熊小館

營業中

休息中

同小朋友外出用餐最喜歡去親子友善的餐廳，其中一間一定係位於九龍灣Megabox的【熊小館】，環境寬敞舒適，有卡位又有望到溜冰場的玻璃位，有兒童玩樂區，食物質素又好又多選擇，店員非常親切，係親子餐廳的不二之選。🥰小朋友一到埗已經去咗玩樂區睇圖書，又可以玩玩具煮飯仔。我哋大人就可以慢慢選餐。而且全場仲有大大小小嘅熊啤啤🐻包圍住，超多打卡位，大小朋友的童心都引哂出來。📸今次order咗set2人套餐，包括歐陸式濃湯2客加牛油法包、鐵板肉眼扒、芝士焗蜜桃汁去骨雞腿飯、精選甜品及餐飲2杯，再另叫一客白酒忌廉煮藍青口。😍歐陸式濃湯有多款蔬菜及鮮肉餚製，好足料味道，點埋牛油法包食係前菜必備。😋鐵板肉眼扒值得推薦，肉眼超級腍又juicy，而且牛味濃，對据扒有要求嘅朋友要試。😋芝士焗蜜桃汁去骨雞腿飯焗得啱啱好，芝士微金黃色且溶化晒入飯度，去骨雞腿肉好嫩又滑。😋白酒忌廉煮藍青口嘅汁夠creamy又香，最緊要青口新鮮又大隻。😋精選甜品係朱古力及芒果雪糕，小朋友至愛口味。😋

今日遊車河去九龍灣，去左某間傢俬舖度買傢俬咁就順便去呢到食飯，因為我朋友好鍾意啲熊仔所以去呢度食飯，咁我哋就叫咗以下:凱撒沙律: 呢個沙律我覺得個蔬菜幾新鮮， 加埋D芝士，同埋撈埋啲沙律汁，我覺得清得嚟又新鮮，作為飯前小食我覺得係幾好同開胃。青口，青口細细隻， 幾易開出嚟食， 好適合女仕食! D白汁點落青口到，令D味道出哂嚟。 作為餐前小食我覺得非常適合。鐵板什扒:裏面包括豬扒、雞扒、煙肉同鮮蛋，呢個我覺得真係冇得頂呀，因為一上枱嘅時候，鐵板已經發出咋咋聲熱辣辣， 而我選擇咗燒汁， 咁其實撈埋個汁每一塊雜扒 mix埋啲汁食，我覺得都好食同滋味，有少少似以前茶餐廳嘅鐵板。蒜片辣椒煙肉西芹扁意粉:我好鍾意食意粉， 咁我就叫咗呢一個意粉，呢個意粉內裏面有蒜片和好多煙肉，炒到每條意粉都幾入味， 其實令我最鍾意呢個意粉就係呢個意粉就偏少少辣嘅，咁如果鍾意食微辣啲朋友呢個意粉應該都幾啱你哋食。最後我同朋友飲埋杯凍檸茶就閃人， 其實呢一間餐廳我覺得都幾適合一家大細，呢間餐廳啲嘢食同環境佈置都幾好 ，我覺得幾適合親子。

🐳位於九龍灣MegaBox 11樓嘅熊小館，最適合一家大細嚟呢度食嘢，餐廳內有好多大大小小嘅啤啤熊可以俾小朋友影相留念，另外都有一個閱讀區，有好多兒童書籍可以比小朋友閱讀。而大人就可以揀個位置可以睇到溜冰場，可以欣賞別人溜冰。假日套餐🐳溫泉蛋卡邦尼煙肉扁意粉💰82+6 歐陸濃湯 牛油法包首先我特別鍾意食溫泉蛋，另外所有忌廉嘅意粉都係我嘅至愛，所以我冇理由唔叫呢個套餐。呢個卡邦尼意粉真係做得唔錯，香濃嘅忌廉味，配上濃味嘅煙肉，再加上一隻糖心溫泉蛋，好食🤤羅宋湯材料十分豐富，法包也非常脆口。🐳黑胡椒汁西冷牛扒💰96 甜品（燉蛋）西冷牛扒好入味，雖然係全熟，但係一啲都唔乾身， 仲好嫩滑，薯條係剛炸的，所以外脆內軟。另外好欣賞呢個燉蛋甜品，非常之滑，甜度適中，老公十分喜愛。

