炑八韓烤 (偉華中心) (已結業)

星期六 放假 食女朋友喜歡的炑八沙田這分店 第三次來 一次晚餐 一次午餐 定食今次食午餐燒肉 企門口帶位的 禮貌很好 我想轉枱 佢都盡量幫我坐底左 點左2款1款豬 1個牛肋骨味道不錯 賣相亦不錯 唯獨 店內員工 和衛生需要正視碟蒜片有條金色長髮我同員工講 佢哦左一句就走了 叫員工第一次refill芝士 倒到枱同爐周圍都係在我們桌旁牆身亦走小強在爬行 即刻胃口都無埋 食物既味道比旺角瓊華好小小但服務質素差好遠 起碼主動換鐵板 會主動收野 refill野 沙田分店 確實差 短期內唔會再去這分店

由於係星期六 沙田新城市係非常多人， 加上10月1號派咗消費券， 多咗好多人出街食嘢 。同朋友逛完博物館，諗住早啲 6 pm 食， 因為好多地方都冇得訂位 , 朋友又想食韓燒, 上網發現這間 openrice 可以訂， 即刻的訂， 去到只係等咗一陣就安排入座喇。 只有90分鐘，食得比較急趕。 食物價錢中上 ，味道到都不錯 ，小排牛味道好過一整塊那款。燒肉都ok。都好有韓國店嘅味道。

食物質素比起上次嚟有進步👍🏼 午餐幾抵食，百鬆啲蚊有交易。我哋今次叫呢個餐好似$130左右，杯梳打就另加$8，再收加一服務費，兩個人埋單三舊水，算OK啦！個餐包：1. 三款前菜，有泡菜、荳芽同海帶。2. 湯一碗，不過冇味道嘅🙅🏻‍♂️3. 四款牛肉，有牛舌、牛小排、牛胸腹同唔知牛乜🤣4. 餐飲一杯，加$8可轉梳打！5. 蛋漿加$18坐得都算舒服😌 服務就可以再做好啲😊

晚市6點剛開始我們入座，點好了食物，我們有一張醬油蟹coupon，但服務員May小姐，立即説醬油蟹沒有了，今天賣光了😪我們話晚市才剛開始，而且得3枱客也沒點醬油蟹啊！服務員May小姐立即說，我再望望先….接着説原來還有😒太不誠實了！跟着我哋是點正價餐目，但出咗套餐嘅食物。點一隻大八爪魚🐙居然比咗套餐包嘅細八爪魚🐙比我😒所有點嘅嘢都出錯……

今日經過炑八見到呢個外賣自取餐單，開頭比佢個炸雞吸引咗！睇落去見到啲蛋包飯都係$38，就買咗返屋企食！見到個盒飯嘅質素似係$78😂 賣相真係好靚好靚好靚😂 佢嗰飯底係炒底唔係白飯，真係估唔到咁有誠意！蛋好滑，同埋呢一個要煎得好有技巧！個下轉一轉唔係咁易整😅有啲日式餐廳嘅師傅都未必做到！鰻魚係細咗少少🤏🏻但成嗰package我會俾100分，性價比真係好高！其實炸雞都好抵食！但係最衰自己食唔晒，所以冇買到😂

久違沒有出外吃午餐因為想食韓國菜 所以就選擇左呢間午市套餐唔算貴人均大約$80 有一杯餐飲（+$8） 一碗湯一個主菜 一個配菜（可以無限添食）已經可以食到好飽炸醬麵味道適中 唔會太咸雞肉蛋包飯有3塊雞肉 分量十足飲品選擇幾多另外可以選擇食燒烤不過價錢就會比較貴飲品方面叫了一杯薄荷荔枝梳打一杯柚子檸檬梳打兩杯都幾特別 最適合夏天飲最鍾意呢度嘅泡菜可以無限添加不過其實都係添加左兩次 因為碗湯同個主食都好飽 真正嘅攬住個肚走

