日本超人氣既Gariguette 終於開到黎香港🇯🇵🇭🇰唔洗岀國都可以試到紅爆日本既拿破崙 同我哋以往既拿破崙唔同 佢只有一層夾心，而且係薄薄既圓形⭕️ - 🥢原味士多啤梨 $165 呢個係佢哋既招牌，超酥脆既千層皮搭配特制吉士忌廉同士多啤梨皮，一啖落去，層次同口味都係滿分💯 士多啤份量又多又甜，千層皮甜甜哋又唔會太漏，唔知揀咩味好既試，士多啤梨一定係首選！🍓 🥢朱古力忌廉香蕉果仁 $145 入面既朱古力忌廉配埋香蕉既配搭真係好夾！果仁又可以增加口感，另外仲會加上朱古力醬🍫 整體上呢款就會比士多啤梨甜d ，不過都唔會太膩 - 另外仲有好幾款款式選擇 選擇困難症都可以考慮嗌half half🥰 仲有香港限定既味道添！ -

有日收工同男朋友喺旺角搵食 咁啱見到有間新開嘅米線 價錢都好實惠 店面光猛 店內都好寬敞好乾淨 - 🥢小鍋米線 $62 還是有超過30款食材可以揀！我就揀咗生菜，糖心蛋，手打蝦滑同炸鳳爪。食過好多間米線，好似都係第一次見到有炸鳳爪😍米線大大碗 餸既份量比得一啲都唔手軟，糖心蛋好特別地有淡淡酒味🥚手打蝦滑都好彈牙🥰值得一讚嘅係個炸鳳爪，佢比平時喺酒樓食既鳳爪更加容易脫骨，而且炸過嘅鳳爪索哂湯汁超正🫶 🥢蔥油香煎雞扒煎蛋飯 $50 如果同行有人唔係好想食米線，嗰度仲有飯類可以選擇，我哋揀咗蔥油香煎雞扒煎蛋飯，雞扒唔會煎得好柴，仍然保留咗啲肉汁，煎蛋仲可以揀太陽蛋定熟蛋🥚 簡單嘅食材就可以做到一個好送飯嘅組合！ 🥢爆漿紅糖慈粑 $18 呢個係我最鍾意嘅小食之一👍🏻基本上只要餐牌有佢，我就一定會嗌既程度🫢 即叫即整嘅紅糖糍粑，煙韌嘅外層包住入邊熱辣辣多到爆晒出嚟嘅紅糖，一定要趁熱食😍 🥢水蜜桃綠茶 $10 🥢芒果綠茶 $10 特飲跟餐咁嗌都只係加$10 ，大大杯，建議嗌少甜，飲落好清甜清爽好舒服！

唔知有冇人同我一樣 覺得人地啲貓硬係好玩啲🤣 最近去醫間好多緬因貓既貓cafe 入面既貓貓全部都好痴人好嗲🥹 食食下野仲有貓貓食過黎陪你一齊食🤣 - 🥢黑松露野菌素帶子米型意粉 佢哋既意粉都比較特別 全部都係用素肉黎做 食落有少少似意大利飯既Feel❤️ 帶子食落都好接近肉既口感 唔太習慣食素肉既人都唔怕會覺得奇怪👌🏻 🥢白汁野菌雞絲意粉 同樣地都係用素雞絲去做 味道都唔錯 意粉都好卦汁唔會好乾 而且醬汁都算濃郁！ 🥢餐湯 當日餐湯係南瓜忌廉濃湯 南瓜味都好重 湯比較杰 🥢flat white 🥢紅茶 - 貓貓們真係全部都勁Q🥹 尤其係有隻白貓叫小龍女 會喺你食食吓嘢突然之間過嚟要你抱🤣 仲喺你身上舔毛 鍾意貓貓嘅一定要去！ -

