熊小館

營業中

休息中

2024年9月30日 (星期一) 11:45am 34°C 店內四周圍、每個角落、牆壁、卡位和餐桌上都擺放了很多泰廸熊公仔，更特設一間派對房，熊踪處處，必定叫女生興奮狂喜。 本人能夠與很多泰廸熊一起吃午餐，被熊熊包圍著，感覺超幸福啊 ~ 🐻🐾🎆💞 環境光亮整潔，餐具乾淨。 人數：2 人 HK$167 不用等位 板煎豬扒.香草洋蔥汁意粉 - 豬扒大大件，煎得不會燶，不會感覺熱氣，肉質軟硬適中，配上洋蔥汁，格外惹味。意大利麵條偏乾身，硬了一些，翠玉瓜、紅蘿蔔和粟米粒新鮮爽口。整體來說，份量算多，足夠飽餐一頓。【推介之選】❤❤❤ 羅宋湯 - 傳統經典的味道，紹菜和蕃茄份量非常充足，啖啖都有咬口，而且味道濃郁。【推介之選】❤❤❤ 牛油法包 - 香脆，味道好。 熱奶茶 -  陶瓷杯上的小熊，穿著裝束，十分可愛。香滑濃郁，提神之選。【推介之選】❤❤❤《 門 面 》：《 環 境 》：《 餐 牌 》：【 溫 馨 提 示】：❶ 當日憑電影票尾一張，可享 85 折。❷ 外賣自取 85 折❸ 另收加一服務費

紅小館餐廳環境非常舒適，營造出輕鬆的用餐氛圍。座位安排合理，適合家庭聚餐或朋友小聚。餐廳以小熊擺設作主題，很適合小朋友。美國安格斯牛肩扒:肉質軟嫩，醬汁濃郁，搭配薯條非常美味。焗飯:新鮮的海鮮和蔬菜，焗得恰到好處，口感豐富。價格適中，性價比高。對於這樣的環境和菜品質量來說，算是相當合理。次再來時，期待能嘗試更多他們的特色菜！

通常想睇下傢俬家品嘢就會嚟mega box 有日本國民家品店nitori😍 aeon .ikea .at home. 實惠☺️可以一次過行曬🤭下午茶擇呢間以啤啤熊做主題嘅餐廳 充滿童真 每個枱面都會放一對熊仔🐻❤️ 仲可以望住溜冰場 ！食物款式岩大人小朋友 西式為主 下午茶價格唔貴 我地簡單叫左蜜桃豬扒焗意粉同埋安格斯漢堡 本身餐牌其實係焗飯 但問可唔可以轉意粉員工即刻話無問題 同廚房講聲😊 太好喇！！味道正常發揮 當然唔係高質但一定唔會唔好食 主要我好鐘意餐廳環境 周圍佈置好花心思 擺滿熊啤啤🐻 望到會令到好開心嘅親子餐廳～另外見到餐牌有好多款式都好岩小朋友尤其係小熊套餐 又有啫喱又有雪糕 佢地見到一定好開心！

第一次見到呢間餐廳係同同事嚟食中午飯，見到門口一個勁大個嘅熊仔，就覺得一定會迷到好多小朋友，所以呢個週末就約咗朋友同佢個仔一齊嚟食飯，正如我所料，個仔真係勁開心！呢間餐廳真係親子餐廳，好多人都帶小朋友嚟。卡邦尼煙肉扁意粉勁好食，意粉煮得al dente，加埋煙肉嘅份量都唔少，醬汁更加係好cream，好濃郁，但係又唔會太滯。至於令到小朋友好高興嘅就梗係甜品啦，我哋要咗心太軟，朱古力好rich，真係做到流心效果，女士好鍾意，小朋友都勁興奮。

