熊小館

營業中

休息中

生日主角黎到熊小館，自選經典焗意大利波隆那肉醬意粉。醬汁好濃郁，肉醬非常入味，配上煙燻的芝士，小朋友一啖又一啖停唔到口。BBQ 燒豬仔骨，大份厚肉，肉質嫩，連小朋友都食得好乾淨。小食酥炸魷魚圈配上檸檬汁，熱辣辣，彈牙！！飲品點左橙色派對、檸檬草氣泡茶，夠特色又繽紛，party 有美食之餘，野飲真係不可少。餐廳周圍既氣氛都好開心，服務員也非常令人滿意，主動幫忙拍照，野食上枱都有禮有笑容。滿佈熊bear bear 陪伴的一晚。

熊小館入面有好多熊仔擺設，熊迷必到之地，另外入面仲有好多小朋友都岩玩既熊仔公仔同埋小熊閣落可以俾小朋友响入面玩玩具。食物方面：熊仔造型既漢堡包好靚，好吸睛，薯條新鮮香脆，漢堡包大大個。鐵板牛扒套餐都好抵食同大塊厚切，上餐速度好快，配埋熊熊頭特飲超開心。原隻熊仔冰甘上，好可愛既造型加配可樂黑牛。甜品心太軟仲可以有生日快樂熊仔圖案，小編好鐘意呢個配搭又美觀又好味，心太軟唔會好甜。另一款焦糖燉蛋都好好味。

烤棉花糖吐司賣相：🐧🐧🐧🐧🐧味道：🐧🐧🐧🐧🐧香焗厚身的牛油吐司上，整齊排滿大大粒燒烤用棉花糖，金黃的表面上再淋上朱古力醬，賣相非常吸引。吐司外脆內軟，牛油香味滿溢，表面的棉花糖呈半溶狀，入口軟糯甜蜜，帶點黏黐口感，加上醇香的朱古力醬，美味又邪惡令人難以抗拒。炸薯條配肉醬賣相：🐧🐧🐧🐧味道：🐧🐧🐧🐧🐧薯條炸得金黃香口，脆卜卜口感十足，加上鮮鹹濃郁的肉醬，惹味十足必試之選。心太軟賣相：🐧🐧🐧🐧味道：🐧🐧🐧🐧🐧心太軟朱古力香氣四溢，細細切開，軟滑濃郁的朱古力漿傾瀉流出，入口暖笠笠，蛋糕口感軟棉嫩潤，帶有淡淡的可可苦味，味道不會太過甜膩，下午甜點良選。白熊、黑熊賣相：🐧🐧🐧🐧🐧味道：🐧🐧🐧🐧🐧飲品以汽水作底層，表面蓋上巨大雪糕球，以及精緻可愛的熊啤啤冰飾，打卡必點。汽水冰涼解膩，雪糕香滑細緻，不失為最佳夏日消暑飲料。環境：🐧🐧🐧🐧🐧🐻餐廳以熊啤啤作主題，採用大量熊啤啤公仔、畫作等佈置，營造出溫馨歡樂的氣氛。餐廳更特設小童遊樂區，可讓家長陪同小孩在內耍樂遊玩，合家歡必選。🐧❤️結語：美味又好玩的熊啤啤餐廳，愛熊人士必到打卡點。

多數Mega box 都係因為要買傢俬或者睇戲，但係餐廳選擇原來都唔少，經過見到呢間熊仔主題嘅親子餐廳，主要西式食物為主，隨便睇吓餐牌價錢都好合理，冇因為親子餐廳而mark up 價錢，呢一樣嘢好加分，食物質素都唔錯，咁多食物之中最推薦的是 「鐵板西冷牛扒」，上枱嘅時候鐵板咋咋聲，黑椒汁勁惹味，份量也是有點誇張，人均消費一百多已包餐湯、餐包、飲品。兒童餐選擇有三個，70幾蚊至80幾蚊 重包埋一杯果汁，小朋友最愛當然係啫喱糖間唔中食吓都唔錯餐廳有好多熊仔的巨型毛公仔🧸熊仔油畫🖼️ 非常適合打卡拍照，而且仲有遊戲角俾小朋友放下電，好適合一家人親子活動—————————————————熊小館 (九龍灣)九龍灣宏照道38號企業廣場5期Megabox 11樓—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodphotography #foodgasm #lunch #九龍灣美食 #megabox___