又來到炑八韓烤買外賣，今天食客頗多，門外已有一條人龍。落單的時候，店員提醒要大約半小時才可拿到食物。～烤牛肉蛋包飯初嚐烤牛肉蛋包飯，原來牛肉的份量絕對不少。烤牛肉肥瘦分明，配料的洋蔥絲和青蔥粒為牛肉增添了清甜味道。烤肉更灑上芝麻，味道層次又多了。烤牛肉配蛋包飯，真教人滿足。蛋包著茄汁炒的飯非常美味，飯是一粒一粒的，甜酸味又不會過濃。～燒雞扒蛋包飯燒雞扒蛋包飯保持水準，雞扒香滑，味道適中。蛋包飯又容易人口，令人不期然一啖接一啖，很快便吃掉整個飯。實在太多飽了，但也不能放過麻醬汁的沙律菜。～忌廉鮮奶味道較特別，是有氣的奶類炭酸飲品，好味！不到四十元便吃到這麼豐富的午餐，真是難得。

琴日食完Deliveroo外賣，今日就試吓堂食💕再試真啲😳因為我明明記得上次食啲炸雞係好難食，可能真係間間質素唔同👀今日就嚟食午餐，我承認自己好貪心，兩個人嗌咗好多嘢食，叫咗兩個set lunch，一個係牛迷狂野套餐，另一個係豬肉拼盤，兩個加埋大約$299，其實都唔算貴😏不過食物質素就中規中矩，唔會話食到好好食嘅肉兩個套餐仲有得配飯同埋飲品，我就叫咗迷你泡菜豬肉飯，仲叫咗個甜蜜蜜芒果梳打，不過要加$18，其實加$18就唔算貴，因為佢成個芒果都插咗落個杯度，飲品係幾好飲嘅，但個芒果就真係唔好食啦😂我仲叫咗甜辣炸雞食，食落就唔係太吸引，加上因為叫得太多野嘅關係，所以最後要外賣拎走嘅，但係夜晚叮翻嚟食，都竟然仲有少少脆大家記住前菜係可以無限添加

其實我心思思想喺Deliveroo度叫好耐因為照價半價我覺得好抵，仲平過堂食咁🥰我叫咗嗰韓式炸雞套餐，揀咗蜂蜜牛油🧈，同埋韓式辣炒年糕，仲有一罐汽水🥤Total $128其實都幾奇怪，個餐冇可能一個人食得晒，但係佢都一罐汽水😅 個炸雞真係超水準，估唔到外賣都有呢個質素，之前食過最好食嘅係outdark，但呢度都真係唔差好有興趣再食不過個辣炒年糕我可以形容為難食😥 平時自己都好鍾意食年糕，但佢同煮熟咗嘅年糕撈埋啲汁無分別😑😑 呢碟嘢$10我都厭貴😥

看餐牌才知道，原來除了烤肉之外，有其他單點的食品。不想吃與韓國食品沒有什麼關係的蛋包飯，因此點了個泡菜豬腩肉芝士鐵板飯。如果要飲柚子或是其他荔枝特飲，要加錢，但原來本身都包一個前菜以及牛骨湯，都可以接受。湯非常之清，味道看不出是什麼骨製成的湯，當作例湯都可以。前菜只是芽菜，當然沒有什麼特別。然後等一會，就端來了這個鐵板飯，份量都算不少，原來豬腩肉的份量也挺多真材實料，因為你可以見到，最旁邊那一個豬皮都會給你，而且沒有什麼痴著毛，都算是相當不錯，真材實料的韓國餐。即使泡菜不算太少，但是味道不像一般韓式店的泡菜那麼又辣又鹹，覺得這兒的泡菜帶點甜味，都算是不錯的。如果平日或是晚餐時間吃燒肉都木板，都可能要最少百多$200 ，這樣午餐時段來吃頓午餐只需60多元，有前菜有湯，有個大大碟的正餐，都算是可以接受。

