熊小館

營業中

休息中

見佢咁多teddy bears以為只係得個靚字，原來食物質素都幾好喎。而且價錢真心唔貴。原來好想試個2人餐，但因為無晒心太軟，所以轉散叫。童話式餐廳嘅牛扒會係點？估唔到都幾好呀，十分滿分我會比7-8分。食到牛嘅肉甜味，唔難咬，軟熟得黎唔係拿到淋嗰d⋯⋯伴碟嘅薯蓉田螺係勁好食，肥美夠味又嫩滑雞扒芝士：厚厚嘅芝士，仲拉到絲架，真材實料。如果雞扒甜度減少少就更好了。我本人平時唔太愛甜野。但配個芝士真係好正。白汁藍青口：大大碗，好多隻，好抵。鮮甜又夠汁！

今日帶小孩去MegabOX行街經過熊小館.小孩見到就吵要入去.入到去是小朋友天地,系一間充滿幸福甜蜜的小熊親子餐廳.叫左一份鐵板什扒裏面有豬扒.雞扒.煙肉.鮮蛋.雞扒肉質好嫩,而豬扒D肉都還可以唔會好硬.份量都好大份.另外叫左一份小熊套餐里面有天婦羅炸蝦·蜜糖雞中翼、牛油粟米,炸薯條.小熊啫喱.小朋友最鐘意,小孩話好好味.好鐘意尼度環境,總話每星期都要去另外叫左一杯黑熊里面有可樂.朱古力雪糕.冰熊·去完返尋味、值得帶小朋友去的好地方

mega box找來一間特色餐廳已經食過寶林間熊小館覺得好多bear bear環境幾好食物質素不錯試下呢間上次食tea今次食dinner餐廳比寶林大好多而且仲有溜冰場景還有小朋友玩樂區可以玩煮飯仔，而且好多大bear bear二人套餐都幾豐富有餐湯，有頭盤，有主菜，有意粉飯仲有甜品，我哋仲怕唔夠飽叫多碟白酒忌廉煮青口大大盤，厚肉抵食首先，講下餐湯，羅宋湯羅宋湯非常足料配非常脆口的蒜茸包頭盤叫左法式香草牛油焗田螺薯蓉好滑，入口即溶美國安格斯牛肩扒牛肩扒厚切，不失牛味配菜也不錯露筍鮮甜冇乍卡邦尼煙肉扁意粉熱到出煙上菜非常新鮮，creamy好味甜品加錢轉左心太軟心太軟需時製作但新鮮出爐，一切就流心值得加錢轉特飲轉左玫瑰柚子茶特別清新呢度坐位幾闊落侍應態度親切時不時更加會拎公仔氹下細路好適合一家大細黎食飯

今日行開九龍灣，去某間傢俬舖度買傢俬咁就順便去呢到食飯，因為我朋友好鍾意啲熊仔所以去呢度食飯，咁我哋就叫咗以下:凱撒沙律: 呢個沙律我覺得個蔬菜幾新鮮， 加埋D芝士，同埋撈埋啲沙律汁，我覺得清得嚟又新鮮，作為飯前小食我覺得係幾好同開胃。唐揚脆脆雞翼有四件: 雞翼炸得好好,恰到好處皮脆肉嫩,唔使一分鐘，已經KO一隻。 如果可以多幾隻你話幾好呢。 價錢同比例都ok的。香草醬乾蕃茄野菌寬條麵 :呢一個係我朋友叫嘅，咁佢就做咗個升級優惠就加咗28蚊，咁就包咗餐湯啦、有牛油法包同埋叫咗杯凍飲嘅。 寬條面我覺得整得唔錯，係因為佢落咗好似橄欖油令到成個面都幾新鮮同開胃。 所以如果鍾意食清少少嘅朋友呢個面都幾適合。鐵板肉眼扒:肉眼扒其實都juicy, 雖然我叫咗七成熟，啲牛肉嗰啲肉汁都流曬出嚟，同埋呢塊牛扒係鐵板燒嘅，所以啲牛來特別HOT，食落特別有風味，可惜我今日唔飲得紅酒如果唔係我一定會嗌過紅酒去餸塊扒。 最後我同朋友飲埋杯凍檸茶就閃人， 其實呢一間餐廳我覺得都幾適合一家大細，可惜嘅就係隔離個溜冰場有少少嘈， 如果唔係我覺得静少少會更加好，其實呢啲都唔關餐廳事，呢間餐廳啲嘢食同環境佈置都幾好 我覺

