熊小館

營業中

休息中

地方寛敞，坐得都舒服嘅 食物方面價錢合理，味道可以的。主要是環境很適合小朋友，四週有不少bear bear 熊佈置。大人細佬都中意。小小play corner zone 都好啱小朋友玩。

同熊熊共晉晚餐🧸1. 鐵板肉眼 $155個黑椒汁好香 仲可以叫多汁 個扒都幾腍 叫左五成熟 食落都幾嫩 肉味都出 又幾大塊 仲有薯菜配菜 唔錯2. 鐵板牛柳+吉列魚柳 $155牛柳比肉眼冇咁腍 口感實在少少 但都易咬開 魚柳都厚肉 味道正常3. 玫瑰法式燉蛋白 $25呢個價錢好抵食 焦糖幾脆 冰火交融4. 法式香草牛油焗田螺 $50牛油味好香 個薯蓉都幾creamy Overall推介指數：4/5呢到好啱一家大細黎 好多熊熊陪你一齊坐 位置又夠大 有啲位仲可以睇樓下溜冰 幾搞笑

第一次嚟食飯，其實係等睇戲費事行咁遠，求其搵間搞掂。離遠見到好多熊仔，咪入去試吓囉！點知，食咗$150 ，但係連$100都唔係好想比。揀咗坐喺溜冰場隔離，點知張枱對正冷氣機漏水位，隔15分鐘滴好大滴大約五點幾左右入座，啱啱好喺正下午茶同晚餐時間，睇完個下午茶Menu已經完全唔想食，咁睇埋個晚餐Menu啦，都唔係好想（BTW啲Menu有少少污糟同殘）。最尾揀咗雞胸肉意大利飯，個檸檬草蜜糖茶超細杯（仲以為自己飲expresso），個湯好似開粉咁有一粒粒粉，個法包唔脆，個意大利飯等咗超耐，追單先送上嚟，隻碟仲要污糟嘅。個飯好硬，唯一想讃嘅係個雞胸肉，都幾Juicy，塊火腿切得夠薄，所以煎完都唔硬。

今日下晝同同事講起d激心野，朋友就話帶我去一個會開心既地方。約我喺MegaBox等…神神祕祕咁樣…..估唔到佢揀左熊小館😂😂😂入到去四圍都係唔同款式大大小小既熊仔，真係好得意🥰🥰入面仲有好多小朋友，聽到佢地既笑聲又真係幾relax，一個感覺好開心愉快既地方🥳好適合一家大細或者想黎打卡既朋友👍🏻👍🏻🎈二人套餐A $298⭐歐陸式濃湯兩客+牛油法包⭐法式香草牛油焗田螺⭐美國安格斯牛肩扒⭐卡邦尼煙肉扁意粉⭐黑熊(可樂、朱古力雪糕、冰熊）+$18⭐橙汁熊熊(鮮橙汁、冰熊）+$8佢地既套餐真係好多野食同埋好抵👍🏻前菜主菜都有得揀，佢地個卡邦尼煙肉扁意粉真係做得好好，creamy又夠味👍🏻👍🏻而飲品當然要揀熊熊特飲打卡啦🐻🐻🎈玫瑰法式燉蛋白$25

同小朋友睇戲，事前隨便係openrice一search, 第一間就是這家餐廳。反正未吃過，發現價錢唔貴，278至298便有頗豐富的2人餐，兩者分別是一個跟小吃及一個跟甜品，有小朋友當然揀跟甜品好了。餐湯係粟米忌謙湯，好滑好味，蒜蓉牛油多士同咖啡唔錯。燒豬仔骨有驚喜，沒想到套餐下，會這麼整條大大份上，足有12條骨，肉嫰味美，要是在別家餐廳，單單這份豬仔骨便要過$200。但蜜桃雞扒焗飯及另加的墨魚汁意粉套餐，味道則一般般，沒拍照了。其間發生小插曲，就是打瀉咗小朋友只飲了兩啖嗰杯飲品，但餐廳大，坐無虛蓆，望極唔見侍出來，明顯人手不足，慶幸身上紙巾加上枱上餐具氹內的紙巾足夠抹乾番張枱最後，埋單連加一，$447，價位合理，但作為親子餐廳，打瀉飲品總常發生，就算人手不足，都叫有5，6個係喥，總唔能突然真空晒，應該點都要1人留守堂前，所以，服務則極有待改善。

