無意中發掘到一間喺iSquare嘅新派潮州菜餐館，比起一般打冷嘅舖頭坐得舒服好多，裝潢都好優雅，適合formal d嘅場合一大班人嚟食🥰 食物傳統得黎又帶有一啲新意，仲有得飲酒，下次想食中菜又有多一個選擇👍🏻 普寧豆腐 外脆內軟，加埋個醬汁好惹味。 翡翠蟹肉羮 一見到咁綠，就知道真係好足料🤣 菠菜味好濃之餘仲帶有啲蟹肉嘅鮮味，飲落都幾Creamy。 雞樅菌炒蝦球 蝦球爽口新鮮，而且仲好大隻！ 潮州滷水魷魚雞腎 係我最愛嘅combination😍 魷魚食落好腍，雞腎非常爽口。 濃湯蠔仔肉碎泡飯 平時嘅我其實唔係好食蠔，但呢個蠔仔粥真係好正👍🏻 入面有好多蠔，調味都掌握得好好。 懷舊春菜煲 捧上枱嘅時候都仲係熱辣辣起晒bubbles😆 湯底，除咗由豬骨熬製之外，仲有白蘿蔔同春菜，鮮甜可口。 桂花糕 玫瑰花嘅外型非常吸睛🌹 果然係surprise到我！打卡一流～ . 潮藝館 Chao Club 📍尖沙咀彌敦道63號iSQUARE國際廣場6樓602號舖 🚝 Tsim Sha Tsui Exit H

以為疫情後經濟復甦，怎料市道比以前還差。。餐飲業更是大受重創。生意難做，諾士佛台的酒吧，店員你推我撞紛紛搶客。幾經辛苦，終於成功甩難。走進了天文臺圍，這邊清靜得多，看了一間門面挺有格調的居酒屋，並決定前往用餐，渡過23歲的最後一天🥰🎂 走入進店的樓梯，有種森系的感覺，身心沉浸於jungle vibes🌴店舖不算太大，但不會令人覺得逼狹。有卡位、吧枱，也有窗口位 Kudoki Jozu Junmai Daiginjo 29 Jr. Komi to Shitto $888/720mL 先嚐嚐店員推介的清酒，用上小川10號和M310酵母，香氣華麗如桃、香蕉、甜瓜，口感順滑醇厚，果味十足。還可以選擇自己喜歡的杯子。❤️ 法國鵝肝 $118 焦香軟綿的鵝肝，實在令人按捺不住😂。這個份量這個價錢，也算是值得的。 馬刀貝 $96 是令海鮮馬刀貝，跟一般的中式蒜蓉蟶子很不同。這個吃起上來更爽口，加上蔥花及木魚作調味，日式蟶子，感覺很新穎 蒜蓉牛油燒日本元貝 （免費贈送） 大量蒜蓉配上彈牙嫩嫩的元貝，惹味十足 自家制免治雞肉軟骨 $55 這是我到串燒店的必食之選，軟軟的雞肉帶點脆口，沾上日本生蛋黃，很有層次感 厚切牛脷芯 $78 牛脷芯非常厚肉，一點也不韌。 白鱔 $78 爽脆的白鱔，沒有平時鰻魚的照燒汁。只用簡單的調味帶出白鱔的鮮甜，簡直是滋味滿分 蟹膏豆腐 $68 外觀很精緻，一口蟹膏豆腐，作為前菜最適合不過 海膽松葉蟹蓋甲羅燒 $138 甲羅燒裏真是有海膽的，很creamy很邪惡😈 如果是用小多士而不是用梳打餅的話，味道應該更好 甜品拼盤 $188 適逢生日，當然要試試打卡able甜品拼盤。焦糖布丁及蕨餅很出色，生日收到肯定喜歡🥰

講到去飲嘢大家第一時間未必會諗起北角，但原來Hyatt Centric頂樓係一間好有格調嘅rooftop bar，而且Menu仲好有心思🩵 佢哋推出咗一共9杯嘅Sip Trip North Point Series Cocktail，透過味蕾帶你探索呢個充滿獨特色彩嘅地方🍸同朋友去咗慶祝生日，佢哋仲送咗個蛋糕同生日卡俾我😍 係慶生好去處！🎂 Gai Daan Jai Old Fashioned 復古雞蛋仔 $118 EGG WAFFLE BOURBON, BROWN SUGAR, CACAO BITTERS 呢杯嘅酒味會濃烈啲，想要微醺嘅感覺一定要嗌佢！飲苦中帶甜，令人諗起雞蛋仔嘅焦香蛋味。😋 Walk this Way 花香徑 $118 FINO SHERRY, JASMINE, GRAPEFRUIT, SODA 飲落去好清香嘅cocktail，茉莉花同西柚完美平衡，兩者嘅味道都好出😍 飲完之後好解渴，而且甜甜酸酸適合女仔飲。 Wagyu Short Rib Taco $188 Cucumber, Pickled Chili, Tomatillo Chutney 和牛食落去有少少似慢煮牛頰肉嘅質地，食落一梳梳肉，好有口感🤤🤤Taco加入咗印度香料，令整個菜式味道昇華👍🏻 Salt & Chili Squid, Secret Spices, Nam Jim Talay, Garlic Aioli $138 炸魷魚一啲都唔un，外脆內軟，配上泰式酸辣汁，令人食到停唔到口🦑

