炑八韓烤 (偉華中心) (已結業)

提早慶祝父親節， 假日下午去食， 2點幾已經有下午茶， 但本身想黎食雞扒蛋包飯， 好彩都仲有得叫午餐。超抵食親子， 雞扒雞蛋包飯， 大大碟， 三至四件雞扒， 有少少雞皮 脆卜卜， 炒蛋都 嫩口 及炒飯底。 比較 坊間其他蛋包飯， 價錢超值。食完再黎， 捧場！入席坐底已經有配菜送， 仲可以添加。檸水都可以添加， 所以可以不需要配飲品。家人喜愛食牛肉， 試左呢個石鍋牛小骨， 夠曬熱， 食完走都仲出蒸氣熱。 味道夠入味， 份量多。 跟一碗白飯。下午茶餐， 有一個細牛肉飯， 可配炸薯條及炸雞。 不吸引。 炸雞好厚粉， 試既話叫返正常散叫會比較好。 平時黎食晚餐燒肉， 多點啤酒或燒酒配， 午餐又份量多無試特飲。 今次下午茶試配特飲， 加$8杯。 份量大杯。 試左三款味。

本人十分喜歡韓式料理，但通常都在放工或假期晚飯時享用。難得今個星期六有時間經過沙田，剛巧見到有下午茶套餐，於是便入去試吓。Menu裏邊有好多不同的套餐選擇，搞到我心大心細，最尾選了蛋白包飯。同事很喜歡他們有前菜供應，泡菜就豆芽和紫菜湯。飲品只需加$8就有多款飲品供應選擇，賣相跟味道也很不錯哦。套餐裏嘅雞扒蛋包飯，雞肉很柔嫩蛋包飯的煎蛋包得恰到好處，而且賣相很不錯。令我十分開胃。相信我會再光臨他們的下午茶下次再試食其他套餐再在這裏分享。

韓燒店最方便的應算喜來稀肉和炑八燒烤。他們是很有港式文化的韓燒。多如繁星的分店，迅速快捷的上菜節奏，是令朕成為他們常客的重要因素。上星期又去了這間位於沙田偉華中心的炑八燒烤用膳。地點不太方便，食客卻絡繹不絕，可見其受歡迎的程度。幸好內子先訂了位，否則應該一桌難求。餐廳的餐桌分佈比較密集，隨時能跟鄰桌交談。如果閣下喜歡廣結良朋義士，這邊倒是個適合之地。座位分卡位、散檯兩種，散檯的凳不太好坐，都是沒椅背的圓凳。卡位比較好點，也寬敞些，四個人就剛好。是夜點了牛肉拼盤，海鮮拼盤，雞肉和牛肋骨。牛肉拼盤的味道中規中矩，不過不失。量是很大，味道也不錯，但肉質一般。（還是朕越吃越嘴刁了？）海鮮拼盤是首次嘗試，卻令朕有點小失望。整體上海鮮都很新鮮，鮑魚上桌時還一直在蠕動。分量也很大，有魷魚、帶子、花甲、鮑魚和蝦，應該足夠兩位苗條淑女果腹了。敗筆之處就是調味有點太鹹，過猶不及。整餐的亮點卻是在這牛肋骨上。店員為我們把它原條燒烤，肉香四溢。肉質有點咬口，適宜剪成小粒送酒。最重要的是美味如斯的它竟然分文不取（好像只要在面書分享點讚之類）。雖然炑八燒烤沒有喜來稀肉般寬敞的環境，也沒有小店裡韓國店員的韓語問候，

今晚(星期六)，唔算多人，但叫左加一碟泡菜叫左6次，叫加芝士4次，叫埋單兩次，分別先有人理我地，但已經次次都叫唔同職員，普通既，或高級既職員都係。。。態度好差，服務好差，畢生難忘。

韓燒黎講，我最鍾意炑八。香港既韓燒都有分新式同舊式，舊式係放堤果款，啲肉係雪櫃任你夾，新式就唔同啦，逐碟叫質素高好多。炑八除左肉既質素高之外，款式都好多。燒肉黎講我最鍾意食佢地既五花腩，燒到皮脆卜卜好正。仲有牛舌同牛肋骨都係我成日叫既。除左燒肉佢地既炸雞都唔錯，韓式炸雞真係最出色，炸完都仲皮脆肉嫩有肉汁。前菜細細碟開胃又好食，唔覺唔覺都refill 咗好多碟。最鍾意炑八係佢既爐邊蛋同芝士粟米！

