牛の鍋日本料理

營業中

休息中

天氣涼涼地，朋友作為鰻魚控發現左呢間烤鰻魚火鍋放題，無限任食烤鰻魚真係第一次見，點都要去試下除咗任食鰻魚外凡惠顧放題B或C餐，都可以無限追加拖羅壽司，原隻鮑魚同滋補花膠呢幾款另外食物種類選擇多，有壽司，刺身，小食，火鍋配料，甜品等鰻魚有醬香同麻辣兩種口味選擇食完仲可以追加，鰻魚肥美帶點彈性，入口嫩滑無腥味，吸滿濃郁醬香味，絕對係回本之選，性價比極高新鮮鮑魚口感軟淋有雪花牛小排，澳洲M5和牛，澳洲手切牛等等質素唔差有多款蔬菜/飲品可到自助吧取最後當然唔少得甜品，甜品控表示大滿足有好多款，芭菲 糖水、奶凍、布甸、pancake，重點係有榴槤口味，細細份，可以樣樣試下

呢度嘅風味烤鰻魚火鍋放題真係一流！今次試咗佢地嘅B套餐（$316）有鰻魚、和牛、刺身、海鮮、壽司、炸物、燒物同埋甜品，超過150款任飲任食，真係百吃唔膩！牛之鍋的刺身選擇非常豐富，其中包括三文魚、帶子、赤貝和甜蝦。每一款刺身都展現出新鮮度和品質的高水準。而鰻魚火鍋更是其中的特色之一，它擁有濃濃的醬汁，入味而不膩。鰻魚的肉質鮮嫩多汁，與濃郁的醬汁完美融合，讓每一口都帶來豐富的風味和口感。火鍋中的鰻魚片在滾燙的湯底中煮熟，保持了鰻魚的鮮味和嫩滑的質感。每一口都能夠讓你感受到鰻魚的美味和火鍋的獨特風味。牛之鍋而家慶祝九周年，期間就有特別優惠啦！你可以無限添加拖羅壽司、原隻鮑魚同滋補花膠，真係超值又吸引！飲品方面，除咗有常見嘅汽水任飲，仲有自家整冷泡茶，分別有瑰荔堂皇、白桃烏龍同羅漢果茶，解油膩感一流，真係好開胃！牛之鍋提供的刺身選擇多樣豐富，每一款刺身都展現著絕佳的新鮮度和精湛的刀工。三文魚刺身鮮豔橙色，肉質鮮嫩多汁，帶著淡淡的海洋風味；帶子刺身柔軟入口即化，散發著豐富的甜味；赤貝刺身具有濃郁的海洋風味和彈牙口感；而甜蝦刺身則帶來鮮美的甜味和脆爽口感。這些精心挑選和處理的刺身絕對能夠滿足刺身

呢間舖朋友一直都有黎食開，見最近新出左個鰻魚鍋，仲要有麻辣揀，真係無辦法，無法子唔又嚟。入黎第一件事朋友唔係點個鍋底，而係直接衝去雪櫃拎2罐Hoegaarden，再點5串雞軟骨同埋麻辣魚皮送下酒先，跟住再慢慢落其他單🤣個鰻魚鍋當然係今日主題啦，佢地係全部即刻炸完，然後先擺落個麻辣鍋入面，食落去個皮又脆又香口，再配上麻辣味，真係此鍋只應天上有。食完仲可以無限任加鰻魚，真係可以一晚食好多舊魚，但係仲會想不停追加。配菜方面嘅質素都比同價位嘅食邊爐要高。最後要提一提嘅係甜品，每份都好細細份，所以叫多幾樣試下都可以，其中最最推介係榴槤班戟🥞真係水準之作，你會feel到甜品師傅絕對有俾心機整👍