好耐以前細個嗰陣，荃灣都有呢間熊小館。細個嘅我好鍾意，不過佢結業之後就冇得去啦。原來佢開咗嚟九龍灣，一知道呢個消息就梗係嚟試吓啦。一去到見到佢都係同以前荃灣一樣，好多熊仔公仔。而且佢嘅裝修仲比荃灣更加靚，而且仲有專係慶祝生日嘅房間，亦都有一個好大嘅區域放滿晒熊仔，比小朋友入去玩嘅。而且每枱都有隻細隻嘅熊仔，大人小朋友都會好鍾意呀。除咗熊仔裝飾之外，呢度嘅嘢食都係好好食，而且價錢仲好平。我認為最抵讚嘅就係呢個雜扒餐，因為真係好大碟，我諗三個人食都會夠飽。而且佢嘅飲品同甜品都有熊仔特色嘅，我就叫咗呢杯橙汁。佢嘅冰係用熊仔嚟整㗎，同行嘅小朋友都忍唔住係咁影相。甜品方面，呢個雪糕涼粉都好得意，佢整落好似熊仔沖緊涼。而且唔止外表靚，佢落都好好食，雪糕加埋涼粉，夏天消暑一流啊。另外我仲叫咗個牛扒配薯蓉，估唔到佢嘅薯蓉入面係有田螺嘅，食落好夾，小朋友會特別鍾意食。而個牛扒又煮得啱啱好，好有牛味而且食落好嫩。而且呢度嘅職員都好有禮貌，服務好好。我見到佢哋都有主動去同小朋友玩同傾計。同埋個個都好快手，真係好抵讚。呢間餐廳又靚又平，服務態度又好，下次都一定會再嚟啊。因為呢度都比較偏僻，希望多啲人可以嚟試吓

同老婆行megabox，晚餐上佢見到呢度唔多人唔洗等位，又多公仔🙄就話要入黎食。呢度都幾多一家大細入黎食，可能成個場都好多熊仔啦，仲可以拎隻大熊仔陪坐，（我地拎左隻😝）童心未泯🤣🤣🤣點左個2人套餐，蛋黃醬焗鮮盧筍，岩岩焗起，聞落好香，食落啲筍好甘甜，正👍黑松露牛油熊仔牛柳扒，黑松露牛油整到個熊仔頭咁，好靚，有啲忍唔住將佢切開😈😈。牛柳點左7成熟，咬落好淋，肉汁多，好鮮美😋😋不過嫌牛柳細舊左啲，如果大舊啲（多1安士都夠）咁就perfect👍👍卡邦尼煙肉扁意粉，呢款意粉比較小食到，醬汁味都幾香，加啲黑椒同芝士粉上去仲正😈😈😈加錢要2杯特飲，熱情玫瑰有陣微花香，飲前要攪勻，如果唔攪，會太甜。清涼仲夏真係幾清爽，薄荷始終係我最愛😍😝臨尾叫左個甜品心太軟，匙羹吉落去，啲朱古力醬就漏哂出黎。食落外熱內軟，幾好食。忌廉都唔錯，不過要快食，因為好影溶🙄，啲生果粒開頭以為係芒果，食落先知係桃黎，幾特別😋埋單4舊水，都唔算貴，仲可以望住下面啲人溜冰，幾舒服。

香港嘅親子餐廳都唔少，不過一般全部都要畀入場費同埋都收得幾貴今次去嘅呢間位於megabox親子餐廳熊小館，竟然係唔使入場費！而且只係五十幾蚊左右就有一個餐有嘢飲有主食，餐廳環境都好靚，充滿熊仔嘅佈置而且仲有vip房可以一班人gathering🐔百里香燒雞扒意粉雞扒好大塊都好嫩滑，醃料有香草，食起嚟格外芬香。意粉煮得都幾夠身，配合百里香嘅汁都幾match,蒜蓉餐包同埋南瓜湯都好濃郁。🐷bbq豬肋骨飯估唔到幾廿蚊嘅價錢豬肋骨會咁大塊！裏面都好juicy好厚肉！配搭白飯同埋炒蔬菜伴碟，加上少少蒜蓉汁，好香口又唔會燶！🍮生日快樂版朱古力心太軟呢個心太軟真係大師級嘅作品！仲有一球雪糕加上鮮滑嘅忌廉，一切落去，流心嘅感覺，朱古力漿湧出嚟，職員仲會送上熊熊生日蠟燭，非常窩心🍮焦糖燉蛋布丁套餐加一個燉蛋布丁只係九蚊，絕對適合飯後甜品！呢度真係好適合一家大細同埋帶埋小朋友或者情侶！呢度嘅玩具角都好大好適合細路仔過嚟食嘢玩㗎！

