熊小館

營業中

休息中

‘小型’親子餐廳🍴#影片係留言芯薏爸一放假諗帶佢地去邊到玩真係要諗好耐😂今日想hea一hea帶佢地出街食晚飯就算🤪哈哈竟然俾我搵到呢間又平又有野玩又有得食既餐廳☺️一入到去門口已經有好大隻既熊等緊佢地🙈呢到既服務員值得一讚好貼心👍🏻每張枱都會有隻熊仔我地一坐低見到我有2個小朋友即刻去拎多一隻熊仔俾佢地❤️佢2個當熊仔係BB咁又同佢講野又餵食飯🤣食完野之後唔會急住收你張枱既野俾壓力你🙈食完飯我就帶佢地去果間小型既煮飯仔屋雖然唔大但能夠有個位置俾小朋友玩下已經唔錯對得住個價錢🙈肉醬意粉都只係$6x😂

去開Mega Box 買家品過年 就去咗熊小館依間親子餐廳餐廳入面放滿咗大大細細既熊仔毛公仔做裝飾可能都係主打做親子餐廳 有個小小既角落放咗圖書同一啲煮飯仔玩具俾小朋友玩相信小朋友見到實好開心 餐廳仲有啲近溜冰場位置 可以一邊睇人溜冰一邊食嘢可惜當日係第N波疫情場內溜冰場都無得開 所以我哋就揀返有熊仔擺設既位置 餐點種類都幾多 有意粉、焗飯、扒類 仲有下午茶餐 小食類既選擇價錢都幾抵食 全日餐點都係幾十蚊當日我哋就點咗玉桂蘋果汁煎豬扒、漢堡炸雞包同焦糖西多士配雪糕玉桂蘋果汁煎豬扒 配薯菜 $70豬扒好腍身 好易切開 豬扒上面有蘋果蓉 帶少少酸味 中和返油膩感漢堡炸雞包 $50包面有大量芝麻 加埋牛油烘得好香脆炸雞粉衣唔太厚 入面仲保留到肉汁焦糖西多士配雪糕 $52西多士表面有砂糖再燒至焦脆咬落脆入面好軟 熱既西多士再點雪糕食 冰火感覺好正

疫情又再度回歸，適時放鬆真的很重要，趁仲有晚巿堂食來到九龍灣megabox熊小館吃番餐，店內環境寬敞，而且好多🐻熊仔公仔和佈置，打咭一流，望住熊仔進餐更有種愉悅的感覺，不論小朋友或者大人都會很開心。而且，服務員態度非常友善。食物方面亦有很多選擇，包括有二人套餐、另外甜品亦都巿多款供應，這晚點了一客意式焗醬茄子，價錢$48，熱辣辣茄子配上芝士和肉醬在內，味道很配合很不錯。法式蛋黃醬焗鮮露筍，價錢$48，露筍焗得很夠稔，配上蛋黃醬味道很夾且露筍是健康之選。白酒忌廉煮藍青口，價錢$68，這個很推介，青口配上香濃忌廉汁，清新可口，白酒味道稍為淡，青口一隻一隻停不了口。另外，點了板煎特級牛肩扒，價錢為$168，可加$28配上套餐(包括: 餐包和餐湯) ，板煎牛肩扒為大師手切牛扒，肉質鮮嫩軟硬適中，薯條亦香脆非常。

餐廳位置優越，鄰近戲院，最啱一家大細睇完戲喺嗰度用餐。餐廳佈置非常有心思，每張枱及整個環境都有熊仔公仔及裝飾，兼且有畀小朋友玩嘅 happy corner，小朋友玩得開心，家長食得放心。環境美輪美奐，整個佈置切合返熊仔主題餐廳，座位舒適。🌟　白酒忌廉煮藍青口 $68藍青口肉質飽滿，忌廉再加上白酒既酒香，未食已經聞到流哂心水。藍青口味道鮮甜，而醬汁較為杰身，令到醬汁更容易掛到青口上。 🌟　黑松露忌廉汁煙三文魚天使麵 $92濃郁嘅黑松露香氣配上奶香味十足嘅忌廉汁，香氣四溢。煙三文魚帶有咸香，中和番忌廉嗰種油膩感，而天使麵口感煙韌有嚼勁，唔會過硬過腍，整碟意粉水準唔錯。🌟　蜂蜜味BBQ燒豬仔骨 $140豬仔骨外層配上甜甜地嘅蜜糖味及香烤味BBQ醬燒至乾身焦香，香口之餘味道豐富有層次。豬仔骨肉質鬆軟骨肉輕易分離，但不食落不失口感依然保持咬口感，配埋薯條整碟菜式份量十足，好味飽肚兼且抵食。🌟　唐揚脆脆雞翼 $48脆脆雞翼雞翼果然夠哂香脆，即叫即炸熱辣辣送上，就咁食已經好味，點醬食又係另一番風味。🌟　心太軟 $42心太軟即叫即整所以需要時間等候，但出嚟嘅結果絕對值得。心太軟外皮厚度適中，外皮經過烤

