牛の鍋日本料理

營業中

休息中

我同事放工後，約我去位於荃灣荃華街3號的悅來坊2樓202號舖的《牛之鍋》食火鍋，環境舒適，坐得舒服。我地點左2個B餐 $298/位（串燒、雞煲、炸物、刺身、火鍋海鮮、甜品、飲品、自動蔬菜吧）：鍋底：椰子雞（清遠雞）煲和皮蛋芫荽湯，雞肉嫩滑，湯底鮮甜，一煲一湯好好味。刺身：三文魚、泰式生蝦、帶子、八爪魚、鮑片、赤貝、北寄貝、希靈魚、珍寶赤蝦，新鮮肉嫩，非常鮮美。串燒：燒雞髀肉、燒菠蘿、燒八爪魚、燒羊肉、燒牛舌、燒鰻魚、鮑魚、燒肥牛肉、烤榴槤，材料豐富及燒得香脆可口。火鍋海鮮：原隻鮑魚、半殼扇貝、脆鯇魚片，新鮮又鮮甜爽口。火鍋配料：美國肥牛肉、美國極尚牛肉、特選豚肉，牛味香濃好食。甜品：榴槤芭菲、芒果布甸、楊枝甘露、牛奶燉蛋白、紅豆椰汁凍芋圓，都係我的至愛。自助蔬菜吧：白菜仔、生菜、油麥菜，新鮮好食。自助飲品吧：檸檬特飲+菊花特飲都清熱解渴，最啱飲。

跟家人落街吃飯，想食餐豐富啲既，發現附近悅來坊多了間火鍋放題，嘗試下新嘢。揀左B餐，覺得好抵食，好多嘢食。火鍋揀左一人一鍋。沙嗲湯底、椰子雞湯、豚骨湯。海鮮有扇貝、生蠔、鮑魚、蜆、蝦、脆鯇魚片等等，幾新鮮。肉類有牛、豬、雞、羊。又有魚生刺身、串燒。串燒有個爐可以熱住啲串燒，好貼心。最開心食完有甜品放題，好多款，包括心太軟、楊枝金露、焦糖燉蛋、抹茶芭菲等等。質素不錯😋飲品自己拎，有茶、汽水、啤酒，款式幾多。

今天來到這間一人任食火鍋店，雖然店面不大，但乾淨整潔，給人一種舒適的感覺。即使是平日晚上，店內也坐滿了客人，可見其受歡迎程度。火鍋最重要的當然是食材！這裡的蔬菜種類繁多，新鮮乾淨，可以滿足不同人的需求。丸類和麵類的選擇也非常豐富，無論是經典的牛丸、魚蛋，還是特色的芝士丸、龍蝦丸，都能在這裡找到。最令人驚喜的是這裡的牛肉，新鮮度滿分，切得薄如蟬翼，放入鍋中幾秒鐘就能煮熟。牛肉油花分布均勻，入口即化，啖啖肉香，令人回味無窮。除了食材新鮮，這裡的湯底選擇也很多，從清淡的昆布湯到濃郁的麻辣湯，總有一款適合你。我個人推薦番茄湯底，酸甜開胃，涮肉涮菜都很好吃。總體來說，這間一人任食火鍋店性價比很高，食材新鮮，選擇豐富，服務態度也很好，非常適合一個人想吃火鍋的時候來解解饞。

朋友推介話呢間餐廳有刺身同串燒食，仲有啤酒任飲無限時。同朋友5:30就入座，坐低人哋閂門，職員都真係冇講人走，價錢又唔貴啤酒又可以任飲，仲有好多其他唔同嘅飲品，食物種類有好多有火鍋串燒同埋刺身。串燒好多選擇，平時喺街食串燒好貴，呢對一個價錢無限時俾我任食實在好抵。

