炑八韓烤 (偉華中心) (已結業)

疫情期間，好多餐廳都做緊優惠價比市民。今日因為行街街，經過餐廳門口，見到下午茶28蚊。吸引住！反正早餐又未消化完！剛好去行完街街再食個下午茶☕️！韓國去唔到，只好填補一下肚子的空虛！起香港試一試韓國菜！難得一見的28蚊一餐，仲要包飲品！真係好抵呀！3個套餐，最吸引就係特級芝士泡菜五花肉韓式拌飯，份量足夠，熱辣辣好有鐵板上的味道，加3蚊就有杯凍檸茶啦，炎炎夏日中增加少少凍飲係少不了的。進入門口時，還有專人探熱，令客人有安心進餐的感覺！

呢個下午茶餐真喺好抵，個雞扒軟到一個點，又滑又大塊好好味，大塊到用筷子食都困難，應該用刀切住嚟食，不過喺韓餐唯有用筷子食啦，個飯喺撈埋番茄嚟煮，有淡淡唧番茄味。野飲方面我叫做凍檸茶少冰，如相可見，單寫住少冰，但事實喺我起佐冰出黎喺，杯茶得返一半，可能茶檔太忙忽略佐，最後可能唯二唔好唧喺今次我book檯3點鐘一位食下午茶，2點55分到咗之後見到一堆walk in 等位唧，同職員講返book 檯電話之後叫我等等，跟住又無話要等幾耐，跟住等佐10分鐘左右啦職員前後叫佐兩張二人walk in 唧入座，5分鐘過去後叫我入座，我覺得book 檯都喺要到同walk in 唧等位，咁其實book嚟無分別～理解餐廳好忙碌，希望餐廳注意返book檯人數同翻檯數量walk in 人數

今日出去買嘢，順便食埋野先至返屋企，攞住一袋二唔係太方便，搵一達地方坐得舒服啲，就諗起不如去食韓國嘢，點知非常有驚喜，原來而家係做緊六周年紀念優惠，有三款只係$28，就算早多10年lunch食飯要食好啲都唔止$30 ， 而家$30都唔使仲要包埋凍奶茶或者凍檸茶或者罐裝飲品，又唔使+10% service charge, 真正放低$28就走得，初時以為份量會減少左，其實同平時嘅lunch份量一樣，只係冇咗前菜同湯，除咗抵之外我唔知講咩好

近日疫情威脅下，盡量避免在外吃飯，於是買外賣便多了。今天途經沙田炑八韓烤，發現此店原來亦有做外賣，實在太好了，我又可以吃我喜歡吃的雞扒蛋包飯了！外賣雞扒蛋包飯仍然非常豐富，既有芝麻醬汁菜沙律和鮮車厘茄，亦可加$1配埋前菜- 麻油豆芽或韓式泡菜。四片香煎雞扒皮脆肉滑，味道不會過鹹，配蛋包飯來吃，非常美味。蛋包著的飯是用茄汁炒的，酸酸甜甜，非常醒胃，也不知不覺地吃掉整個飯了。吃過既便宜又美味的蛋包飯，感覺滿足。

太肚餓，無食$38下午茶食了午餐$68有成條牛肋骨，仲有三塊牛，成隻蛋，飽的。飯好好味，珍珠米，加韓國紫菜，咸咸地，惹味湯底一般泡菜太酸，唔夠辣食完主動問你要否加添前菜，我想要其他韓國店，例如薯仔，茄子，菠菜等等有機會試下下午茶

去沙田行街，行到3點3有點餓，見到有下午茶就走入餐廳。找個卡位醫一醫肚。我們點了兩個下午茶餐，迷你雞肉流心蛋伴飯，迷你牛肉流心蛋伴飯，小吃就點了洋蔥圈，雞翼薯條(+$8) 特飲+5。共$89 不用加一。上餐時很有驚喜，先看份量不算少，再到伴飯非常好吃，因為是迷你飯，流心蛋剛剛好伴好一個飯，平常吃午餐多流心蛋不可能伴一整個飯，這個下午茶真的有驚喜。有主食，小吃，泡菜，湯，餐飲，$38元真的很超值。下次去沙田一定再去吃下午茶。

好耐冇食過韓國菜，今日去買嘢嘅時候，見好耐冇食過kimchi, 一於行多幾步去隔離商場食，原來已經到咗tea set時間, 價錢仲要再平啲，今日叫咗韓式辣雞溫泉蛋飯，完全唔覺得辣，帶少少甜味，睇落好似細細份，但其實都有一碗飯嘅份量，雞肉有煙燻香味，溫泉蛋好滑溜，有蛋香，加多少少kimchi撈飯，有返少少辣味，正，小食要韓式單骨雞翼，入面有少少薯條，非常香脆，但好juicy, 唔會好乾，雞翼粉漿唔太厚，剛剛好

因為要出沙田學英文既關係，去左希爾頓食炑八既lunch,叫左個雞排蛋包飯，同埋一個炸雞小食。每次黎都必叫蛋包飯！因為覺得好好食 雞蛋火候處理得好好，每次都係好嫩滑。另外，炸雞個汁係甜甜酸酸，非常開胃，並附送三小碟（泡菜，芽菜，海帶）重有一碗湯。

繼續Home Office, 做完好多嘢就已經去到下晝，喺屋企做嘢時間真係過得特別快，可能我會繼續延長home office, 可以提升工作效率，因為集中力專注度特別高，做完晒所有嘢已經三點，係時候要出去食飯，今日好想食韓國嘢，就搭幾個站落咗去沙田食，趕得切仲有茶餐，先飲蘿蔔牛肉湯，配搭一流蘿蔔清甜，突出牛肉味，最鍾意呢度嘅泡菜，唔會有好多水，亦都唔會太鹹，韓式雞肉飯，雞肉切成粒狀，甜豉油味道突出，鮮蝦餃子有雜菜伴蝦肉，大大隻啖啖肉