久違的來到悅來坊牛之鍋，原因是她們新推出的烤鰻魚火鍋放題，第一次知道烤鰻魚也可以用來打邊爐，充滿新鮮感，當然想試一下😄✏️位置（8/10）：商場2樓，扶手電梯旁邊，地點方便✏️環境（8/10）：地方夠大，分區清晰，抽風也不錯✏️服務（8/10）：當鍋底燒燶時，主動幫忙換鍋及湯底✏️食物（8/10）：選擇算多，烤鰻火鍋創新🌟風味烤鰻火鍋放題B餐 - $316/位有麻辣味及醬香味兩款，我們選了味道香濃的醬香味，烤鰻魚很入味，用來打邊爐的鰻魚鍋比想像中更正呢，除了鰻魚，套餐還包括和牛、刺身、海鮮、壽司、炸物、燒物、甜品任食，更有自取啤酒、冷泡茶、汽水等任飲，簡直超值🥰前菜有蟹子沙律、海蜇沙律、泰式鳳爪沙律及麻辣涼伴魚皮，個人最愛海蜇沙律😎刺身有金針魚片、三文魚、帶子、甜蝦、泰式生蝦、八爪魚、北寄貝、赤貝、希靈魚、鮑片，另外有花之戀壽司、三文魚腩壽司、燒鰻魚壽司、火炙芝士蝦壽司、火炙三文魚壽司、芒果吉列蝦卷、蟹籽軍艦、海膽魷魚軍艦、明太子龍蝦軍艦、鮑魚軍艦、黑松露帶子壽司及赤蝦壽司，選擇多味道也不差😉小食有芝麻雞翼、酥炸廣島蠔、雞皮餃子、紫心香芋丸、榴槤炸彈、大蝦天婦羅、番薯天婦羅、日式草魚燒、燒馬步

去到荃灣，大家都會諗起荃灣廣場同新之城有咩玩有咩食、今次去一個唔係太多香港人知道既地方：悅來酒店覓食！因為呢度有間好多香港人都未食過既鰻魚肉主題既放題餐廳！香港用酸菜魚同爐魚既火鍋香港周圍都有！但鰻魚肉絕對係呢間先有！鰻魚仲有二種口味；醬香型同麻辣型！真係香滑無比！湯底仲要香噴噴！首先店員會同你講先食鰻魚之後再打邊爐！醬香型適知唔食得辛辣麻既我！鰻魚皮香滑幼嫩！加上啖啖香！肉質鮮嫩！仲有超過百款既美食可以憑QRCODE落單！仲有菜類麵類可以係出面自己拎！都係任食唔嬲架！飲品都有好多選擇！包括有佢地自家既蜜桃烏龍，羅漢果茶同果茶😍烏龍茶！當然就係最緊要有甜品啦！有朱古力火鍋，唔同既水果配料！仲有5款榴連甜品必食！加上焦糖燉蛋，牛奶蛋白，仲有木瓜燉雪耳！香滑芋丸等等！店叫牛之鍋悅來酒店2樓220號舖#牛之鍋 #荃灣美食 #日本菜 #銅鑼灣美食#香港放題 #香港任食 #香港火鍋 #香港打邊爐#香港旅游攻略 #食在香港 #香港探店 #香港美食 #香港打卡 #香港生活#牛之鍋 #荃灣美食 #tsuenwan #銅鑼灣美食 #causewaybay#放題 #任食 #火鍋 #打邊爐

第一次食烤鰻魚火鍋湯底有麻辣/醬香味，我哋揀咗醬香味唔辣嘅，啲鰻魚真係整得幾好食，鰻魚肉質鮮嫩。食物多元化：有刺身、壽司、靚牛，各款火鍋配料、燒物、炸物同甜品。☺️仲有原隻鮑魚，花膠😍刺身好鮮甜，蝦肉好彈牙👍🏼有多款靚牛，有肥有瘦，款款有牛味。海鮮有海蝦，幾款魚，大白蜆，生蠔😋燒物同炸物都唔錯👍。甜品😀值得一讚，睇得又食得😌綠茶雪糕奶味香濃，榴槤甜品😍款款都好正，咖啡奶凍唔甜，食多幾杯都唔會膩。朱古力火鍋好打卡able👍🏼配料再多啲款會更好😊！

朋友帶左我黎食烤魚火鍋，第一次見用鰻魚👀湯底有麻辣同醬香㨂，我哋㨂左醬香，味道好濃，唔點調味料都無問題😌刺身都ok，幾新鮮，生蝦彈牙，幾好味😆肉有好多款😀唔錯😌甜品好多選擇，我哋差唔多試晒，鍾意食榴槤嘅朋友就啱，榴槤芭菲，榴槤甘露，榴槤pancake… 朱古力火鍋都好特別，但配料就少選擇🫣個人就鍾意咖啡奶凍😆另外焦糖燉蛋都ok😬蔬菜，醬料，飲品自助拎😊食到好飽😆😆都未試埋啲嘢🫣🫣

