炑八韓烤 (偉華中心)

營業中

休息中

秋風起約左朋友去食韓燒，炑八港九新界都分店，就返大家就揀左沙田分店😆🌟炑八厚切五花腩 ＄136食韓燒必點嘅五花腩😋係厚切，但已經𠝹開左一條條，所以會容易D熟。烤過嘅五花腩脂香四溢，豬皮脆卜卜😋生菜🥬包住吃特別有風味🤤🤤🌟外裙肉158牛肉有醃過，所以烤完可以就咁食😋外裙肉嘅脂肪比例均勻，肉質細膩，烤到5-7分熟的口感，肉質多汁且風味濃厚，好好味🥰🌟大八爪魚 $98 🐙八爪魚調味後帶微辣，咬起來好彈牙，口感嫩中帶脆，口感豐富😋🌟 韓式紅蝦 $88🦐紅蝦大隻又厚肉，烤完蝦殼香噴噴，蝦肉爽口多汁🌟 海鮮煎蔥餅＄108煎餅落左超多蔥，所以好有蔥香，仲加入蝦、蠔同八爪魚，令到口感更豐富👍🏻🌟 韓國水冷麵 $88烤肉配水冷麵係非常夾！食完熱野會好食返凍野，冷麵口感好煙韌彈牙，湯底酸甜，大啖大啖食好爽😆好開胃🌟菠蘿梳打 $38大大杯味道酸酸甜甜，仲有菠蘿果肉食🌟紅桑梅有汽果酒 $78叫左杯比較特別嘅果酒，有紅桑梅嘅酸味，酒精濃度唔算高，容易入口

實在太耐無食過韓燒，難得今日中午約了朋友行沙田，那就不如襯午市時間到始祖「炑八燒烤」韓燒一下。作為韓燒界始祖，餐廳的裝潢宛如置身於首爾最潮的燒烤店,黑色系的裝潢，以及播放著韓流經典K-pop音樂，非常有feel。午市時段過來，有lunch set 優惠，食韓燒就最好了。反正午市晚市的食物款式都是一樣。⊿ 1. 韓式和牛燒肉飯雖然炑八主打韓式燒烤，但在午市當中亦想食和牛飯。炑八精心挑選的高質和牛，經過特製醬料浸泡後，散發出濃郁的韓式風味，和牛肉質軟嫩多汁，鋪在飯面非常好食。比起日式的做法更有多重味道。⊿ 2. 午昼燒肉時光 (薄切牛舌、豬五花、梨汁雞腿肉)這個套餐讓你可以自由挑選不同款式的燒肉，一次滿足不同口味。我們選了薄切牛舌、豬五花和梨汁雞腿肉。薄切牛舌肉質嫩滑，咀嚼時彈牙有勁,散發著濃郁的牛肉香氣。而多汁的豬五花，同樣有韓式醬汁的伴奏下，散發出甜香可口的味道。梨汁雞腿肉亦是非常香口，完全不會「鞋」口，有雞肉香味之餘亦帶陣陣香甜。⊿  3. 蔥蒜雞腿肉、蔥蒜牛五花、豬肋肉難得來到，我們再另外點一些肉類。食過梨汁雞腿肉，發覺燒雞腿肉真的非常好食，我們點多份蔥蒜雞腿肉，雞肉真的是鮮嫩多汁