發掘到呢間喺尖沙咀，環境舒服又有氣氛嘅餐廳 x bar 🖤食物不論外觀定味道都好有水準同心思。Follow 佢哋社交平台仲可以有免費特飲！冬陰功虎蝦青口天使麵 $128
超級鍾意呢個配搭🥰 誘惑嘅天使麵配冬陰功汁完全冇違和感，食落好開胃😋 而且都幾足料，有帶子大蝦青口等。開心果紐西蘭羊架 $238
第一次見到用開心果煮羊架，所以食落會比較甜，幾特別。而且一啲騷味都冇，啱晒怕羊味太重嘅你。👍🏻脆脆蝦多士配芥末乳酪醬 $88
蝦多士新鮮炸起熱辣辣🍤 香脆可口，而且真係每舊都有大大隻蝦，都幾抵食～荔枝 & 水蜜桃 cocktail $0
見到Menu上面話like 社交平台可以有免費飲品🤣 同哥哥講鍾意飲酸酸甜甜嘅嘢，佢就俾咗呢兩杯俾我哋。好清新顏色都好靚💖

餐廳裝潢好得意，好似處身於叢林咁。有好多動物公仔，食好幾開心！食物同嘢飲大大份好高質！👍🏻 店員服務亦都好友善，值得一讚☺️ 原隻大頭蝦龍蝦汁扁意粉 $208 因為我真係好鍾意食龍蝦汁，所以呢碟意粉真係啱晒我口味！意粉仲有大大隻大頭蝦，食落啖啖肉，而且好新鮮。😋 慢落豬 $298 呢碟慢煮黑毛豬有淡淡嘅酸梅味，香料搭配令到豬肉食起上嚟唔會太漏。另外好開心，佢係番薯條而唔係薯條，甜甜地好好味😆 帽事嘅，傻朱！$88 呢杯嘢飲嘅外觀同名都好特別！🤣🤣 飲落唔會太甜，薄荷味都幾夠。好玩又啱晒打卡。🤪

估唔到原來呢間嘢咁好食！感覺仲好似比一般印度菜冇咁膩👍🏻 雖然係素食，但菜式變化好多，唔會覺得悶🥦🍅🥔🫘 PALAK PATTA CHAAT $79 一開始都唔知係咩黎但店員話係推薦菜式，所以就試吓。佢係炸到好酥脆，入面有塊菠菜葉，出面有啲乳酪、番石榴粒等等，酸酸甜甜，非常開胃🤤 Crispy vegetables $95 呢個好特別，好似咕嚕肉不過入面唔係肉而係菜😝 刷新咗我對菜嘅認知😌 ACHARI ALOO TIKKA $90 薯仔嘅外皮烤到脆脆的，食落好香口，有微微嘅炭香味😗 MUSHROOM BABY CORN KADAI $99 因為見到有粟米筍，同埋店員話唔會太辣，所以就試吓呢個。用嚟點薄餅都好唔錯😍 入邊仲有好多粒鮮甜嘅蘑菇，的確係冇平時嘅印度咖喱咁油膩。 Cheese Naan $49 雖然未去到拉絲咁勁🤣但都食都好香濃嘅車打芝士味🧀 Chilli Guava $59 有啲surprise杯嘢飲個樣都幾靚，好ig-able! 佢係一杯用石榴汁調製出嚟嘅mocktail，好清新！杯邊有啲辣椒粉，梗直係對味蕾嘅衝擊👀 Mango Lassi $59 芒果奶昔真係印度菜必飲🥭 好 creamy嘅飲品，味道一定有保證😬

喺銅鑼灣同灣仔嘅交界發掘咗呢間大件夾抵食嘅星馬菜餐廳😍 晚市套餐有多款經典星馬菜，味道都唔錯 焗農夫咖喱包配牛脷 $90 平時好少係星馬菜餐廳食到農夫咖喱包。咖哩有得揀新加坡咖哩或小印度咖哩。我哋揀咗新加坡，食落好creamy. 娘惹喇沙 摻摻 $73 配海南雞 +$3 喇沙一定都唔辣😂 怕辣嘅我都啱食🥰 椰漿味亦夠香濃。海南雞好滑好多肉，唔會俾埋啲肥膏/背脊位 馬來肉骨茶套餐 $73 肉骨茶好足料，有幾嚿好大嘅豬肉，冬菇好滑好入味。 美祿恐龍 $15 係我想飲咗好耐嘅美祿恐龍🥹 入面仲有啲棉花糖，飲完好開心！🍫 爆泡拉茶 $15 好打卡able嘅拉茶😆味道偏甜，中和翻啲重口味嘢食🤣

