炯記餐室 (沙咀道) (已改名) 查看

中午五點才忙完休息一下，時間已至五點了，今天想來一點油脂，想到此店在附近，來探一下。此店看來是老牌子，我也實沒了解歴史，主打鵝油撈粗。燒鵝肥尾，燒完出來通常在大腿位開刀，放油，從前是下欄，直接丟棄。記得中環有一大號，經有名食家點評，推出太子撈麵。其實鵝油香甜，行家都知道，只是近代健康主義，淪為少數。多款下午茶，點了切腩叉燒撈粗。叉燒色澤偏暗黑，對比坊間的通紅叉燒，其實這才是舊底的樣子。叉燒味醃料不錯，可惜肉質不算上品，又切得太薄。反而牛腩有驚喜，的確是切上，而不是碎腩。五香足，有筋有肥，火喉夠，瘦肉也不鞋，有點功夫。鵝油撈麵。麵是普通貨式，煮也過火了，再加上鵝油厚身，漿口了。然而鵝油確甘，豉油也香甜，麵份量也不少。跟麵附上的湯。稍微有加工的雞粉水，麵太乾用來拌一下是好的，普通當湯飲就免了。餐茶點茶走。色水太深，茶煲得太耐，太苦澀，茶身又薄，過口只有苦味。甜奶又下得不足，跟餐的就算了，要加錢的話可免。整體而言，合格以上，只是位不好座，不妨一試。

平郵去買手撕雞，都係同一地方，今日經過行山,見到炯記茶餐廳,茶餐廳係開放式廚房,而且門外有大大嘅招牌說明手撕雞，半隻費用$48，1隻$88！於是吸引我去試一試呢間店嘅手撕雞。好可惜壽司雞已經係一盒盒整好咗放咗喺雪櫃，於是唔係即叫即切即調味。我返到屋企嘅時候用左芝麻同埋買入再調一調味。因為唔知道當時嘅調味粉究竟有幾多。感覺上呢⋯⋯我叫嘅鹽焗手撕雞，鹽焗雞味道，我係食得出，我就唔係感受到手撕雞既滑，雞件有點鞋鞋地嘅感覺。

等待白仔沖涼的時候，就係我搵食的好時機。平日唔多去荃灣，不過今日諗記這裡的撈粗牛腩撈粗，之前食過是好咪今過不是我點，今日自己點來食牛腩份量都算中件，撈粗味道香甜，用鵝油製汁更放心，因為不會造成人體油份的負擔。好食

好耐以前見過有雜誌介紹過呢間餐廳，記得佢最出名係鵝油撈麵，咁啱今日經過一支公又唔知食乜好，就諗返起呢間餐廳。叫咗個麻辣手撕雞鵝油撈麵，值得一讚係手撕雞真係大份夾抵食，撈麵亦都唔會好油，價錢唔太貴，值得一試。

鹽焗手撕雞太子鵝油撈粗 $38成日經過呢間聽落好邪惡既鵝油撈麵都好想試下😈 今次終於試到佢既下午茶餐啦!!😍 手撕雞份量唔多 雞皮幾滑嫩 帶有麻油香 但肉有少少韌同埋鹽焗得唔算非常入味 整體就冇咩驚喜 不過都見到好多人專登外賣手撕雞 其實好受歡迎😇主角鵝油撈粗 每條麵條係鵝油既滋潤下顯得閃令令🤩 食落亦唔覺過份肥膩 幾易入口 不過鵝油香氣就冇想像中咁濃烈咁邪惡😌 加d自家製辣醬會惹味d!! 仲有碗蔥花湯可以中和下油膩感😋 整體都ok呀!

我叫了叉燒撈粗， 5分鐘後已上枱食物速度非常快，雖然是下午茶但也很多人，所以這個食物上枱的速度是值得嘉許的，粗麵很彈牙，也很入味，但略嫌有一點油膩，但也沒辦法一定是比起湯麵不健康的。叉燒可以說是入口即溶非常好吃一個下午茶配一杯凍檸茶收41蚊價錢非常公道也很合理！四片厚切，分量剛剛好也對得起這個價錢凍檸茶就正正常常，配粗麵的湯就和其他店的一樣是普通味精湯，有時間會再去吃其他配料！簡簡單單一餐下午茶坐得又舒服，一定會再去光顧

晚上的二人餐三個人吃份量剛剛好。首先有麻辣手撕雞，辣味夠，雞也夠嫩滑。小菜有酸辣土豆絲，麻辣雞腎，滷水豬手非常入味，還有一碟時菜，兩碗飯或者鵝油撈麵。而我們就要鵝油撈面，第一次吃這個撈面的時候就被這種味道吸引了，鵝油非常香，撈面的粗幼適中，面質薄，令人想一口接一口，再配合手撕雞的辣味非常推薦

有一日收工返到荃灣諗住食碗麵, 求其入咗間茶餐廳外賣"豬手撈粗", 收銀姐姐竟然推薦我前面街既"炯記", 哈哈~ 確實唔係吹水! 我身水身汗行到炯記點知啱啱打烊, 又要行返轉頭買外賣。令我太印象深刻, 今日咁啱又想食豬手撈, 就醒起炯記, 上次食唔到今次終於食到喇。八點幾去到餐廳滿座, 喺門口等咗陣就有位了, 可惜。。。已經聽到店員講粗麵無哂, 只可以撈幼, 唯有照殺啦～鹽焗手撕雞撈幼 - 手撕雞好香麻油芝麻味, 肉質都ok都算滑, 有咬口的。 第一次食鵝油撈, 都幾特別, 唔會好似蠔油撈咁濃味, 比較順口, 味道ok但鵝油味唔算好勁。下次有機會再試下個撈粗睇下係咪會好味啲先~