以前喺黃大仙返工久唔久都會同同事食呢間連鎖韓國店，今次平日放假，就嚟到屋企附近嘅依間食。我哋兩個都唔係大食嘅人，同埋我哋又唔想食淨任何食物甚至前菜，食得好飽好飽好飽啊！呢個雞扒蛋包飯味道都唔錯，雞肉好入味，蛋好滑，沙律都好新鮮。但係相對冇乜韓國特色嘅感覺。應該真係好好味啊！將雞蛋同埋啲配菜撈勻拌飯，只係食飯都好正！而佢個五花豬肉同埋啲醬汁好有韓國嘅風味，最衰自己唔係好食得辣，一邊食一邊飲水，食到好似好辛苦但係都覺得好好味！我初頭擔心啲豬肉會唔會好肥呢，但係食落又覺得好合適！依間店仲好貼心擺咗檸檬凍水喺旁邊，我呢啲唔食得辣嘅人可以飲凍檸水去解辣味解熱。仲有依度有菜湯配餐，同埋加前菜，真係食得好豐足。^^好鍾意一份午餐會好飽，如果我下次再來會叫佢少飯，女仔好可能食唔晒囉。午餐除咗有lunch set之外，點解變得好多人會點肉食韓燒。呢間店好大，坐得都幾舒服，係約朋友聚會嘅好地方。

見到個menu所以心動試一試! 雖然每樣份量少啲，但係一次食到好多唔同嘢都會好開心，仲有泡菜任添，滿足你三個願望。不過如果啲侍應姐姐可以多啲笑容就好! 我都知你地辛苦但係可以唔好咁cool!

一向覺得呢到Lunch / tea 好抵食，叫個牛肉飯呀、炆牛肉鍋都唔貴，平均5x-8x 就有，仲送湯，泡菜👍🏻👍🏻今次黎Lunch 決定試韓燒！ 叫左個$108 有唔同肉（牛雞豬都有）加$25 有牛小排肉，勁飽！ 總有無限添加邊爐蛋燒全部質素都唔會因為Lunch 平而好差，算Ok！個人偏好想咩都試食，如果淨想要牛/豬等，佢有其他ser!呢個好食！燒到剛好可食入口就咬到，脂肪比例算唔錯，雖然要另加錯，但可以叫得過試下，$25 唔太貴！另加多個紫菜包飯！ 好食！材料夠，不過兩個人食咁多野，真係好飽！

這家位於沙田偉華中心的韓燒連鎖名店，是我們經常會去的食店之一，尤其是周末中午，他們的香煎雞扒蛋包飯，又大碟又多料又好味，更是食極都想再食的。不過今次是去開新城市買東西，然後去食晚餐的。餐廳最近推出半份燒烤新食法，方便客人可以試多幾款不同的食品，我們就點了半份芝士生蠔($58) 、半份特級鹽烤豬背肉($62)、半份蔥蒜霜降牛小排($98)、半隻甜辣無骨炸雞($68)、韓式牛肉炒粉絲($78)、一杯柚子冰茶($36)及一杯柑橘梳打($36)。除了如泡菜、青瓜、蘿蔔片、豆芽及沙律菜等前菜外，一開烤爐，先奉上爐邊的芝士粟米及蕃茄蛋，十分美味，而且還可以添加。芝士生蠔有三隻，各用錫紙杯盛著，有很多條狀的芝士伴著，可直接放到爐上燒，到生蠔熟了，芝士也溶了就可以食，生蠔也不會韌。特級鹽烤豬背肉燒起來肉質爽口彈牙，有嚼口，因為已經加了鹽，所以無需醬油已經夠味。蔥蒜霜降牛小排雪花均勻，切得有些厚度，有口感，有牛味，連蔥蒜一起燒更加入味。這份甜辣無骨炸雞是即食的，甜甜的不覺辣，上面灑了些芝麻更加香口，下面還有些炸得香脆的薯條。再加上這個韓式牛肉炒粉絲，粉絲煙韌有嚼口，味道又調得剛好，份量不小，足以填飽肚子

炑八韓烤有好多間分店成日行過都心思思想去 有日阿媽突然話想食韓燒式就不如近近哋去沙田偉華中心嘅呢間炑八韓烤啦 呢間燒烤店座位寬敞入面唔會好多油煙味烏煙瘴氣咁樣 坐得好舒服先黎四樣前菜包括醃蘿蔔、泡菜、麻油豆芽同埋醃青瓜泡菜嘅辣度都好強勁估唔到醃青瓜裏面嘅一小塊紅辣椒都可以令到個青瓜有啲辣度而我最喜歡就係麻油豆芽同埋醃蘿蔔醃蘿蔔酸酸甜甜好開胃有麻油豆芽既香氣就令人食完想再食食呢D前菜感覺健康冇咁大罪疚感柚子汁沙律都好大份之後食咁多肉一定要食返多D菜balance一下粟米芝士同另一邊既泡菜煎蛋都係可以不停refill既～呀媽大讚呢兩樣前菜都超好食～王者牛肋骨＄226 佢哋新出嘅王者牛肋骨 有足足25CM咁長份量相當驚人職員幫忙用大火燒好每一條邊鎖住肉汁後就用較剪剪開再每邊燒一燒職員好細心咁詢問我地想食幾成熟肉質豐腴肥美香氣誘人，令人食指大動聽職員講新餐牌可以嗌半份燒肉可以一次過試多啲野食真心讚！霜降牛小排半份＄98霜降牛小排預先用咗少少鹽去調味盡量保持原汁原味每邊只需要燒30秒兩邊嘅熱力就會逼入去裏面咁樣肉質先唔會太韌包埋菜一齊食就最好味～燒肉既熱力令到菜變得柔軟而肉汁滲入菜中間兩者味道互