放假就是要去食好西😌打左幾日邊爐 今日捉埋肥媽&男朋友去食燒肉🔥成日路過都無留意 原來lunch咁多人食😮😮1點鐘幾乎滿座 見到職員都忙到踢晒腳午市餐牌主要分左兩大類：⭕️燒/❌燒最後每張menu揀一個餐🤣坐底未叫野食 啲前菜小食🫛 爐邊蛋🥚 芝士粟米🧀🌽職員勁快手 係光速就上哂檯🤵🏻‍♂️🤵🏻💫🥘唔燒午市定食：鐵板烤牛肉蕈菇飯隻溏心蛋勁搶眼😍勁多洋蔥🧅+ 菇🍄調味甜甜的鐵板牛肉飯 只係爭咁啲飯蕉🫣🥩午昼燒肉時光：牛肋骨條牛肋骨長過我手臂😮😮😮仲要𠝹好哂花紋 方便我燒 中間唔會燒唔熟👍🏻👍🏻牛肋骨醃得好入味 勁香但又唔會蓋哂牛味😋😋可以極速KO成碗飯份量多到一個人真係食唔哂🤣🍗蔥蒜雞腿肉無骨架😍啖啖肉加埋蔥蒜一齊燒 十分滋味🐮蔥蒜牛五花超多醬汁醃製 肥瘦都算平均🐷豬肋肉係豬肋骨走骨🤣呢個睇落好肥 但燒香左勁正☺️☺️超超超滿足😌 飽到上心口好想食多轉爐邊蛋+芝士粟米 但個胃真係無位🌝三個人埋單都唔洗$500難怪咁多人食👍🏻👍🏻👍🏻值得一讚既 餐廳雖然好忙 但職員依然好有耐性 而且全部都勁快手快腳👍🏻👍🏻👍🏻👍🏻👍🏻

有朋友來港遊玩，當然要帶她周圍吃喝玩樂啦，第一晚即安排了韓烤，點了個牛胸腹肉配韓式飯饗宴😋🔆牛胸腹肉脂肪較重，油花細膩， 輕輕一烤，點上蛋黃醬油，再用生菜包著放入口，幸福感十足😋🔆葱蒜牛五花，朋友愛食牛，勁讚肉質軟嫩，香氣濃郁🥩🔆大八爪魚真的名不虛傳，展開來份量十足，鮮甜肥美，烤多一會極爽口彈牙🤤🔆除了牛牛，依個餐仲有豬同雞:🥓秘製醬油豬五花，半肥瘦肉質濃香好juicy😙🍗梨汁雞腿肉，雞皮烤得香脆，啖啖肉好有嚼勁🫦🔆大胃王緊係要食埋飯先滿足啦：🍚辣章魚五花飯，甜甜辣辣超級惹味，裡面章魚、豬肉配料勁多，食唔停口。🍚另一款可選韓式麻藥蛋飯，鋪滿紫菜碎，簡簡單單啱哂我伴肉食。🔆食咁多肉肉，等我推薦下面兩款清甜飲品解解膩：🍹皇牌士多啤梨乳酸梳打🍹柑橘鮮橙果茶

行過又見佢地推出咗新套餐無理由唔試下佢入座後店員會放鍋邊蛋同芝士粟米仲有各款韓式前菜。前菜包括清爽既泡菜，醬醃蘿蔔，大豆芽，海帶和其他各種小菜組合，食完仲可以任意refill 添架牛胸腹肉配韓式飯饗宴牛胸腹肉、蔥蒜牛五花、秘製醬油豬五花、梨汁雞腿肉、大八爪魚豬五花脂肪和瘦肉比例完美燒烤後散發出濃郁的肉香蔥蒜牛五花肉質柔嫩，牛味十足薄薄一片，簡單燒一燒已經入得口大八爪魚海鮮的鮮味十足，略帶鹹味燒烤後更添香氣燒到外層微焦，柔軟彈牙，個人很喜歡辣章魚五花肉飯微微辣，份量都唔少飽足感十足最後仲有杯梳打同凍檸茶解下油膩