鰻魚飯成日都食得多，牛之鍋依家連烤鰻魚都有得食!當然打邊爐都唔少得，揀大鍋又得，一人一鍋又得，我地食完鰻魚就打邊爐喇。 我地當日揀左烤鰻+C套餐$316仲有任食刺身、鮑魚，壽司、大量火鍋配料同甜品。鰻魚可揀麻辣或醬香，我就揀左加左香口海鮮醬同柱候醬的醬香風味。海鮮: 日本廣島蠔、青口、大白蜆、墨魚滑等。我最鍾意的一定係海蝦同鮑魚，生猛得黎又大大隻。 任食刺身: 蝦類、三文魚、劍魚腩、蝦、八爪魚、北寄貝等 壽司：火灸芝士蝦、海膽魷魚軍艦、黑松露帶子等，我最推薦芒果吉列蝦，夠特別又唔係間間食到。 任食牛類：雪花牛小排、澳洲手切牛、澳洲牛肩胛肉眼、美國極上牛肉、澳洲羊肩肉、特選豚肉、五香雞件。必食梗係澳洲M5和牛同牛舌，簿簿一片牛味都夠。 甜品: 真係超超超豐富，除左有牛奶燉蛋白、芒果布甸、pancake、台灣仙草麻糬等多款選擇。我最鍾意甜到入心的比利時朱古力火鍋、法式焦糖燉蛋同榴連口味芭菲，唔食榴連的朋友可揀宇治抹茶喔。

呢間食物差，服務差，上菜慢，價錢貴，叫果樣無果樣，雖然唔洗等位，但d野真係好難食，估唔到淥熟既野都可以咁差，食物質素好差，都係d急凍野一D都唔新鮮，食落口仲要咬唔開

同女朋友係荃灣行完街 又去左打邊爐了🤣 今次我地去左牛之鍋 叫左風味烤鰻火鍋放題😛🍀烤鰻魚火鍋放題醬香烤鰻魚可以無限任叫🤩 鰻魚燒得好香好入味 就算浸左落去火鍋湯底都好 都仍然好香濃可口😉 食完鰻魚之後 就開始左係咁食放題野食啦😗 叫左啲前菜小食 麻辣涼伴魚皮爽口彈牙 麻辣汁好正好😚 酥炸廣島蠔 芝麻雞翼香脆可口😜 日式章魚燒都整得好好食🐙 除左放題食物種類繁多 牛同算多選擇架😉 澳洲牛肩胛肉眼有嚼勁🐮 牛舌彈牙爽口 極上牛肉肉質新鮮粉嫩 相當吾錯🥰到最後仲叫左抹茶芭菲 味道同賣相都好吸引 估吾到放題店都有得食🥹

烤鰻魚食得多，但烤鰻魚放題係香港真係第一次食，而家去牛之鍋就可以食到。我地當日揀左烤鰻+C套餐（$366），除左可以任食鰻魚，重可以任食刺身、原隻鮑魚，拖羅壽司和各種火鍋配料。風味鰻魚火鍋有可以揀醬香和麻辣兩種口味，為左可以食d菜，所以揀左醬香味，鰻魚質素幾高，肉質嫰滑肥美，而且當相惹味，重點係可以無限追加。食完鰻魚，當要食下其他，我地點左新鮮鮑魚、雪花牛小排，澳洲M5和牛，澳洲手切牛，整體質素都唔錯，鮑魚新鮮軟淋。外面有多款蔬菜俾大家去揀，有我最愛嘅皇帝菜、雲耳和蟲草花，正。估唔到依到甜品都幾多選擇，重有我最鍾意嘅榴連口味，有pancake、芭菲等。榴連愛好者點會錯過。

細個個陣同親朋友食飯一定揀放題，食得飽又多野揀。大個之後，食力大減，都好多年無食，今晚同幾個朋友去返牛之鍋回憶下青春歲月。不經不覺，牛之鍋都開業9年，真係時光飛逝。我哋揀左鰻魚套餐C，可以任食鰻魚，火鍋料，炸物，魚生，串燒，小食，甜品，真係乜都有得食。個鍋我哋點左醬香鰻魚鍋，鰻魚無骨易食，湯底濃味，啱哂打邊爐。魚生就點左三文魚，油甘魚，蝦，解凍方面就差左啲，有啲冰凍感，不過拖羅壽司就幾好，有魚味算幾有驚喜。小食串燒都叫左幾樣，以麻辣魚皮最好食，其他就不妨一試。我哋個C餐可以點哂所有牛肉，個澳洲手切牛肉同雪花肥牛係最推薦，一個肉味濃，一個就油香味重。蔬菜就係外面自助扲，款式都足夠。雖然野食款式多，不過得90分鐘就唔係幾夠時間，價錢都要人均400幾，唔算好抵食。

