焱丸水產

營業中

休息中

尖沙咀棉登徑食肆林立，今日一試呢間「焱丸水產」當天6點半到訪，店內早已坐滿人，真係唔少人由傍晚就開始飲🤣🍺之後仲有幾枱客人慶祝生日添，餐廳會熄燈再播生日歌音樂同開幻彩燈，全場人一齊拍手祝福🤣🎉日式居酒屋裝潢，日式掛布、木板牆、日本海報字畫.... 返咗鄉下咁🇯🇵見幾乎每枱客人都叫海鮮，因為主打嘛每張枱前有個小型烤爐燒煮，點完海鮮，職員會埋嚟幫手燒，坐定定就有好西食💫鮑魚殼燒鮑魚新鮮到仲識郁嘅，大隻，鮮味！💫花魚一夜干一直都鍾意食一夜干，肉質有少少韌勁，少少咸香又帶少少鮮味少少甜味💫大蝦鬼殻磯燒蝦身大隻肉厚，味道鮮甜，燒完之後唔會太乾，肉質彈牙💫竹·壽司盛合十貫有海膽、吞拿魚、油甘魚、三文魚、帆立貝、三文魚籽等一共10款壽司🍣 新鮮👍🏻💫牛油黑松露炒野菌叫個菜食平衡吓，好香牛油味，略嫌無咩黑松露味💫蟹子蟹肉薯仔沙律蟹子同蟹肉份量幾多吓！薯仔沙津味道調得幾好，質地夠綿密💫唐揚北海道帆立貝脆脆地嘅炸粉配軟腍嘅帆立貝，呢啲咪就係叫入口有層次感囉😎

焱丸水產 💛焱丸活貝大盛 $398入面有帆立貝兩隻、生蠔兩隻、白蜆四隻、鮑魚兩隻食材真係好新鮮，見到鮑魚仲郁緊店員即席係面前燒，新鮮食材簡單調味就好好味💛蟹味噌甲羅燒 $78店員係面前燒，燒好有介紹可以加青瓜絲食青瓜好清新可以減膩，個人加埋白飯，好惹味可口💛烏賊磯燒 $95燒魷魚燒得岩岩好，魷魚新鮮彈牙配埋燒汁好惹味💛三文魚壽司拼盤 $108有五件三文魚壽司配上唔同味道包括：三文魚籽、海膽、炙燒、原味、黑松露當中海膽同三文魚籽好新鮮💛北海海鮮丼 $180入面有三文魚、呑拿魚、海膽、油甘魚、八爪魚、甜蛋、帶子、蝦等等魚生好新鮮！呢個價錢真係好抵💛冰菠蘿燒酌 $68酒味唔濃，菠蘿味好香甜，加埋原塊菠蘿冰好吸睛價錢：$995（另加一）⭐️⭐️⭐️評分：8.5/10⭐️⭐️⭐️📍 焱丸水產 (尖沙咀)尖沙咀棉登徑23號華楓大廈地下5&6號舖

鍾意食海鮮嘅我哋又黎食喇🍴~係尖沙咀嘅磯燒水產店 位置非常方便👍🏻日本居酒屋風格嘅裝修 真係好有feel🇯🇵🌟焱丸活貝特盛🌟食材非常豐富-焱丸蟹噌甲羅燒🦀滿滿蟹膏味噌，加上蟹籽和鵪鶉蛋，鹹香中帶鮮味😋-鮑魚非常新鮮✨放上爐仲郁架😂熟度剛剛好，質感好有彈性～-牡蠣🦪大大隻好肥美，仲有好多湯汁💦-帆立貝好大隻又好厚肉啊🩷-白貝🐚加上清酒更突顯出本身鮮甜的味道，而且口感爽彈😋鍾意食貝類嘅必點‼️烏賊磯燒🦑燒緊嘅時候香氣四溢✨外層帶焦香感，最重要口感唔會韌！加上燒汁，好惹味😋泡菜黑豬肉鍋🥘天氣開始轉涼，食番個熱辣辣嘅豬肉鍋🥘豬肉份量好多🥓仲有菜、菇和豆腐做配菜，好豐富呀～加埋泡菜和辣醬，味道香濃但唔會過辣👍🏻蘋果乳酸梳打🍎擺盤好有特色🤩調配比例剛好，味道唔會太甜👍🏻梅酒梳打🥃清香易入口😋女仔都啱飲最緊要全程都有職員負責燒🧑🏻‍🍳唔洗自己燒，唔怕會燒得唔好啦~餐廳抽風足夠，食完唔會成身燒烤味✨當晚去，有另外兩枱客人慶祝生日🎂餐廳會播生日歌🎶好有氣氛啊🥳