根本不是日式火锅，强贴日式标签。服务员忙得叫不到人，食物一般，中等水平，属于量多管饱类型。但是价格偏贵，不值这个价钱，对胃口不大的人来说是又贵又不好吃。而且完全不是日式火锅，不是しゃぶしゃぶ也不是すき焼き、有点像温野菜，但品质差了很多，肉质很差，同样价格在日本可以吃到品质很好的店。店内空间比较狭窄，桌子之间的间距比较小，位置很密集。好的地方是饮料种类算是挺多的，量多管饱，适合吃得动的人。也有烧烤可以选择。

火鍋肉正正常常無特別，火鍋個鍋十分細，放少少野落去就算開最細火5分鐘包你一枱都係湯，上湯底時職員有提醒小心滾瀉，但無諗過係點都會瀉，食開牛摩都無咁嘅情況，今天選擇了午市B餐，平日加一後$262/位，刺身質素中下，串燒無特別，原本諗住慢慢坐食下菜先揀呢度，但個鍋放少少食物就滾瀉，無曬心情食了，食了一小時頂唔順走了，原本諗住一家人來，好彩我自己試左先，一定不會再來，可一不可再，其實點解咁都仲有生意，唉，難怪北上成風，唔係無原因，差太遠

上菜效率稍慢，但仍然過得去之前喺銅鑼灣店試過，上菜基本係幾分鐘內就齊晒，但今次荃灣店，可能因為當日客人多，上菜速度稍微慢咗少少。不過，整體等候時間仍然合理，未至於令人覺得心急。加上員工都主動執枱，感覺服務依然保持到水準。比個like 佢～.三黃雞湯底夠鮮甜，榴槤最後加更啱味今次揀咗B餐，試咗佢哋嘅三黃雞湯底，雞肉好嫩滑，真係一個大驚喜！之前喺銅鑼灣店我試過榴槤雞湯，雖然幾有特色，但榴槤味同雞湯混埋一齊過於甜膩，飲多兩啖就會覺得怪怪地。所以今次我改咗策略，先用三黃雞湯底，最後自己將榴槤放入湯底煮，因為雞湯味已經煮得濃郁，所以後加的榴槤搶唔到雞嘅風頭，但係又有啲榴槤嘅特別香味，令湯底多咗一層清香，呢個做法絕對值得一試！.B餐升級食材：生蠔夠大隻，刺身肥美，串燒多花款B餐相比A餐，食材升級係好明顯。尤其係生蠔，一睇就知大隻好多，煮熟之後鮮甜滑嫩。刺身都有好多款揀，特別係蝦唔係一般好細隻嘅甜蝦，係有泰式嘅蝦同埋大隻的紅蝦，不過佢最好食係比較肥美的三文魚腩，只係第一次叫出咗之後都冇，唔知係咪隨機出。串燒雖然細細串，而且上得比較慢，但比較特別係有一口鮑魚串燒，鰻魚都比較特別。.甜品體驗：芒果綿綿冰

最近經過熊貓酒店就醒起上一次嚟尼度食飯嘅時候有呢個烤鰻魚🤤重要嘅係！佢嘅鰻魚係任食個囉！🤩🤤佢外脆内軟，肉質又勁鮮佢仲有勁多款冷盤小食比你，而且款色都啊唔係常見個啲咩螺肉啊，八爪魚啊可以實現雞腳自由真係好幸福🥰壽司都好新鮮，都無雪藏味，合格！🥰🤍🍣另外想讚吓嗰度有一個服務員姐姐，佢好有禮貌全部都會唔該前唔該後，而家香港真係好少見到咁有禮貌同埋服務質素嘅人，呢一樣係全餐入邊，我覺得最欣賞嘅，雖然唔知佢叫咩名，但係希望佢可以一直保持落去！激讚🤍🤍