相信唔少女仔見倒熊熊🐻公仔都會激發起少女心，忍唔住心心眼😍經過mega box見倒呢間熊小館，蕃薯妹都忍唔住要入去同小熊約會一入門口已經有兩隻大大隻熊仔俾大家影相打咭🥰🥰🥰 仲有少少熊仔精品俾食客購買～店內有供小朋友玩嘅遊戲間～行入少少有一個Party小空間，如果帶小朋友嚟開生日party都係一個唔錯嘅選擇店內好多熊仔嘅擺設～ 蕃薯妹都忍唔住影多咗幾張相😆每張檯都會有隻小熊仔放響檯面陪大家食嘢～而且有張檯係有隻大熊仔坐咗響度咖😍 咁啱蕃薯妹入座時坐呢張檯嘅食客埋單，好Lucky今晚你就坐定定響度陪住我啦😆我哋叫咗一個小食，兩個主菜，主餐牌上嘅單點食品+$28可轉套餐，有是日餐湯+牛油法包+飲品。清涼仲夏（凍）香草薄荷橙汁 $28（跟餐+$16）呢杯飲品非常好飲👍🏻 酸酸甜甜嘅橙汁加咗薄荷糖漿，好清新～ 推薦🙌🏻是日餐湯+牛油法包好creamy濃郁嘅蘑菇忌廉湯，法包夠脆沾湯食好好味😋啤酒脆漿炸洋蔥圈 $48炸到勁鬆脆，洋蔥好甜，加少少檸檬汁再沾沙律醬食好好味😋 無諗過一份嘅份量會咁多！唯一缺點係比較油膩，我哋兩個人食唔曬一份蒜片辣椒煙肉芫茜扁意粉$69（+鮮蝦$20）意粉嘅軟硬度啱啱好，

之前經過MegaBox見到有間餐廳有好多熊仔擺設，已經記低下一次要去，今日終於抽倒時間嚟同熊仔一齊食飯。🐻🍽🤳🏻今次我哋被安排坐係近櫥窗的位置，可以睇到樓下溜冰場嘅情況⛸。每張枱都會有隻小熊lam哂利咁望住你。🐻😆原本朋友想試雞肉千層麵，但店員善意提醒可能要等15至20分鐘，想食嘅朋友可能要留意時間啦～ 所以改咗做另一款海鮮焗飯配橙汁。焗飯味道正常不過不失，可以彈嘢係配料好多。而橙汁係類似果汁先生之類，這也是預料之內。🍽海鮮焗飯配橙汁而我就order咗安格斯牛肉漢堡配薯菜加凍檸茶。🍔安格斯牛肉漢堡配薯菜加凍檸茶雖然漢堡嘅size比其他餐廳的細，但佢嘅肉都好juicy，而薯條就熱辣辣啱啱炸起 夠脆口。總括而言，餐廳水準不過不失，環境衛生正常，也有很多在附近上班的人在依度食lunch。我要還是認為餐廳內的熊仔是最吸引的🐻🤳🏻。

近排忙於為新屋怖置嘅事情，去多咗有齊哂IKEA同AEON 嘅megabox ，今日又嚟咗哩邊掃貨，買齊哂野之後就諗住食埋晚餐先返屋企，經過哩間哩間「熊小館」，見餐牌都有唔少選擇就入去啦。「熊小館」店內設計以熊仔為主線，周圍都放滿哂小熊公仔🧸，哩間餐廳好適合一家大細親子行，仲有個兒童天地可以俾小朋友放放電，但疫情期間就真係要做足防疫措施😷我地好好彩被安排嘅座位隔離有一隻大熊仔相伴餐牌都有唔少選擇而且價錢都唔貴，但我地睇二人餐有齊哂頭盤、主菜、甜品同餐湯餐飲，都只係$298 咋，真心勁抵食👍🏻頭盤 - 法式香草牛油焗田螺田螺同軟綿綿嘅薯蓉真係好拍檔，唔好睇佢細細碟咁，兩個人食都好滿足嫁，田螺嘅口感係軟身嘅同埋都幾大隻喎主菜 - 深海帶子拼醬燒牛柳叫咁7成熟牛柳，哩到又真係做到7成喎👍🏻帶子中等size 煎得剛好，配菜仲有蘆筍、車厘茄、粟米粒同埋大量烤薯角，性價比高主菜 - 芝士焗忌廉菠菜龍利柳飯焗飯發揮正常，趁熱食仲可以有拉絲嘅效果甜品 - 生日版心太軟 （+$24）另外加點咁生日版心太軟，即叫即焗可能要得一得先食到好野，擺盤精緻，除咁有生日字句仲有一隻小熊🐻添最後要盛讚嘅係經理嘅服務態度