有時放假一早醒左訓唔翻 我通常都順便同屋企人落街飲個茶🫖 今次去左呢間係冬菇亭入面既利豐打冷小㕑 一入去姐姐們即刻勁熱情❤️‍🔥🤣 咁啱又撞正啲點心啱啱新鮮整起 - 🥢燒賣 飲茶點少得食燒賣！佢唔似有d燒賣食落口好粉既感覺，呢隻食落係啖啖肉😍皮薄餡靚，肉都好結實好有口感，可以問姐姐攞碟辣椒油🌶️ 更加惹味 🥢鳳爪 鳳爪都係我飲茶必食之一，啖啖肉之餘輕輕一咬就脫哂骨，而且掛滿晒汁，熱辣辣好正！ 🥢牛肉球 牛肉球比起我平時岀面食開既大粒好多！好重手😂 食一粒就已經飽飽地，芫荽味都唔會完全蓋過晒牛肉嘅味道。配埋勁爽口嘅馬蹄粒同喼汁，口感層次再升一等！ 🥢蒸魚+飯 雖然好少係飲茶既時候嗌蒸魚食，不過咁啱見到姐姐攞出嚟話新鮮啱啱蒸好，就忍唔住嗌咗條試吓🤣 魚肉又滑又嫩，啖啖肉冇乜細骨，蒸得啱啱好唔會過熟 🥢春卷 姐姐們勁好人咁送左兩條春卷比我哋食！ 入面係肉餡，雖然已經凍咗少少，但係仲保持到外皮脆卜卜！🥰 - 食物款式又多又有人情味 加上呢度係開廿四小時 無論早午晚宵夜都好啱去！

宜家成日都會岀街食飯，好小可翻屋企食 有時想食得健康啲既又冇咩選擇🫠 最近比我發現左一間係觀塘既健康之選！ 大部份餐單都由營養師同專業健身教練推薦💪 無論想減重減脂定增肌都啱哂！ - 🥢明太子汁烤三文魚配古斯米 三文魚皮脆肉嫩，而且煎到好香口！第一次食古斯米，食落有啲似小米咁非常之幼細，入面仲有粟米同蘆筍，配埋明太子汁識落口感好豐富！ 🥢蟹肉櫻花蝦香辣蕃茄忌廉冬粉 中意食蟹既唔可以錯過！超推薦食呢個冬粉！冬粉份量都唔小，每條都卦滿蕃茄忌廉汁，有啲似玫瑰醬咁勁濃，仲有大量既櫻花蝦同蟹肉🦀🦐 每啖都可以食到滿滿既蟹肉係勁滿足🤤 食晒成份都冇400卡路里！ 🥢微光晨議奶昔 用香蕉，芒果同燕麥奶整成嘅一杯奶昔，好飲得黎仲可以促進血皮膚新陳代謝，可以補充體力，仲可以養顏美容！完全係女士嘅恩物🥰 🥢flat white 咖啡可以揀fruity定nutty ，飲落好香滑 - 呢間餐廳有時仲會有live show表演 咁啱見到有人喺度慶祝生日都好有feel ！ 食物營養又健康 環境又好chill 超推介大家嚟試吓！🥰