最近又去翻呢間荃灣打邊爐嘅排隊小店牛之鍋😍估唔到今期佢哋竟然有新鮮本地手切切牛肉！🐄🐄🐄簡直食到停唔到口😜佢哋嘅任食新鮮本地手切騸古牛，肉質非常嫩滑，彈牙爽口，配上自己鍋煮嘅湯底，味道更加出色。你可以感受到牛肉嘅鮮甜，真係好好味！🐄🐄🐄好食到feel到d牛味係口入面留左好耐🤪🤪而家講講佢哋嘅海鮮部分，期間限定嘅乳山生蠔同原隻鮑魚都係必試！生蠔新鮮得無話可說，肉質滑溜，帶點海水嘅鹹味，配上檸檬汁更加提味。至於鮑魚，鮮嫩得一咬就化，真係好享受。🐟🐟再來就係三文魚刺身同大蝦刺身，三文魚色澤鮮艷，口感滑嫩，十分新鮮，大蝦刺身則肉質彈牙，鮮甜可口，食完真係令人回味無窮。佢哋嘅串燒亦都唔可以錯過，無論係雞肉、牛肉定係海鮮，燒得剛好，外脆內嫩，味道香濃。🐟🩵而且，呢間店用嘅食材完全冇雪藏味，解凍處理做得好好，保持咗食材嘅原汁原味❤️❤️❤️環境方面，餐廳嘅裝潢好有格調，音樂又舒服，真係好適合拍拖或者同朋友傾偈。職員嘅服務態度都好好，十分貼心，主動幫忙，反應速度快，❤️呢間出名嘅舖頭好唔好食？個個都知係冇得頂。🤣係就係成日都要排隊囉😜

上網揾到泥間有火鍋.刺身.串燒.一站式放題我地8個人但安排既坐位唔夠寬敞.而且兩個火鍋爐距離好遠.並且冷氣機有滴水情況.當時亦安排唔到其他位置🥲刺身新鮮夠凍火鍋爐有d細串燒選擇算多.仲有鰻魚

經過上次行街時諗反起牛之鍋嘅鰻魚，本身想再去食多次點知。。。去到先發覺已經無左尼個套餐。。🫠不過待應姐姐同我講原來佢哋呢排做緊任食新鮮本地手切騸古牛橫掂都嚟到，一於試一試先講本地手切騸古牛，即日即劏嘅新鮮牛角牛尾真係同雪藏牛冇得比🤪一食就知係正嘢😍😜😜肉質非常嫩滑，彈牙爽口，配上自己鍋煮嘅湯底，味道更加出色啲牛肉新鮮到好似聽到佢哋仲叫緊咁😂😂🤪🤪🤪另外佢哋期間限定嘅乳山生蠔同原隻鮑魚都係必試！🦪生蠔新鮮得無話可說，肉質滑溜，帶點海水嘅鹹味，配上檸檬汁更加提味🫨🫨至於鮑魚，鮮嫩得一咬就化再來就係三文魚刺身同大蝦刺身，三文魚色澤鮮艷，口感滑嫩，十分新鮮，大蝦刺身則肉質彈牙，鮮甜可口不得了🍣🍣🍣食材完全冇雪藏味，解凍處理做得好好，保持咗食材嘅原汁原味呢一方面真係keep住高水準真係唔講得笑下次一定再嚟

早收工同我女人一齊去左荃灣打邊爐呢間牛之鍋成鬼日都要排隊不過係真心正嘅😎😎今期咁cute 烤鰻魚，鰻魚烤得金黃香脆，肉質滑嫩，完全無腥味，咬落去好滿足。最緊要無骨！‼️‼️‼️最緊要冇骨！‼️‼️🤣最緊要冇骨！‼️‼️‼️重要嘅嘢講三次😬拼落去個邊爐湯底，直情係無得彈😜😜仲有三文魚刺身同大蝦刺身，三文魚新鮮，口感滑溜，配上少少醬油，味道更加出色；大蝦刺身則鮮甜多汁，真係食到停唔到口🤪🤪此外，佢哋嘅串燒都唔可以錯過，無論係雞肉、牛肉定係豬肉，肉質都彈牙爽脆，燒烤嘅火候掌握得好，外脆內嫩，口感一流。每一樣食材都好新鮮，真係好回味。而且食材完全無雪藏味，解凍處理做得好好，保持咗食材嘅原味。😚😚呢間店嘅環境非常舒服，裝潢有格調，音樂亦都好輕鬆，幾適合拍拖或者同朋友傾偈。職員服務態度非常好，十分貼心，佢哋都好主動，服務速度快，讓人感覺到賓至如歸。TBH, 如果你想嚟一個好舒服嘅地方食打邊爐，呢間牛之鍋主對主對唔會令你失望😎

