熊小館

營業中

休息中

今日黎mega box行街，行行下見到呢間cafe med熊小館，見到好似幾得意咁就入去食個下午茶🤩食物選擇好多，而且價錢唔貴，又啱曬打卡😜🤪🔻烤美國安格斯漢堡伴炸薯條 $78點左個漢堡🍔炸薯條🍟，加$5可以附加配料煙肉/車打芝士/煎蛋😋所以我就揀左🧀，另外+$6 仲有西湯同蒜蓉包！跟餐仲有咖啡/茶，好多野食😂🔻講番個🍔，塊angus beef真係好厚，上面層芝士仲溶緊😂下面有生菜蕃茄咁，最底層麵包切果時係脆嘅🤩側邊啲薯條都好脆！🔻張櫈隔離坐左隻超大啤啤熊🐻it’s so cute！☺️可以坐係佢隔離影相📸️其實間餐廳都有好多打卡位可以影相，幾得意😜

呢間餐廳裝修好肯花心思，周圍都有好多小熊🐻，好似個城堡🏰咁，又有一個area比小朋友玩遊戲。.二人套餐👭 $298.✨法式香草牛油焗田螺🧈🐚用薯蓉鋪底，鐵板上，熱辣辣.✨鐵板肉眼扒🥩叫咗5成熟，煮得啱啱好，冧滑又無筋，呢個價錢有喼個質素幾抵。薯條🍟炸得香脆，仲有牛油粟米🌽伴碟.✨番茄奶油吞拿魚螺絲粉🍅🐟估唔到吞拿魚份量都唔少，螺絲粉又唔會煮得太淋.心太軟🍫 $42雖然好飽，但都要食甜品😍一篤入去，即刻流心🤤

上網睇見呢間以小熊做主題既餐廳幾得意，今晚就黎試試。一去到門口已經有小熊公仔🤩，行入餐廳既左面就見到一個all about bear既地方，可以俾小朋友係度玩下玩具，睇下圖書，同好多唔同顏色既小熊公仔影相。直行的話就會見到有個私人既小熊角落，可供18人以下既聚會/生日會。而餐廳既每一枱都安排左一隻小熊公仔，十分可愛，坐係度已經有個打卡位😂今次我地叫左個二人套餐A🌟餐湯配法包🌟今晚我地飲既係羅宋湯。十分足料!!!!!!! 一匙都係湯料。而法包亦好香脆，陣陣牛油香味。🌟香草牛油焗田螺🌟好香牛油味! 加上用鐵板上，保持食物溫度之餘仲keep到個香氣! 田螺大約有5件，配薯蓉吃，很不錯!! 😋🌟鐵板肉眼扒🌟熱辣辣鐵板，嘩啦嘩啦咁上枱! 無可能唔係相機食先影呃like相😂 肉眼扒十分厚身，兩個人一定夠吃!! 餐廳提供黑椒或洋蔥汁，但我覺得不用配汁，直接吃更吃到肉眼扒的味道😋! (我地叫七成熟)🌟芝士焗忌廉菠菜龍利柳飯🌟賣相好吸引，全部都係芝士🤤 而龍利柳亦好大條，兩個人都吃到好飽肚!!🌟飲品方面🌟我地叫左一杯橙汁同一杯橙色派對。橙汁就係一杯沒有果蓉的橙汁，易入口! 而橙色派對就你芒果橙汁，幾有鮮

工作後經過這家餐廳，俾門外熊公仔吸引，決定吃完晚餐再回家玫瑰法式燉蛋白生活都離不開甜品，玫瑰花瓣清香，焦糖脆面配上幼滑蛋白，清甜鐵板肉眼扒肉眼扒厚身，肉質嫩滑，肉味濃，熟度剛好，配上香甜粟米、香脆薯條、惹味煙肉，好豐富餐湯還配有忌廉粟米湯和蒜茸包經典焗意大利波隆那肉醬意粉肉醬肉粒分明，蕃茄味濃，半溶芝士令味道更鹹香，意粉彈牙，好飽肚自家製心太軟流心朱古力漿朱古力味濃郁，配甜忌廉食，香甜又邪惡黑熊吸睛指數非常高，西瓜味冰熊非常可愛，加上可樂配朱古力雪糕，解渴薔薇之戀玫瑰花茶柚子，清新玫瑰味，配上淡淡柚子香。店內有小朋友遊戲區，還有多款熊公仔伴食，下次再嚟～