每次問我囡想去邊， 佢都一定答mega box , 因為有齊曬佢鍾意既野， 有得睇玩具， 又有🉐️去playhouse 玩， 重有得去熊小館食野.我囡通常揀邊位坐， 可以望到溜冰場，一邊睇人溜冰， 一邊食野， 好chill 😂😂另外， 等緊野食期間， 佢會去玩下熊仔， 睇下書， 玩下廚房， 野食未到都唔會扭計， 真係好適合帶埋小朋友黎, 我相信大部分既小朋友都同我囡一樣好鍾意❤️野食正常， 份量適中，唔太油， 好多選揀， 重有兒童歺， 啱小朋友口味甜品畫上笑面， 小朋友見到好開心🥳， 自己食曬

二人套餐 $318- - -歐陸式濃湯配牛油法包羅宋湯香濃，酸甜帶點微辣，法包香脆，係醒胃嘅餐湯。- - -法式香草牛油焗田螺田螺配薯蓉好夾，田螺肉鮮嫩，有4-5粒，薯蓉焗得好香口，再配上少量香草調味，係可口嘅前菜。- - -蜂蜜牛油BBQ燒豬仔骨豬仔骨燒得恰到好處，唔會老，容易脫骨，香烤味道配搭甜甜地嘅醬汁，食落有肉汁唔會乾身。豬仔骨以薯條同雜菜沙律做配菜，份量好足好夠飽。- - -卡邦尼煙肉扁意粉扁意粉較一般意粉彈牙有咬口，卡邦尼芝士味香濃，配合煙肉同蘑菇片，豐富咗口感同味道。- - -薔薇之戀 +$16轉配玫瑰花柚子茶味道清新，淡淡嘅玫瑰花味道，混合微甜嘅柚子蜜，香甜解膩。- - -橙色派對 +$16轉配芒果橙汁味道偏酸，橙味較濃，係健康嘅水果特飲。- - - - -玫瑰法式燉蛋白 $25燉蛋白表面焦糖香脆，入面香滑微凍，味道唔會太甜，仲落咗唔少玫瑰花作伴碟。

🐻九龍灣主題餐廳，餐廳周圍都有唔同既熊仔～適合同小朋友一齊去今次揀左2人套餐A，成個餐有唔同配搭，可以揀自己想食既食物 $318+10%🔸是日餐湯+蒜蓉包- 忌廉湯好creamy ，口感幼滑- 蒜蓉包既牛油岩岩好，唔會食落成口油🥖🔸鐵板肉眼扒- 鐵板上餐熱辣辣，有薯條做配菜-牛扒叫左5成熟，上枱時用鐵板一直燒住 唔會太熟-牛扒好有份量，味道唔錯🔸卡邦尼煙肉扁意粉- 一碟好邪惡既意粉🍝好香芝士味🔸法式香草牛油焗田螺-用薯蓉墊低再用鐵板上，令到薯蓉脆脆地～-田螺入口彈牙，份量都多🔸特飲-左：玫瑰花柚子茶，充滿花香🌹右：檸檬草氣泡茶，係紅茶香茅加七喜🔸餐牌餐廳中間特設一個兒童區俾小朋友放電，家長就可以安心係側邊用餐👧🏻好貼心

-照張全張幅先📸蘑菇紅酒汁牛柳🐮法式田螺薯蓉批（$158）Chef's Suggestion 嘅大師手切牛，見到呢個介紹就叫咗。果然無失望。牛嘅肉質好淋，就算叫well-done，都夠juicy。意大利蜜汁魷魚🦑意粉（$82）蜜汁平均沾滿意粉，味道夠濃。不過食完就成口都黑色lu。海鹽風薯條🍟 + 檸檬沙律汁（$40）薔薇之戀玫瑰花茶柚子（$28）玫瑰嘅香味，加上柚子嘅微甜，飲落好fresh。檸檬草蜜茶紅茶香茅蜜糖（$30）特別味道，香茅味配落味道度都唔錯嘅選擇。玫瑰法式燉蛋白（$25）淨係蛋白嘅法式燉蛋出面比較少見，可以無咁罪惡。侍應好nice 👍，尾段仲會問問我地嘢食味道如何。PS: Megabox 5點後入車，消費滿$100，就有6個鐘 free parking 🅿️，真係多到唔信。----------熊小館 九龍灣宏照道38號企業廣場5期Megabox 11樓