今日都去到MegaBox 記得頂層有好多嘅餐廳 今次比我見到頂層最入開咗間新嘅餐廳 入到去坐低咗先發現原來佢係主打小朋友既 入到去即刻好似變咗個細路仔咁餐廳周圍佈滿咗熊仔裝飾 貼合返餐廳名 仲有唔少嘅擺設玩具俾小朋友打發時間 家長嚟到就可以放心比佢哋自己消磨時間鬆一口氣😮‍💨今次同朋友黎都叫咗兩個牛扒餐燒美國殼飼厚切小牛扒醋漬野菌🥩 $168 餐包加飲品 +$28 五成熟牛扒都幾大塊 加埋佢的醬汁有啲甜甜地嘅感覺 咬落去相對比較重嘅肉味 但就比牛柳硬身少少 配料方面有好多嘅野菌蘑菇 食落去比較健康 跟牛扒仲有薯條 🍟 我哋跟餐加咗錢要買餐湯蒜蓉包同埋飲品 今日嘅餐枱忌廉湯 幾濃郁 蒜蓉包點落去食鹹鹹地又有湯味唔錯蘑菇紅酒汁牛柳🍷🍄🥩 $158 餐包加飲品 +$28五成熟 呢個除咗唔同嘅燒野菌雜菜之外 仲有個好濃薯仔🥔同牛油味既薯蓉 牛柳非常淋身 小朋友同咬到 而且都幾大塊 加埋咁多既配菜食左大半塊以經好飽肚總括嚟講今次嚟呢度食叫咗兩個嘅牛扒餐兩個嘅味道都唔錯而且各有特色 連配菜賣相做法都係唔同嘅 鍾意牛肉味重啲嘅可以選擇第一個 而啱小朋友同埋老人家食想淋小小嘅就可以選擇第二個 啱晒喺M

一場嚟到megabox, 梗係要試下出名嘅親子餐廳熊小館拉！餐廳滿佈小熊公仔和擺設, 到處都是打卡位, 親子餐廳顧名思義有一個玩具角比小朋友玩耍！最多人推介係2人套餐$298元, 就試下佢再加其他嘢食！先嚟忌廉蘑菇湯, 濃郁菇味突出, 牛油多士好鬆脆！法式蛋黃醬焗鮮露筍頭盤係蛋黃醬焗鮮露筍, 清新爽口幼嫩無渣, 醮蛋黃醬突顯鮮嫩！帶子拼醬燒汁牛柳帶子大大粒, 微微煎香爽口彈牙。牛柳脂肪較少, 肉汁豐盈, 清甜軟嫩！芝士焗忌廉菠菜龍利柳飯芝士香味四溢, 有拉絲效果, 伴忌廉菠菜, 幼滑又creamy！龍脷柳嫩滑無骨啖啖肉, 大人小朋友都啱食！焗波隆那肉醬意粉額外再點一個肉醬意粉, 肉醬味道調得啱啱好, 甜中帶鹹食到粒粒肉碎, 外層鋪上芝士烤焗有火炙焦香, 特別惹味！清涼仲夏特飲薄荷加橙汁好特別, 色彩繽紛好吸引, 感覺涼快清爽！玫瑰法式燉蛋燉蛋幼嫩清甜, 上層加上火炙焦糖, 甜甜地令人愈食愈想食！跟餐仲有三色雪糕, 雲呢拿、朱古力、芒果三種口味, 經典之作童年回憶返曬嚟！

