炑八韓烤 (偉華中心) (已結業)

外賣嘢食好慢 等咗20分鐘 飯盒就喺檯上無人裝入袋 催單都唔會幫手去廚房催一下 要啲客自己入去催 淨係識得叫人等⋯對顧客極為敷衍 催多一次仲惡過顧客 唔會再幫襯 體驗感好差 食物算ok 但係服務真係令人失望

17號同屋企人去食lunch，book左張4人木台，佢安排左有2個爐既座位比我，我地叫左一個燒肉set同2個午市套餐，話要開2個爐一定要叫多2碟肉，我心諗咁你就唔好安排呢個位比我啦，要比我坐又要我再叫多2碟。埋單都1300蚊，野食好一般，食左咁多野係個牛肋骨好食D店員D態度差，叫親佢地都好似好唔願做咁話加芝士 一句就問你點呀冇下次，成個體驗好差

本身個日幾位朋友約埋去食飯慶祝生日其他服務上都尚算ok食物都算快但都最尾埋單，有位侍應走過我地到講買盒月餅可以有8折優惠（當時我地都食到1800左右，8折都好可觀平好多）咁我朋友出去埋單個陣，額外買左月餅卷先再結帳，最終禮卷話冇曬，要遲d先有，所謂既8折冇提過即時冇得使用（因為冇卷係手既原因）最終8折當然冇啦成件事同個位侍應所講既即時做8折優惠吾同曬哄客人買野姐係咪都要確保有足夠既優惠券先好銷售呢大家都係互助互惠姐，做到咁，成件事好吾愉快

叫咗鰻魚蛋包飯同埋青檸梅子梳打，個鰻魚蛋包飯嘅份量好多，鰻魚都好大一條，加埋雞蛋嘅配搭啱啱好。青檸梳打好大杯，唔會太甜。呢個餐嘅性價比高，好值得一試。衛生環境方面良好。員工服務態度方面一般。性價比高。仲有韓燒，炸雞等唔同嘅選擇。

本身想食韓國野試過一田嗰間就試下哩間覺得嗰間性價比竟然仲高 d 主因係因為佢醬油蟹太令人失望$258 跟飯但蟹細隻 無爆膏無鮮味唔好話同韓國食既比 同韓國街食店比都差一大截好失望 燒肉叫左牛小排 五花肉 但同行話五花肉無味 雖然$158算抵？ 都幾大條牛都唔係好靚嗰種… 求其donki燒肉都完勝～$188 6塊 水冷麵..完 全 無 味 Hkyvmall買左一包$20蚊既水冷麵一樣但佢好處係好多配菜有得refill更加比主菜出色海帶 泡菜 芝士粟米都好食但人均$370 絕對有更好既選擇 唔建議食哩間D staff 好極端 1d「太」熱情 特別是男同事女同事就偏冷漠 有個成架垃圾車hi 到同行都無咩反應咁… 環境 雖然有獨立抽油 但完全係廢燒左好短時間d煙已經吹到眼都開唔到食完成身臭到不得了 會好尷尬Overall唔會想再嚟

同標題講嘅野一樣今日接近晏晝5點起身第一時間就係肚餓知道附近有間韓烤我女朋友想食好耐就起身同佢嚟食嘢我女朋友原本以為食粉麵點知😉嚟左一間可以親自動手嘅餐廳比我威威一次😂😜依個香烤豬五花我揀左醬油味🥰（仲有個原味無揀到）非常入味明顯唔似其他鋪頭咁擦上去有心嘅出品要讚有招呼同埋依個姐姐好親切會介紹啲好嘢比我試下食哂啲芝士粟米仲會幫我地加添🥰登登登傳說中厚切五花腩 $128非常抵食一切就可以切到15小片唔講住啦，我繼續開動地址：沙田偉華中心2樓8C鋪電話：24659055

今晚同幾個朋友過黎沙田呢間炑八食生日飯，第一次經openrice訂座，原來都好方便，一show資料就入得👍🏻食物質素好好，好多款韓式前菜都任食，就連芝士粟米，泡菜煎蛋邊都係任加任食，我地叫左好多次黎食，非常正🤤仲有特別一讚呢位Daniel哥哥，有特別推介食物俾我地，仲幫我地燒埋，真係好細心，服務一流，而家真係好少見咖喇佢特別推介既牛肋骨，好鬼正，好入味又軟，仲有牛舌都真心推薦，臨尾飲返碗海帶湯，簡單得黎，飲完好舒服蜂蜜燒酒超級不推薦

買了半價卷食炑八Lunch, 叫左個Lunch set 加一個飯卷, 今次體驗麻麻每個套餐只會有一碗湯同埋一個韓國小食，有泡菜，芽菜等簡。同以前不同鐵板排骨伴飯 - 排骨做到好軟夠味 但如果多d肉就會更好炸蝦紫菜包飯炸蝦的飯又凍又硬，蝦好厚粉仲加左$18叫左士多啤梨乳酸梳打飲品方面幾好飲，不太甜， 酸味適中 最扣分的是員工的服務態度，埋單時話用半價卷，他們一口咬定我們這公司沒有這個優惠，但明明是有寫在卷上，後來他們自己發現原來是公司沒有跟他們說，感覺他們的態度可以有改善的空間，明明可以先打個電話問，唔知唔代表冇呢樣野。