真係好卦住日本既壽喜燒🥲 係香港真係好難搵到一啲好食嘅壽喜燒 最近路過一間 門面已經非常之復古日本既餐廳 入到去真係好似去左日本既街道咁🇯🇵 - 🥢招牌鍋物餐（二人餐）$498 首先有包黑牛壽喜燒燉飯，串燒拼盤同兩款小食，我哋就揀咗雞皮餃子同松露薯條。 一開始會有職員過嚟幫我哋燒肉，全程都好細心咁樣講解，而且非常專業！肉味超濃，肉質入口即溶🤤 包埋蔥沾埋蛋漿超滿足🥰食完肉之後再整蔬菜，蔬菜吸滿晒壽喜燒汁嘅味道勁入味🥬，之後會用埋剩低嘅壽喜燒汁去整一個黑松露奶油燉飯，燉飯黏黏糊糊，超香黑松露味，仲要吸滿晒所有食材嘅精華完全停唔到口 🥢串燒拼盤 有兩串蝦，雞翼，五花肉，秋葵，香菇，菠蘿勁豐富，尤其係個菠蘿燒到勁甜勁多汁😍 🥢雞皮餃子 之前食過一啲雞皮餃子勁細隻，呢度既雞皮餃子大隻得黎炸到好脆卜卜，而且一啲都唔覺得油膩 🥢金駿眉紅茶 （+$28） 之前一直都冇乜點聽過呢個茶名，一飲落去，茶味勁香濃，入口甘醇，完全對得住呢個價錢！之後先知原來係一個福建嘅特級茶葉！🍵 🥢宇治金時芭菲 $108 呢個芭菲係餐牌上面冇嘅，要入咗QR code先會見到，除咗宇治金時之外仲有士多啤梨味。 上到枱真係哇一聲😍用料超級豐富，有朱古力，馬卡龍，抹茶雪糕，蕨餅，丸子，紅豆，糯米糍，麥片，曲奇碎等，真係多到數唔晒🤣 係咪從來冇見過一個芭菲係咁豐富，雖然係1-2人份，但我相信3-4個都夠🤤 - 🏡 洋食商店 📍長沙灣福榮街538號喜遇地下2號舖 💰人均～$300-400 ⭐️⭐️⭐️⭐️⭐️

有時岀街唔知食咩好都會揀食放題🤩 食物種類又多 唔洗選擇困難 近排去左呢間係荃灣既御滿屋食放題 一入去已線勁見到好多甜品前菜飲品雪糕🥰 - 🥢 前菜 有好多各種各樣既日式冷盤，有少少令我意想不到既係竟然有凍蝦，蜆同青口呢啲海鮮🦐 種類都好多 想每樣都攞d試下🤣 🥢熱食 熱食方面有湯有炸物有中菜，質素都幾好，有麥樂雞，薯條，煎餃，見都好快就比人清哂！ 🥢飲品 由普通茶類果汁類去到日本清酒梅酒都有！另外仲有比較適合老人家嘅熱茶提供 🥢放題種類 食物種類真係非常之多，刺身每片都好厚肉好新鮮😋 壽司同手卷都唔會整得太大嚿，令到食少少就飽晒食唔到其他嘢，反而係細細舊可以有多啲quota食多啲🤣 另外仲有熱食，中菜同鍋物，啱晒一啲大米屋企一家大細食放題嘅人！唔食生冷嘢嘅都有好多選擇，其實我意想不到嘅係竟然有花膠！另外花蟹小龍蝦乜都有😍 我就最鍾意食佢個地瓜球！ 🥢甜品 話晒甜品係另一個胃，一見到甜品突然之間又可以食到好多嘅感覺🤣 有tiramisu,牛奶布甸，木糠布甸，蛋糕仔，曲奇，雪糕應有盡有！雪糕仲要係Dreyers同Häagen-Dazs😋 - 呢間放題CP值真係好高，食物種類多，日式中式都有，啱晒一家大細過嚟食！

