炑八韓烤 (偉華中心) (已結業)

前幾日去咗沙田偉華中心幫襯左一個非常滿足的午餐！嗰日中午是星期三等了一陣就可以入座，個場都爆曬冇得坐卡位唯有坐完枱。無論價錢質素性價比高. 我同囝囝點了兩個餐埋單先二百幾蚊！個五花肉餐只是$12x 很多肉..😋😋到最後都食唔晒！另外雞蛋和泡菜雞蛋任加，如果你要粟米芝士加多$20可以任食😋另外嗰個係牛肉排加隻大蝦！肉質非常之林，兩條肉連埋舊骨上,再加兩個溜心蛋飯吃到非常之飽下次再幫襯😊😊另外有啲午餐都是40幾蚊包埋嘢飲質素都好過快餐店至少吃得飽🤩

可能是地理位置的問題，星期六中午不用排長龍就可以有位，而且可以坐喺卡位☺️由於有小朋友，安全起見，我們只打算order set lunch ,一看menu,我已經見到我的至愛蛋包飯，而且價錢實惠！未上正餐時，侍應先送上前菜（青瓜、泡菜、芽菜）、餐湯，讓我們可以一路傾談一路食嘢！雞扒蛋包飯落order 的時候没有留意到原來有四塊雞扒，腦海中立即浮現我是否可以ko 呢😅，其實吃了前菜、飲了湯、要好努力💪才能食曬，如果是男士食，應該也很足夠！韓式芝士雞扒湯麵🍜芝士味好濃，而且又有獅子狗等配菜，一次過可以品嚐幾款美食！蜂蜜雪梨茶：只有兩粒很小的雪梨，如果切大粒啲或比多兩粒，會有誠意啲！

上完興趣班，又來到沙田偉華中心的炑八韓烤吃午餐。今天已過十二時，但竟然食客也不多，二人即時已可入座。午市韓式定食餐牌已轉了一些，因不是大餓，所以便叫了一碗以前未吃過的韓式芝士雞扒湯麵。熱騰騰的紫菜青湯和有麻油香的爽口大豆芽先上，不久湯麵亦送上。陣陣芝士香味傳來，但湯又不會太濃，味道良好。最喜歡是湯內大量的蔬菜，吸引了湯的精華，滋味無窮。這個湯麵的麵質極像公仔麵，彈牙爽口。煎過的雞扒是放在麵上，所以仍然皮脆肉嫩，醃得非常入味。其他配菜如爽口的獅子狗和淸清淡淡的薄豆腐皮，吸了芝士湯後，更覺味美。初嚐芝士湯麵，感覺滿足。

因為近來睇左一套韓劇叫做「一起吃飯吧」，不停介紹韓國美食，正當諗緊星期二夜晚有咩地方好嘢食，就諗起不如食泡菜同埋韓牛，其實成個沙田都冇乜邊間韓國嘢特別好食，炑八算是質素不錯，而且星期二冇咩人，招呼周到，食物也好快送上，正，今次都係叫咗平特最鍾意嘅特選牛肋骨肉+薄切豬腩肉+泡菜豬肉鍋+菠蘿梳打，今次我覺得泡菜豬肉鍋真係好好食，再配上白飯，酸酸甜甜好開胃熱辣辣，豬腩肉配上蒜頭一起吃，牛肋骨汁燒軟林林好好味，下次都係盡量揀星期一至五去，咁就可以食得舒適

去沙田一田shopping 完畢，回程經過炑八韓國，就在這裹食飯兼休息吓先。環境不錯，簡單叫了牛肋骨煲配紫菜飯，你可以配紫菜鰻魚飯，當然要加錢啦。熱辣辣嘅牛肋骨煲，估唔到牛肋骨幾大件喎，而且份量都算足，配碗細飯，幾好，唔會浪費食物，牛肋骨肉夠淋，入味，亦有牛肉味，至於醬汁，稀傑適中帶少少甜味，唔錯。另一客是烤牛肉流心蛋韓式米粉，相比之下，牛肉份量正常，米粉份量足，味甜偏淡，配合濃味牛肉，剛好，還有一隻半熟蛋。當然有例牌餐小食，泡菜、大豆芽菜，喜歡可以添食。整體來說，環境不錯，地方寬敞整潔，食物質素幾好，份量足，@80，價錢合理。

