熊小館

營業中

休息中

喺Megabox睇完戲，就梗係搵地方醫肚，近溜冰場附近就非常多餐廳，今次就揀一間熊仔做主題既餐廳。同個名一樣，成間餐廳都係好多熊仔，裡面仲有個位置係專比啲小朋友玩，好適合一家大細。叫左個二人餐，餐湯係蕃茄雜菜湯，鮮甜開胃，麵包亦好香脆。法式香草牛油焗田螺田螺肉都幾大粒，最突出係醬汁，配上香滑薯蓉，先聲奪人。蜂蜜BBQ燒豬仔骨肉質軟淋，輕輕一拉就開，燒得剛好，配上薯條、沙律，份量仲要唔細，好抵食。芝士焗忌廉菠菜龍脷柳飯焗飯最緊要夠熱，仲有超多芝士，龍脷柳兩大塊，再加上係炒底，成個組合好Match。最後叫左個心太軟做甜品，甜度適中，流心程度剛好。值得一讚係所有職員都好細心好有耐性，亦好留意食客用餐進度，好好既用餐體驗。

MegaBox呢間小熊餐廳入邊充滿熊熊佈置，適合大人同細路仔。餐廳入邊仲有個兒童遊玩小地方，適合帶小朋友去。另外用餐嘅地方可以一邊食嘢一邊望住唔同嘅熊熊佈置。呢度食物價錢唔貴，幾抵食。晚市有晚餐、我哋揀咗一個晚餐及散叫咗小食、甜品。晚餐，板煎特級牛肩扒，另+$28有餐包＋餐湯＋飲品～餐湯係雜菜湯，非常足料！入邊好多蔬菜。麵包係蒜蓉牛油包，充滿牛油味。主菜牛肩扒三件，牛味非常濃郁！配菜仲有薯條炸得香脆。小食叫咗酥炸魷魚圈配檸檬沙律汁。一份非常之多，有10件魷魚圈大大件！法式香草牛油焗田螺，田螺已經拆開殼，容易食；而且仲有薯蓉，薯蓉有牛油香味！跟餐飲品揀咗鮮橙汁。另外散叫薔薇之戀，係柚子玫瑰味酸酸地。甜品心太軟，朱古力流心夠多。味道香濃！焦糖燉蛋奶味濃郁！

📍特級牛肩扒 7成熟📍牛肩扒有咬口，一定要配蒜食，有啲鹽味更加好食😋 就算冇飯冇麵都夠飽！因為加配左湯+蒜蓉包。仲有粟米薯條真係好夠飽！📍磨菇紅酒汁牛柳伴法式田螺📍呢個牛柳嘅肉好軟，口感嫩滑，配上薯蓉田螺都好飽，唔太鐘意食田螺嘅我都覺得呢個田螺幾好，可以嘗試😋。📍焦糖燉蛋甜品📍雖然好飽但係都有食甜品，呢個燉蛋好好食！！😋有焦糖焦面但都唔會好甜，係會想一啖接一啖咁食！📍環境📍建議可以帶小朋友黎食，呢間餐廳主打熊仔，幸運地安排到同呢大隻熊啤啤一齊食飯，好岩打卡🙊🙊 而每張枱都會有飯細嘅熊啤啤陪住添🤎 安排住側邊位仲可以一邊食野，一邊睇人溜冰或者睇比賽😎正正🥳🔹🔹🔹🔹🔹🔹🔹🔹🔹🔹熊小館 (九龍灣)九龍灣宏照道38號企業廣場5期Megabox 11樓🔸🔸🔸🔸🔸🔸🔸🔸🔸🔸#九龍灣好食 #九龍灣食好西