呢間居酒屋位於棉登徑嘅角落頭，主打甲羅燒、殻燒類同埋磯燒海燒，選擇好多！最吸引嘅莫過於係有專人代燒🤙🏻👀✨蟹味噌甲羅燒 $78好高質！非常香嘅蟹膏，尤其覺得蟹籽係神來之筆，將整體嘅口感昇華✨海膽帆立貝殻燒 $85估唔到呢個價錢可以食到海膽帆立貝殼燒😶‍🌫️大大粒帆立貝同埋海膽，只需要落少少醬油就已經好夠味，仲有人幫手燒，服務真心好到位✨三文魚籽帆立殻燒 $80三文魚籽一樣好出色✨自慢焱丸號 $258超級豐富嘅刺身盛🍣除咗海膽、帶子、三文魚、香蔥拖羅蓉、蟹柳之外，仲有青瓜卷😲刺身好新鮮，個人鍾意將拖羅蓉同青瓜卷一齊食🤣超級滿足之選！✨鮭魚冷麵 $128好似冷麵咁嘅三文魚刺身條👀將生雞蛋蔥同埋Wasabi倒入冷麵汁到沾嚟食，又幾特別😋✨紫菜魷魚酥天婦羅 $78性價比超高之選！想不到地好香紫菜味！🙂‍↕️😋而且天婦羅好香脆！個人覺得係好好嘅佐酒小食👍🏻✨鹽燒油甘魚鮫 $168加埋檸檬汁絕對係絕配🍋鹽燒，外皮香脆肉質鮮嫩✨冰菠蘿燒酎 $68✨！推薦！👍🏻有一大嚿新鮮冰菠蘿，味道方面就適中，唔會太重酒味亦都唔會死甜，balance得好好✨Whiskey highball $58

再次到訪焱丸水產，人流依然不絕，好多客人都選擇呢度慶生，一個晚上都唱了好幾次生日歌海膽軍艦 $108 海膽軍艦壽司有兩件，表面鋪上海膽並用紫菜包起側邊，海膽食落鮮甜，入口即溶A4和牛壽喜鍋 $380和牛壽喜鍋配料有冬菇、粉絲、金針菇、紅蘿蔔、小棠菜等，A4和牛一共有三大片，放落壽喜鍋度淥熟，沾上生雞蛋汁，入口滑順，味道香濃麻醬蕃茄豆腐沙律 $68蕃茄豆腐沙律排列整齊，麻醬另上，除咗有蕃茄同埋豆腐之外仲加有沙律菜，清新開胃牛油炒椰菜 $68炒椰菜配料豐富，有大量雜菇、紅蘿蔔，口感爽脆，帶有淡淡牛油香味牛油粟米 $52牛油粟米滿滿一大兜，粟米食落香甜軟糯蟹肉厚燒玉子 $65蟹肉玉子燒一共有六件，側邊有白蘿蔔蓉，玉子燒表面鋪上蟹肉絲及醬汁，入口柔軟，白蘿蔔增添口感蟹雜炊 $168蟹粥會喺客人面前烹調，用上木魚清湯，會將蟹放落粥到一齊煮，並加入魚子同埋蔥花，入口濃稠香甜，帶有蟹嘅鮮味卡西斯烏龍茶 $58飲品味道偏甜

棉登徑有不少有質素嘅日式居酒屋🏮，當中元祖級嘅一定要數到「焱丸水產」，位於棉登徑街尾，是一間非常有傳統日式風格的居酒屋，出名食磯燒海鮮🐚，最正係有專人負責，唔洗自己燒😎🐚焱丸活貝特盛 $528啲個特盛幾抵食，價錢親民，足夠2人份量，有帆立貝、鮑魚、牡蠣、白蜆，仲有2隻焱丸蟹噌甲羅燒。食海鮮最重要夠新鮮，其次係要烹調適當，啲2方便都做得好好👍🏻🥚蟹肉厚燒玉子 $65玉子燒加上蟹肉同沙律醬，好食👍🏻🍗炸雞軟骨 $52即炸夠熱辣辣，鐘意佢加上了調味粉，香口而且惹味🤤🍛海鮮炒飯 $88食海鮮🦞通常都唔會好夠飽，點啲個海鮮炒飯絕對係明智之舉😆炒飯粒粒分明而且米飯夠煙靭，加入了不少海鮮如蝦、魷魚，表面仲有魚子，搞拌後味道口感都非常豐富，份量不少添！🐟鹽燒油甘魚鮫 $168啲個有驚喜，估唔到係原隻油甘魚餃，超級巨型！燒得夠香，油脂豐富，食完飽到上天 😂如果想食磯燒海鮮，焱丸絕對係不二選擇。價錢親民，海鮮夠新鮮，食物有質素，而且服務都唔錯，而且生日有驚喜🤡大家有機會可以選擇黎食生日飯👍🏻