今日嚟到沙田同朋友仔食晚飯，我哋嚟咗炑八韓烤。如果你嗌燒烤嘅話，就會包咗前菜、鹿鞭芝士、爐邊蛋任食，真係非常抵。前菜選擇豐富，有泡菜、芽菜、海帶、薯蓉等等，非常開胃美味。炑八厚切五花腩店員會幫我哋燒五花腩，仲會利用RoseMary一齊煎燒。呢份厚切五花腩肉質豐富，厚切保留咗多汁嘅質地，燒完後鮮嫩多汁，表面脆脆地，好適合肉食愛好者。外裙肉（8件）外裙肉煎至金黃脆口，搭配啲醬料或調味料，味道更豐富。肉質軟腍腍，好有牛味，每口都好滋味。大八爪魚（1隻）大八爪魚好有咬口，帶海鮮風味。餐廳用咗甜辣醬醃製，醃得好惹味。-韓式紅蝦（3隻）呢三隻紅蝦好大隻，好厚肉。味道新鮮又鮮甜，飽滿多汁。海鮮煎餅海鮮煎餅煎到外皮香脆，內裏軟腍腍，充滿香蔥同八爪魚嘅味道，酥脆可口。韓國水冷麵店員有幫我哋將麵條剪開同埋提咗我哋要快啲食，如果唔係麵條會黐埋一齊。韓國水冷麵清涼開胃，口感滑爽，帶有獨特嘅韓式風味。冷麵味道酸酸甜甜，有蛋、雪梨、青瓜等配料。柚子檸檬梳打柚子檸檬梳好清新，酸酸甜甜，飲落去幾爽口，好解渴。菠蘿梳打呢款梳打主打菠蘿味，甜中帶酸，氣泡豐富，清新怡人。

12時左右到餐廳，不需等位，2個大人及4歲小朋友共點了牛肋骨及三品肉套餐，星期日很多餐廳沒有午餐但這間有午餐並且十分大份及抵食，牛肋骨略為有少少韌，雞件很滑，豬腩肉很淋很入味，另外加錢轉了牛肉飯，很好吃。前菜及燒烤餐贈送的蛋及芝士粟米也很美味。性價比很高，約 HKD 360 連加一，味道中上，服務不錯，特別是店長拉高了服務質素，店長會幫忙給食客處理食物，一定會再次光顧及推介給朋友，外遊之外都會支持一下留港消費。(掛住吃而忘記幫食物拍照，另外為免被人誤會此次是試食之後而作出評分，我把單據也上載作參考）

二訪炑八，上次食咗佢地個腹脅一直念念不忘，今日再嚟食。最鍾意佢哋芝士仲可以無限refill😍今次點左幾個新菜式。依舊高質👍🏻- 炑八厚切五花腩 - 味道：肉質鮮嫩，油脂分佈均勻，炭燒後嘅香味令人垂涎。 - 總評：⭐️⭐️⭐️⭐️⭐️- 外裙肉 - 味道：肉質柔軟，煎得恰到好處，搭配特製醬汁更添風味。 - 總評：⭐️⭐️⭐️⭐️⭐️- 大八爪魚 - 味道：烤得彈牙，醃製得宜，海鮮的鮮甜味突出。 - 總評：⭐️⭐️⭐️⭐️⭐️- 韓式紅蝦 - 味道：蝦肉鮮甜，外脆內嫩，辣味適中，使人一試成主顧。 - 總評：⭐️⭐️⭐️⭐️⭐️- 海鮮煎蔥餅 - 味道：餅皮酥脆，海鮮豐富，與蔥香相得益彰。 - 總評：⭐️⭐️⭐️⭐️- 韓國水冷麵 - 味道：清爽可口，湯底鮮美，適合夏天享用。 - 總評：⭐️⭐️⭐️⭐️⭐️- 冰涼薄荷乳酸梳打 - 味道：清新爽口，薄荷味清涼，完美解膩。 - 總評：⭐️⭐️⭐️⭐️- 王牌士多啤梨乳酸梳打 - 味道：果香濃郁，酸甜適中，飲落好舒服。 - 總評：⭐️⭐️⭐️⭐️⭐️前菜多款前菜同埋粟米芝士、泡菜蛋都係無限refill，真係好抵食！每一樣都好味，特別是泡菜蛋，既開胃又夠味。