餐廳裏面有熊仔得意裝飾，好啱一家大細。坐得舒服，食物又唔錯的午餐之選。叫咗套餐 （包餐湯或沙律+ 主菜+飲品）餐湯熱辣辣，最啱冬天飲。忌廉粟米湯配蒜蓉包😋洋蔥豬扒薯菜 豬扒軟硬適中，美味可口。薯菜更加唔使講，好脆好香口。鍾意香口嘅朋友就一定跟住菜啦！

Megabox一直都係好適合一家大細黎玩既地方 兒童個層都好多野睇/玩 玩完值得上黎11樓熊熊打卡餐廳食野🐻❤️ 大人可以放低小朋友係個bear zone度玩 又可以同熊啤啤打卡😛🍔 美國安格斯漢堡伴炸薯條 🍟🍔 漢堡包既外皮連底下個層包皮都有芝麻烤香左 同埋好體貼既位係將酸瓜放上頂頂 未必個個都會食 但唔落又解唔到手打牛肉既豐滿🥩 精髓係塊安格斯手打牛肉 超豐滿超足料 好香牛肉味 食左半塊都已經覺得好飽🍟 薯條炸得好乾爽脆身 在撒咗啲孜然粉 邪惡但我鍾意另外加左個餐湯同餐包🍲羅宋湯加🍞蒜香法包湯多菜 包多脆 🤭環境寬敞舒服 熊熊打卡夠哂可愛 仲可以望人溜冰推薦程度🌕🌕🌕🌕🌗

同事話上個月試過一間親子主題餐廳好唔錯，今晚就帶咁我嚟試下，雖然今次隨行就係小朋友，但大朋友嚟度都會即刻心心眼，餐廳佈置果然符合餐廳名字，不難發現餐廳周圍都有唔少小熊🐻毛公仔，大大小小好似俾佢地包圍住咁❤️❤️親子餐廳另一特點就係有小朋友玩樂天地，週末帶小朋友嚟放電再嘆番個下午茶都唔錯兩個懶人見到有2人套餐就梗係唔放過啦🤣2人套餐有兩款，分別在於想食前菜同甜品🍮我地就揀咁$298嘅小食套餐再另外加點甜品😆$298 二人餐包咗餐湯、前菜、主食、焗飯/意粉同餐飲，性價超高👍🏻前菜 - 法式香草牛油焗田螺以熱煎pan上菜仲可以保持食物嘅溫度，田螺好軟熟鋪係軟綿綿嘅牛油薯蓉上面，好滋味😋主食 - 鐵板肉眼扒3選1下我地揀咗熱焫焫嘅鐵板餐，除咗手掌咗大塊嘅肉眼扒外，仲有唔少配菜，粗薯條、粟米粒🌽等等，肉眼扒7成熟、熟度剛好，外皮煎得少少焦糖化但切開仲有肉汁，厚身牛扒肉味濃厚👍🏻焗飯 - 芝士焗蜜桃汁去骨雞腿飯焗飯水準不過不失但勝在係炒飯底，雞髀已經去骨啖啖肉餐飲可以加錢轉特飲，小妹就加咗$8 要橙汁熊熊🐻，真係有隻熊仔係到「浸浴」，打卡一流甜品🍮女孩們又點少得個甜品呢，心大心細下揀咗玫瑰法式燉蛋白，

前幾日，男朋友話想睇戲兼行宜家傢俬，所以去左megabox到，行完宜家，但未夠鐘睇戲，就係返睇戲個層搵難食，見到呢間有好多熊仔，用熊仔做主題的餐廳，每張餐枱都會安排一隻熊仔陪食，而我哋更加好彩，安排左係一座城堡旁，仲有大bear bear陪住我地一齊食。我哋叫左個2人餐，諗緊揀甜品定前菜餐，最後揀左前菜餐，前菜揀左法式蛋黃醬焗蘆筍，主食就係美國牛肩扒5成熟，熱盤就揀左芝士焗忌廉波菜龍脷柳飯，是日例湯就係羅宋湯。羅宋湯作為餐湯其實都好適合，因為酸酸地，令人更開胃。焗蘆筍新鮮出爐熱辣辣，加上配蛋黃醬好特別，有少少焗過的煮水蛋feel，而且蘆筍焗過都無乾水，依然好有好份，又可以食多啲菜蔬，所以都會係一個幾好的選擇。牛肩扒煎得靚靚切開幾條，方便我地一切就分到幾粒，熟成度都啱啱好，牛味亦好濃，雖然有醬汁提供，但我覺得原汁原味一樣好食，薯條配菜都豐富，薯條可以媲美波浪薯條，外面脆卜卜。芝士焗忌廉波菜龍脷柳飯，但忌廉汁真係好正，再夾埋龍脷柳用來mixed飯啱啱好。餐廳又近戲院又方便，唔怕miss場，加上可以睇到人溜冰，而我哋個日仲見到人玩ice Hockey，都好正，仲要咁啱同Bear bear撞衫

