炯記餐室 (沙咀道) (已改名) 查看

呢間餐廳個夠好特別叫炯記，係食鵝油撈麵嘅，即係用燒鵝出嚟嘅燒鵝油拎去撈麵，就咁聽已經覺得好香好好食。雖然就咁聽好似會成口油好肥膩，但佢話鵝肉豐富嘅油脂係對身體有益嘅不飽和油脂嚟，咁有佢呢句說話我都放低對佢嘅戒心，食左先講啦！今次叫左一個太子鵝油鹽焗手撕雞撈粗，食親撈麵都會有一碗湯跟埋架喇。個麵好香，落左鵝油同鼓油去撈，而果碟雞呢，手撕雞有樣野好就係唔怕有碎骨，因為師傅把刀唔夠利會斬到勁多碎骨，呢個就啖啖肉夠哂方便，啲雞亦都好香好好食。