未試過咁差嘅用餐體驗！先講嘢食，點咗一個五花腩、豬皮、水冷麵、蠔同埋汽水。五花腩都叫正正常常。雖然其餘食過所有韓燒嘅豬皮都唔一樣，但係未算難食嘅。嘩，但係個水冷面呢你都竟然係一大嚿咁樣上，完全冇分開，撩極都撩唔散，強烈懷疑員工成個麵餅抌入去就咁上餐。蒜蓉牛油生蠔完全冇蒜蓉同牛油味，六隻竟然夠膽收人$128 ，只不過係六隻小桶蠔嘅size，憑咩收咁貴？都算啦，見過杯好污糟咁，上一手嘅韓式辣醬都仲喺個杯邊度，就諗住飲一枝啤酒一定乾淨啲啦，佢竟然話佢哋冇酒牌仲搞緊，請問有邊間餐廳營業咗咁耐，運作咗咁耐，竟然連個酒牌都可以同我講冇呢？仲要見到上個禮拜左右一篇食評話佢哋可以喺呢間分店度飲酒，請問佢個酒牌去咗邊呀？點解人哋有得飲？我冇得飲呀。再加上冇酒牌咁大件事唔係餐廳應該主動申報同我哋講聲嘅咩？嗌晒嘢食要嗌酒嗰下先話俾我知？成個Drink Menu得兩頁，其中一頁就全部都係酒精飲品，點知原來有一半都有都冇得飲，咁你就大大隻字寫住冇酒牌啦。都算啦，個drink Menu大大隻字寫住樽裝汽水，主打懷舊，有晒相咁，嚟到竟然係罐裝？啲汽水啊仲要係唔齊㗎，連忌廉都冇。再講吓環境方面，我哋坐卡位，嚟到嗰下已

是日有冇心情煮飯，於是乎就同老公四圍行吓搵阿食，好耐都冇食過韓燒，加上突然好掛住炑八嘅爐邊蛋同埋芝士粟米，所以一致決定呢晚食韓燒 😍厚切五花腩、安格斯外群肉五花腩又厚又大嚿，原條擺晒落去個爐度燒勁正，燒到個皮脆脆地，再一嚿嚿展開，咬落去啲肉好亂，因為大火一煎已經迫晒啲油出嚟，所以食落反而唔會好肥膩，包埋生菜同埋配埋韓式醬一齊食，勁正 😍 至於安格斯外群肉勁香牛味，輕輕咁樣煎一煎兩邊食已經好鮮嫩多汁，直頭唔需要點任何醬料都好正 🙌🏻大八爪魚、韓式紅蝦燒完肉又係時候燒海鮮，大大隻嘅八爪魚擺落去個爐度勁震撼 😍 咁大隻以為要燒好耐啦，點知都好快熟，燒到啲腳彎彎地就開始剪開佢，再煎一煎啲邊，咬落去勁彈牙 👍🏻 至於韓式紅蝦真係超大隻，三隻擺晒落去已經霸晒成個爐 🙈 一開始燒已經好香蝦味，燒熟之後更加係勁鮮甜彈牙，大推啊 🤤韓國水冷麵、海鮮煎蔥餅食完熱辣辣嘅燒烤，整返個冰凍嘅水冷麵就好唔錯啦，加埋個油芥茉嘅醬汁，酸酸辣辣咁好醒胃 😍 海鮮煎蔥餅就非常之有驚喜，厚身嘅餅底裏便塞滿晒海鮮，而且好香胡椒味，加上佢份量都好大，好唔錯 👍🏻朝日有氣果酒（紅桑莓）、荔枝梳打食完熱氣嘢梗係要飲凍嘢啦，我就叫咗

話說 呢間炑八韓燒都開咗好多好多年㗎啦想當年 喺中學時代都會同朋友仔一齊去食前菜豐富 有薯蓉泡菜酸蘿蔔芽菜同海帶哇重點係 爐邊會加邪惡芝士同韓式泡菜蛋呢-炑八厚切五花腩 ($138)賣相好吸引 比想像中大塊 而油脂分佈平均職員預先𠝹開坑紋 方便易啲燒熟 好細心啊燒到皮脆肉嫩 包埋生菜一齊食 真係絕配呢整體上性價比高 原條五花腩食大滿足 哈哈-外裙肉 （8件） ($158)上菜之前醃好咗嘅關係 所以已經好夠味而牛味特別濃郁 食落肉質鮮嫩同多汁啊-大八爪魚(1隻） ($98)估唔到有手掌咁大隻 食落有啲韓式辣醬嘅味道係我接受到嘅辣度嚟 而口感食落好彈牙爽口呢-韓式紅蝦 （3隻） ($88)-泡菜煎餅 ($98)有蝦肉蔥蠔同泡菜 煎到脆卜卜食落好滋味-韓國水冷麵 ($89)面上有蛋酸瓜同青瓜 冷麵口感煙煙韌韌酸酸地食落特別開胃 中和肉肉嘅油膩感-朝日有氣果酒（紅桑莓） （$78）果酒嘅酒精濃度低 容易入口 酸酸地唔會太甜-藍天使梳打 （$38）飲落好清新可口 夏天解渴一流 打卡達人首選