九龍灣megabox 既11樓，閒日晚上人流唔多，被安排坐在一隻大熊仔旁邊。呢間餐廳係以熊仔做主題，所以有好多熊仔佈置，好可愛好warm餐廳座位好闊落好舒服，環境唔錯。仲有一個可以包場的Area 真係岩哂一班fd 帶埋小朋友來傾計食野。下次試下book呢個場先。忌廉湯+蒜蓉包：忌廉湯唔會太稀 夠熱，味道都ok。蒜蓉包都焗得好脆，口感唔錯。意式焗肉醬茄子：茄子上鋪滿芝士和肉醬，好惹味，唔錯的小食。黑松露蟹子帶子黃金意大利飯：佢嘅飯就比較硬身，有咬口，有幾隻帶子同唔少的黑松露蟹子。蘑菇紅酒汁牛柳伴法式田螺：叫咗七成熟，煮得啱啱好，牛扒有肉味，煮得比好多西餐都出色。佢嘅法式田螺撈埋啲薯蓉一齊食，非常惹味。非常推薦呢一味菜啊。法式燉蛋白：見到好似好多人叫 所以就試下。有驚喜wo 燉蛋白好滑 味道唔會太甜，作為呢餐飯完美的句號。

熊小館 (九龍灣)📍九龍灣宏照道38號企業廣場5期Megabox 11樓行過MegaBox見到有間好可愛嘅餐廳入面全部都係熊啤啤毛公仔 🐻 於是拉埋朋友一齊入去試吓原來呢度好受家庭客歡迎 帶埋小朋友一齊嚟食飯👨‍👩‍👧仲有小朋友專屬嘅Play Area又有Private Room可以開party點左個二人套餐A $298南瓜忌廉湯 牛油法包🥣熱辣辣 落咗好多忌廉 所以好滑口南瓜味突出 法包焗起超脆法式香草牛油焗田螺用鐵板上幾有誠意 田螺彈牙下面嘅薯蓉好有牛油香味 勁邪惡🙊美國安格斯牛肩扒🐮份量唔少 牛扒有油香 質素唔錯好彩都好有誠意 有蘆筍 粟米粒 炸薯條芝士焗蜜桃汁去骨雞腿飯🐥個飯底十分乾身 啱啱焗起滿佈芝士加入左甜甜酸酸嘅蜜桃汁 令人食慾大增最好嘅係用咗佢骨雞腿肉 好嫩滑😗餐飲 凍檸茶🥤玫瑰法式燉蛋白$25🌹最後另外加咗個甜品做結尾燉蛋白幾特別 做得好滑身面頭仲有焦糖 乾玫瑰花瓣 好靚😝

去演唱會之前要搵地方食嘢就去左Megabox，之前想試依間「熊小館」就去左。6:00幾去到既關係所以無咩人，但坐左一陣大約7點已經坐滿曬人，仲有好多係一家大細，相信小朋友會勁中意依間餐廳，因為有好多熊仔佈置。兩個人叫左個$298既二人套餐，有餐湯、牛油法包、兩個主食、仲有咖啡/茶。唔好睇個menu設計好簡單咁，但野食質素係唔錯。餐湯係忌廉湯，味道夠濃，一啲都唔希，牛油法包都夠脆👍🏻前菜-「法式香草牛油焗田螺」：😉😉😉😉😉焗田螺用鐵板上，放左一陣都仲熱辣辣，薯蓉夠creamy，田螺都唔會淡茂茂，好食👍🏻主食1-「深海帶子拼醬燒汁牛柳」：😉😉😉😉😉2個主食都好快就黎到，牛柳都唔細，我地叫左7成熟，牛柳煎得岩岩好，唔會韌，配埋醬燒汁好好味，但帶子可以大粒啲😛主食2-「芝士焗忌廉菠菜龍利柳飯」：😉😉😉😉😉個飯一睇落見到啲汁就好吸引，芝士唔會焗到太燶，個飯既份量都幾多下，兩個人都食唔曬。雖然係忌廉芝士，但食落唔會太滯。個人評分（滿分為5）味道：😉😉😉😉😉環境：😉😉😉😉😉員工友善度：😉😉😉😉CP值：😉😉😉😉😉

