣小食超多種😋😋成個夜市甘-鹽酥雞😍-台式甜不辣💓💓-台灣香腸-椒鹽蝦🦐-牛品牛三寶🐮-台式滷水豬耳🐷🍹飲品有好多款有自家製既茶飲，罐裝飲品仲可以飲廢水😍有珍珠鮮奶茶，冬瓜茶啤酒🍻1664生啤無限♾️

居然俾我搵到一間台式火鍋放題✨可以午市 120 分鐘\吃到飽火鍋套餐/升級至無限時😋✨\牛御品午市套餐/湯底款式都有好多選擇 加$50可以轉為鴛鴦鍋而我就揀咗元氣養生鍋 配料十足任食頂級美國肩胛肉、澳洲M9肩胛肉、澳洲M9和牛、一口和牛、花雕醉雞件、新西蘭羊卷肉、海鮮類等等-和牛肉質鮮嫩 容易入口-牛脂、牛花分配平均😋-花雕醉雞件食落好入味-海鮮都好新鮮 味道鮮甜✨自助區嘅醬料 喜歡濃味嘅朋友可以自製醬料😝蔬菜區🥬款式亦夠多 全部都好新鮮自助飲品區 汽水果汁樣樣齊當然唔少得至愛既無糖果茶💓自在台灣夜市熟食區滷水蘿蔔、滷水雞翼尖、滷水豬肚全部都好吸引🤩完全食到台灣嘅味道👅另外＇好鍾情嘅台式小食炸午餐肉、麻辣鴨血、台式甜不辣、炸地瓜丸，好好食到不停order😆甜品有自製，台式綿綿冰🍧、雪糕、獨立包裝雪米糍😋當中牛品仲聯乘「鮮芋仙」，甜品區限時升級鮮芋仙芋圓加埋自己喜歡嘅配料🙌🏻有爽口既綠茶愛玉、黑糖布丁、菠蘿味蒟蒻、仙草、啫喱糖等等😳真係好正💓

呢個台式火鍋,我地食過幾次都仲係咁鍾意~介紹咗唔少親友嚟試, 佢地都係大讚的~ 開心! 欣賞嘅餐廳得到欣賞, 覺得自己有 taste 呀~因為我食得比較慢, 同埋好驚限時嗰種壓力, 所以選擇咗 “冇限時” plan, 可以輕輕鬆鬆 慢慢嚟, 食得開心呢~“牛御品晚市吃到飽” 呢個set嘅牛肉選項 質量都好靚, 仲有得任飲1664添, 我都湊熱鬧飲咗兩杯, 高興吓~等鍋底滾嘅時候, 可以食住: 藤椒魚皮、麻辣鴨血、台灣腸等等台式熟食, 熱個身 開心住等啊~海鮮嘅質量都係好抵讚啊~新鮮嘅海鮮, 就係鮮鮮甜甜~台灣直送嘅配料都係我嘅心水~無論食到幾飽, 都係會想食返舊大甲芋頭呀~芋圓真係唔可以錯過!係仙芋仙黎架! 真係特別好味, 我哋嗰日食咗好多轉, 嘻嘻..數唔到encore咗幾多轉甜品…可以慢慢食, 無交枱壓力, 我就可以食得到好多…好開心呀我哋都~

選擇了A5和牛牛殿品套餐，為慶祝銅鑼灣新店開幕，由原先120分鐘升級至無限時，非常適合朋友聚會，可以無限時慢慢傾，不需要轉場。除了主打A5和牛，還有多款不同地方、不同部位的牛可供選擇。海鮮方面，最吸引的有海蝦、廣島蠔等。自助區有多款台灣直送的火鍋配料，多款台灣夜市美食，糖水、雪糕等，還有多個大型飲品櫃，超多飲品選擇，此外還奉送春陽茶事手搖茶。手機落單的食物選擇非常多，根本沒可能全部都試齊，加上自助區的多款蔬菜、丸、腸、麵等，只得一個肚皮實在容不下啊！