熊小館前身是紅蔥頭，一間香港老牌的連鎖西餐廳，主打平價西式簡餐，數年前將品牌活化，以熊小館之名走親子餐廳路線，令餐廳的知名度大增，在不少小朋友心目中成為一個好玩好食的地方。 今天下班後過來了九龍灣megabox的分店和朋友吃晚餐，平時假日來到總是人頭湧湧，因為Megabox的親子活動場地十分多，很多東九龍的家庭也會來消遣一天。想不到平日晚上也有不少家庭來晚餐，兒童的歡笑聲此起彼落🤹‍♀️ 餐廳佈置名符其實，充斥了熊仔玩偶和畫作🐻而且也設有小包廂予慶祝生日之用，加上一個位於餐廳中間的兒童閣，內裏有童書和小玩偶🐨讓爸媽可以放心小朋友一邊玩一邊等食物。有不少欄河旁邊坐位，可以安坐於位置觀覽下面溜冰場的熱鬧場面。 🥖餐湯&餐包是日餐湯是忌廉湯，奶味相當濃厚，如果煮湯時再多攪拌有助去除一些小塊，令口感更幼滑。牛油法包十分香脆，咬開後有點韌度，不錯的開始。 🥔法式香草牛油焗田螺 6.5/10有點意想不到的是有薯蓉墊底，令上面的牛油焗田螺能保持新鮮出爐的火熱，薯蓉由鐵板燒至有點焦香，入口鬆軟。田螺夠鮮嫩有嚼勁，份量只算尚可。 🥩深海帶子拼醬燒汁牛柳 7.5/10選擇了5成熟，上菜時已聞到濃香的牛味，一

同我呢個六月之星慶祝生日，最緊要有心思唔需要食得貴都可以氹得我好開心！ 好似黎呢間小熊餐廳，見到咁多熊bearbear ，有小朋友既遊玩區，仲有好多打咭位！頓時同其他小朋友一樣咁好開心我地張檯仲有隻大bearbear 可以同熊仔一齊用餐雖然係主題餐廳，但價錢相當大眾化，點了份二人餐只係$298 Upgrade 左兩杯特飲，薔薇之戀，係凍柚子玫瑰花茶，幾清香。另一杯草子莓莓，係士多啤梨橙汁。 餐湯係好香濃既野菌湯，配上牛油法包法式香草牛油焗田螺用鐵pan盛住薯蓉，焗得乾身入口香酥，牛油熔於大大粒螺肉滲透香草牛油香，味道甘香軟滑。美國安格斯牛肩扒牛肩以條狀上碟，點了medium熟度剛好，肉味濃郁，配菜有薯條、露筍、粟米芝士焗忌廉菠菜龍利柳飯好足料大碟，上面鋪滿芝士忌廉遮住2大件龍利柳，邪惡又惹味，用埋炒飯底夠蛋香！ 甜品有2份，本身係雪糕，我地將其中一份upgrade 左生日版心太軟。每次食心太軟我都有少少買大細既心態，因為好多時拍低切開流心既一刻最後都失望。呢次許完願，吹蠟燭，切開心太軟確實有驚喜！ 朱古力醬好澎湃咁流出，香濃既朱古力蛋糕加埋雪糕同吃，冷熱交融好滿足！ 2人套餐黎講分量都

今次來到Megabox一間充滿童真的餐廳，店內有很多小熊🐻擺設，設有兒童玩具區，有很多圖書和玩具給小朋友玩，非常適合帶小朋友來吃，而且店員服務態度也很好，即使是大朋友去也會跟你開玩笑，讓你有重回孩童的感覺👶🏻—————————————————橙色派對$28芒果與橙汁結合，喝起來酸酸甜甜非常適合夏天飲用，而且也不會太甜，非常解渴！檸檬草氣泡茶$30紅茶香茅七喜的混合，竟然驚現沙士的味道，真的太神奇了！大家可以試一下。酥炸魷魚圈配檸檬沙津汁$48魷魚圈份量十足，一定大小也絕對夠吃！帶子波菜忌廉湯$32是一個很濃郁的波菜湯，波菜味很香而且與忌廉混合，奶油味中又帶點蔬菜甜味，很推薦大家嘗試👍🏻黑松露蟹子帶子黃金意大利飯$92意大利飯粒煮得恰當好處，不會太硬，又保留了飯粒口感，而且每粒飯都沾試上了奶油黑松露味，非常香，飯中的粟米粒增加了甜味，大人小朋友也一定會喜歡❤️燒美國穀飼厚切小牛扒伴醋漬野菌$168牛排還配上熱辣辣的薯條🍟，炸得非常香脆，是很有水準的薯條；牛排不會硬，很有牛肉味，配上甜甜的醬汁，更加開胃；醋漬野菌也是酸酸的，可以解油膩。————————————————環境：👅👅👅👅食物：👅👅