最近浦點係MegaBox😆睇戲平又冇乜人🤣👍🏻見呢間餐廳有得鋸扒，就試試佢😆我哋一人叫咗一個Set，份量都幾大碟🤩，西冷牛同埋薄牛扒拼豬扒😍😍西冷牛扒叫咗5成熟🤩，都剛剛好👍🏻幾好食🤤🤤另外雙拼嘅扒，都好大塊呀！豬扒好入味，又唔嚡🤤雖然雙拼佢寫係薄西冷，但係又一啲都唔薄😆👍🏻好食✌🏻🥳餐跟嘅忌廉湯亦不過不失，夠熱👍🏻味道都ok。另外薯條王嘅我，鐵板有薯菜都唔夠，要再叫多兜嚟食😂😂😂個檸檬沙律醬同薯條又幾夾👍🏻😂👍🏻😂好食

雖然好多熊仔，但大部分裝飾佈滿灰塵，睇來好少清潔。雖然號稱系親子餐廳，但大部分系卡位，唔可以用BB凳。lunch set睇價錢已經估到應該系茶餐廳水準，但估唔到難食過茶餐廳好多。叫左四個餐。1. 鷄脾完全冇味，D肉都冇彈性，好似剛剛雪藏拎出來，宜家要系街上食到咁難食的鷄脾都有D難度。2. 西冷牛扒好薄身，好多筋，咬唔斷，汁好咸。3. 漢堡餐，中間的漢堡好乾身，基本冇食幾口已經食唔落。4. 兒童餐，唯一好食的意粉。見到咁多好評真系好驚訝。。。咁講啦，我覺得大家樂/大快活D下午茶餐都好食過呢度。

咁岩行過MegaBox，梗係入去睇吓有咩好嘢食啦，經過紅小館一直都好想入去試吓，門面已經有一隻好大嘅啤啤熊，見過環境咁好二話不說就入咗去試啦。咁佢散叫Menu亦都有啲套餐Menu。咁我同女朋友梗係揀咗個二人晚餐。咁佢有前菜啦有兩個主菜，重有兩杯餐飲。前菜嘅味道唔錯，蘆筍好新鮮唔會煮到好老。主菜揀左牛肩扒同同菠菜龍里柳牛肩扒真係五成熟好鮮嫩，但係菠菜龍里柳飯就太乾同埋味道一般。Overall來講個環境幾好嘅味道就唔算話太有驚喜，好適合情侶拍拖或者一家大細嚟。

平時行開Megabox都見到呢間嘢平時都好好奇究竟熊小館係食乜嘅今日一於去試吓 餐廳位置都幾人係戲院果層行都最入面仲有得坐近窗邊 望到樓下溜冰場.見到有2人餐 感覺都幾掋食見到有2款選擇 基本上主食都差唔多係一款多左個前菜$298另一款就有甜品 $278見到「今日精選甜品」寫得咁空泛？梗係要問吓店員啦！點知佢答我係雪糕～yeah唔使諗！梗係揀$298啦 入去坐定定叫嘢食.餐湯：羅宋湯 配 牛油法包羅宋湯冇乜特別牛油法包加咗蒜蓉 但唔熱但係食落去好淋 好難咬似係整好咗好耐 同放咗喺度好耐我要用啲湯浸淋佢先食.法式蛋黃醬焗鮮蘆筍成個餸都冇乜味道法式蛋黃醬偏淡鮮蘆筍都算可以嘅.美國安格斯牛肩扒叫咗5成熟 切嘅時候會有血汁但係感覺唔會生 幾好食咗佢都唔會好靭 不錯的.芝士焗忌廉菠菜龍利柳飯得少少芝士可以俾多啲因為芝士都係純白色嘅本身以為冇芝士菠菜就係碎左嘅 個人認為冇乜咬口唔係碎上會好啲飯底係炒飯底都有蛋碎嘅 龍利柳就好多舊 大大舊.飲品叫咗鮮橙汁 同埋熱檸水本身問店員鮮橙汁使唔使加錢佢話唔使但係俾錢嘅時候佢加咗我$3.順帶一題入到去坐低嘅時候見到啲梳化已經爛曬會刮pat pat而且不停聞到一