熊小館西餐廳環境唔錯，適合傾下計既餐廳。野食份量都大，有好多熊仔有小朋友玩耍區，都有生日佈置。普羅旺斯海鮮湯 $42帶子菠菜忌廉湯 $32香草醬乾蕃茄野菌闊條麵 $32白酒忌廉煮藍青口 $68燒美國殼飼原切小牛扒 $168薔薇之戀 $28九龍灣宏照道38號企業廣場5期Megabox 11樓星期一至日11:30 - 22:00

今日去mega box食lunch，同事介紹可以去熊小館食西餐，又不用停太久是個好選擇👍🏻😚。望吓個餐牌又覺得啲食物幾抵食。最後揀咗個美國安格斯漢堡包伴炸薯條，另加餐湯餐包同餐茶。忌廉湯配餐包再加熱咖啡忌廉湯綿密濃郁，麵包亦充滿牛油香味熱咖啡 ☕️咖啡味尚算濃厚，味道不錯美國安格斯漢堡包伴炸薯條安格斯漢堡好Juicy, 配搭蔬菜蕃茄和醬汁麵包亦充滿牛油味，很喜歡❤️薯條🍟薯條夠熱夠脆份量適中配有番茄醬水準之作整體來說性價比好高加上唔使等位係返工食lunch嘅好選擇美國安格斯漢堡包伴炸薯條（午市）：$78餐湯加餐包： $12另加一服務費$99

聖誕節 主要都係 familytime ☺️近近地去咗 megabox 熊小館 親子餐廳😍真係超多熊啤啤，而且打卡位勁多.下午茶都幾多選擇，因為未食lunch 我好肚餓所以叫咗個焗飯🙈味道普通如果俾機會我再揀會選擇食多士or三文治類😌因為打卡會再靚啲😂💕老公就揀咗牛扒配飯，因為心心 小情人 係牛魔王牛味唔太濃，都有少少筋，普通～薯條好好食👍🏻幼條但重薯味，而且裡面啲薯仔好蓉好飽滿😋咖啡都唔錯👍🏻💕.除咗成個場好多可愛熊熊，仲有個小朋友玩樂區，裡面有「煮飯仔」、好多圖書&玩具車…可以俾小朋友入去玩下，大人就可以放鬆下嘆下咖啡☕️😌❤️一家大細去MegaBox搵餐廳，呢間都係個唔錯嘅選擇🥰

又到一年一度普天同慶嘅聖誕節，同小朋友每年都去一次嘅熊啤啤餐廳，有特色得來，味道又好食😋好適合一家大細過嚟嘅親子餐廳❤️不過大時大節就記住book位，因為都幾full🤭鐵板西泠牛扒🐮叫咗七成熟味道，西冷好有牛肉味😊同埋夠晒大塊，可以兩份食！意大利魷魚墨汁意粉🍝🦑墨魚汁黑媽媽，啱晒小朋友食完影返幅靚相好鬼馬👻白酒忌廉煮藍青口白汁青口夠入味，份量都算幾多！唐揚脆脆雞翼🐓雞翼有四隻，剛剛炸起滾熱辣，肉汁出晒黎夠juice😻Btw 女士見到啲熊仔都失曬控，大人變咗做小朋友🤣🤣瘋狂自拍

好耐無去mega box, 搵間靚靚地又有特色既餐廳食個Lunch熊小館既店面都幾吸引，入面好多公仔🧸，原來係親子友善餐廳，唔怪得見到好多家長同小朋友一齊食烤美國安格斯漢堡伴炸薯條 （午市特價$78）個餐牌寫住一試上癮，就試下係咪真係會上癮，都無失望，塊安格斯漢堡好厚，好Juicy，好彩無額外加配料，否則肯定食唔哂，個包都好正，塗滿牛油🧈烘埋，少少🤏脆，正香草🌿洋蔥🧅汁豬扒好大塊好厚既豬扒，用煎既煮法，肉仲好滑，一啲都唔鞋，食埋薯條真係好夠飽跟餐既羅宋湯同蒜蓉包都唔錯，包好脆，塗滿蒜蓉牛油🧈，非常香脆可口，湯內有好多菜，一啲都唔馬虎