熊小館小熊親子餐廳 大人小朋友都鍾意小熊餐廳擺滿熊仔，地方夠大坐得舒服，每張枱都好貼心放咗隻熊仔㗎，大人小朋友都會鍾意❤️鐵板牛柳+吉列魚柳一上枱已經心心眼! 咁豐富㗎咩! 牛柳點咗7成熟，肉質嫩滑肉味香濃，餐廳將醬汁另上，可以食到牛肉原味，呢點我buy! 魚柳份量都唔少，有2大塊，CP值超高，有驚喜!香草醬乾蕃茄野菌闊條麵平時食意粉多數係忌廉汁/蕃茄汁，見呢度有特別的香草醬當然要試試! 香草醬充滿羅勒葉的香氣，感覺又幾清新! 配以juicy嘅蕃茄仔同野菌，食完都唔會有罪惡感法式蛋黃醬烔鮮露筍食西餐都好經常見到露筍，不過好多時佢都係配角，難得見到有一份小食係以佢做主角，滿足晒平時想食露筍嘅願望，正! 餐廳好貼心，有個小角落俾小朋友睇吓書玩吓玩具，店員亦充滿愛心，係一間好有人情味嘅餐廳，下次帶埋小朋友嚟試吓佢地嘅兒童餐!熊小館九龍灣九龍灣宏照道38號企業廣場5期Megabox 11樓

::熊小館 ::小熊主題夠晒童真，店內到處都有小熊的影子，而且店面空間感十足，望住溜冰場，可以放鬆心情好好享受晚餐#特濃芝士鐵板雞扒以鐵板上菜保持溫度，相機食先的朋友依然享受到熱辣辣的雞扒，配菜豐富，望到咁靚的display已經胃口大增，拉絲的芝士邪惡度爆燈，加上嫩滑的雞扒，食完好有滿足感呢#黑松露蟹籽帶子黃金意大利飯金黃的帶子鮮甜有口感，香濃的醬汁包裹住每一粒飯，啖啖都食到誘人的芝士味，隱約滲出一點點黑松露的香氣，層次豐富，食得出係用心之作!#唐揚脆脆雞翼雞翼size夠大隻，食落好滿足，伴以沙律醬，越食越想食!#玫瑰法式燉蛋白餐牌話”完美的句號”，個人非常認同，所以一定要食個甜品呢! 賣相精美的法式燉蛋白口感香滑，甜度適中，大人小朋友都會鍾意!#木糠布甸忌廉香滑口感細膩，配上一層層的”木糠”，食完之後令我重拾對木糠布甸的熱愛呢特別一讚呢度嘅服務，店員感覺親切，會主動關注客人需要，令整個用餐體驗加分不少！

🛋最近去九龍灣MegaBox睇傢俬，行到餓就喺附近覓食。見到間充滿少女心嘅餐廳，好多小熊大熊擺設，就諗住入去打下卡～點知食物質素都幾好！🥪鹹酥流心芝士吐司（$44）：吐司表層先灑上芝士再拎去烤焗，烘出奶酥嘅效果，烘熱嘅吐司更顯香脆。將吐司切開，就會見到溢瀉嘅芝士夾心。夾心滿載嘅程度係每一啖都會食到芝士。芝士本身帶鹹香，食落更加滋味。唔好睇佢好似細細份，食晒成份都好飽肚，好滿足～🍲烤雞肉羅宋湯螺絲粉（$44）：最令小編驚喜嘅係個羅宋湯底，放到上桌上依然好熱好香濃（最鍾意飲熱湯，暖湯硬係覺得怪怪地）有大量嘅蔬菜以及牛肉塊。螺絲粉嘅軟硬恰到好處，不存在放置咗好耐淋曬嘅情況。以輕量下午茶餐來講，過到口癮但又會太飽。☺️整體而言：食品質素不俗，係一個幾好俾小朋友放電嘅地方。樓下就係溜冰場，喺態小館食住等望住小朋友溜冰都係一個唔錯嘅選擇～（個芝士吐司真係幾正）熊小館 (九龍灣)地址：九龍灣宏照道38號企業廣場5期Megabox 11樓電話：34212213營業時間：11:30-22:00熊小館 (將軍澳)地址：將軍澳新都城中心二期2樓2086-2087號舖電話：29920772營業時間：11:30-