在沒有任何選擇之下，來到嚐試〝炑八韓烤〞，人不算很多，也沒有想像中的要等侯才可入坐。不過都沒有任何的服務，每一次都要舉手，先有人理會，也沒有主動的服務（應該是人手不足吧），服務真的好一般。我地點左西冷牛（值得一試）、五花腩、海鮮豆腐湯（用料十足，不過有驚人發現：湯裡面竟然有原隻鮑魚.........連殼，可能係新食法，本人不能接受到）、炒粉絲。當用餐去到一半的時候，侍應竟然埋枱收調味料，再望一望個時間（20:53），心諗：你間鋪頭唔係收2130掛！！原來係全場都收晒，咁如果客人要用，咁點算？？又舉手嗎？？不過下次還會光顧！

雖然服務一直都唔夠及時，但以前都鍾意來里度食烤肉，覺得味道都算ok。最近一個月來咗兩次都遇到啲好讓人惱火個情況。一次係飯中食出一個塑膠包裝細條，同店員講咗，佢就咁走添！今日點咗海鮮豆腐湯，個湯味道唔同平時，有好大焦臭味道，話比店員知，佢就一直辯解話肯定唔問題，佢啲中午都食過，就係哩個味道！我係食晚餐喔，你的一鍋湯由朝煲到夜？湯裡面的鮑魚都好污糟咁，店員仲話哩個唔應該食，咁你點解放落湯啊？唔會再去啦！食物質素同對待客人的態度都有好大問題！

難得屋企人星期日放假，約左係沙田相聚，順便幫我慶生~~ 本以為炑八人氣大不如前之制，黎到現場先發現人氣依然鼎盛。我地一行8人，好彩BOOK左枱，如果唔係有排等。呢度只有二人餐，所以職員建議我地點兩個二人套，另外再單點少少。整體食物都唔錯，最好味既係以優惠價$250點既汁燒韓牛肉眼雖然價錢唔平，而且肥膏多左D、牛扒又薄左D，但牛味真係又香又濃，燒完勁Juicy!!另一款係以優惠價$98點既王者牛肋骨近一節手臂長、大概1.5吋厚，肉質都唔錯，雖然無上面果款咁正，但都食得過。夢幻飄飄燒烤套餐$588牛比較韌，但魷魚幾好味，可能同我細佬既烹調手法有關，顯得格外好味。夢幻韓牛套餐$895牛賣相唔錯，不過有一款牛比較韌，其他都好味。龍蝦肉彈牙，帶子厚身又大隻，燒完都無乜點縮水，食得過。另外仲有d熟食，包括紫菜包飯、芝士泡菜煎餅、韓式炒粉絲。紫菜包飯味道一般，估計應該包完一段時間，有客人order先切件。飯粒比較乾身同硬，而且唔覺有麻油香。芝士泡菜煎餅幾好味，無芝士既位置好香脆；芝士分量都算多，拉長絲無難度~；不過塊餅真係好油，少食多滋味。韓式炒粉絲好唔正宗，因為入味好重黑胡椒味，似茶記既黑椒炒粉果

其實我就周不時都會嚟沙田食下午茶， 因為其實我屋企真係住喺附近嘅 ，咁我見到呢一間餐廳炑八， 其實住喺附近都好少試呢一間嘢。 咁今日我就試下啦， 佢個下午茶都算係抵嘅以今時今日嘅價錢， 咁我就叫咗個大醬湯再加飯 同一杯青檸梳打， 佢個大醬湯其實入面啲料呀，都算非常之充足有蜆同埋牛肉.. 但個湯我覺得就鹹咗少少，但其實都覺得佢嘅。 至於杯青檸梳打其實都非常之好， 最少佢肯擺兩嚿細嘅青檸落去。 杯嘅size亦都算中規中矩 一定夠飲。 同埋唔可以唔提下佢個前菜有kimchi同埋牙菜，啲kimchi其實真係非常之好食好有韓國嘅style。 所以下次我都會試下佢其他下午茶!

好耐無食韓國菜,咁啱行經附近見到menu 又有啱食嘅, 於是二話不說走了進去. 餐廳好大, 有好多檯, 而且每張都好濶落, 一啲壓迫感都無.平時食韓國菜多數叫牛肉粉絲, 但今次叫了午餐”牛肋骨煲配紫菜飯”, 前菜係泡菜, 估唔到好大份, 同平時(其他菜館)嘅小碟(例必唔夠)好有比較, 味道就係可以接受嘅辣 . 湯就同其他韓國菜館差不多大, 味道亦沒有特別不同. 到主菜牛肋骨煲都同前菜一樣份量十足, 牛肋骨肥瘦得宜, 沒有成舊肥膏(真係食過有菜館嘅係 (肥)膏多肉少), 味道偏濃, 送飯一流, 如果可以添飯會更好!