前排炑八是每人都會去過的餐廳，因為韓風吹襲食炸雞、韓燒等。每次一大班朋友約會一定會去這裡。今日放假經過沙田又想起這間餐廳，在門外看到餐牌午餐嘅價錢都很親民，那就和朋友在此吃飯。神石榴士多啤梨梳打前菜有三款，青瓜海帶、泡菜同大豆芽，涼拌很醒胃，例湯是豆腐海帶湯清清地。炑八牛肋骨煲配紫菜飯牛肋骨燉得非常腍身很入味，份量都很足。人蔘雞湯(半隻)配紫菜飯熱辣辣人蔘雞湯很香濃，半隻雞也很厚身湯非常鮮甜，只是吃這個已經滿足很飽了。有骨原味炸雞(半隻)配薯條即叫即炸很脆口又鬆化，雞肉仍很多汁鮮嫩。神石榴士多啤梨梳打另外點了杯特飲，神石榴味道很特別配埋士多啤梨都幾夾。

第一次嚟食，下午3點半時間，叫咗個燒烤套餐 + 泡菜餅 + 鰻魚蛋包飯，會員初次登記仲送咗半份炸雞，泡菜餅同蛋包飯先送上，味道都算可以。但當我係燒肉併盤上夾舊五花腩去燒既時候，發現一隻浸死喺醬汁上面既"小強"，非常嘔心!!!職員及經理亦沒有表示非常抱歉，只係輕描淡寫咁話幫你換過碟，草草了事!!!對食物衛生及職員處理問題態度另外，食到一半既時候，場所內仲有少量人客既時候拖地(地下全濕)，亦會構成安為問題!!!完～

為咗個醬油蟹黎食自從疫情無得去韓國又好掛住d醬油蟹朋友就介紹我黎食啦個醬油蟹真係有韓國既味道 拌飯食仲好食 食到停唔係然後再叫左個2人餐 $498有五花楠 有雞肉 護心肉 章魚🐙兩個人食就剛剛好 埋單800幾蚊

見到好多食評都話服務唔得，今日一試，果真如此。。。事原睇完戲去揾食，我哋睇中左門口的餐牌，百幾蚊的一人燒烤午餐，岩食，就入去，有一個譚仔tone既阿姐為我地set好燒肉的餐具，叫我哋用QR code 點餐，我哋起手機及餐枱上的餐牌都唔見我哋想食嘅餐，只見$498以上的燒烤餐，就問返阿姐，佢都有禮貌話唔清楚，叫左另一位瘦身形的馬尾女士過來回答，果位女士的語真係氣差，答得好悔氣，好似極唔想我哋食平價餐，或者我哋勞煩到專貴嘅佢要手寫幫我哋落單。其中...馬尾女士：泡菜有AA, BB, CC，要邊樣？我：可以揀幾多樣？馬尾女士：兩樣啦我：餐牌寫三樣嘅？馬尾女士：我唔知你哋係咪全部都食嘛我：要晒三樣呀，唔該(今日至知原來侍應會決定客人食唔食啲乜)是日的食物質素中規中矩，因為after lunch 時間，少人點燒烤，沒幾大油煙味。基本上大致都ok，除了「她」

依家已經唔使再睇menu，用QR code 落單，快捷方便好多。唯獨是唔係好感受到d咩服務。想叫人換爐網同添小菜都等左好耐先有人見到。建議應該整個叫人鐘係枱度。燒烤緊係驚d油彈到整到件衫，依間炑八有贈送圍巾👍🏻👍🏻幾好野飲叫左2杯特飲。左邊係藍天使，麻麻地，略甜，有d似波子汽水。右邊係青檸柑桔，幾清新。之前試過荔枝特飲，超推介👍🏻👍🏻🌸我地叫左一個豬肉拼盤(梅花肉，韓式秘製醬油豬五花，蔥蒜豬背肉)，韓式炒粉絲同梨汁雞腿肉)韓式炒粉絲：一般，略為偏淡豬肉拼盤：價錢合理梨汁雞腿肉：入味，推介👍🏻😗記得要叫2碟以上既燒肉類先送前菜同湯，當日係海帶湯係幾好飲，咸度適中。2人買單總共$433，成餐飯不過不失，服務質素可改善。