就算大個左都會有想回歸童心既時候。最近就去左Mega Box 11樓既【熊小館】，主打啤啤熊既西式親子餐廳。地方好大，而且有好多啤啤熊裝飾同俾小朋友玩既corner。今次我地就叫左一個二人套餐同甜品。 二人套餐： 餐湯配蒜蓉包：菠菜忌廉湯都好濃好多，味道都中規中矩。蒜蓉包蒜蓉味好香。 蛋黃醬焗蘆筍：蛋黃醬配蘆筍都幾特別，但略嫌蘆筍調味偏淡，草青味會比較重。 美國安格斯牛肩扒：分量都算多，配燒肉汁好夠味。配菜薯條同蔬菜都好新鮮！ 卡邦尼煙肉扁意粉：令人喜出望外，味道好濃既卡邦尼。而且餡都好多，調味又岩岩好！推薦！ 橙汁熊熊（+$8）：橙汁加草莓熊熊冰，味道係普通橙汁，但超級cute 薔薇之戀（+$16）：玫瑰花柚子蜜，圖片有漸層，但實際上係無。味道偏濃，可能凍會好D 生日版心太軟：因爲就快到我生日，就叫左一個生日版。心太軟超級熱同流心。味道又唔會太甜。推薦！

Mega box係小朋友天地就不嬲都知, 但係真係唔知樓上有間咁得意嘅cafe, 由裡到外都有大大細細嘅熊仔包圍住. 唔好話小朋友, 連我呢個嬸嬸都心心眼 💓 仲有埋慶祝生日嘅party room. 入到去經理仲抱咗個大啤啤熊畀我, 覺得開心~打開menu就好懶咁嗌咗個二人餐🤣 $298🦪法式香草牛油焗田螺前菜嘅份量啱啱好, 本身中意牛油薯蓉, 滿足.🥩美國安格斯牛肩扒嗌咗medium rare, 嗰嗰好冇血水但係好嫩, 長條形狀又好切, 真係為小朋友而設, 仲有埋椒同筍㖭😚🍗芝士焗蜜桃汁去去骨雞腿飯飯底係加蛋嘅飯, 飯嘅份量唔多但係對我嚟講啱啱好, 唔使吐骨又多肉呢件事好正. 仲有桃肉食~🥤薔薇之戀花香味好重, 本來以為小朋友主題餐廳嘅飲品會好甜, 但好surprised地又唔會喎, 讚.🍹橙色派對芒果橙汁, 實冇死~但係唔知點解畀咗兩支飲筒我.

今日去到Megabox11樓既親子餐廳食飯，餐廳安排左有隻大熊公仔坐喺隔離，好得意！成間餐廳都有好多熊仔擺設，陪住你食野，地方大，坐得舒服，仲有小朋友至愛既玩具Corner，好適合一家大細黎食飯，出面嗰啲親子餐廳需另收費，但呢度就冇，餐廳對出係溜冰⛸️場，咁啱有場冰曲比賽，一路食一路睇，非常愉快一個晚上。歐陸式濃湯配蒜蓉法包-湯係意大利雜菜湯，好足料。法式蛋黃醬配鮮蘆筍-蘆筍爽脆配蛋黃醬好味。深海帶子配醬燒汁牛柳-帶子煎得香又唔老，入面好滑，牛柳稔滑出色，薯條整得好好味，仲有粟米🌽，唔會淨係得肉冇菜。芝士焗忌廉菠菜龍利柳飯-小朋友好鍾意食，好大舊龍利柳，爭啲食唔晒。白酒忌廉煮藍青口-青口都新鮮，大碟又唔貴，個汁仲可以點蒜蓉包，抵食！玫瑰法式燉蛋白-大件抵食，第一次食用玫瑰🌹去做法式燉蛋，估唔到又幾夾！熱玫瑰熱情果茶-未飲已經聞到淡淡玫瑰🌹香。

