炯記餐室 (沙咀道) (已改名) 查看

疫情下，很多平台都提供外賣優惠（這家店是5折），甚至比直接到店點餐還便宜（這實在是非常不合理，我親自去點餐還要等待，竟然比網上下單還要多付錢）價格優惠也不是沒代價，代價就是店員對你極不友善的態度，取貨時就叫你在一堆網上外賣找回自己的食物，不用核對任何資料就可以自己隨便摸隨便取。可能店舖認為如果沒有這些平台優惠，客人就會以正價購買，我們這些貪小便宜的人令他們少賺了一截，理應受到白眼。但店家沒有想過，如果不是有平台優惠，客人肯定還會選擇你嗎？說回食物，總括來說不過不失，鵝油撈粗不在我的審美點上，麵質爽口，手撕雞正常味道，(厚興瑜記比較好吃)，未試過可以一試，但回購就未必了。

朋友曾經介紹過呢間撈麵小店，我好鍾意食撈麵，今日喺荃灣，就特登行過去食午餐。叫咗「雞絲豬手撈粗」，眨吓眼就嚟到。店家話係用鵝油➕秘製醬油撈粗麵，不過我分唔到係唔係鵝油，亦都聞唔到燒鵝香味😆，但總之粗麵好有油光油香，撈埋一啲醬油味道相當好；粗麵比較硬身有咬頭，啱我胃口。雞絲味道不過不失；豬手味道中上，兼煮得好軟熟。撈麵仲包一碗例湯，係粟米苦瓜湯，幾老火幾好味。熱奶茶就唔香又唔滑。兩位阿嬸店員態度同服務都麻麻地。

自從政府晚上禁堂食就多左機會搵外賣而如果唔介意用個口罩出街Openrice本身都係一個好平台去買外賣外賣自取仲有好多promotion and discount而呢間餐廳招牌菜係手撕雞今日見到openrice做緊外賣自取半價當然要試下預咗左45min後自取早左10分鐘到 餐已準備好15分鐘路程 食既時候仲暖既叫左個鴛鴦手撕雞分別係麻辣同鹽水味腸粉有混醬份量比預期中少要有心理準備呢個外賣盒係扁身既雞既份量約兩隻雞翼既份量少少麻辣味 唔會食到痺晒腸粉甜醬要自己撈大概鋪左兩層度腸粉好滑 撈埋醬好惹味總括黎講 味道不錯但份量少 要再食下其他野先夠飽

一路都聽聞荃灣有間好好味嘅手撕雞餐廳， 剛巧途經附近，終於可以一試。手撕雞好有麻辣香，肉質都好嫩滑，份量亦很多。另外非常驚喜係撈麵，此店使用鵝油撈，每條麵都充滿鵝油香味，非常惹味除了馳名手撕雞外，此店之豬手亦非常出色， 炆得入味亦很淋， 豬手充滿骨膠原，再加埋我油撈麵，非常之滿足看得出此店與其他茶餐廳或粉麵店不同， 食品真是用心製造

去荃灣最喜歡揾 d傳統餐廳， 嘉樂食左多次 ,但因為每次排隊都需時已經少左去。 突然 Openrice 發掘到呢間， 地點唔難揾， 入到店舖舒適企理， 餐牌的都想食， 但兩個人食唔到多，唯有點左豬手同麻辣手撕雞， 豬手入味有咬口， 麵又爽口，再配好味咸檸七。唯一想試的招牌鮮油多唔再有好失望。 其實食客多街坊，只係無人宣傳下呢種有味道的傳統店，決定會再黎小店食！