九龍灣MegaBox呢間親子餐廳係以熊仔作為賣點，可能我真係童心未泯，真係覺得間餐廳非常之得意，首先門口已經有兩隻大熊迎接我哋，然後每張枱上面都有隻熊公仔🧸，仲有佢有個閱讀閣可以比小朋友入去睇故事書，你會見到啲小朋友好認真咁睇書，成件事好有愛😍重點係間餐廳係可以食扒，而且水準非常之高，食物又好味，服務態度又好！真係好啱一家大細嚟🥳我哋叫咗呢幾樣食物🤭鐵板西冷拼雞扒，雖然店員話係薄身嘅西冷扒，但原來一啲都唔薄身，依然都係啖啖肉🙈真係好好味！仲有塊雞扒又係好好味，完全食唔出任何雪藏味，好正🤩鐵板肉眼扒，要咗七成熟，上枱時果然係七成熟，完全冇over cook👏🏻而且塊肉眼扒一啲筋都冇，肉質鮮嫩😍兩個鐵板餐都跟左蘆筍同埋粟米，非常之健康😄另外再加個肉醬焗茄子🍆，茄子夠林，肉醬又多調得又好味，上面層芝士仲好豐富，一齊食口感好正👅

社交措施回復正軌，放工可以食飯睇戲真係好開心🥳近近地去Megabox 睇侏羅紀，買完飛黎到同層既熊小館開餐！ 一入門口已經有幾隻大熊迎接我地，周圍都係bear bear🐻🐻有遊玩區可以玩下車仔、熊仔、圖書角，仲有間房可以開party! 我地仲睇到下層溜冰場打冰球，幾有氣氛~餐廳有二人餐、單點，仲有睇戲優惠套餐～我就點左：🍴蘑菇紅酒汁牛柳伴法式田螺薯蓉批$158 +$28 轉餐有餐湯-忌廉粟米湯牛油法包牛柳點左medium 厚切得黎剛剛好，中間粉嫩juicy ~ 加埋菇菌增加味道層次，口感豐富！薯蓉一D都唔馬虎, 唔係薯蓉上面放幾粒田螺而係將薯蓉喞成一個塔, 裡面藏左幾粒田螺薯蓉焗得好有香酥感😋🍴蜂蜜BBQ汁燒豬仔骨$140 Full size 份量都幾大份，搽左厚厚既蜂蜜BBQ汁入哂味甜甜地，肉質唔乾身仲有薯條、粟米沙律菜添！ Upgrade 點杯凍熱情玫瑰玫瑰花香，熱情果既果甜，好fresh，幾好飲！另外點左杯咖啡。整體都唔錯，好啱一家大細開餐～

我又來呢間有著好多熊仔而且好和諧感覺的親子餐廳了😂😂繼上次去左將軍澳分店，今次黎九龍灣呢間我覺得更有驚喜，相對將軍澳分店黎講，九龍灣既佔地更大，坐位之間既間隔會較大，而且呢間有熊仔主題房，熊仔主題房應該係可以預約黎做生日派對房(呢個要再問問店家，因為我見到有happy birthday 橫幅，應該係之前開過生日派對？😉)，仲有兒童玩耍的地方，而且九龍灣店既熊仔相對更多，更吸引我可以周圍打卡影熊仔😍😍😍甘岩今晚吾算好多人，我就周圍去打卡熊仔，可惜我無小朋友，吾係既話佢地可能係到玩到吾捨得走😂😂不得不讚下，店員們同店長(應該是)都好友善，佢地都會以友善既態度服務我地，以及好好甘問下我地岩吾岩食，野食可吾可以，加上同場有不少一家大細黎食飯，相對黎講地下會有比較多食物，店員們都會好有耐性去處理，加上可見佢地對小朋友都好友善，比我既感覺好和諧，好適合小朋友同家長一齊黎，有得玩仲有得食。雖然今次我係同朋友一齊黎，兩個人一齊黎親子餐廳都係一個吾錯既享受，餐廳裡有二人套餐，份量都好適合我們兩個人可以一齊食，二人套餐有兩種，一種係有湯有麵包有頭盤，另一種食物種類少一點，但是有甜品，睇返食量可以叫吾同套餐