今日又去荃灣搵閨蜜談心，點少得要搵間好味餐廳🍴，之前係銅鑼灣都有食過牛之鍋，覺得幾唔錯，見佢最近新岀左風味烤鰻火鍋，就一於去試下!自助區都係有好多飲品揀，又有唔少醬料提供，仲有好多款新鮮蔬菜🥬👍🏻坐底冇耐烤鰻魚鍋就到，我地揀左麻辣味，味道好好，夠濃味又唔會太辣，好食！鰻魚仲有可以無限追加‼️餐點仲有多款肉類、海鮮、炸物、刺身、壽司揀，好岩咩都想食嘅我！澳洲牛肩胛肉眼好有牛香味道 雞件好夠味又大大件花膠烚完軟腍冇腥味💯壽司睇到紫菜仲脆卜卜就知道係即叫即整炸物件件香脆真係好有誠意呢!食到咁上下，點少得叫埋佢啲自家製甜品食，又係有好多款揀榴連控必點榴槤芭菲朱古力香蕉餅好酥脆我地都食到好滿足，喜歡任食嘅朋友真係唔好錯過😋

心血來潮好想食放題，上網一睇見到有間做烤鰻魚鍋放題，連花膠鮑魚都係任食！好特別。而且仲要有刺身、炸物甜品等提供，即刻同友人大快朵頤😂餐廳位於荃灣悅來坊二樓，位置方便，多架巴士都途經呢個商場。餐廳光猛潔淨，設有卡位雅座，坐得舒服。套餐B +風味烤鰻魚火鍋放題💰（HKD 316)🐟鰻魚鍋可簡麻辣味/醬香味，鰻魚可無限添加！ 🥘無限添加原隻鮑魚、花膠、拖羅壽司🍣🦐仲有多達150 款食品，包括海鮮、刺身、壽司、炸物、燒物、甜品同多款火鍋配料毫不吝嗇的一整條鰻魚，食落軟身帶魚油脂香，配合麻而香辣的底料，好夾好好味！而且鰻魚仲可以無限添加，剛好做緊9 周年優惠，惠顧B 或C 餐仲有原隻鮑魚、滋補花膠周埋拖羅壽司🍣❤️火鍋自助配料，有多款新鮮蔬菜🥬，仲有我最鍾意既萵筍，牛肉方面點少得有美國極上肥牛、澳洲牛肩肉眼、好有牛味同彈牙。海鮮方面：有生蠔🦪、魚，墨魚🦑、大海蝦、脹卜卜海蜆、食完鰻魚加湯水整番個海鮮鍋是基本。日式料理方面：有多達8 款新鮮刺身，大推軟糯甜蝦，脆卜卜的希靈魚、清甜又有口感，回本位！炸物方面推介炸蠔同炸榴連丸，香濃溢出的榴連餡齒甲留香。甜品🍮：值得一讚！ 多元化得黎又打卡able! 必

聞說鰻魚都有得任食？！作為一個鰻魚愛好者，當然要去見識見識啦！佢呢度嘅做法係類似烤魚咁，食完魚就繼續用返鍋底打邊爐。而食落嘅口感都係好像烤魚，好香。食完一轉仲再可以再加，而佢地呢度嘅鰻魚係即叫即炸，熱辣辣咁就咁食都好正。最重要係即使係任食都冇偷工減料架，好厚肉，唔會炸到乾晒添。食完個鍋，就當然要叫下其他嘢食。對於放題嚟講，點可以少得刺身。佢地啲刺身都新鮮，係唔錯嘅。另外都叫左啲壽司同軍艦，不過我以為係細細件，點知係正常size，細食嘅人要注意啦。之後佢仲有啲串燒，款類太多，胃口太細，我只係叫左我自己喜歡嘅嘢，全部都岩岩好，唔會乾憎憎。而喺好多餐前小食中，佢有最近好hit嘅麻辣魚皮，都好好味，夠晒麻。而佢知泰式鳳爪都夠晒酸辣，係開胃嘅。最欣賞佢份量細細，唔會食唔晒。食完熟食就打邊爐，佢個極上牛肉真係幾好食，啲肉唔會柴。海鮮款式都多選擇，每款食一件都已經好夠。而呢度仲有鮑魚俾你任食，都咪話唔抌本。食完晒咸嘢，就要食甜品啦。佢呢度啲除左普通雪糕，仲有打卡一流嘅芭菲，都好好味。其他甜品我都係好欣賞佢地全部都細細杯，岩晒乜都想試下嘅我。