這間位於九龍灣Megabox的親子餐廳，以可愛小熊🐻做主題，周圍都放滿可愛熊仔🐻🐼裝飾，打卡一流。餐廳除了設有給小朋友玩樂的角落外，部分用餐位置還可以看到樓下的溜冰場，用餐時間可以同時感受到打 ice-hockey的熱鬧氣氛，確實很寫意。💕燒美國穀飼厚切小牛扒伴醋漬野菌$168小牛排份量不多，牛味甚濃，肉汁豐滿。肉質有牛柳的香滑，同時亦有牛扒的彈性質感。配菜調味用了香醋來醃製點綴，減輕了油膩感，讓口腔留有清新的感覺。💕香草醬乾蕃茄野菌闊條麵$69平時小朋友出街吃西餐，很多時候都只可以點肉醬意粉。今次店長推介這款闊條麵，大人小朋友都喜歡的菜式，闊條麵煙韌有口感，乾番茄好醒胃，蘑菇切得薄薄的，即使年紀較細的小朋友都可以咀嚼到。💕白酒忌廉煮藍青口 $68日本豆苗Baby sprouts 配合濃郁香草洋蔥忌廉汁，層次豐富。藍青口滑溜沒有渣，CP值很高。💕薔薇之戀 $16清香的玫瑰花茶，再加了粒粒柚子果醬，甜甜的又給人清新感覺，消暑解渴。💕黑熊特飲 $30士多啤梨小熊冰冰🐻，實在太可愛，透心涼的朱古力雪糕和可樂～～oh 我想起我的夏天啊！

This teddy bear-themed restaurant has countless of teddy bear throughout the place.  My son was trying to count them all but gave up after 30+ in a small section.  There's a kids corner filled with various types of toys to occupy the kids.  Food is fairly priced but quality was subpar.The beef patty from the burger was way overcooked and it took serious effort to chew and consume it.The rice from the baked fish fillet fried rice was extra dry to a point that I had a hard time finishing it.

熊仔主題餐廳，小朋友最開心🥰放電一流。今日同契仔仔去街，當然要搵啲啱小朋友嘅餐廳食嘢，等佢可以坐定定。全間餐廳都係熊熊嘅公仔，圖畫，擺設。食物質素就好一般，但係選擇種類都多，高級版的快餐。前菜，湯，主菜，甜品都有，價錢唔算貴，大約$150一個人，食物都啱小朋友食嘅。但係餐廳真係好嘈，啱啱嗰日又球賽進行，所以特別嘈，細聲啲講嘢都聽唔到，座位不太舒適，如果冇乜要求都可以接受，唔係要帶小朋友，係唔會去呢到。

熊小館 Cafe Med ❤️今次同朋友去開megabox行街，就去左熊小館晚餐，入面好靚，好多熊公仔🧸，好cute😍😍二人套餐😋$298法式蛋黃醬焗蘆筍😋蘆荀配搭蛋黃醬好夾，份量多，夠哂2人share😍蜂蜜BBQ燒豬仔骨😋豬仔骨燒到啱啱好，好濃味， 肉質嫩滑，再配埋佢嘅醬汁好好食，仲配埋粟米沙律🥗👍👍💯蕃茄奶油吞拿魚螺絲粉😋螺絲粉茄味濃郁，醬汁creamy，雖然係番茄忌廉汁，但一啲都唔膩，配搭車厘茄，食落仲好清新添😍😍忌廉湯配餐包🥣🥖忌廉湯好重忌廉味，餐包都好食🤩唐揚脆脆雞翼$48😋雞翼有四件，炸得好鬆脆，再配埋佢預備嘅醬汁，脆而不膩😍😍飲品 -白熊🧸🍹+$18白熊賣相好吸引，佢用咗熊仔做嘅冰，而且配合七喜同雲呢拿雪糕，好正🥰🥰飲品-橙汁🍹+$3鮮橙汁，味道👍👍地址：九龍灣宏照道38號企業廣場5期Megabox 11樓整體評分：5/5味道：5/5抵食：5/5環境：5/5