-🔸唐揚脆脆雞翼 $48🔸鐵板牛柳拼吉列魚柳 $155🔸忌廉汁黑松露煙三文魚天使麵 $92🔸玫瑰法式燉蛋白 $25-收工慶起去行ikea，行完就去依間熊啤啤主題嘅西餐廳食晚飯，好啱一家大細同埋童心未泯嘅朋友去啊！我叫咗鐵板餐，牛柳非常軟稔，拼兩塊吉列魚柳，仲有煙肉蘆筍卷同薯條，都幾大份㗎！朋友叫咗忌廉汁天使麵，睇落賣相吸引，黑松露忌廉汁香氣濃郁，仲有豆苗、蘑菇、三色椒等配菜。另外叫咗炸雞翼小食，即叫即炸熱辣辣脆卜卜，沾埋沙律醬好正吖！最後再食埋甜品cream brulee，甜而不膩，好滿足！

以前尖沙咀有個地方叫「小熊國」一個以Teddy Bear🐻為主角嘅室內遊樂場記得細個屋企人帶我去小熊國食自助餐🍽留下深刻又美好嘅回憶🥰可惜小熊國已經係2005年結業🥲咁啱今次去呢間餐廳，就令我重拾呢段童年回憶.話明叫小熊館🐻，當然以熊為主題啦成間餐廳都充滿熊嘅佈置，打卡一流適逢12月，啲熊仔都有聖誕裝飾，好得意😍.一行二人，職員安排坐嗰張枱中間有隻大熊仔成餐飯就好似有隻熊仔陪我食飯咁好開心🥰叫咗二人餐，再加甜品.🍴歐陸式濃湯+牛油法包🥣🍴法式蛋黃醬焗鮮蘆筍第一次試蘆筍加蛋黃醬呢個組合，估唔到又幾夾蘆筍好爽脆，配埋帶點酸味嘅蛋黃醬，幾開胃🍴鐵板肉眼扒🥩上菜時塊鐵板燒到吱吱聲🤪啖啖肉，另外亦都有好多配菜食完都飽咗七成🤣🍴蕃茄奶油吞拿魚螺絲粉🍅醬汁夠濃稠，唔會水汪汪蕃茄嘅酸味令到成道菜唔會太漏🍴玫瑰法式燉蛋白食落有淡淡的玫瑰花香味🌹🍹黑熊可樂+朱古力雪糕，再配上可愛嘅熊仔士多啤梨冰，得意到唔捨得食佢🤣.餐廳亦有一個兒童專區，專俾小朋友入去玩當日我都見到有幾個小朋友玩得好開心😆如果有小朋友嘅，帶佢嚟呢度食飯會好開心，亦都比到一個美好嘅親子回憶☺️大人的話，呢度打卡一流，好多道具俾你慢慢影大人細路

很久未有到九龍灣 Megabox ，今晚來到就順便食埋晚飯，選擇了食西餐~熊小館。還有幾日就是聖誕節，餐廳充滿了聖誕節氣氛。樓下是溜冰場，見到正在進行曲棍球比賽，可以一邊食一邊觀看曲棍球比賽，非常寫意。見到二人套餐都幾抵食，所以要了個二人套餐加個甜品玫瑰法式燉蛋白。二人套餐A$ 298，有歐陸式濃湯兩客加牛油法包，及套餐內也有多款的選擇可揀。我要了法式香草牛油焗田螺、肉眼扒、芝士焗忌廉菠菜龍利柳飯。牛油法包焗得好香脆，在濃湯浸一浸，脆腍中帶香甜。法式香草牛油焗田螺，田螺的底下有很多薯蓉，軟綿很香薯味。田螺都頗大隻，頗鮮味。主角肉眼扒煎得啡金色，都算大件，要了七成熟，牛扒軟嫩不會鞋，點上燒汁很好味，加多一些黑椒粒就更惹味！ 配菜有粟米粒、薯條、車厘茄及洋蔥……粟米粒經烤過，特別香甜。薯條份量都較多，我特別喜愛食薯條。芝士焗忌廉菠菜龍利柳飯，見到面上的波菜碎與芝士差不多溶為一體，見到經已令人垂涎，用匙羹裝起還呈一絲絲的芝士拉絲，配著飯特別香。龍利柳有2大件，面上也是帶芝士的香，和著飯一齊食，頗美味的！玫瑰法式燉蛋白上枱也是頗吸引，焦啡的焦糖，焦脆香甜，配著軟滑的燉蛋白，入口很香甜及帶玫瑰香