繼續慶祝生日，今次去到九龍灣等朋友收工。咁就去咗Megabox食飯，依間餐廳有露台位可以睇住溜冰場。途中仲有ice hockey 比賽睇咁我哋就揀咗二人餐A ($298)再加$10 轉咗做燒汁牛柳。#燒汁牛柳 - 我哋叫咗5成熟，咁上到枱都有5-6成左右既👍🏻唔會overcook 咗食落牛柳好冧身，冇筋同埋肥膏。每一啖都好有牛味再配埋燒汁。好味😋另外佢有埋薯條同雜菜做配菜#卡邦尼意粉 - 卡邦尼既汁好creamy 好多食到底都撈得均，而且意粉冇煮到爛啱啱好食落冇平時好滯同好油膩既感覺另外我哋加咗個#青醬野菌闊條麵 （$69）- 一上枱就聞到青醬好香，菇既份量好足食落都有青醬味闊條麵煮得好彈牙冇黐埋一舊而且每一條都有青醬既味道依個我同朋友都覺得好好食😍最後二人餐有跟埋個甜品係雪糕每一枱都有一隻熊仔陪住食飯，而且成個餐廳啲熊仔主題都好靚

同小朋友MegaBox買完野打算食個飯，見到呢間餐廳以熊啤啤為主題，好似幾岩小朋友。環境寬敞、明亮，裝潢精緻可愛，備有兒童遊戲區和party room，是一個很適合舉辦生日派對和家庭聚餐的地方。小朋友有得食又有得玩，真係可以放電～餐廳提供多款美食選擇，其中最受歡迎的當屬他們的牛扒和卡邦尼意粉。🌟鐵板肉眼扒牛扒好大塊，份量足，切開係7成熟，肉質鮮嫩多汁，口感非常好，搭配上餐廳自家調製的醬汁，味道更是一流。配菜都唔少，有粟米粒同埋洋蔥粗身既薯條。🌟卡邦尼煙肉扁意粉🍝而卡邦尼意粉軟硬適中，再加上鮮美的蔬菜和香濃的醬汁，讓人食指大動，小朋友都食到停唔到口。🌟法式蛋黃醬焗鮮蘆筍香滑的蛋黃醬味，蘆筍鮮甜可口，好爽脆，份量都足，好味😋美食表現非常不錯，讓人滿足且食量十足。餐廳的氛圍和裝潢也非常適合家庭聚餐和舉辦生日派對，讓大人和小孩都可以在這裡度過一個愉快的時光。最推介係有個專為小朋友而設既玩樂區域，入面有好多玩具亦有一些圖書📖，可以俾小朋友睇👍🏼

Megabox 11樓一間親子餐廳餐廳內到處也有大大小小的熊仔裝飾還有一個區域給小朋友玩玩具和看圖書各款下午茶餐價錢由$44-$56不過份量不算多真的只能當小食包括飲品一杯食物味道正常店員服務態度也很友善假日到商場逛街累了來吃下午茶也是不錯的選擇咸酥流心芝士吐司$46芝士味不算很突出不過也有拉絲效果只有一小塊吐司性價比較低豬扒配牛油酥皮吐司$48味道很普通比較像一般三文治金磚西多士$44（配朱古力漿）不論味道還是賣相也最高分

在香港，有親子餐廳的選擇並不多，如果想舒舒服服的大人聊天，必須有一個兒童空間，朋友介紹去MegaBox 11樓，地方頗大的親子餐廳。這間親子特色之處是每一個角落都有可愛的啤啤熊，餐廳的中間位置更設有兒童圖書館和遊樂區，對於家長和小朋友都非常周到。由於是親子餐廳，所以設備和餐具上都有特別為小朋友而設，還有一間party Room，如果想舉行小型生日會，或者想幾個家庭聚在一起，可以預約這間party Room大家可以相聚，安心用膳，小朋友又可以享用遊樂設施。我們叫了一份二人套餐二人餐包括兩碗羅宋湯和法包深海帶子拼醬燒汁牛柳+$10選擇了蜜桃汁去雞腿🍗飯兩個雪糕飲品另外再叫炸魚薯條和兒童餐$75每樣食物的份量都頗多，也非常適合小朋友進食。價錢大眾化，食品也大眾化，是不錯的親子餐廳，如果家長想歇息一下，這間餐廳是一個非常好的選擇。