慶祝生日，想食好啲，貪心啲。想打邊爐，又想食放題，又想食甜品。。。 思前想後，今次去牛之鍋。牛之鍋店舖空間唔算大，所以自選區唔多，只有火鍋配料，火鍋醬料，飲品，少量甜品＋蛋糕。所以大部份都係坐定定，用apos落柯打就得喇！火鍋配料同醬料區，冇乜特別，都係啲菜、蕃茄、蘿蔔、丸類、菇菌類。醬料都係啲普通醬料。飲品區，相對就有誠意好多喇！有三款玻璃樽裝汽水（可樂、 雪碧 、忌廉），仲有自家製手打檸檬茶、羅漢果茶、地們果汁、罐裝汽水、台灣罐裝飲品，仲有幾款啤酒。套餐方面分A, B, C 餐。A餐最平，相對少啲嘢食，只有肉類。B餐有海鮮，有燒鮑魚，相對CP值高啲。C餐貴多少少，就有燒蠔，當然肉類質素再高啲啦！今次揀咗中價位嘅B餐。刺身泰式生，甜蝦，帶子，三文魚，油甘魚，赤貝，八爪魚，仲有其他幾款魚類都算新鮮。我哋叫咗兩轉。火鍋牛肉有安格斯，牛肩胛，羊肩肉，雞件，特選豚肉。牛肉，豚肉無限call 真係食肉獸天堂。海鮮有鮑魚，海蝦，青口，韓國肥蠔，大白蜆，魚片。鮑魚，肥蠔，大白蜆超正。炸物芝麻雞翼，每人至少2隻。串燒絕對唔可以錯過，店內有爐可以熱住啲串燒，保證串燒熱熱地。牛舌，菠蘿，雞脾肉，五花肉，

中午時分，突然抽起條筋想打邊爐，但又唔想食咁貴，最終揾到間平平哋百幾蚊嘅自助火鍋。呢度其實有幾個唔同價位嘅餐選擇，不過中午時間，我又食唔落太多，就揀咗最平個餐，只有火鍋甜品，沒有刺身海鮮。呢度由十二點開始到四點，最盡可以食四小時，而且可以揀一個大鍋或一人一鍋。飲品選擇算幾多，最少有啲沖製茶類飲品。調味料就都係一般嗰啲，冇乜特別。湯底我哋揀咗蟲草花和麻辣，最有趣係個麻辣成塊上，非常（新鮮） 😅不過呢度啲牛肉算唔錯，有幾款揀，咁嘅價錢算還可以。反而最特別係呢度好多不同款式嘅甜品選擇。雖然一食就知唔係貴嘢，不過過下口癮都唔錯。百幾蚊，算係咁啦～

有打邊爐，加串燒，同日式刺身。用手機點食物（蔬菜、甜品飲、品都要自助的）打邊爐有海鮮（鮑魚，扇貝）都好新鮮肉類（有不用豬牛的部位）新鮮串燒因為檯上個爐唔夠火喉，所以麻麻地（佢係廚房預先燒好再送上檯，所以已經唔係好熱）款式算可以刺身大蝦，帶子，北奇貝，三文魚都新鮮整體價格都可接受有分成人同小童價