最近我去咗尖沙咀嘅焱丸水產，真係好正，食完簡直好似返左日本咁，可以一解思鄉之情！焱丸活貝大盛包括帆立貝兩只，⁠牡螺兩只，⁠特選貝兩只，⁠白蜆四只全部都好新鮮，最緊要係有專人即場代燒，好爽！帆立貝咬落去鮮甜又滑，牡螺啲口感又彈牙，特選貝有種獨特嘅味道，白蜆就係鮮美嘅代表，湯汁濃厚，簡直好味到爆！特上壽司盛合包括拖羅，⁠三文魚，帆立貝，⁠牡丹海老，⁠鰻魚，⁠油甘魚，⁠三文魚籽，⁠松菜蟹肉，⁠松葉蟹膏，⁠海膽，⁠香蔥吞拿魚蓉！件件都好有水準，尤其是油甘魚同松葉蟹膏，食落去好滑，味道超級鮮美。海膽同香蔥吞拿魚蓉嘅搭配，真係一試成主顧，令人回味無窮，超有驚喜！黑松露蟹肉甲羅燒蟹肉鮮甜，加埋黑松露嘅香氣，好食！日式甜醬牛肉鍋牛肉又嫩又香，不會太膩，配啲新鮮蔬菜，食落去真係好滿足！花魚一夜干半條份量都超大，非常鮮嫩，魚肉吸收咗鹽同醬油嘅味道，外層烤得微微焦脆，內裡卻保持住魚肉的柔嫩，口感層次非常豐富！

今次超級失望，冇下次。當日有四枱客，唔係話爆曬場。話有專人燒，安心食其他野傾一下計，點知專人燒中伏。。。個甲羅燒未燒之前睇落好靚仔，但就在於專人幫你燒係可以燒到燶曬，連個蟹蓋都燒到穿曬，食落去有一層燒到燶左變苦嘅蟹膏。聞到有燶味，職員好似突然間醒起先過黎。燶左唔緊要，你唔係扮冇事嘛。鮑魚又係燒到韌個邊燶有苦味，有隻蜆燒冇曬清酒燒乾曬。專人燒變乾燒，自己燒冇咁嬲。食過再黎食，點知中伏，不吐不快。Never and ever ❌

焱丸水產｜懶人必備：燒埋俾你海鮮🔥推薦指數：🌕🌕🌕🌗🌑位於比較隱蔽嘅後巷，有間裝潢好地道嘅居酒屋🏮 懶人如我超級開心，侍應全程喺隔離VIP式燒俾我✨ 海鮮好新鮮，鮑魚邊燒邊郁，非常生猛。侍應亦燒得很細心，慢活烤煮、剪去內臟。價錢略貴，但服務好溫柔【🥢 𝐖𝐡𝐚𝐭 𝐈 𝐨𝐫𝐝𝐞𝐫𝐞𝐝 食咗啲咩】◐ 焱丸活貝大盛【蠔x2、鮑魚x2、帶子x2、蜆x4】 $398｜7/10◐ 泡菜黑豚肉鍋 $118 （烏冬 +$35）｜7.5/10◐ 鮭魚冷麵 $128｜7/10◐ 香桃雪芭 $78｜8/10 🌟如果三五知己，想平平地食得飽，可以選擇性價比高「泡菜黑豚肉鍋」，材料豐富（豆腐、娃娃菜、粗粉絲），黑豚肉塊頗多，泡菜另外附上所以味道欠奉，但優點係湯底完全不辣三文魚冷麵就純粹gimmick嘢😹 全程當佢刺身咁食，無視咗個冷麵汁… 最好甜品推薦佢個雪芭，味道清甜無藥水味=焱丸水產 @enmaru.siusan📍 尖沙咀棉登徑23號華楓大廈地下5&6號舖🚶 尖沙咀N1出口，步行約2分鐘 🕐 Mon - Sun 12:15-15:00 / 18:00-00:00🏷️地區：#laymao_尖沙咀分類：#layma

