熊小館

營業中

休息中

今日行megabox見到尼間啤啤熊為主題既餐廳，有好多好大隻既啤啤熊公仔擺設，可以影相打卡，每張枱都有1隻細啤啤熊，門口有啤啤熊精品可以買番屋企，有個小朋友玩既位置，有玩具&圖書我揀左二人套餐A，自選部分揀左法式香草牛油焗田螺，深海帶子拼醬燒汁牛柳，芝士焗蜜桃汁去骨雞腿飯，餐飲轉左做特飲黑熊，姐係可樂加朱古力雪糕職員首先上左歐陸式濃湯同埋牛油法包，個湯酸酸地都幾開胃，然後其他菜式都好快到，田螺幾好食，下面仲有薯蓉，牛柳揀左五成熟，餐廳都控制得幾好，食落好多肉汁好好味，仲有薯條粟米做配菜，雞腿飯有香濃芝士味，雞髀好滑好正

「 Bear Bear熊」主題親子餐廳今早同女女、老公去完溜冰，就去左「熊小館」，其實較早前七月都黎過，覺得幾好食，所以都揀返食呢間，而且貪佢坐得幾舒服，餐廳內有個細細area比小朋友玩，不過個area真係細左少少，我地叫左3個餐：芝士忌廉菠菜法魚柳焗飯，芝士焗蜜桃汁豬扒飯，黑松露蝦籽帶子黃金意大利飯，芝士忌廉菠菜法魚柳焗飯：角柳算幾多，不過焗得乾左少少，個菠菜汁都幾juicy，芝士焗蜜桃汁豬扒飯：蜜桃汁酸酸甜甜幾開胃，豬扒好淋，黑松露蝦籽帶子黃金意大利飯：個黑松露超級香，有少少粟米粒好甜，我係黑松露控，雖然野食唔算大碟，但因為個飯好多醬汁同芝士，所以都幾飽！

好多熊bear bear的親子餐廳, 仲有一個corner有好多熊公仔同玩具圖書, 小朋友一定可以玩得好開心!鐵板薄西冷雞排配著菜 (累椒汁) ($115) 跟餐包&湯&凍檸荼湯湯係好濃又幾足料的羅宋湯, 蒜蓉餐包好昏, 如果再大塊d就更開心啦!薄西冷宦都幾嫩口, 醃得好入味, 不過都咸左少少, 見議唔好落甘多汁.​雞排好大塊, 雞肉嫩滑. 著條新鮮炸出黎, 好香脆! 經典焗意大利波隆那肉醬意粉 ($69)啖啖肉醬, 仲有拉絲芝士, 味道岩岩好! 食鐵板薄西冷有d咸, 食個肉醬意粉中和下真係幾好!

係megabox都冇嘢係平 咁就揀咗間幾靚嘅 呢間環境幾靚有好多公仔🧸 不過food少貴 但又唔係話真係好好食 個人認為其實同薩莉亞差唔多 不過貴好多 咁就唔太抵食服務一般般啦 冇人服侍你除咗嗌嘢食但係真係唔抵呢個價錢囉 佢一個意粉都70幾蚊+ 扒就百幾 加個湯同包要$30 得少少仲有薯條啊又係直升機伏伏伏伏伏伏~一個炸薯條$40 認真就同M記差唔多 好食少少咁囉PS 叫扒會送湯都係幾好 雖然份量好少 150ml左右啦😥食定唔食 自己揀啦~