充滿童真嘅一間餐廳。1)鐵板西冷牛扒，牛扒我要7成熟，牛扒好大塊又厚，預熱嘅鐵板，一落黑椒汁就。。渣渣聲😝聽到就增加食慾，我覺得黑椒汁牛扒係最好食。薯條(唔係軟林林嘅)炸得好食。蘆筍係粗條嗰種(蘆筍食落又唔係老，所以食落係冇渣嘅)蘑菇忌廉湯牛油法包係長條形，沾上忌廉湯食都好味特飲:黑熊(可樂、朱古力、雪糕球、冰熊)超可愛飲料。2)黑松露蟹籽黄金意大利飯，帶子煎過(煎唔會過火)亦算大粒，意大利飯係濕濕嘅，配搭一點黑松露和蟹籽，成個飯唔滯口，一個人食晒成碟都得。特飲:薔薇之戀(玫瑰花茶柚子)柚子甜嘅，所以要溝暈飲先啱啱好，咁就唔太甜，玫瑰花好香。甜品:心太軟切落去就流出嚟，朱古力味濃，溝埋Cream黎食，甜度就適中了。

悠閒的日期，最好相約姊妹聚會，姊妹的話題總是離不開對食物的美味程度，「熊小館」味受精緻富有特色，享受慢活寫意的生活，當然感覺開心快活。餐廳以泰廸熊公仔為主調，令人童心滿載，好多打卡位，坐下來拍照好靚。門口見到兩隻巨型小熊，十分可愛，店內佈置優雅，充滿風情的藝術格調。設有一間派對房，入面有很多可愛的熊仔同玩具，又得玩仲可以拍照打卡。高樓底令整間店很寛敞，用餐的空間感更舒適，坐位闊落，環境整齊優美，乾淨整潔，氣氛輕鬆。我們叫了二人套餐，包括歐陸式濃湯兩客及牛油法包、法式蛋黃醬焗鮮蘆筍、鐵板肉眼扒、芝士焗忌廉菠菜龍利柳飯及檸檬茶等。歐陸式濃湯及牛油法包歐陸式濃湯感覺幾好，散發著濃濃的味道，香氣四溢，味道可口，牛油法包焗得十分香脆，非常滋味。法式蛋黃醬焗鮮蘆筍鮮蘆筍很新鮮，配上法式蛋黃醬，十分清香，有益新鮮，充滿優雅不膩的滋味。鐵板肉眼扒肉眼扒很大件，叫了七成熟，牛扒嫩口，點上燒汁很夾，感覺好味，仲有粟米同薯條，口感相當好，齒頰留香。芝士焗忌廉菠菜龍利柳飯吸引我的視線，新鮮焗的飯，龍利柳食落軟滑，同飯一齊食，飯加咗蛋，仲有芝士拉絲，口腔中的香味久久不散，恰到好處，正合我的口味。檸檬茶飲品方面，

之前黎過呢間九龍灣Megabox熊小館食下午茶，今晚就不如黎食返餐晚餐試試。同其他分店一樣，熊小館主題係bear bear熊，有好多bear bear熊公仔陪你食野，細路最開心。呢度餐牌有沙律，頭盤，湯，意大利麵，飯，主菜，鐵板餐，二人套餐，小熊套餐，飲品，甜品等。今晚唔要套餐，決定散叫。香草醬乾番茄野菌闊條麵 $69 另加一闊條麵質感都唔差，有少少咬口，都好有蛋香，加左適當份量既香草醬，唔覺太油膩又夠味。蔬菜有唔少菇片同乾番茄，質素都正常，最後加少少菜苗點綴。板煎特級牛肩扒 $168 另加一板煎特級牛肩扒一客3大條，叫左三成熟，當中有兩條熟度剛好，中間仲有少量血水。質感方面需要咬吓，肉味都濃，上面仲有香脆蒜片加添口感。另外跟左燒汁俾你沾。伴碟有香脆炸薯條，茄汁另上。仲有好多粟米粒，車厘茄兩粒，蘆筍一大條切開兩半，都幾嫩。特濃芝士鐵板雞扒 $98 另加一特濃芝士鐵板雞扒用塊熱辣辣鐵板上枱，可選黑椒汁或者燒汁。雞扒都好大塊，連皮，皮上面有番茄汁同芝士，好邪惡。雞肉好滑，又有肉汁，唔洗加汁食都得。配有少量洋蔥絲，粟米粒，車厘茄同蘆筍。當然仲有香脆炸薯條，茄汁都係另上。雪糕雙球 $25 另加