🎈焱丸水產 (尖沙咀)🔍尖沙咀棉登徑23號華楓大廈地下5&6號舖----睇電視見到杜如風介紹日本浜燒放題，搞到心癢癢自己都想食，高質嘅浜燒放題香港就貌似仲未有，不過呢間主打浜燒嘅餐廳就可以俾我止下癮先。餐廳裝修好有氣氛，日系居酒屋裝潢，加上暗黃嘅燈光，好適合約想三五知己喺度飲酒食浜燒，雖然係星期一夜晚，但係八點左右依然全場滿座，好彩有提早book位。-イカウタ入りホイル焼（醬汁焗原雙魷浜燒）魷魚同洋蔥嘅份量比例大概係一比一左右，魷魚質感爽彈，洋蔥爽脆，係偏向濃味嘅小食，好適合佐酒。-牡蠣と野菜の鉄鍋ご飯（蠔鍋飯）蠔肉飽滿大隻，一共有四大隻，兩個人分啱啱好，再加埋三色椒，同埋洋蔥等等，令整個飯更添口感，醬汁香香甜甜好下飯，不過食到底醬汁嘅量會比較多，如果鍾意少汁或另上，記得提早要求。-ねぎとろ（香蔥吞魚蓉三文魚籽卷）三文魚子鮮甜鮮甜的，加上大量柔軟無筋嘅吞拿魚蓉，入口口感幼滑。-サーモン巻き寿司（三文魚中卷）三文魚魚脂味頗出，中間包著牛油果、蟹柳、青瓜、玉子等等，一共六大卷，係穩陣唔會出錯嘅配搭。-活貝盛り合わせ（特盛り）（焱丸活貝特盛）是晚最期待嘅浜燒，裏面包括咗有帆立貝、牡蠣、生蠔、

尖沙咀K11 Art 附近步行2分鐘，棉登徑行到尾，有間日式居酒屋，係度食嘢仿如置身日本一樣，好有感覺。刺身5盛 $298刺身新鮮，最開心係有海膽和帶子。芝士蟹肉甲羅燒 $78勁多蟹膏，配上蟹子、鵪鶉蛋、芝士、蔥花等等，店員會在你面前燒，燒完立即可以放入口，蟹膏味道非常濃郁，加上其他配料和蟹子少少爆珠珠的口感，層次比較豐富。全部食物都會在顧客面前即席燒。醬油木魚帆立殼燒 $75三文魚籽帆立殼燒 $80兩款帆立貝配以不同的配料，味道各有不同，一款帶少少微辣和三文魚籽口感；另一款就散發着醬油木魚的香味。燒活鰻 $198燒活鰻有兩種可供選擇，一是鹽燒，一是醬燒，今次選了醬燒，表面燒得脆脆，內裏肉質 juicy，而且有咬口。蟹雜炊 $168大家不要小看這個炊飯，蟹、蟹籽、蔥花，就可以煮出非常鮮味的飯，而且原來蟹肉都非常多，本人極力推薦。柚子啤酒 $60冰菠蘿梳打 $68柚子啤酒，最初只是被他的名字吸引而order的，但原來啤酒加入柚子蜜，味道也很夾，每一口渴下去，都有柚子的清香。冰菠蘿梳打，少少酸少少甜，非常醒胃。