最後一次幫襯本來諗住同阿媽慶祝生日，去到又話生日蛋糕已經無送，但明明張海報仲貼係度。首先，服務員人手不足，想叫人，人影都唔見，避開你嘅視線。烤肉嘅板新拎嚟，同無新過一樣，完全唔想用，啲積唔知積左幾耐😖😖😖所以呢次係最後一次嚟！！

服務很差，諗住食返個生日午餐燒肉，唔知係咪唔夠人手，QR,餐具，水叫一樣先比一樣，調味甚至都食完個刻都冇俾過我哋…，諗住冇服務都算，有得燒肉就OK，但唔知點解呢間分店嘅肉味道同色水都好差，係叫左兩碟牛舌，有一碟竟然係黑色牛舌😓，唯有厚住面皮請求店員可否更換，好彩店員都好好肯幫我換。周圍都有上一手食客食完無人執…唯一可取的可能係店員態度還算正常。一直有去開荃灣同旺角分店食，但呢間咁既表現，真心唔推薦。

🪅幾耐無見過𡃁妹？大家各有各忙，終於約到今日見面，熊妹當然揀間好味餐廳同佢大吃一餐！📌成日食西餐cafe，今次就試下韓國燒肉《炑八燒烤》，再啤一啤去！📌《炑八燒烤》開到成行成巿，銅鑼灣，觀塘，九龍灣，旺角，黃大仙，屯門，青衣，荃灣，元朗都有分店，真係遍佈港九新界，今次就選了沙田偉華商場分店，因為好耐無去過沙田行下。📌新城巿廣場向住一田方向個邊行過去，5分鐘就到。店鋪好大好大，好多張四人卡位同埋多人圓枱，就咁望落去好似成個燒烤場咁！📌韓式燒烤真係好多款式選擇，多款牛類、豬肉、海鮮、蔬菜，另外，仲有好多韓國美食：醬油蟹🦀、醬油蝦🦐、部隊鍋🥘、炸雞🍗、炒年糕🍢、石頭窩飯🍚、湯窩🍲等等，唔想食燒烤都有大把韓國熟食選擇！📌一坐低，店員會即刻開起個爐。然後係爐邊倒入泡菜蛋🥚同芝士粟米🌽，重點係可以無限添加‼️老實說，食呢啲伴碟絕對可以食唔停！前菜韓國料理的前菜不嬲出名款式多，最開心係有得不停refill，有泡菜、辣蘿蔔條、海帶青瓜、豆芽菜同薯蓉沙律，食前菜都食飽喇😆！炑八厚切五花腩，$138非常高貴嘅擺盤上陣，一隻黑色磚碟，放上一大塊厚切五花腩，仲有幾片南瓜🎃香菇🍄‍🟫做伴碟。厚切五花腩🐷目測有起碼

星期日透過OpenRice訂座，可能而家香港食飯嘅人真係少咗好多，提早咗半個鐘到，直接坐低😆四個人星期日有最低消費好似係$650 🤣這個金額應該食燒肉冇難度。佢有兩款套餐。你join嘅會員就有得用。但係透過OpenRice訂座正價餐牌都已經有八五折，😌咁我寧願想食乜嘢就叫乜嘢最鍾意佢呢間嘢唔係剩係得燒肉，仲有炸雞，有韓式年糕，仲有牛肉飯我冇全部食物都影相，因為已經掛住食。最正係佢啲牛👍🏻最伏嘅係個蠔同埋八爪魚。🙂‍↔️四個人埋單，$1240