今次用媽媽嘅身份嚟呢個餐廳😬記得幾年前黎呢到見到身邊嘅人都係帶小朋友嚟呢度用膳，今次同老公帶埋仔仔一齊嚟🤪下午餐menu好吸引 ,有飽肚、有小食，兩款都有order, 畢竟下午5:00食有點尷尬，想食飽啲😋烤雞肉羅宋湯螺絲粉——雞肉嫩滑，配上羅宋湯湯底，好惹味。芝士醬油魚柳鮮蛋焗飯——層次的口感和香濃味道。覺得大魚大肉加醬汁太濃重的朋友，芝士醬油兩者調味得宜🤤薯條配檸檬沙律醬 好fresh🎉豬扒配牛油酥皮吐司 ——好香牛油味，入面有生菜 、蕃茄 、同埋塊幾厚嘅豬扒，口感唔錯。金磚西多士——下午茶必食 ，牛油放在一旁👍🏻揀左朱古力漿，反而不太甜😋夏日炎炎，當然來杯「開懷特飲」薔薇之戀🍷（玫瑰花茶柚子）和芒果橙汁 🍹好味😋爽呀😎最後仲有同仔仔周圍同啤啤熊影相🧸😍

呢日去Megabox買野，夜晚到訪呢間以bear bear熊做主題嘅親子餐廳。入邊嘅環境相當闊落，仲設有俾小朋友玩嘅專區，餐廳裝飾有心思，處處都見到有熊啤啤主題嘅裝飾，打卡一流。法式香草牛油焗田螺（$50）- 呢個超有驚喜，用鐵板上菜，keep住熱辣辣，田螺配埋香滑嘅薯蓉一齊食，味道超好。黑松露忌廉汁煙三文魚天使麵（$92 + $25跟餐）- 天使面嘅分量唔少，加埋煙三文魚同黑松露忌廉汁，入口好味。天使麵煙韌彈牙，吸收咗忌廉汁，味道十分濃郁。鐵板肉眼扒（$155）- 叫7成熟，但食落肉質好鮮嫩，一啲都唔韌，牛味好濃郁。薯條炸得好脆好乾身，好香口。跟餐仲有餐湯、蒜蓉包同埋餐飲。玫瑰法式燉蛋白（$25）- 燉蛋白入口充滿蛋味，好creamy，配埋面頭嘅焦糖一齊食，味道充滿層次。套餐包埋羅宋湯同飲品，加$18可以upgrade做特飲。羅宋湯足料，熱辣辣，味道唔錯。由於食得太飽嘅關係，餐飲我哋點咗熱檸茶同熱檸水各一。

嗱，老實講一句啦。今日黎到Megabox嘉禾睇戲，同一層有間隱蔽的親子餐廳—熊小館 🐻入到黎，見到有個play area，專俾小朋友睇兒童刊物，玩熊仔，好多小朋友，好熱鬧，營造個氣氛都幾好👍每一台都有一隻熊仔陪住你，好似個slogan：總有一隻喺左近。BBQ豬仔骨。估唔到個份量都好足夠，燒得好香，肉質鮮美，啖啖都係豐富的膠原蛋白和骨髓，表皮金黃酥脆。安格斯漢堡。肉質鮮嫩，非常Juicy。唔好睇佢好似細細個，其實塊牛肉好厚，而且脂肪分布均勻、肉質鮮嫩多汁，我地見到好多人都係食呢個餐，非常受歡迎。熊小館平民化西餐，注入親子元素，小朋友玩得開心，大人食得開心，值得一試。