今次去咗一間以小熊做主題嘅餐廳，有熊仔伴座好可愛丫😍 仲有一個小朋友玩樂嘅area，簡直係小朋友嘅天堂，所以食客好多都係一家人👨‍👩‍👧‍👧 法式香草牛油焗田螺 $50焗田螺本身已經除咗殼，好方便進食👍🏻 雖然賣相麻麻，但係味道幾濃郁，伴薯蓉食落香滑又有點咬口😃特濃芝士鐵板雞扒 $98用鐵板上熱辣辣，一整塊雞扒好有份量咬開仲會冒煙，雞皮煎得香脆，雞扒肉好滑嫩又多肉汁，加上表面嘅特濃芝士，令雞扒充滿芝香。鐵板肉眼扒 $155 跟餐羅宋湯酸甜開胃又濃稠，蒜蓉餐包好脆口😆 鐵板肉眼扒要咗五成熟，牛肉味濃郁又軟嫩👍🏻 跟餐飲品要咗「黑熊 」$18係可樂加朱古力雪糕球，同熊仔形狀冰，熊仔冰浮喺可樂表面好可愛，小朋友實好鍾意❤️ 心太軟 ＄42賣相加分😍 暖暖嘅心太軟伴忌廉好夾，芒果果肉酸酸甜甜，好滿意嘅甜品😆

🥩肉食小編再出動～急切需要大量蛋白質～🥘鐵板薄西冷拼雞扒（$115）：鐵板餐有香煎原塊雞扒，以及一塊全熟薄西冷。兩件肉扒都十分巨型，均大過手掌。有種大排檔嘅豪邁感，兩大塊肉扒好滿足口慾。伴菜有粟米粒、洋蔥、小蕃茄、炸薯條，及蘆筍。炸薯條軟淋，反而蘆筍鮮嫰多汁。套餐包埋牛餐牛油法包一小片，粟米濃湯一客，及餐飲一杯。🙂整體而言：1. 餐廳以熊仔作招徠，場內好多熊公仔。適合一家大細前往，趁機俾小朋友放吓電。打卡餐廳。2. 下午茶套餐優惠啲，選擇更多。熊小館 (九龍灣)地址：九龍灣宏照道38號企業廣場5期Megabox 11樓電話：34212213營業時間：11:30-22:00熊小館 (將軍澳)地址：將軍澳新都城中心二期2樓2086-2087號舖電話：29920772營業時間：11:30-22:00#香港食好西 #九龍灣 #熊小館 #將軍澳 #野生代言人

難得去餐廳食午餐比我哋搵到咁有特色嘅餐廳餐廳裏面有好多大大小小嘅熊仔連枱上面都有熊仔陪我哋一齊食午餐真係好有心思㗎店內仲有比小朋友玩嘅玩樂區入面有好多圖書仲有小廚房可以玩大人食嘢嘅時候小朋友在可以去玩講明係親子餐廳除咗有嘢玩梗係仲有嘢食啦今日嘅餐湯係羅宋湯 黑椒味重左啲所以比較辣小朋友食就可能辣得滯多士亦都唔夠脆身如果再烘燶少少會比較好大小姐就揀咗溫泉蛋卡邦尼煙肉扁意粉不過溫泉蛋熟咗啲所以蛋汁唔夠多 意粉嘅份量比我想像中多小朋友就食唔曬我就揀咗燒汁香蒜煙肉焗去骨雞腿餐上菜速度就真係慢咗啲喇意粉差唔多食曬先至輪到我個雞腿上菜而且真係好油雞扒下面全部都係油好彩我揀咗薯菜如果食飯啲飯吸晒油仲大件事總括嚟講其實食物嘅質素都唔錯價錢都好實惠性價比都幾好值得大家一試最緊要係餐廳又有得食又有得玩大人小朋友都開心就算小朋友坐唔定都唔怕因為有好多玩具畀佢哋玩餐廳服務亦都唔錯，好有禮貌如果大家下次去開九龍灣megabox都可以去試下㗎