今日約咗朋友下午茶，朋友建議去Mega Bix。 上咗11樓，原來Mega Box有一間佔地頗大嘅親子餐廳「熊小館」。有名熊小館，當然整間餐廳每一角落都有很多超級可愛嘅熊啤啤。餐廳一邊可以觀望溜冰場，可以邊嘆住杯咖啡邊觀看溜冰，非常寫意。餐廳另一邊則充滿古堡的裝飾。最值得留意，餐廳中間位置更特設有兒童圖書區及兒童遊樂區，果然對小朋友設想周到。餐廳提供有全日套餐、啱小朋友嘅《小熊套餐》、亦有推出《品味新嚐》等。亦有外賣自取特價套餐。我選了《蜂蜜味BBQ燒豬仔》（$78）可配飯或意粉。加$6可配餐湯及餐飽。朋友選擇了休閒下午茶《烤雞肉羅宋湯螺絲粉》（$46），包咖啡或茶。最後再加多個睇見就心情愉快嘅笑哈哈甜品，帶著美好的心情回家。整體餐廳環境廣闊舒適、價格合理、食品大衆化，適合大人細路，的確是一間不錯嘅親子餐廳。父母假日，可以多個選擇，帶埋小孩子去吃喝玩樂的一個好地方。

熊小館 鐵板西冷牛扒($149）其實149本身冇咩期望，點知出到黎都唔差，牛扒熱辣辣🔥唔會太熟又唔會生得濟，食落口都有牛味，同埋夠厚食落好有滿足感🥩 另外仲有薯條同西蘭花🥦做配菜，Cp值好高👍🏻白酒忌廉煮藍青口($68)藍青口份量都幾多，配埋白汁冇得輸，啲汁通常係底，撈勻佢就出味好多，可惜有啲青口有啲沙，所以扣少少分🤏黑松露蟹籽帶子黃金意大利飯($92)意大利飯飯嘅軟硬度啱啱好，而且夠入味，非常厚實濃郁芝士味🧀配埋黑松露一上菜嘅時候真係好香，好吸引🤤帶子都煎得好香，整體黎講都幾啱錯，如果蟹籽大粒啲或者配明太子就perfect 💯另外加咗28蚊轉餐，包埋飲品、餐包同餐湯🥣草子莓莓(+$16) 薔薇之戀($16)草子莓莓係士多啤梨橙汁🍊 而薔薇之戀係玫瑰花茶柚子☕️兩個組合都幾特別，同平時出面飲開嘅唔太一樣，味道比較複雜啲🙈Extra comment 🖍️•餐廳係親子友善餐廳，有一個corner係有圖書同玩具俾小朋友玩🐻

由於要去megabox睇戲，所以就搵到熊小館試試，見好評ok，睇相賣相都幾好。-我2點去到，有lunch / tea set 我揀，tea set係小食、甜品為主，吾太岩我同朋友，結果揀咗lunch set 牛扒餐。一塊牛扒+是日沙律/蒜蓉包&餐湯/是日甜品（焦糖燉蛋）$90幾，吾知洗吾洗加一。送飲品，凍飲+$3-個牛扒賣相真係吾錯，食落係薄扒但口感幾好，淋身吾鞋，不過有一塊比較多筋咬吾到。薯條就麻麻地，淋身既一啲都吾脆；意粉就普通野可接受-朋友配咗蒜蓉包&餐湯，是日係羅宋湯，湯同包都ok-我配咗是日甜品～焦糖燉蛋！口感吾似燉蛋，似慕絲，燉蛋係無味，配焦糖醬食我覺得ok。朋友話燉蛋吾係咁，有d難食🙈-飲品配咁橙汁、凍奶茶橙汁ok，不過量好少；凍奶茶就味道好奇怪，飲得一半都無，麻麻地（ps：杯口邊係崩崩地，感覺不好）總結：Lunch time 價錢算合理，人均$100/位食到牛扒。牛扒吾錯但其他食物都係好一般，飲品、甜品係吾多好味不過同同事分享完，同事話晚餐抵食d，但有其他選擇既話吾會再食喱間，可以比多少少幾食好d既扒餐餐廳係以熊熊為主題，環境都幾靚打到卡

下午食飯遇著落大雨，係MegaBox 番工，唔行出去都唔知可以食咩，見到熊小館唔洗點排隊，就入去試下。1）菠蘿🍍焗豬扒飯： 等左大概5分鐘就到，賣相都幾好。先講講個菠蘿，菠蘿就肯定係罐頭🥫菠蘿🍍，但食落係焗完之後先加番入去，就麻麻地囉；至於豬扒，係就係好林身，但亦食得出好大陣雪味，咁基本調味都做成咁，唔怪得冇咩人排隊食；至於個汁同炒飯底都算可以2）熱檸茶： 算正常，同埋用新鮮檸檬🍋埋單$68 （有9折優惠）