位於Mage Box頂樓嘅熊小館，有種世外桃源嘅感覺！成個環境好舒適，而且好啱一家大小一齊食飯同遊樂！最特別係有個遊玩區，專比小朋友入去玩！今次嚟到，真係覺得自己啲童年回憶番晒嚟！今日下午有啤啤熊相陪食lunch！同朋友各自點咗一份全日套餐，然後開心share！兩個套餐都有跟餐湯同飲品！餐湯羅宋湯好足料，茄味特濃，好多菜係入面，而且有啲辛口，又開胃，好正！野菌汁西冷牛扒 配意粉牛扒煮得剛剛好，牛汁同野菌汁都十分夾，意粉又彈牙，而且配菜好正，食真啲紅蘿蔔係清甜！整個餐感覺好似童年個陣食到嘅扒餐，大約20多年前係西餐廳個陣同屋企人一齊食，真係好有童年回憶啊！芝士焗磨菇免治雞肉千層麵 呢個要超級推介！超好食！而且目睹好多枱客都叫到呢一份餐！成個千層麵好多汁，超有口感，超香芝士味！每一層都有雞肉碎，焗到肉質又唔會乾身，而且可以鎖住啲雞肉汁係入面！最後點上凍檸茶，清新地完結今日個午餐！

星期六去咗Mega Box行，夜晚見到呢間cafe有熊仔幾得意，同埋都坐滿咗幾多客，應該唔錯，就決定試吓。我哋懶得諗，就揀2人餐，$298包括有餐湯、餐包、前菜、兩個主食同埋雪糕。另外，我哋仲加多左一個法式玫瑰燉蛋白。忌廉湯正常味道，配上嘅蒜蓉香草牛油焗法包就好好食，外脆內鬆軟。法式香草牛油焗田螺田螺爽滑彈牙，都有四五粒，戰底有焗薯蓉，薯味香濃，底部同埋邊位焗得焦焦脆脆。美國安格斯牛肩扒牛肩扒有三條，非常厚切，煎得外層金黃朝香，一上枱已經香氣撲鼻。我哋揀咗五成熟，切開肉質粉嫩，肉汁豐富，牛味香濃。配上嘅露筍都好好食，仲有粟米粒、蕃茄同埋香脆薯條，好豐富。芝士焗蜜桃汁去骨雞腿飯材料豐富，見到芝士焗得金黃，粒粒蜜桃好吸引，去骨嘅雞髀扒雞皮焦香，雞肉爽口嫩滑，焗飯醬汁充足，配上拉絲軟綿綿嘅芝士，邪惡又好味。跟餐甜品係雪糕，我哋揀咗朱古力味同埋曲奇味。雪糕夠凍，慢慢食都唔會好快溶。其中朱古力味好有驚喜，非常香濃。法式玫瑰燉蛋白$25焦糖薄脆好香，下面係creamy幼滑嘅燉蛋白，配上嘅玫瑰花瓣碎靚之外，令呢個甜品味道清新清香，不會太甜膩。飲品方面，我哋加$18升級左特飲，薔薇之戀同埋檸檬草氣泡茶

前菜揀左香草牛油焗田螺，唔係好多唔太貴既餐廳可以揀焗田螺，所以梗係揀黎試下😳 都幾香牛油味，仲有成四粒田螺咁多，好抵食!main course 揀左帶子拼燒汁牛柳，牛柳有牛味而且又好嫩，薯條香口得黎又唔會太燶～另一個main揀左野菌拼意大利飯，其實食完牛柳已經飽飽地，個飯好creamy以為會好濟食唔落，但食食下又幾好味，唔覺唔覺就食晒😂呢個價錢有湯有法包，甜品仲有雪糕食，真係好抵食。甜品可以加$15要心太軟，不過果日咁岩冇晒，下次會試埋！