之前在楊屋道街市買完餸，開車走轉出沙咀道的時候，經過都見到一間搶眼招牌 『炯記』。今日抽個時間過去一試，店舖主打是「鵝油撈粗」 加四大招牌菜包括豬手 、手撕雞 、金錢肚及牛腩。 門口仲大大隻字寫手撕雞$48半隻，不過只限外賣，堂食就要$64。坐低咗講笑咁講，問可唔可以買半隻外賣手撕雞， 又再嗌麵喺度食呀！站在收銀嗰個應該係店長，佢語氣略帶點傲慢說：可以你畀64蚊就得啦後來我們叫了一碗《鴛鴦手撕雞鵝油撈粗》 一碗《豬手拼牛腩鵝油撈粗》， 當中我有問她你們店用的牛肚是什麼部位，她說：肚部囉！😢然後我都有問牛有四個胃，你寫金錢肚係咪全部都用金錢肚㗎！然後佢就話唔係呀！交貨嚟有咩用咩！ （佢可能唔知有商品說明條例）麵來，第二碗來錯了豬手拼金錢肚， 唔知係我表達錯，定係她理解錯， 還是給我干擾了她，太多不講了。在她黑面下都幫我將金錢肚換返牛腩。不過有點兒生氣一提，（在下面的評分亦扣好多），就是我們入來時，沒幫我們量體溫，都算啦！我知我自己冇發燒，而由入去一直她都沒帶口罩，仲不停好大聲咁嗌入廚房，可能因為在我食緊嘢途中有啲客入嚟，而有部分貨已經買完，他就大聲嗌去問仲有沒有，你已經沒有戴口罩啦！ 還

近幾個月好多人因為疫情既關係都唔敢出門食飯今日因為係公司OT 就同同事叫左網上外賣平台外賣麻辣手撕雞撈粗好味指數 😋😋😋😋😋無論係麵或餸既份量都好多個粗麵係用左鵝油鼓油去拌所以食落好香 加上佢調味岩岩好唔會令你覺得有好油膩既感覺另外手撕雞既麻辣都做得好好麻同辣都好夠如果鐘意食麻辣 呢個必試 手撕雞拼豬手拼切腩飯好味指數 😋😋😋😋我同事就叫左個3拼飯有手撕雞、豬手同牛腩3個餸都整得幾好手撕雞佢係撕得比較大條所以食落去會有D咬口而豬手就好有彈性同膠質切腩亦夠淋有牛味唯一係份量比單餸既少下次如果想食濃味野我諗我會第一時間諗起呢間炯記餐室既撈麵

行山前諗住快速食個午餐，就誤打誤撞入左呢間以撈粗為招牌菜既餐廳。原來炯記同棋哥燒鵝間舖係有合作關係，粗麵係會用鵝油一齊撈，令到麵唔會痴埋一舊咁乾身，帶點鵝香味，重點係鵝油係有益既不飽和油脂。當日就叫左一個鹽焗手撕雞撈粗，肉質滑好香麻油味，唔好見佢麵既顏色咁深，但唔會話太咸，而且麵好牙唔會有鹼水味。另外再叫左個清湯腩撈粗，牛腩好爽口好腍，岩曬我呢個牛魔王，個蔥花清湯都好好味唔似味精湯。兩個套餐都係$52仲配送野飲，性價比算好高。

烔記放假唔想出街 最岩叫外賣懶人手撕雞 正好配合返今日慵懶mode即使小編喜愛雞翼程度Lv.100對呢個啖啖都係肉既手撕雞 都會讚不絕口🥢麻辣手撕雞撈粗雞肉嫩滑係手撕雞既基本 就唔使多講醬汁無論係麻勁 抑或辛辣 比例都恰到好處不得不提既係招牌鵝油撈粗麵質彈牙 一啲都唔油膩.🥢鹽焗手撕雞飯反而呢個有啲沙薑味 都好好味但嗜辣既小編 就偏好麻辣手撕雞喇.價錢經濟 質素高順帶一提 手撕雞可以外賣一隻唔使餐餐斬料加餸都係叉燒咁悶呀麻

今晚同女朋友出荃灣行街及剪頭髮，係荃新天地剪完頭髮都9點左右，想去搵野食，一出商場就見到對面有間炯記，間野有個擴音喇叭不停重覆，好彩唔算好大聲，咁見未試過就入去試下先，今日是星期日晚，店舖入邊大約坐滿左九成客人，俾啲餐牌大家睇下先咁大家都見到啦，其實晚市來講，$50/60一個餐，價錢就正常唔算太便宜亦都唔算貴，咁我當然叫咗個佢哋出名嘅麻辣手撕雞鵝油撈粗，我女朋友就叫咗個雙拼鵝油撈粗，選咗豬手及清湯腩，大約5分鐘左右嘢食就嚟啦，果然係招牌菜，麻辣手撕雞份量都幾多，至於個撈粗份量見仁見智啦，味道方面幾好，尤其是撈粗，至於手撕雞都唔錯，啖啖肉，但如果你話好有雞味嘅話就唔好話好期望，至於另外腩肉，豬手都唔錯，比手撕雞好，