/ 最近發現咗呢間係鰂魚涌嘅寶藏餐廳🤩 即刻約咗朋友收工去chill下 環境格局勁chill勁高級，食物質素都非常之高質 - 佢哋而家逢星期一二夜晚都會有一個$498既set 入面有前菜，壽司，牛扒同甜品！ 兩個人去食係完全夠飽！ - 🥢前菜 有味噌湯，麻醬菠菜，枝豆同炸豆腐。麻醬菠菜嘅擺盤好特別，將菠菜同麻醬好好混合埋一齊之後每一條菠菜都佈滿麻醬非常香濃。炸豆腐都吸滿日式高湯好入味 🥢壽司 一大個拼盤擺得勁靚，超啱打卡🥰 首先有四款刺身：真調，三文魚，帶子同油甘魚。壽司就係炙燒三文魚，黑松露醬油甘魚，赤身吞拿魚，然後就係吞拿魚蓉反卷，呢個反卷有少少辣辣地，入邊包住牛油果，青瓜同紫蘇葉，辣得來又有少少清新嘅感覺。 呢個真係食唔停口😋😋 刺身都非常之新鮮重魚味 🥢牛扒 牛扒可以每人揀一款，我哋兩個都係揀咗M1和牛，肉味超級香濃，牛扒仲要非常之厚，充滿肉汁勁Juicy🤩🤩 嗌左middle 啱啱好，個橫切面勁靚，配埋個燒汁一齊食都好夾！另外仲有一人一碗椰菜沙律同一份薯條，薯條炸到好脆，又唔會好油膩👍🏻 🥢甜品 咁啱我哋喺復活節嘅時候去，其中一款甜品就係復活節蛋🤣🥚，另一款係caramel雪糕配芝麻脆片同埋紅豆粒，個人覺得比較偏甜，但係口感非常之豐富。復活蛋其實係朱古力慕絲，面頭仲有啲生果，食落唔會太甜太膩，略略有少少朱古力嘅苦，作一個好好嘅收尾 - 整體上成個環境好啱朋友或者情侶去拍拖！ 慶祝節日都係一個好好嘅選擇！ -

好耐都冇食放題了😋 襯住復活節假去左旺角食呢個日式燒肉放題 肉類同小食都好多選擇！ 一坐低會有個歡迎盤先！ - 🥢歡迎盤 有牛小扒，牛舌，牛頸脊，蠔，海蝦同帶子！隻蝦有手掌咁大隻仲勁厚肉🦐賣相都非常高質，唔會好似岀面比一大盤歡迎盤就飽到食唔到其他野咁😋 - 🥢肉類 之後我哋就嗌左好幾款肉，有牛肋肉，肩脊肉，豚五花，雞翼等。牛肋肉既調味啱啱好，好夠肉味😋 一咬就好輕易骨肉分離！ - 🥢小食 佢哋既小食種類勁多，其中章魚小丸子同唐揚炸雞好正！即叫即整熱辣辣，外皮都唔會食落成啖份🥰🥰另外仲有一d日式小食包括麻醬豆腐，醋蕃茄等都好清爽，又開胃又解膩！另外如果同我一樣中意食生蛋既一定要嗌月見汁沾蛋！🥚佢哋係用蘭王蛋，蛋香味超濃，用黎沾肉食一流🙌🙌 - 🥢飯/麵類 見到佢哋有個中華冷烏冬同溫泉玉子牛肉飯好似幾正就都嗌左黎試下，烏冬好多配料食落好清新，牛肉蛋同蛋汁融為一體都好正🤭 - 🥢甜品 食放題最後緊係要用甜品收尾，我哋叫左個西米椰汁糕，雕魚燒，日式麻糬同今川燒，都幾唔錯，另外仲有movenpick雪糕添🥰

喺重慶大廈隔離，heath慶坊地庫新開咗超多餐廳同手搖！一落到去第一間就見到呢間全港首間果凍主題茶飲店😆 佢哋全部材料都係台灣直送，超級有特色又健康！大部分飲品都係以茶類為主，果凍都好幾款可以選擇！ - 🥢熟成紅茶配豆漿凍（$32） 原本就咁睇落去唔知會唔會好唔夾，但係飲落去完全係另一回事！豆漿凍既豆味好重，果凍都好滑，好似食緊豆腐花咁，紅茶嘅茶味好香濃唔會有苦澀味，嗌左微糖甜度剛剛好，完全就係台灣早餐店既紅茶豆漿嘅味道😋😋想飲手搖又怕肥建議可以試吓！ 🥢鐵觀音（$24） 茶底唔錯👍🏻 平時飲鐵觀音都覺得太澀唔好飲，佢哋反而幾好幾易入口！特登叫左杯冇果凍嘅試吓佢哋既茶底😆又幾香濃喎！而且飲品都好大杯都只係$24！ -