本身天氣咁熱，打算入去食下好野，涼下冷氣，點知一入去熱到好似焗爐咁，重熱過出面。鵝油撈粗，但係完全無鵝油味😞叫左手撕雞先拎返少少分，可惜已經熱到無心情同胃口食☹️希望大家冬天先好入去食，唔洗愈食愈辛苦😈

每次都會因想掛住個太子飯需特登去食。當你一個人又想慰勞下自己既時候，太子飯絕對係一個好選擇。對女仔黎講呢個飯應該會飽得濟，所以男仔會岩岩好。最好既地方係有手撕雞，豬手，牛腩，樣樣試少少勁開心。如果你怕好多肉，佢仲配左啲開胃酸菜，勁細心。

餐廳係主打鵝油撈麵 係香港比較少見 麻辣手撕雞撈粗套餐 $52套餐會附送一碗蔥花湯 可以解油膩鵝油包圍住每一條麵 好香但唔會覺得好濟味道亦調教得好好 唔會過淡過鹹而手撕雞就唔太入味 略嫌麻辣味不足

夜晚唔知食咩好，行過好耐冇黎幫襯。就入去食手撕雞！老婆話個鵝油撈粗之前食太油，唔岩餵口，所以叫左個麻辣手撕雞河 同個鹽焗雞套餐。因為我中意食腎，叫多個麻辣腎同酸蘿白（因為平時老婆中意食）講真鹽焗手撕雞冇以前咁入味，不過雞係滑冇咩雞味。試埋麻辣雞，覺得都幾辣下。雞腎就好爽，幾好。不過都係辣左少少。最驚喜係酸蘿白，好入味又好食（最緊要係脆口）。價錢黎講正常，唔太貴，咁樣叫130蚊埋單。不過杯檸蜜真係差左D, 要加7蚊！但係成杯野係冇味，好唔抵飲。如果飲都係飲檸茶好D!環境方面，夜晚都多人，不過卡位其實較迫。如果多人既可以坐4人檯闊落好多。如果唔係經過，唔會得登入去。

呢間餐廳個夠好特別叫炯記，係食鵝油撈麵嘅，即係用燒鵝出嚟嘅燒鵝油拎去撈麵，就咁聽已經覺得好香好好食。雖然就咁聽好似會成口油好肥膩，但佢話鵝肉豐富嘅油脂係對身體有益嘅不飽和油脂嚟，咁有佢呢句說話我都放低對佢嘅戒心，食左先講啦！今次叫左一個太子鵝油鹽焗手撕雞撈粗，食親撈麵都會有一碗湯跟埋架喇。個麵好香，落左鵝油同鼓油去撈，而果碟雞呢，手撕雞有樣野好就係唔怕有碎骨，因為師傅把刀唔夠利會斬到勁多碎骨，呢個就啖啖肉夠哂方便，啲雞亦都好香好好食。

是日來到荃灣午餐，由於不想吃日式、台式、西式等餐廳，想來點港式味道，於是便選擇了炯記餐室。餐廳最有名的是其鹽焗手撕雞及鵝油撈粗麵，當然要點了一份來嚐嚐！一上碟，鵝油的香氣撲鼻而來，麵條十分彈牙爽口，煮的時間剛剛好，港式撈麵最重要的莫過於是當中的醬汁，這裡的秘製醬油是帶點甜味，看上來充滿色澤，但味道剛好不會過咸，份量亦不會過小，男生吃也能飽肚的。手撕雞果然名不虛傳，冷盤吃的手撕雞肉嫩滑，調味適中且帶點麻油香，不錯喔(*¯︶¯*) 如圖所見，份量挺多的，四十多元的價錢也是合理的。溫馨小提示：想吃得再便宜一點，可以在下午2點半後過來吃，下午茶餐牌的撈麵只是三十多元，鹽焗手撕雞撈粗當然也在餐牌上；吃麵時聽到侍應姐姐說麵的份量沒減只是手撕雞較為細碟，下次來光顧不妨晚一點點才來吃喔。

炯記四寶(手撕雞, 切腩, 豬手, 牛肚) 鵝油撈粗Shredded chicken, brisket, knuckle, tripe in thick noodles mixed with goose oil & soy sauce (HK$60)鴛鴦手撕雞(鹽焗, 麻辣) 鵝油撈粗Shredded sesame flavour chicken and Sichuan Style spicy chicken in thick noodles mixed with goose oil and soy sauce (HK$50)Ranking: 5/5 ⭐本身覺得撈粗有幾特別丫咪又係咁，但呢度個鵝油撈粗同手撕雞真係名不虛傳。鵝油好香，個麵有咬口，好味得黎又唔係膩。個手撕雞都幾有驚喜，質感滑，有芝麻香。四寶嘅牛肚同牛腩都夠腍而入味，五星好評👍Originally I thought how special could this kind of mixed noodles be, they probably all taste similar anyway... Yet these goos