沙田這間分店已經試過很多次了，之前試過幾次感覺都不太好，服務質素及態度都很差，但今次再去態度及服務質素明顯很有改善，至少有位靚哥哥會提議及推介，之前去過N咁多次都幾乎冇人理你嘅，講返食物質素，都是滿意的，可能餐牌有些改變，今次試咗豬腸，值得推介，但是人蔘雞湯，鸡係大隻嘅，但湯嘅份量比較少，我哋兩個人每人都只能夠得一碗湯，希望有進步空間。

今日外邊落大雨 鋪面小左人排隊 黎到唔洗等位 即刻入得仲要有卡位坐 非常好餐牌好多款都好吸引 耐無食燒肉 又想試一人燒烤餐最後點左烤牛肉韓式炒粉絲同甜辣炸雞用餐前會先比餐湯同前菜 泡菜好好味等左陣 主食同飲品好快到韓式炒粉絲既烤牛肉份量都多 粉絲炒得好夠鍋氣 幾好味 值得encore之後黎左炸雞 感覺甜辣醬唔夠惹味薯條亦唔夠脆 相對遜色但份量夠多既 飲品點左荔枝梳打 一試愛上 岩晒熱天消暑 食完炸野解膩埋單每人大概一百左右 韓式食物黎講 勝價比高

平時食得多佢啲燒肉，今次試吓佢其他熟食，先嗌左一個紫菜包飯，但係凍冰冰，完全冇味，泡菜餅用啲沙律醬汁冚晒啲味，冇泡菜同蛋餅香味，最後服務態度一般，叫咗好耐啲嘢食都冇黎，而且叫佢哋加啲嘢又冇人理

今日5:30pm 叫外賣自取，叫咗兩個餐。等咗半個鐘，後我地4-5張嘅單都已經攞得，問佢地職員嗰陣仲話要等，態度已經一般，唔想理你咁款。再過多15 mins 行入去問佢地職員，點知連張單都唔見左，調返轉頭問我地叫咗咩。有個黑衫職員叫紅衫職員幫手執餐俾我地，問佢係咪有齊兩套餐具，佢睇都唔睇就hea答我地話係，點知一打開得一套。最後諗住終於有得拎走，點知仲要執漏餐，漏野飲。個職員勁唔gur咁死死地氣入去拎返，服務態度極差。

炑八大家都應該有食過吧我諗大家最常食既係燒肉今日我推薦大家食佢地個定食即係邊款？拿～ 我原先因工作關係就食開佢既下午茶既 疫情前段 炑八 最平做到 $28-$38一個餐真心見到 生意好差但佢 咁既價 所以當時我食個湯飯定食 都 諗到 無乜料 但 我覺得開頭佢 $28包埋大大杯凍檸茶 抵到爆炸lunch set 有例湯 +前菜 +main今日凍凍地 咁既天氣 一定係想搵熱湯既野食下第一時間就諗起炑八個大醬湯飯而家 工作 時間 係 office hour 所以 要食返炑八既lunch set 俾我搵到個 mini lunch set $58 大醬湯飯餐！佢 都照有 碗 例湯 + 4選一既前菜（泡菜， 芽菜，海帶或酸蘿蔔）我預左mini同當時我食既 $28差唔多啦～點知 十分喜出望外既係 大家睇上邊個幅圖先佢係飯正常size 今次紫菜算多架啦！ 不知幾想佢可以 鋪滿紫菜！（似牛角個碗咁！+$ 可加埋隻蛋重好）佢個大醬湯 俾你地睇啦！睇唔睇到？ 佢有幾咁多料 mini but not less架下！ 佢料齊到有 2粒蜆啦！節瓜片粒 蘿蔔粒片 豆腐粒 冬菇 少少洋蔥 重有 肉喎！佢D肉 一邊食

1/11/2021沙田區真係好多野食, 過左黎做野之後日日LUNCH都要唸一輪先揀到食乜好!今日同事比左張外賣傳單我, 原來炑八都有做外賣自取優惠! 一個蛋包飯配埋個罐裝可樂只係38蚊!!!! 抵到爆!!提早10分打電話ORDER 然後行過去拎, 時間岩岩好!今次叫左個泡菜豬肉蛋包飯 , 份量好足! 剩係個賣相已經加哂分.泡菜都幾辣, 撈埋個飯食先中和到, 個蛋做得好好半生熟滑DUDU甘, 吾似快餐店甘加哂牛油牛奶咀漏, 呢個撈飯一流! 最後我成兜飯盒KO哂, 下次試埋個豬手套餐先!!翻兜指數 ***** (5粒滿)

限時90分鐘，但未夠45分鐘就要我埋單，未夠60分鐘就話要收枱，迫我走！！我都無超時😡😡😡<< 真實 對話 >>店員：食完未，幫你執執佢我：未，我仲食緊.. （事實我筷子都未放低）店員：你地夠鐘架喇！我要執枱架！我：我未食完，我未夠鐘店員：你夠鐘喇..我：未呀！我仲遲過隔離枱入嚟坐喎，佢地都未走！店員：轉左幾張枱啦！（我100%肯定未轉）我：你去check下我幾點入黎店員check..店員：你6點32分......我：而家7點34分店員：我話你就夠鐘姐，你可以食快d...😡😡😡😡😡😡限時90分鐘！？？我食完賴死唔走就話姐！我仲未食飽架！！！（（安心出行入座時間18:37呀！ ！無得呃人架！！ 都未夠60分鐘））咁樣 趕客 既餐廳真係唔會再幫襯！😡😡好地地食餐飯都咁受氣！😡😡唔知邊度得罪佢！！！😡😡😡😡😡😡😡😡😡😡