最近就同朋友去過尖沙咀牛品台式火鍋，真心覺得唔錯！店內環境令我地感覺好舒服，裝潢有台灣嘅風格，坐位之間距離都適中同埋唔會太逼，店員都好熱情。我地就簡左120分鐘牛御品食到飽套餐，湯底我哋揀青花椒和牛鍋。非常有驚喜同中意，因為佢有好香青花椒味，非常過癮。食物方面，除左自助區有各式各樣嘅台式小食，大量台灣嘅飲品提供之外，甜品都樣樣齊，真係花多眼亂。而呢個套餐仲送左2 隻鮑魚，好大隻，好鮮甜。牛肉方面我地就最中意牛脷心、封門牛同埋澳洲M9和牛肩胛肉。牛味濃郁，油花分布非常均勻，切得唔會太厚，而且大大塊，非常有口感。除左牛肉同埋海鮮之外，當然要order 佢地台式特色小吃，炸黃金魚蛋、甜不辣、麻辣鴨血、烤椒皮蛋豆腐和台灣香腸等等，真係💯 搭配火鍋一起齊食都好合適。總體來說，牛品台式火鍋無論環境定係食物都令我地好滿意。如果你中意台式邊爐，一定唔可以miss 左呢間唔試!牛品台式火鍋📍尖沙咀樂道32-34號1樓

最近成日都好想食打邊爐，但係對於放工總假期之前，都想慳啲使，所以就揀咗尖沙咀呢間高cp值嘅打邊爐店同朋友一齊happy dinner！呢間最正就係d牛肉喔超級無敵新鮮，我次次都會食好多碟，鍾意食豬肉同羊肉嘅朋友都話夠新鮮，絕對冇蘇味。另外一樣勁鍾意嘅，就喺呢度嘅蔬菜種類都好多，咁樣食落都覺得健康啲！當然啦，海鮮嘅種類都絕對唔會少，哈、貝類、鮑魚都有！另外一樣好正嘅，就係呢度啲台式飲品同埋甜品，竟然有鮮芋仙嘅芋圓，而且珍珠奶茶都係絕對冇hea整！另外一樣值得稱讚嘅就係呢度嘅服務員態度都好好，而且環境都好光猛，同埋好乾淨，每次嚟到食得好開心！

之前就同好姊妹提過呢間台式火鍋，啱啱好姊妹今日得閑，就約出嚟一齊食晚餐。睇咗個餐牌先發現，呢度嘅火鍋套餐系任食，而且價錢都好抵！我哋叫咗【牛殿品任食】嘅套餐。我哋揀咗季節限定嘅嗨嗨蟹鍋，湯底真系太鮮咗，仲帶有蟹肉嘅香味，每一啖都係享受！而且味道仲好清甜，真材實料，好啱同其他食材一齊煮。海鮮真系好新鮮，我哋食咗墨魚仔，蝦滑，青口，蝦子同活鮑魚！先講墨魚仔，好鮮美，食落仲好彈牙，口感好豐富！蝦滑系手工嘅，蝦肉好厚實，仲好鮮甜，入口即化！除咗蝦滑，仲有蝦子。蝦子好大隻，涮落湯底之後，味道更加鮮，加上蝦子好有咬口，整體嘅口感都好好正！姊妹最鍾意就系呢度嘅青口，肉質好厚實肥美，而且處理得好乾淨，唔會有腥味，都唔需要任何嘅調味，煮後直接食真系一流！而我最鍾意就系活鮑魚，真系太正啦！鮑魚好大個，，滿滿嘅鮑魚喺口中咬住，好香甜，仲好有咬口，食到停唔到口，啖啖肉！牛肉方面都處理得好靚，肉質好鮮嫩，涮落湯底之後，牛肉香味十足，仲帶有牛肉本身嘅味道，真系胃口大開！我最鍾意嘅牛部位就系牛肩胛肉，口感好好細膩，仲有住濃郁嘅牛肉香味，啖湯啖肉，真系完美配搭！飲品我哋揀咗冬瓜茶同珍珠奶茶。兩款飲品都唔會太甜。冬瓜茶

鍾意台式火鍋嘅朋友仔唔好錯過，呢間嘅食材夠新鮮，仲有各種臺灣小食～今次點左牛極品任食，各種牛肉🥩羊肉🐏豬肉🥓海鮮🦑丸子都可以任拎任食，應有盡有👍🏼套餐入面可以任點嘅食材：🔸美國頂級肩胛肉 🔸西班牙栗飼豬五花🔸美國牛胸腹 🔸新西蘭羊卷肉🔸西班牙栗飼豬梅肉 🔸花雕酒雞件真係好鍾意牛肩胛肉同埋豬五花，肩胛肉本身油花適中，肉味同油脂香都啱啱好，根本就食唔厭❗佢哋嘅豬五花都係好正，肥瘦相間，一點異味都冇～花雕酒雞都好食🤤 濃郁嘅酒香味仲有嫩嫩嘅雞肉真係令人回味無窮🥹湯底嘅部分呢間都係有好多選擇，可以加錢變成鴛鴦鍋添👌我哋揀嘅係青花椒同牛鍋，仲可以自己加青花椒調整味道☺️ 鮮香麻辣嘅湯底，食住就好過癮～佢哋間嘅臺灣小食都好正‼️臺灣香腸 皮蛋豆腐 椒鹽蝦等等每一件都好好食，令人有種返到臺灣夜市嘅感覺😂