三文魚牛油果油酢漬呢道菜用咗新鮮嘅三文魚同牛油果，一啲都唔馬虎，三文魚肉質嫩滑而且油脂豐富，牛油果嘅柔軟質感為整體增添咗絲滑嘅口感，有助平衡三文魚同牛油果嘅濃郁感，非常醒胃。🥑黑松露蟹肉甲羅燒配薄餅係一道比較特別嘅創意菜。甲羅燒用咗濃郁嘅蟹肉同黑松露醬焗製，蟹肉鮮甜，同黑松露嘅香味融合得啱啱好，唔會太過強烈。配埋薄餅一齊食，有種多層次嘅口感，薄餅嘅酥脆感同蟹肉嘅細滑質感形成對比。🦀鮑魚殼燒呢道菜就係將鮑魚連殼燒製，鮑魚煮得剛好，唔會過腍，保持彈牙嘅口感，仲帶有淡淡嘅海洋鮮味。燒嘅時候加咗少少調味料，令到鮑魚嘅鮮味更加突出，食落有種簡單但又唔平凡嘅滋味。🐚紫菜魷魚鬚天婦羅係一道香脆嘅小食，魷魚鬚嘅外層包住咗一層薄薄嘅天婦羅炸漿，再加上紫菜嘅香氣，食落有種海洋嘅味道。魷魚鬚炸得脆而唔會過硬，啖啖都有彈性，加埋紫菜嘅鹹香，味道非常平衡，唔會太油膩，作為前菜或者配酒小食都係一個不錯嘅選擇。🦑最後係蟹雜炊，呢個係一款暖胃嘅米飯料理。蟹肉同米飯煮得淋濃，整體味道鮮甜，湯底濃郁但唔會太過鹹重，保留咗蟹嘅天然鮮味。米飯吸咗湯汁嘅香味，變得非常軟糯，煮成粥水。🍲

好想食日本嘢又想食燒海鮮，我哋就去咗尖沙咀呢間焱丸水產，成間餐廳行日本居酒屋風格🇯🇵主打海鮮居酒屋，簡直同心齋橋間磯丸水產差唔多！燒海鮮我哋要咗鮑魚、帶子，海鮮好新鮮，鮑魚好生猛，係咁郁🤣店員幫手燒，完全唔使自己落手，掌握到完美嘅生熟度，鮑魚好彈牙，帶子鮮甜😍另外仲要咗，蟹味噌甲羅燒，味道好好，加咗蟹籽充滿口感😋仲叫咗一個芝士魚蛋，燒起上嚟又幾好食😳Lunch time仲有set lunch，我哋分別叫咗超豪華12件壽司盛、特撰刺身定食配白飯，套餐包括湯、玉子、沙律、前菜🍱十分豐富。刺身壽司都幾新鮮🍣壽司城都有海膽、拖羅等最受歡迎嘅壽司，估唔到仲有和牛壽司，整體質素都好掂👍🏻🔸超豪華12件壽司盛
🔸特撰刺身定食配白飯
🔸芝士魚蛋🔸鮑魚殼燒🔸帶子磯燒🔸蟹味噌甲羅燒🔸冰菠蘿燒酎🔸鹽酸酸的檸檬燒酎
📍#焱丸水產 (#尖沙咀美食)@enmaru.siusan#尖沙咀 棉登徑23號華楓大廈地下5&6號舖

🇭🇰焱丸水產·焱丸活貝大盛$398呢間餐廳所有海鮮都係係你前面燒嘅 我哋呢個拼盤入邊就有生蠔 帆立貝 鮑魚 大蜆🦪我自己就覺得佢個鮑魚最好食 大蜆都唔錯😎😎·榮螺壺燒$98 l 蟹味噌甲羅燒$78 l 柳葉魚$45 l 椰菜湯烏冬$58之後佢個榮螺係好似拳頭咁大個 好大粒 不過我自己就覺得佢呢個食落個味有啲甘 唔算超甜🐚之後佢個甲羅燒都唔錯🦀柳葉魚都燒到好脆身🐟·#rbyeat#rby日本菜#rby尖沙咀·📍尖沙咀棉登徑23號華楓大廈地下5&6號舖

港人最愛日本餐廳，最近就有一間日本直送嘅餐廳引起我嘅注意，佢就係位於尖沙咀嘅「焱丸水產」。主打新鮮日本直送食材，加上專人即席烹調，即叫即燒非常新鮮。焱丸活貝大盛包含新鮮帆立貝兩隻、生蠔兩隻、特選貝兩隻和白蜆兩隻。可以見到鮑魚仲識郁，真係好新鮮。店員會即蓆喺座前度烹調，我自己都最鍾意食帆立貝，又爽口又鮮甜嘅感覺。焱丸蟹噌甲羅燒橙紅色嘅蟹蓋上面放咗雞蛋、蟹膏和蟹噌，入口濃郁又鮮美。最後仲試咗日替海鮮三色丼和海膽碎蔥吞拿魚腩丼。海鮮三色丼包含三文魚、吞拿魚和北寄貝三種材料。而吞拿魚腩丼就有大量嘅海膽，兩款份量好足料，食材都非常新鮮。焱丸水產 (尖沙咀)尖沙咀棉登徑23號華楓大廈地下5&6號舖