今日同朋友逛九龍灣MEGABOX的宜家家居，臨近晚餐，朋友約去樓上熊小館食西餐。我來到先發現熊小館原來還是一家充滿歡樂氣氛的親子餐廳。餐廳不僅有大大小小的熊公仔擺設，還設有遊樂區，有玩具廚房，讓小朋友們在等待用餐的同時，也不會感到無聊。而且來緊是母親節，餐廳還推出母親節套餐，好抵食。小朋友套餐飲品甜品擺盤好靚，等母親節時可以帶我仔一起來享受一下。首先先嗌份小食：唐揚脆脆雞翼，雞翼有4隻，熱辣辣，咬一啖，肉汁四溢，好味。主食我嗌左鐵板肉眼扒（黑椒汁）份量好大份，牛扒軟淋，肉汁豐富，牛味濃郁。搭配忌簾蒜蓉包，忌簾口感幼滑，蒜蓉包烤得爽脆。一份食完撐到爆！！朋友嗌左特濃芝士鐵板雞扒，雞扒好大份。雞肉鮮嫩，芝士味濃。搭配飲品清涼仲夏，薄荷味濃郁，好解膩。今日體驗很不錯，朋友約下次帶小朋友一起聚餐。

我好童真架😜今晚去左一間勁多熊bear bear 🧸公仔同擺設的餐廳食晚飯🤓順便同媽咪慶祝母親節🤭預祝各位母親和大家👩母親節快樂🎉🎁Happy Mother Day 😁💖💗💓🥗凱撤沙律 $64份量比我地想像中多😄沙律生菜🥬非常新鮮😊仲有勁多香脆可口的麵包粒🥖同煙肉碎🥓更重要❗️沙律醬味道好特別🤫問過店員先知原來沙律醬係自家制架👏❤️🦑意大利魷魚墨汁意粉 $82又濃郁又入味的墨魚汁意粉🫶魷魚🦑輕輕煎過好好味😋哈哈😆食完之後個嘴會黑晒😶唔緊要🤠好味到不得了就得啦🤫蜂蜜味BBQ燒豬仔骨 $140豬仔骨一排過🤓燒得好香😮配上甜蜜蜜的醬汁🤤跟豬仔骨好夾😏仲有輕盈黑醋汁沙律🥗粒粒栗米同番茄仔架🥸再加上香口炸薯條🍟成個set好豐富🥳升級優惠🤪單點食品+$28可享用是日餐湯+牛油法包+凍熱飲品（轉特飲A +$16）我地加左一個升級優惠試試🤩是日餐湯係忌廉湯😃湯夠熱同好creamy 😊配上香脆蒜蓉味法包🙂就咁食個包都好滋味😜🌹薔薇之戀 轉特飲A （+$16）玫瑰花茶柚子味😍媽咪鍾意的熱茶😚果然係開懷特飲😲橙色派對（凍）$28有我最愛最愛的芒果🥭配上橙汁🍊好開胃的特飲😎😝甜品🍮特別驚喜🤫為我地成餐飯畫上完美句

嚟MegaBox睇完戲梗係要搵下附近有咩好野食見到呢間以熊仔作主題嘅Cafe仲有玩具．圖書角 同 打卡位，每張枱面都擺放著熊仔小朋友有得食有得玩，好開心好適合一家大細嚟餐廳嘅面積都好大，坐位充足下午茶時段超抵食四十零蚊 仲跟埋飲品性價比極高✨烤雞肉羅宋湯螺絲粉香濃嘅羅宋湯，加入洋蔥．紅蘿蔔配螺絲粉一齊食，帶點微辣幾好味仲有嫩滑嘅雞肉✨漢堡炸雞包漢堡包夾著熱辣辣嘅炸雞香脆得嚟又好邪惡加埋爽口生菜 同新鮮蕃茄更滋味✨意大利墨汁魷魚意粉將墨魚汁加入意粉食到滿咀黑蚊蚊，記得要留倩影😆魷魚圈爽口彈牙食緊嘅時候仲可以欣賞住冰上曲棍球比賽，下次嚟行完街都可以上嚟食野

同小朋友係MEGABOX 玩完溜冰就黎左呢間熊小館親子餐廳，入面有個遊戲角係專俾小朋友玩既，餐廳每個角落都有小熊既身影，小朋友係遊戲角都係主要玩廚房玩具。食物方面，揀左兒童餐同假日午餐蜜糖菠蘿汁煎豬扒。兒童餐有肉醬意粉，芝士雞尾腸同粟米啫喱。食物都幾啱小朋友食，仲包埋杯雪糕，小朋友食得幾開心。至於份假日午餐就失色D，個沙律得一種菜同兩粒蕃茄，個菜好爽口但無沙侓汁，感覺好乾。個薯菜有翠玉瓜和紅蘿蔔同幾粒粟米，賣相一般，蜜糖菠蘿汁偏酸豬扒就正常。