二人浪漫晚餐 👫 $318 法式香草牛油焗田螺 🐌 🌸二人餐 $318🌟🌟🌟🌟🌟☘️歐陸式濃湯兩客＋牛油法包濃郁雜菜湯，味道微酸微辣，配脆卜卜牛油法包☘️法式香草牛油焗田螺呢個用鐵板上，滿滿薯蓉面放6粒田螺肉，肉質不錯，香草牛油夠香濃。☘️黑松露牛油熊仔牛柳扒（+$10）黑松露牛油係用熊仔造型，超吸精呀！牛柳扒叫左五成，肉質新嫩而重牛味，配菜有超好味薯條及新鮮雜菜。☘️芝士焗忌廉菠菜龍利柳飯滿滿芝士，濃郁忌廉，菠菜已預先拌好飯入面，龍利柳炸過，肉質厚實juice☘️熱玫瑰柚子茶 (轉特飲A只加＄16)有數粒玫瑰花乾，柚子茶濃味，而有淡淡清新撲鼻玫瑰花香。☘️凍檸茶🌸熊仔黑牛 $30有熊仔造型冰、濃郁朱古力球雪糕及可樂。

每次嚟Megabox 都會帶小朋友去呢間餐廳🍴除咗裝修佈置到處都係熊仔，職員對小朋友都好關心🥰有得意又可愛嘅兒童餐，更提供兒童餐具，絕對係親子友善餐廳💜二人餐$298忌廉濃湯🍲＋牛油法包🥖🥩深海帶子拼醬燒汁牛柳五成熟嘅牛柳肉質彈牙，薯條粟米做配菜🍛芝士焗蜜桃汁去骨雞腿飯蜜桃汁香甜🍑加上啖啖肉嘅嫩滑雞髀🍗兒童餐 $150肉醬意粉🍝+芝士雞尾腸 +粟米🌽啫喱 配 鮮橙汁兩兄弟都好開心清哂盤，再獎勵兩球雪糕😋大滿足🈵

今日公司早放約埋同事去附近Megabox 11樓嘅熊小館食午餐🍴～～～餐廳如其名係一間充滿熊仔嘅餐廳🧸好有特色打卡一流📸而且佢仲有兒童區啱晒一家大細～～～呢度仲有生日專區小朋友生日都可以考慮過嚟book場～～～✨蜂蜜味 BBQ 燒豬仔骨$80本身佢係配白飯但同事表示唔想食飯店員俾我哋轉做薯條🍟～～～之前試過喺屋企自己焗豬仔骨真係好麻煩好多功夫🫠估唔到係出面可以用咁嘅價錢食到咁高質嘅豬仔骨～～～雖然佢係豬仔骨但係肉一啲都唔少點埋個醬汁更加惹味👍🏻👍🏻👍🏻～～～✨西冷牛扒配乾蔥紅酒汁🥩$80有齊餐湯🥣、餐包🍞、牛扒配薯菜（飯/ 意粉）🥩、飲品🥤真係幾抵！飲品仲可以加$3轉鮮橙汁～～～蒜蓉麵包雖然有少少乾🍞但點落個湯度就啱啱中和返🥣～～～牛扒七成熟🥩啱晒我呢啲唔太食得生嘢嘅人牛扒又冇咩筋厚薄適中切起上嚟好輕鬆🔪～～～店員見我好鍾意點茄汁🥫好主動拎咗一支俾我自己加超貼心🥰～～～✨烤美國安格斯漢堡伴炸薯條🍔🍟$88塊安格斯牛扒好厚好大塊牛味好濃郁好有口感～～～因為佢麵包用牛油烘過🧈暖暖哋又有少少脆口好好食😋～～～❤️最後我哋仲叫咗焦糖燉蛋雖然畫工唔算好好😆但我同同事見到都忍唔住笑咗出嚟呢度除咗有貼