今日係我同老婆嘅結婚紀念日，我哋去咗一間台式火鍋店食晚餐慶祝。我哋點咗一個麻辣鍋，麻辣鍋嘅湯底好香，好夠味。呢間店下料好足，唔手軟。我點咗我最鍾意食嘅A5和牛，牛肉肥瘦啱啱好，好新鮮，放入麻辣鍋煮，食落去真係好好食。牛肉蘸咗麻辣味道，非常香。之後店員上咗一道澳洲和牛肩胛肉，睇住嗰啲軟嫩嘅油脂，再配埋麻辣湯底，簡直一流。入口即化，真係太好食啦！之後我哋仲點咗我老婆鍾意食嘅鮑魚，煮得啱啱好，鮑魚好大隻，食落去好有嚼勁。我哋仲點咗魚柳，喺麻辣鍋裡煮熟後，試咗一下，呢條魚柳非常新鮮，味道好鮮甜。呢度嘅蠔都好大粒，非常飽滿，蘸埋麻辣湯，非常好食，我哋連食咗幾粒。我老婆仲點咗蔥餡餅，呢度嘅蔥餡餅煎得金黃色，入面嘅料好足，一咬落去就聞到香味。之後仲有茶葉蛋同肉燥飯。茶葉蛋煮得好入味，配埋肉燥飯無可挑剔，簡直係絕配。肉燥飯入面嘅肉，肥瘦混合，入口即化，好好食。我哋嗰陣仲點咗珍珠奶茶，入面嘅珍珠非常Q彈，好好食，奶茶又唔會太甜，啱啱好，岩晒我哋嘅胃口。

前日同朋友約埋去試呢間喺尖沙咀好多人推介嘅牛品台式火鍋。啱啱放工就拎住個期待嘅心情過去，成個套餐啱啱好夠我哋兩個食到飽飽！😋 首先係美國頂級肩胛肉，夠嫩滑又唔太肥，擺喺番茄湯底煮完之後仲多咗少少酸甜味，幾特別～跟住係西班牙栗飼豬五花，帶少少肥膏但唔會膩，豬肉味好香，真係入口即溶嘅感覺！美國牛胸腹就偏瘦啲，食起嚟有少少韌，不過牛味香濃，啱啱好。 再嚟就係新西蘭羊卷肉，冇乜羶味，我哋仲加咗花雕酒雞件，雞肉吸收咗啲酒香，特別惹味。西班牙栗飼豬梅肉有啲韌度，口感幾實在，配埋台式滷水豬耳，嚼起嚟超夠味道！豬耳脆卜卜，滷得好入味。湯底方面，我哋揀咗番茄濃湯鍋，酸酸甜甜，加咗好多蕃茄，湯底好濃郁，有種台式家常味。最後仲試咗宜蘭蔥餡餅，外皮香脆，蔥味好重，一咬就感覺好滿足～🍅🥟 整體嚟講呢間餐廳嘅CP值真係好高，肉質新鮮，鍋底夠濃郁，唔怪得有咁多人推介！

同朋友喺尖沙咀食咗牛品嘅火鍋放題。呢個套餐包埋免費鮮活鮑魚同埋一杯春陽茶事，鮑魚味道非常新鮮，口感柔軟，好味。珍珠奶茶有濃郁嘅奶味，彈性口感嘅珍珠，正。我哋點嗨嗨蟹鍋新鮮螃蟹俾你即刻加入湯底，蟹肉飽滿，鮮甜可口，搭配牛肉一齊食鮮上加鮮。🔘日本宮崎縣A5和牛🔘澳洲M9和牛肩胛肉日本和牛完全係頂級牛肉嘅口感，食落去喺口腔中溶化，牛肉風味十足，配上蟹肉鮮湯簡直完美。澳洲牛肉油比較均勻，口感含有些許細筋路但口感軟嫩，且具有獨有嘅特殊風味。🔘炸黃金魚蛋 - 口感Q彈脆口，咬勁十足，香味鮮明。🔘台灣墨魚仔 - 口感彈牙，嚼勁十足，味道豐富。🔘韓國總統蠔 - 口感肥嫩，入口彈牙，鮮味十足。仲有其他火鍋食材都可以無限任拎，真係好抵。