全個餐廳以熊仔為主題，到處都可以見到可愛啤啤熊❤️每張枱亦都有小熊仔餐廳入面仲有小小遊戲角比小朋友玩今次嚟遊戲區終於開放！有煮飯仔、圖書、玩具車，當然唔少得好多熊仔毛公仔🧸食物方面係西式有意粉，焗飯，鐵板餐，價錢唔貴食物選擇都好多，味道唔錯，而且西餐嚟講份量算好多！仲有兒童餐可以叫俾小朋友食～兒童A餐有天婦羅炸蝦/蜜糖雞中翼牛油菜米/炸薯條/小熊啫喱以炸物為主，小朋友當然好開心，都食晒全部野。鐵板什扒（豬扒、雞扒、煙肉、鮮蛋) $105Classic Sizzling Plate Set送餐湯+牛油法包+咖啡或茶分量十足，豬扒，雞扒都好大塊。而且豬扒夠嫩滑，絕對係大滿足特濃芝士鐵板雞扒(鐵板上） $98芝士味極龍鍾意食芝士嘅，一定唔可以錯過。

今日來到位於megabox嘅熊小館，啲間店以打卡熊啤啤為聞名，有大量嘅熊啤啤佈置，甚至有大大隻熊啤啤陪住你進餐😎再睇真啲原來佢係Cafe Med （紅蔥頭）同一集團，上次去完紅磡分店印象都唔錯的，裝修非常別緻走濃厚嘅英倫風，而啲間熊小館就用啤啤做主題👍🏻店舖都幾大，各處都可以見到熊啤啤嘅蹤影，每張枱亦有一隻小熊啤啤，好多地方都值得打卡。更設有一個小朋友角落，可以俾小朋友玩下煮飯仔攬吓啤啤，適合家庭人士。午市套餐非常抵食，連加一都唔洗$100就可以有3 courses （主菜+ 湯/沙律/甜品 + 飲品）。味道都合乎預期，個甜品係燉蛋都幾好味👍🏻黑胡椒汁西冷牛扒 （配薯菜）$96好傳統嘅西冷牛扒配黑椒汁，牛扒夠晒淋，係平時茶餐廳早餐會食到果種牛扒，味道都唔錯。燒汁香蒜煙肉焗去骨鷄腿 （配薯菜）$88雞肉夠淋夠juicy，上面仲有一啲煙肉增加味道層次，唔錯嘅選擇。

熊小館 (九龍灣) 📍九龍灣宏照道38號企業廣場5期Megabox 11樓去Megabox 睇完戲搵食期間見到一間好鬼大嘅餐廳，仲要成間餐廳都充滿住 大大小小嘅bear bear 🐻🧸🧸與啤啤熊共進午餐真係第一次🤭🤭 餐廳內有午小朋友開生party 嘅房仔，同埋平時專為小朋友而設嘅角落，有煮飯仔同埋啤啤玩😆職員有禮貌，亦熱情互動，好適合一家大細去嘅餐廳！👩‍🍳 黑胡椒汁西冷牛扒 $96西冷牛扒非常軟腍，黑椒汁質地稠糊味道正常發揮。我哋揀咗配薯菜，薯條炸得熱辣辣又脆👍🏻👍🏻👩‍🍳 燒汁香蒜煙肉焗去骨鷄腿 $88雞扒大大塊又juicy! 蒜香味濃，面頭仲有脆香煙肉碎！連雞扒一齊食更有口感！🍮 燉蛋焦糖醬燉蛋下面配有傳統燉蛋白，幾特別🍲 餐湯羅宋湯配牛油法包🥖🧈，法包烘到香脆，好味！☕️ Coffee

其實都已經係好一段時間前食呢一間餐廳果一段時間 好鐘意熊啤啤 咁岩見到有一間以熊仔為主題的餐廳 就已經決定要去喇一入門口已經見到兩隻巨型小熊 好SHARP!餐廳每一枱都會有小熊公仔 真係好得意呀!見到好多人一家大細 帶埋小朋友黎到成個環境氣氛都好有童心 好歡樂!而且餐廳樓底好高 環境闊落 感覺舒適食物就不過不失啦! 冇咩特別菜式有留下深刻印象份量唔算好大 可能牽就小朋友食量但係以主題餐廳黎講 價格真係好抵食!仲可以同熊仔打卡!