坐低輕輕鬆鬆食個下午茶 食物 : 芝士醬油魚柳鮮蛋焗飯 $59 ~ 味道普普通通的焗飯, 但就是熱辣辣 豬扒配牛油酥皮吐司 $54 ~ 吐司烘得脆, 豬扒唔會太乾, 有新鮮生菜番茄, 整體味道正常OK 飲品 : 凍檸茶, 餐加配 $3/杯 ~ 正常 環境 : 店內舒適, 有很多熊仔裝飾, 還有一個小朋友遊玩地方, 而且餐廳可以見到溜冰場, 都幾舒服 服務 : 職員有禮貌 價錢 : HK$131 (加一服務費)

每次到親子餐廳🍽️最好既事😂就系可以MeTime一下飲下野☕️是日系Megabox玩完～見到間地方都算大既餐廳🐻個氣氛都唔錯～入面仲有小朋友可以玩既位置🉑以睇下書📚玩下玩具🧸全間餐廳都佈滿住唔同既熊仔🐻真系打卡一流📸🐻黑松露牛柳套餐牛柳口感柔軟多汁💦配上熊仔造型黑松露牛油香氣💨相當不錯🐻橙汁特飲非常爽口解渴飲品🥤熊仔造型冰塊🧊岩哂炎炎夏季飲用👍🏻令人忍唔住一飲而盡😋

餐廳內有很多熊啤啤佈置，可以打下卡影下相。除左有兒童餐供應，仲有個Kids Corner，有圖書俾小朋友睇，仲有少量玩具，可以俾小朋友打發下時間💕餐廳仲可以望到溜冰場，可以一邊用餐，一邊睇人溜冰。鐵板肉眼扒 $155鐵板香氣十足，肉眼煎得焦香得黎中間仲係粉嫩，配菜有牛油粟米、蕃茄仔、西蘭花同薯條香草乾蕃茄野菌闊條麵 $69闊條麵麵質偏乾身，有咬口，每條麵沾滿左香草醬，香草味超濃，但乾蕃茄又咸又酸🙈，成個麵只有香草味，冇蕃茄同野菌味黑松露蟹籽帶子黃金意大利飯 $108意大利飯伴有粟米，忌廉味超濃，乾濕適中，有帶子三粒，帶子都算大粒，但黑松露味唔夠出

熊小館是位於九龍灣Megabox的親子餐廳，以可愛小熊做主題，周圍都放滿可愛熊仔裝飾，打卡一流。餐廳除了設有給小朋友玩樂的角落外，部分用餐位置還可以看到樓下的溜冰場，用餐時間可以同時感受到打 ice-hockey的熱鬧氣氛，確實很寫意。跟餐加錢有牛油法包同蕃茄雜菜湯作為開胃菜。牛油法包香脆外皮，內裡軟綿綿，牛油香味濃郁。蕃茄雜菜湯酸中帶甜，湯底濃郁，令人胃口大開蘑菇紅酒汁牛柳加法式田螺薯蓉批牛柳腍身，肉質嫩滑，配上蘑菇紅酒汁，帶出濃郁嘅牛肉香氣。田螺薯蓉批軟綿綿，令整個菜式更加出色。鐵板肉眼扒 好大塊厚身肉眼扒 , 五成熟煎得恰到好處，口感非常軟腍又有咬口，嫩滑多汁，牛味濃郁。搭配上薯條、粟米及黑椒汁，整道菜好飽肚滿足焗肉醬意粉啖啖肉醬, 仲有拉絲芝士, 味道岩岩好! 飲品叫了一杯草子莓莓, 飲落有點酸

垃圾服務，星期日3點同2位小朋友，都有幾枱客，由於太餓，一坐低揚手叫野食，個陳姓勁理企收銀態度勁差咁大叫「我買緊單，好忙你叫咩人叫乜野叫」無啦啦被鬧⋯由始至終我都只有揚手，無出一句聲。我都解釋我唔知你一個，如果知我一定等你，無理由咁鬧我，之後佢仲勁衰眼啤啤，食野變左做左人地出氣袋。食物質數又一般，個下午茶餐焗飯好似冷飯咁勁乾，個午餐扒就ok , 問一個女職員個經理姓乜，佢都串串地話我唔知，第一日返工我兼職黎。職員都勁差服務，勁受氣一餐，已去信投訴，不推介！