黎到九龍灣Megabox嘅11樓，去邊度食野好呢？同朋友去左一間好得意嘅餐廳，餐廳入面好多位置都擺放左熊仔，原來係一間歡迎一家大細黎嘅親子餐廳 — 熊小館休閒下午茶 (各款均配以咖啡或茶)烤雞肉羅宋湯螺絲粉 $46真係完全冇諗過佢嘅蕃茄羅宋湯湯底可以咁濃郁，超級鍾意食蕃茄嘅我好滿足，羅宋湯酸酸甜甜唔會太鹹，同時間螺絲粉煮得剛剛好唔會太軟或者硬身，雞肉都保持到肉質嫩口，不錯！朋友就叫左一份 豬扒配牛油酥皮吐司 $48自家製心太軟 $42朋友嘅生日就黎到所以我仲叫咗一個心太軟為佢慶祝生日，非常之開心佢哋喺盤上面好用心咁用糖霜撒上Happy Birthday，一端上枱果刻朋友好驚喜，佢無諗過我會突然準備左生日甜品俾佢，餐廳嘅配合令成件事好完美！🥳

新年快到，與友往九龍灣Megabox商埸行下及購物，顺道午餐聚聚，我們選了熊小館餐館，此地方因用~熊Bear Ber作裝修，十吸引也!友叫了青胡椒汁西冷牛扒，並配上意粉，牛扒夠份量，肉質嫩滑軟林，淋上青胡椒汁相當匹配，而意粉也入味，而各配菜也新鲜，友人一邊食一邊讚，及說出口中味覺，而此是套餐，有歐陸濃湯和牛油法包，及咖啡香濃，均也有水準，以價論價，友說:好味兼超值！我選了檸檬香草燒雞火腿套餐，燒雞醃制入味，而厨房用心做，法小春雞之雞肉質做到肉嫩帶著香草檸檬汁混在吃，很是滿足，而枱上放了我向來喜愛的…小Bear，心情更輕鬆，而此配上揀手的炸薯及鲜配菜，酸甜汁的沙律菜蔬新鮮套餐來杯凍檸茶，滿意呀!而也再來了個燉蛋作尾單，也有心思在蛋.面用蜜糖做了笑容，輕鬆了!熊小館的店內環境宽敞潔淨清雅，擺設很多熊熊，置身有如找回當年童真，也設有一兒童小天地，小朋友有玩有食，自必開心，而服務員態度温文爾雅，專業介紹也值得一讚，此我們會再來及值得推薦的餐館。

今天經過九龍灣megabox，剛巧到了食晏時間，看見有一間叫做熊小館，附近有戲院和溜冰場，如果唔係疫情，玩完再去食嘢都唔錯。餐廳門口，擺放一米高好cutie嘅啤啤熊🐻，餐廳裏面擺放了大大小小啤啤熊，而且還有小小親子樂園，有書睇，有玩具玩耍樂，還有不同類型熊人🐻‍❄️🐻。又可以同埋閨密傾下偈，簡直系打卡嘅好地方。我們柯打咗兩個set lunch。焗豬扒飯，飯粒粒分明有咬口，唔似其他餐廳啲飯淋嘅，豬扒唔乾爭爭、茄汁和芝士分配得好平均，唔係好邪惡，啱我呢啲食完再減肥嘅人。餐湯係蘑菇忌廉湯，味道濃沃，蒜蓉包脆口。另一款係蜜糖菠蘿煎豬扒薯菜，個醬汁好濃沃，豬扒好大塊，肉質唔鞋又又軟又淋。薯條簡直係一流，外脆內軟，尋回那些年食過麥當勞初初開張嗰啲薯條甘好味。甜品，凍食嘅燉蛋，甜度適中，本人唔鍾意食咁甜，所以係啱我食嘅。咖啡味道濃沃唔苦澀。因疫情關係而家冇晚市，如果有返晚市，我會再來呢間熊小館食晚飯兼打卡。環境舒適，座位寬敞，乾淨企理，還有可愛嘅啤啤熊🐻🐻‍❄️。一句講晒，正。