九龍灣Mega Box有間好出名嘅親子餐廳叫熊小館，我哋定期都會去吓。入面有超多吾同大小嘅Teddy Bear公仔裝飾亦都襯返熊仔主題， 而且仲有小朋友玩樂區，係非常體貼的親子餐廳。🥰今次Order左二人套餐A，包括歐陸式濃湯+牛油法包、法式香草牛油焗田螺、深海帶子拼醬燒汁牛柳、番茄奶油吞拿魚螺絲粉，飲品有草子莓莓及檸檬草氣泡茶。😍歐陸式濃湯有香濃忌廉味，有少量磨菇及粟米，牛油法包點湯食好creamy。😋法式香草牛油焗田螺鐵板上熱炙炙，薯蓉好香滑，田螺夠新鮮夠彈牙。😋深海帶子拼醬燒汁牛柳值得推薦，帶子好鮮甜，牛柳7成熟外表煎得香脆惹味，鎖住入面嘅肉汁，內裏粉紅色兼牛味濃，仲入口即融添。😋番茄奶油吞拿魚螺絲粉有好多吞拿魚，加埋鮮番茄蓉，原來個味道可以好夾，螺絲粉索晒d汁及精華。😋草子莓莓係橙汁加士多啤梨汁，感覺好fresh，而檸檬草氣泡茶係檸檬香茅加七喜好正好特別。😋

疫情左好耐，7月走咗去試唔同餐廳野食，呢間係其中一間。地理位置方面麻麻，一開頭都唔知原來有間咁既店係到，俾我感覺好似要走入第2間店之後先入到佢呢間。野食方面，我幾鍾意薯條，炸得幾香，吃過咁多間，呢間薯條係頭幾名，所以我諗佢間店其他炸物應該唔錯？不過太飽試唔到其他。鐵板牛都唔錯（配既好似係燒汁，如果有其他醬料選擇就更加好），個豬唔點醬已經好夠味，但口感係唔錯唔會乾硬，但我麻麻（唔難吃但都唔會好吸引），我諗成餐最唔鍾意應該係杯野飲，無記錯好似係薄荷＋橙？？成個feel係夾唔到，分開飲應該都無問題，但夾埋就好奇怪

九龍灣megabox其實都唔少野食，單單係11樓美食廣場，已經有幾間選擇，不過因為地點唔多就腳，所以較少行去個邊，今次先試試呢間好多熊仔既餐廳。餐廳好多地方都放左熊公仔同小朋友玩既地方，作為一間親子餐廳，佈置唔錯，感覺好似去咗人哋屋企。而我就鐘意坐外邊可以望到溜冰場嘅位置。2個人用300元可以食西式晚餐，其實都好平民，令我想起以前嘅美而廉。不過我無叫2人餐，因為散叫都唔係差好多，而且可以自楝乜都得，所以就散叫。先黎個忌廉湯，先讚下個湯溝得好，稀結度啱啱好，夠滑且味道不咸，配上微嘅蒜蓉牛油包，至少基本野做得唔錯。叫左個酥炸魷魚圏。呢類小食都係炸粉太多，中間主體就無乜味，變咗好似食炸粉為主。當然呢個亦唔例外，食完呢個已經飽左四分一。叫左鐵板什扒同鐵板牛肉眼，咁就可以試到佢豬、牛、雞扒。望下個件頭，應該夠飽。除咗講份量，最重要係味道，牛扒已知係肉眼，一定會夠冧，最怕有啲人手多多用梳打粉攪下佢，好在佢無咁做，又或者用好少食唔出。肉眼煮得適度，肉汁可以鎖住係裡面，淡淡鹽味唔會奪走肉眼嘅淡牛肉味。至於什扒就失色，雞扒豬扒食得出雪味，豬扒更死死實實，扣唔少分。餐飲例牌檸茶奶茶，始終係西餐廳唔係茶仔，

去咗MegaBox睇戲，睇完戲就去咗呢間餐廳食嘢。就好似餐廳名一樣，佢間餐廳係熊為主題，一入到餐廳，周圍都有同熊有關嘅擺設，好夢幻，好靚，而且餐廳好大，坐到邊個角落，都會見到熊仔嘅裝飾😍😍就算唔係特別鍾意熊啤啤嘅人，都會忍唔住喺間餐廳不停打卡。打完一輪卡，終於叫食物😂芝士忌廉汁海鮮焗飯（全日套餐)加咗$6升級套餐，有湯同蒜蓉包，好足料嘅湯，蒜蓉包好香好脆。個飯啲海鮮超多，有青口、蝦、魷魚、魚柳，淨係食晒啲海鮮已經覺得有啲飽😝😝，個都整得好好，超多芝士，好濃味，好好食鐵板一口牛（tea set)上碟時熱辣辣，啲牛好淋，去買啲黑椒汁，好食，好鍾意中間的薯蓉，好滑，個味調得好好間餐廳坐得好舒服，同朋友傾咗好耐，開心滿足🥰