🤤燒物系列🔥🥩🍖💕▫️餐廳：炑八韓燒▫️地點：全香港有接近20間分店🤤▫️營業時間⏰：Mon - Sun 11:30 am - 11:30 pm▫️價錢：～$80+(燒烤）🤩下午茶/唔燒烤會平好多—美味：🍖🍖🍖🍖環境：🍖🍖🍖價錢：💰💰💰💰—依塊係霜降牛小排🥩無論賣相同味道都超好🤤淨係見到牛肉上既紋，就知係不錯既牛🤫食落肉感好好，冇咩根🥩不過霜降牛小排係幾貴，要差唔多$200💸💸，所以想食燒物都係中午較抵🤩佢地有個「一個人的烤肉」，$100蚊左右可以選到兩款肉（通常選擇LA骨&護心肉，唔夠肉仲可以追加🔥）同一款飯🤤仲夠2個人食😚🤗仲有吖，不得不提係個泡菜蛋（午市都有）同芝士粟米（通常晚市先有）🌽雖然係配菜，但無論係同肉定飯一齊食都好夾🧀🤤如果覺得燒烤太貴，中午/下午去食韓式飯都好jeng🥰👧🏻鐘意泡菜飯🤫唔太辣而且好開胃—

上星期同家人慶祝生日，第一次幫襯炑八。我們訂了位六點半進去，人不算很多，七點鐘已經坐滿了。好多韓國餐廳檯面都有個鐘可以叫侍應，係到我搵唔到，所以每次叫人點菜、加水，加單、加蛋等等，都要不停咁舉高個手，仲要叫起碼3次先有人理我哋。我哋點咗海鮮拼盤，魷魚超級鹹，唔明點解雪魷魚都可以醃到咁鹹。豚肉味道可以，炸雞都算OK，普普通通。石頭飯幾香口，不過飯焦好硬。雖然前菜同爐邊蛋都可以任添，但因為佢哋真係好忙，人手唔夠，而且限時，所以只能夠添到一次，有點可惜。

今早上完興趣班又來到偉華中心的炑八韓烤吃午餐。星期日食客較多，所以我們二人只好搭枱。不用看餐牌，我已點了喜歡的蛋包飯和一個韓式粉絲。今天我還用了積分換了一杯飲品下了單，牛肉清湯和前菜便到。大豆芽爽口有麻香味，泡菜味道中規中矩。～雞扒蛋包飯 $48水準依然保存，雞皮煎得脆脆的，味道不醃得恰到好處，雞肉仍然滑滑。包著飯的蛋煎得不會過火，顏色已勝出。件碟的麻醬沙律菜更令此菜變得清新。～炑八烤牛肉流心蛋韓式粉絲 $63鐵板上菜仍保留著熱氣，烤牛肉入味，但有點韌，流心蛋在鐵板上慢慢熱熟，粉絲入味爽口。這菜是夏天的好選擇。不愛吃粉絲的人，可配白飯。～抽子檸檬梳打 （用150積分玩）味道較淡，但飲起來都有清新的感覺，又是炎炎夏天的消暑飲品。

小妹非常喜歡韓食､通常同朋友食下韓國晚餐､很少嘗试韩式下午茶.咁啱經過沙田炑八.原來佢地有下午茶套餐.令我十分心動.一於入去試下｡餐廳装修十分韓式. 有多款下午茶餐提供｡最開心的是他們的前菜可以添食､再加上下午茶套餐$48起· 是日我同朋友點了雞扒蛋包饭及烤五花肉流心蛋飯。 抵食夾大碟｡雞扒蛋包飯烤五花肉流心蛋飯加$8有一杯特飲， 大大杯50蚊樓下有一個韓式full set下午茶餐､真是大滿足,期望下次再試多啲其他款式,再係度分享

返工lunch time， 沙田工作者的福音， 幾十蚊enjoy原條鰻魚。首先好欣賞韓國餐廳消費有配菜送😍 無限泡菜refill， 食韓國菜永遠都唔會覺得單調， 燒鰻魚就不過不失，略嫌有少少咸， 可能係因為配飯啦， 蛋包飯冇乜味， 半熟滑蛋非常嫩滑蛋香味濃郁， 整體水準中上， 勝在性價比超高， 讚讚讚。不過如果以工作中嘅lunch time嚟講餐廳氣氛有少少壓抑， 裝修牆紙等等都係以暗色為主調， 應該係適合晚上同朋友一齊坐低傾計大聲笑嘅氛圍， 午餐嚟講有少少唔能夠放鬆。