熊小館👻Megabox啲野食款式夠哂多花多眼亂見到依間熊小館裝修得幾靚又吸引當然要試試佢啦😙.🔅凱撒沙律 HKD 64份量幾大既沙律面頭有啲芝士粉同煙肉碎啲麵包粒又夠脆菜都好新鮮☺️🔅法式香草牛油焗田螺 HKD 50鐵板薯蓉上面焗田螺薯蓉都幾滑田螺大大隻咁幾入味😙🔅鐵板雜扒 HKD 105豬扒雞扒配煙肉仲有隻煎蛋添份量都幾大佢啲粟米粒仲要好甜添幾唔錯既雜扒☺️🔅黑松露蟹籽帶子黃金意大利飯 HKD 92意大利飯整得幾好有啲黑松露係個面到帶子輕輕煎到金黃色隻汁配個飯幾好食🤩🔅草子莓莓 HKD 16🔅橙色派對 HKD 16整得好靚既野飲一杯係士多啤梨橙汁一杯係芒果橙汁隻色漸變得好靚🥰.整體黎講：平民價錢 款式夠多😚.🎈 熊小館 (九龍灣)九龍灣宏照道38號企業廣場5期Megabox 11樓

又去左megabox 行街買d 日用品，今次同朋友去左11樓既熊小館搵食，入到黎好似係一個熊仔世界咁，佢佈置上面有好多小熊公仔🐻🐻，而且仲有一個角落係比小朋友玩玩具嘅同埋同熊仔影相添😆😆 凱撒沙律 ($68)🥗🥗朋友近排鍾意健康人生，所以除咗套餐之外，我哋仲叫咗一個前菜沙律，凱撒沙律份量幾大，都撈得幾均勻，係幾好食嘅 二人套餐B ($278)蜂蜜BBQ燒豬仔骨🐷🐷豬仔骨超級大份，有成十幾條骨，配合返薯條都幾好味，夠腍夠入味甜甜地幾啱小朋友食 蕃茄奶油吞拿魚螺絲粉🍝🍝呢個蕃茄吞拿魚意粉酸酸甜甜咁其實幾開胃，好耐冇食螺絲粉佢都整得唔錯，啲汁啱啱好可以掛喺啲粉中間好方便食 餐湯羅宋湯蒜蓉包🍲🍲🍞🍞跟餐有羅宋湯餐湯，個湯好足料，除咗啲蔬菜類，仲見到有少少肉喺入邊添，蒜蓉包都有烘蛋過，幾有誠意 薔薇之戀 (+$16)🍹🍹熱情玫瑰 (+$16)🍸🍸跟餐飲品我哋轉左做特飲，兩杯都係玫瑰花茶底，配柚子同埋熱情果，可能因為茶底嘅關係唔會太甜，只有少少柚子嘅甜味，同熱情果個微酸甜，飲落幾好飲 是日甜品今餐仲有兩個甜品，即係一個雪糕球，我哋就揀咗雲呢拿同朱古力味，味道正常，食完都幾滿足☺️☺️ 📍 熊小館 (九

以為派對餐廳或是小孩主題的餐廳多數食品質素都非常求其普通？原來都不一定，這間餐廳除了單點之外，還有很多套餐。雖然餐廳裏邊的報紙有很多熊啤啤，不過其實玩耍的地方就只有一小個位置，裏面有大量圖書、一張桌子上面放了很多車車同其他切的玩具，另外就只有一張玩煮飯仔的玩具，基本上有三四個小孩內進之後已經擠滿了。薯條，雖然叫了走鹽但還是有鹽用來調味，不過大人吃來卻覺得非常可口，可以被香脆，調味剛好，不會過鹹。另外的牛柳也質素相當好，雖然有人可能會話小朋友吃的話就應該要熟啲，不過你問得我，如果我要五成我是七成，最好就當然照做啦。結果，牛扒內裏仍然懲粉紅，本所的粉嫩狀態，吃龍味道夠香濃，仍然保留肉汁，肉質鮮嫩，美味可口。雖然已經時介晚上八至九時，但到此類型想食西餐廳，我還是想試一試他的咖啡。結果味道亦都覺得香濃。