雖然我唔係小朋友，但入到去都好愉快嘅餐廳去到九龍灣，如果唔想迫人的話，最好就去MegaBox，多選擇得來，亦都可以慢慢食。今次去咗熊小館，顧名思義係一間充滿了熊啤啤嘅小館，全間餐廳用親子餐廳的概念，每一個地方用小朋友嘅角度來進行擺設，所以每一個角落到時不同類型的熊啤啤，中間的位置還有一個煮飯仔區，周不時都有小朋友入去，一展廚藝。話返去嘢食嗰度，今日同老公叫咗個經典鐵板，佢嗌咗鐵板雜扒，包括左豬扒、雞扒、煙肉同埋雞蛋，我就叫咗個鐵板肉眼扒，送埋餐湯和飲品，我戒緊甜，所以飲水就可以，我老公就帶咗個白熊，即係七喜、雲呢拿雪糕，熊啤啤形狀的冰，甜品方面嗌咗個玫瑰法式燉蛋白。白熊飲品，應該係呢間餐廳獨有，紅啤啤的冰塊說在雲呢拿雪糕的隔壁，配上七喜，就好像望着北極的北極熊，而雲呢拿雪糕七喜的配搭亦10分和諧，好飲！鐵板方面，雜扒份量相當多，肉味都相當不錯，夠晒我食肉獸嘅老公；至於我品嚐嘅肉眼扒，肉質夠嫩，有牛味，亦Juicy，不錯不錯！在甜品方面，玫瑰法式燉蛋白亦出乎意料的清新，因為本人最怕死甜，上面的糖漿，剛剛帶出甜味但不會膩，而蛋白亦都很嫩滑，配上一塊塊的玫瑰花瓣，聞着香氣食着蛋白，真的很享受

九龍灣一向都幾多野食 各種形式嘅餐廳都有但就比較小家庭式親子餐廳餐廳入面有好多熊仔擺設 亦都有小朋友專區 又有卡位 小朋友放電一流我見到咁多小朋友個個都挽得咁開心 都覺得氣氛好愉悅✨芝士焗蛋桃汁豬八飯 $78-成個飯香香甜甜亦有好多汁醬同芝士cover住-最緊要係個飯有經過炒底處理-以一個焗飯嚟講 絕對係不錯嘅-豬扒有汁唔鞋1餐湯+餐包 +$6元✨燒汁香蒜煙肉焗去骨鷄腿配薯菜 $88-雞肉幾滑多汁 雞有啲部份都係焦脆嘅-薯條有調味 輕輕一炸 唔會乾亦都熱辣辣 脆口嘅✨是日沙律 跟餐-果菜都好新鮮 -醬汁有少少偏酸 好開胃

見過呢間嘢好耐一直都冇食過，今次去到megabox真係諗唔到食乜，見佢有午餐，有意粉有扒，於是去試吓。內有玩具區，適合小朋友係度慢慢玩，家長就慢慢坐，消磨下時間都好。午餐包蒜蓉包、湯蒜蓉包如圖所見，冇乜蒜蓉味南瓜湯，都係比較淡牛面肉意粉個意粉份量有啲少，唔太飽意粉彈牙有口感，肉還奶，有少少筋牛扒個賣相唔錯，食落都還好啦，都有啲牛味。太熟有啲硬餐飲 橙汁總結食物，似商場中的茶餐廳，好處是可以坐，少人食，好適合家長帶小朋友坐下玩下。