依間聞名已久, 一直都好想嚟試嘅「鵝油撈粗」 , 終於有機會品嚐。首先講, 我可以肯定佢地嘅鵝油撈粗, 味道獨家, 喺第二度係食唔到嘅。好味、好香, 令人回味。撈得好勻循, 每條麵都沾咗醬汁。豬手, 亦都好好味, 又軟又淋, 可惜份量少咗啲, 唔夠喉。跟撈面嗰碗湯亦都好好飲, 味道傳統。另外, 值得一讚就係佢杯奶茶好好飲, 好有以前大排檔嘅風格。凍檸茶呢, 茶味就略嫌過濃。至於手撕雞, 係要彈嘅, 原因好似雪咗好耐咁樣, 有一陣雪味; 另外啲撈雞嘅麻油味道好似怪怪地(油益味)。 手撕雞嘅份量比預期多。 希望將來有所改進。仍期望下次再幫襯。

荃灣真係好多美食，今日行過沙咀道，見有間食店，介紹鵝油的好處，裏面食客都多，所以入去試試裏頭有好多食客選豬手撈粗麵，見豬手賣相非常好，感覺好有骨膠原，但最後自己選咗手撕雞手撕雞，肉質滑，調味很好，有芝麻香鵝油撈粗麵，入口唔油膩，有微微鵝油香味，麵質好彈牙，撈麵睇落好深醬油色，但唔咸，好好味

🐽鹽焗手撕雞撈粗 (套餐) $52粗面好彈牙，呢個撈面唔會好似蠔油撈面咁鹹，佢係用鵝油加甜豉油黎撈，所以咪道係甜甜地同淡淡既咸味，但鵝油味道就唔係好突出，不過呢個麵配埋個手撕雞食就好夾😋手撕雞份量都幾多，唔會因為係鹽焗就好咸，咸淡適中，加埋芝麻好香，但口感就未去到好滑，另外有碗蔥花湯，可以中和到撈面既油膩感🤩 ••••••••••••••••••••••••••••••🐽香口鹽焗雞腎 $15雞腎唔韌好爽口，味道唔會太咸🤤 ••••••••••••••••••••••••••••••🐽鹽焗牛展 $18牛展口感很奇怪，一撕撕咁，不推薦🤭

相信大家對呢間餐廳一d都唔陌生，因為佢以鵝油撈麵聞名的！一進店小編留意到店內既裝修，店內有一張張正方枱擺設，配上小餐椅加上白色燈光，簡單又整潔！再者，小編點左兩者撈麵，醬皇豬手手撕雞撈麵，豬手入味，味道香濃，炆得又爽又滑，食落口啖啖骨膠原，手撕雞有濃濃既麻油味，又香又嫩滑。另一款係牛肚牛栢葉撈粗，牛肚牛栢葉，味道調教適中，雖然顏色不太突出，但都好食，粗麵煙韌彈牙。最後服務方面，店員主動有禮，上菜時間快，而且質素高，小編極力推薦！

係荃灣番工咁耐，先第一次幫襯烔記餐室一睇餐牌，比佢個豬手吸引住，再加埋鵝油撈粗，簡直罪惡感爆登但睇見個差不多枱枱都叫豬手，肥就肥啦，括出去喇!最後叫左冬菇豬手鵝油撈粗，一上碟，賣相好吸引，再加碗葱花湯，簡直絕配。撈粗上色均勻，帶油光，吃下等一口已經不能自拔， 一口接一口，豬手忟得入味上色， 軟綿綿簡直名不虛傳，不愧係招牌必點， 反而冬菇相對遜色，過咸，不過冬菇份量算多。最後飲埋碗蔥花湯真係大滿足喇雙拼56再加凍飲埋單都60，撈麵黎講都算貴， 不過坊間 好少食到質素咁高既撈麵。