熊小館

營業中

休息中

今天經過九龍灣megabox，剛巧到了食晏時間，看見有一間叫做熊小館，附近有戲院和溜冰場，如果唔係疫情，玩完再去食嘢都唔錯。餐廳門口，擺放一米高好cutie嘅啤啤熊🐻，餐廳裏面擺放了大大小小啤啤熊，而且還有小小親子樂園，有書睇，有玩具玩耍樂，還有不同類型熊人🐻‍❄️🐻。又可以同埋閨密傾下偈，簡直系打卡嘅好地方。我們柯打咗兩個set lunch。焗豬扒飯，飯粒粒分明有咬口，唔似其他餐廳啲飯淋嘅，豬扒唔乾爭爭、茄汁和芝士分配得好平均，唔係好邪惡，啱我呢啲食完再減肥嘅人。餐湯係蘑菇忌廉湯，味道濃沃，蒜蓉包脆口。另一款係蜜糖菠蘿煎豬扒薯菜，個醬汁好濃沃，豬扒好大塊，肉質唔鞋又又軟又淋。薯條簡直係一流，外脆內軟，尋回那些年食過麥當勞初初開張嗰啲薯條甘好味。甜品，凍食嘅燉蛋，甜度適中，本人唔鍾意食咁甜，所以係啱我食嘅。咖啡味道濃沃唔苦澀。因疫情關係而家冇晚市，如果有返晚市，我會再來呢間熊小館食晚飯兼打卡。環境舒適，座位寬敞，乾淨企理，還有可愛嘅啤啤熊🐻🐻‍❄️。一句講晒，正。