炯記餐室 (沙咀道) (已改名) 查看

夜晚唔知食咩好，行過好耐冇黎幫襯。就入去食手撕雞！老婆話個鵝油撈粗之前食太油，唔岩餵口，所以叫左個麻辣手撕雞河 同個鹽焗雞套餐。因為我中意食腎，叫多個麻辣腎同酸蘿白（因為平時老婆中意食）講真鹽焗手撕雞冇以前咁入味，不過雞係滑冇咩雞味。試埋麻辣雞，覺得都幾辣下。雞腎就好爽，幾好。不過都係辣左少少。最驚喜係酸蘿白，好入味又好食（最緊要係脆口）。價錢黎講正常，唔太貴，咁樣叫130蚊埋單。不過杯檸蜜真係差左D, 要加7蚊！但係成杯野係冇味，好唔抵飲。如果飲都係飲檸茶好D!環境方面，夜晚都多人，不過卡位其實較迫。如果多人既可以坐4人檯闊落好多。如果唔係經過，唔會得登入去。