好耐冇去過觀塘，今次試吓呢間有台灣人主理嘅餐廳。食物嘅CP值幾高，而且餐廳牆上嘅插畫，令到好有去咗有台灣嘅感覺。 豐盛台灣牛肉湯麵 $78 牛肉好淋好入味，份量都唔少。而且仲要花枝丸同埋貢丸，都幾足料！麵條粗身有咬口，係我鍾意嗰隻❤️ 鮮梅豬排滷肉飯 $70 豬扒肥瘦適中，炸粉唔會太厚，外脆內軟。加分嘅係酸酸甜甜嘅梅汁，真係好開胃😍😍 嘎嘎脆刨冰 $99 呢個刨冰嘅份量都幾大，夠3-4人食。有芋圓、花生醬奶蓋、香芋雪糕等配料。食落好夠滿足感。冰底唔係軟綿綿嗰隻冰，而係真係好爽脆嗰種刨冰。🍧 哈豆鮮果茶 +$42 本身都幾鍾意飲水果茶，非常清爽，仲可以揀甜度👍🏻 桂圓紅棗茶 +$28 呢隻茶好夠養生，而家天氣涼涼哋飲啱晒。好香桂圓紅棗味，真材實料。

呢間Pizza店感覺好正宗，裝修上好有意大利風情～不論係同朋友屋企人聚會、定係同另一半拍下拖，呢度都好適合！❤️ With an upbeat and intimate setting, this pizzeria serves traditional delights made with the best ingredients directed imported from Italy. Take a bite of the cheesy, fresh-out-of-the-oven pizzia and get carried away with the sophisticated Italian ambience! 🇮🇹 🍕ɢᴏᴅ ꜰᴀᴛʜᴇʀ | $190 Margherita with mushroom, sausage, spicy salami, mo peppers, spicy beef & onion 呢個Pizza比係平時嘅個底比較薄，食落覺得冇咁濟，而且好足料好Juicy😋 配料有蘑菇、辣肉腸、牛肉等。食落少少辣，好惹味。 🍝ꜱᴘᴀɢʜᴇᴛᴛɪ ᴀʟ ꜰʀᴜᴛᴛɪ ᴅɪ ᴍᴀʀᴇ | $148 食得出啲海鮮好新鮮🤣 而且白酒汁個底酸酸甜甜，好開胃！如果你平時都鍾意食海鮮意粉，就千祈唔好錯過！ 🍷ʜᴏᴜꜱᴇ ʀᴇᴅ ᴡɪɴᴇ | $65 🥂ʀᴏꜱᴇ | $70

有時間唔中都會想食印度嘢，今次去咗呢間位於尖沙咀嘅印度菜，入面都有幾多印度人食，好熱鬧！環境大但設計非常樸實，食物嚟講味道正宗但係外觀都幾創新！有個巨大嘅牛油煎餅，好適合同朋友一齊食～另外，值得一讚嘅係佢哋會將枱都會畀一支礦泉水，好衛生～ Butter Dosa $80 見到咁大個牛油煎餅真係覺得好震撼！同班朋友上嚟搣下搣下咁好開心。煎餅口感食起上嚟比較輕薄，好脆口，仲有四款醬汁任君選擇。 Chicken 65’ $85 Crisp Fried Chicken Chunks Cube 呢款炸雞炸得外脆內軟，但又唔會太多粉。辣味都幾夠，食印度嘢嘅時候鍾意食辣啲嘅話可以試下。 Pudhina Murgh Tikka $140 Mint & Green Chilli Marinated Chicken 平時通常食chicken tikka，都好少會食薄荷醃嘅雞，今次款雞超香薄荷味，溝埋其他印度香料，非常惹味。 Bamboo Briyani (mutton) $140 Indian-style fried rice 呢個印度香飯用成個竹筒咁樣上碟，非常吸睛。可以揀羊肉或者雞肉，飯食起上嚟好juicy。 Butter Chicken masala $120 Boneless chicken in buttery sauce with tomatoes, cream and fenugreek leaves 黃油咖哩雞基本上係喺印度餐廳必食嘅嘢～呢個食幾上嚟味道唔算辣，比較溫和，仲有少少蕃茄香味。 Garlic Naan $40 佢嘅蒜蓉薄餅好香蒜蓉味，熱辣辣用嚟配黃油咖哩雞非常夾。 Mango Lassi $40 食咁重味嘅嘢當然要有返杯甜甜酸酸嘅嘢平衡返。芒果奶昔可以話係印度菜唔可以錯過嘅飲品，非常開胃。