今天和朋友來到沙田的炑八吃午餐，我們分別點了芝士泡菜五花肉拌飯和雞扒蛋包飯。餐湯和前菜很快就送到，餐湯是豬骨菜湯，兩碗也很足料，有很多肉、菇、蔥花和紫菜，湯清淡不油。前菜則是泡菜和芽菜，份量也不少。芝士泡菜五花肉拌飯，把五花肉、雞蛋、泡菜、芽菜、粟米與飯連芝士和醬汁拌勻，一啖咬下，口感有芽菜、粟米的爽脆，味道有泡菜、醬汁的酸甜，不錯。只是五花肉的份量不算很多，味道也普通。但總結，這裡的午餐CP值是高的。而朋友點的雞扒蛋包飯，她說好吃，會想再吃。

炑八晚餐同燒肉就食得多，lunch就第一次。烤五花肉流心蛋飯（$60）同menu上面係基本相符既😂五花肉係用韓式辣醬炒既，甜甜好少既辣，配飯係幾好既。流心蛋係七八成熟，流唔到既啦🤣名品大醬湯 配迷你蟹膏醬拌飯（$48+18）大醬湯其實都係似麵鼓果類，入面有三粒蜆仔，好多豆腐同一D蘿蔔粒，同一D咸肉粒，用來吊味既，個湯都ok既，普普通通。D蟹膏真係幾香，配飯超級好味，同埋飯既份量都啱啱好，雖叫迷你飯，都係够飽既。食完我會考慮之後買D蟹膏翻去自己撈飯🤣未上飯之前，店員就會上配菜同海帶湯，全部人都係有既。炑八既lunch都係唔錯既，唔單止得燒肉👍🏻

其實以燒烤來計，韓式燒烤仲有醬油蟹食，價錢算是便宜，以味道來計算也算是高質素，服務人員也算是親切，總括來講在香港食燒烤這個價錢別無選擇，講返重點醬油蟹，我個人來講，超級喜歡，因為好新鮮，香港要食醬油蟹唔係好多地方好食，所以要食醬油蟹大家可以嚟呢到試吓！

二月份團拜一浪接一浪，在二月底終於約到班舊同事去沙田搵食，原本想食嘅陳根記搬離左禾輋無咁方便，最後揀左沙田炑八韓烤。平日夜晚唔係好多人，安排我地8個人坐埋一邊唔會嘈到人（希望無打擾到其他人啦），舊同事見面最啱講舊屎，開心唔開心嘅都係話題，全部變成笑料一則。其實嗰晚都係講多過食，我地食左以下食品：✨豬腩肉大大件自己剪黎燒，不過無味有點失望✨護心肉豬肉類但樣似牛肉，有醃過食落淋淋地，燒過更加野味✨薄牛舌每邊燒幾秒就可以食，喜歡牛舌濃郁牛味✨牛小排牛肉和油脂分怖比例完美，以燒烤烤熟，小許咬口有少少牛肉味✨八爪魚全隻八爪魚，燒起黎一路收縮，感覺好殘忍咁，好彩有朋友代燒，味道超級好，好想再encore✨蝦一般貨色可食可唔食✨原味炸雞原本係想叫有醬的炸雞，可能大家誤會左侍應出原味比我地，食左少少都比較鞋口，味道一般可以不吃✨韓式炒粉絲無影到相，味道尚可✨沙律夠新鮮，可以減低食肉的油膩感總括黎講最好味係護心肉和八爪魚，至於芝士粟米和雞蛋、泡菜、芽菜、生菜任食，依餐每人大約160元，人多可以試多啲款，價錢合理夠晒抵食，最重要係一班朋友嘻嘻哈哈又一晚，希望下次再見唔使十年後啦。

人多來食個韓燒，飲下燒酒，傾下計，開開心心又過一晚！ 我食得最多就係這間炑八韓燒，沙田呢間又有咩咁吸引呢？ 其實沙田新城市的餐廳大多已沒有預先訂位服務，要在App拎籌等位。所以當搵到這間有得碗話訂位，不用再受餓住等位的痛苦，就已經好好了；另外員工的服務亦好貼心，好好笑容同友善！我們一坐下來，一小碟一小碟的前菜已放好在檯上，還準備了一條掛頸小圍裙，為煮食時增添不少樂趣！記得當晚跟朋友生日來慶祝的，搞笑又驚喜的是送來蛋糕時亦同時播了一首韓文版的生日歌，還送了一碗海帶湯和一小份牛小排！這個芝士紫菜熔岩飯必食！仲有專人為我們拌好！只要張開口食就得擁有為你下廚嘅朋友真係幸福！最好是這餐廳不設限時，慢慢食，最緊要唔好Overcooked 呀！！