炑八燒肉食過一次，印象中正正常常有次經過見到佢午餐幾抵食雞扒蛋包飯，有前菜有湯，$48 唔洗加一沙田黎講真係幾抵食，一於試試佢午餐選擇都幾多，每個lunch set會跟湯同前菜環境都幾大，唔算迫峽卡位坐得舒服，圓檯圓枱啲位就麻麻唯一問題係通風唔夠好，食完有時會成身炸肉味前菜有最普遍既芽菜同泡菜芽菜正常，微酸都開胃泡菜唔會好辣，可以提味對於唔食辣又唔食芽菜既我，次次都希望佢有海帶海帶唔係次次有，我都幾鐘意食，次次都要encore海帶軟得黎唔會好淋，爽口帶啲咬口調味酸酸甜甜好開胃👍🏻加左啲洋蔥做調味，增加番個層次湯於普通蘿蔔牛骨清湯，蘿蔔同椰菜都幾多個湯清清地都唔錯👍🏻基本上次次黎都係叫雞扒蛋包飯🥚🍚份量都幾大，有啲沙律伴碟菜同蕃茄都新鮮，配既芝麻醬係經典配合，好食😋雞扒有成四大塊，煎到塊皮脆脆地，配埋軟嫩既肉質，口感係唔錯調味幾好唔會過咸，油脂豐沛，咬落口好香蛋包飯同埋份量好足，蛋煎得半熟仲好滑溜蛋味都幾足，入面既飯撈左少少茄汁雖然唔係好食到茄汁味，但令到個飯moist啲次次都食蛋包飯，今次叫左個石頭蟹🦀膏飯上到黎嚇一嚇，個石頭鍋都幾大，但佢裝到好滿石頭鍋非常熱，上到黎嗞嗞聲等左陣先撈因

因為新城市廣場經常有反修例活動，地鐵又經常提早關閉 (昨天亦不例外，也是晚上8時就關閉了)，廣場內的餐廳很多也因為地鐵關閉而會提早關門，為謹慎起見，朋友就選擇遠離新城市的偉華中心作為晚膳的地點，方便之後行路回家。見到炑八韓烤可以訂位這麼方便，二話不說就決定訂枱了。見到餐單上有很多款式，睇得我眼花瞭亂，心想就選個最貴的拼盤應該會不錯吧!$895的韓牛夢幻餐，對他真有點幻想，可惜食落幻想有點破滅了, 有部份牛肉很細碎，好像肉絲一樣，也不軟淋。牛舌非常UN，咬到牙都掉了都未咬得開! 最好食的算是帶子及龍蝦了……接近1000元的一個餐也不包飲品(另外點了桃醋soda及檸檬soda,普通貨色)，服務也不是很好，相比尖沙咀很多的韓燒，食物有質素、食環景、有service，相比之下這間性價比真的非常之低……

今日好轉接都未去到公司，中午由屋企出發烏溪沙站上車，最後晏晝只出到沙田，女朋友話出到中環都行唔到去公司，佢都唔知點走，搞到有啲怨言仲乜要租中環做office，都係我唔好，留喺舊office唔搬就無事........而家食lunch食完返屋企迷你咖喱飯其實一啲都唔迷你，咖喱辣辣地有啲雜菜+流心蛋，四隻大大有蝦餃子，泡菜，芽菜，雜菜牛肉湯，初時以為份量唔多會唔夠飽，可以叫多一個餐，應該咁先夠食，我太睇小餐不可貌相

D同事成日都話炑八雞扒蛋包飯好大份 $48好抵食 今日終於嚟左試 lunch時間過嚟都有好多位唔洗等 佢lunch menu包一個湯同有3款前菜（泡菜 大豆芽 海帶）飲品就要加$8 上枱啦 嘩真係好大份 仲有成4塊雞扒 都係$48 Lunch嚟講係沙田算好抵呀 雞扒上面有汁都好好味 佢蛋唔算整得太老 都仲好滑 $48嚟講已經好滿足另外有朋友叫左個貴d嘅芝士鐵板飯 好似食pepper lunch咁 不過佢都話好食嘅 不過唔知係咪呢度做韓燒多 d野都好油 講緊係餐具洗唔乾淨 仲有d跡 呢樣真係要改善下 仲有就算我唔係食燒嘅野 食完lunch出嚟都成身韓燒味

小弟早排去完韓國一直都好掛住韓國既美食，所以決定約屋企人去食炑八食lunch因為屋企人都想食韓燒，所以就決定叫左一個飯同一個份燒肉午市原來要加$25先可以食無限添加芝士～個飯分量都好大，成條鰻魚夠哂肥美仲有沙律做配菜，成件事無咁油膩不過美中不足既係唔夠熱，如果可以再熱d既相信會加分～呢盤自選燒烤餐望落去雖然份量唔多，但味道都唔錯，午市食果然比較化算小弟上次去完韓國最掛住既就係街邊既魚榚湯，所以見到餐牌有就即刻要叫黎諗住「回味」下，點知 個湯底一睇d色就知中伏味道同前菜個碗湯好接近。好彩魚榚正正常常，但下次唔會再叫平時黎食晚飯每人都起碼要$200埋單。想食燒肉又唔想大出血既話食lunch真係一個唔錯既選擇

由韓風興起就勁鍾意食牛肋骨煲，不過自己煮又好花時間同心機 出去食好多都過$148-168，直到幾年前發現炑八牛肋骨煲 只係$78！真係平食同高質選擇。D肉質好入味，正呀