Megobox 人氣熊啤啤主題親子餐廳🤭估唔到$300就有2人餐同可以鋸扒喇！抵食🫢法式蛋黃醬焗鮮蘆筍🌱蘆筍好鮮甜同幼嫩，完全冇渣架！白酒忌廉煮藍青口青口有海水味，入量都唔少呢～鐵板肉眼扒成塊面咁大塊鐵板肉眼🥩7成熟，廚師👨‍🍳功力好好！鮮嫩粉紅色！估唔到親子餐廳都有呢個質素😙忌廉菠菜龍脷柳飯🐟超多忌廉芝士！加埋大大塊魚柳！一定夠曬飽！有熊啤啤🐻攬攬同睇住靚仔打冰上曲棍球🏒️環境都唔錯丫！

💕Café Med餐應以Teddy Bear做主題🧸一入門口已經有幾隻teddy bear迎接我地相信大人小朋友都鍾意 🥰隔咗一段時間無嚟 下午茶餐牌轉咗啲新菜式價錢依舊親民 味道上亦保持水準 甚至覺得比之前更好食😋再加上店員親切嘅服務 係值得encore嘅餐廳.🌈黑松露蟹籽帶子黃金意大利飯 $96帶子煎得金黃色配上蟹籽 賣相吸引意大利飯質感creamy 醬汁香而不膩忌廉汁奶香十足 仲食到淡淡黑松露嘅香氣 配以粟米粒食落更有口感.🌈漢堡炸雞包 $50漢堡包稍稍烘過 有牛油香炸雞脆卜卜而且充滿肉汁裡面嘅生菜蕃茄同沙律醬令感覺更清新👍🏽.🌈燉蛋燉蛋以蜜糖畫上笑臉🙂令人會心微笑整體味道不錯 甜度適中 散發陣陣蛋香食埋甜品呢個下午茶非常完美❤️

📍#熊小館 (#九龍灣)九龍灣宏照道38號企業廣場5期Megabox 11樓♡推薦程度: 🌕🌕🌕🌕🌑🔺🔺🔺🔺🔺🔺🔺🔺🔺🔺🔺🔺🔺對於九龍灣MegaBox既熊小館 內裏充滿小熊佈置 充滿童真餐廳內亦有小朋友遊戲area😋 有小廚房、圖書、車仔等等•••簡直係小朋友嘅天地🤣❣️#芝士醬油魚柳鮮蛋焗飯 💰 $52焗飯上面鋪住一層芝士 帶有少許微濃😋魚柳口感滑溜 下面亦有鮮蛋 ～平民價錢來講，質素唔錯飯嘅份量好多🤣 一個女仔食唔哂如果可以再多少少汁會更加好👍🏻❣#咸酥流心芝士吐司 💰 $46吐司外皮香脆 裏面鬆軟切開嘅時候有微微拉芝 係充滿鹹香嘅吐司 ～ 非常邪惡🔺🔺🔺🔺🔺🔺🔺🔺🔺🔺🔺🔺🔺

係Megabox搵食，係呢間餐廳門口見到大大隻熊公仔係度打招呼咁，即刻引左我地入去😂入到去原來四圍都係熊仔😍有俾小朋友玩既小天地，又有佈置得好有心思既房可以搞party，成間餐廳既氣氛好開心☺️🔸蘑菇紅酒汁牛柳伴法式田螺批🔸牛柳好厚身，叫左五成熟岩岩好，切開入面有肉汁滲出～正😋配菜都好豐富，滿滿既粟米仲好香牛油味✨法式田螺批上面鋪左薯蓉焗，入面田螺份量都幾多👍🔸燒美國小牛扒伴醋漬野菌🔸呢款我覺得仲好食～美國小牛扒肉質好軟嫩，比剛才既牛柳更有肉味🤤薯條調左味，熱辣辣就咁食都已經好好食～🔸黑熊🔸加$28轉左套餐，包餐湯同蒜蓉包，仲可以用優惠價$18叫呢杯黑熊～係黑牛既配搭～可樂+朱古力雪糕，最特別係有舊熊仔造型既冰，好可愛😍影相打卡一流！最後仲有好滑既牛奶布甸做甜品，成餐飯同熊仔邊食邊影相，有得玩有得食，好岩一家大細✨