炑八韓烤 (偉華中心) (已結業)

其實我就周不時都會嚟沙田食下午茶， 因為其實我屋企真係住喺附近嘅 ，咁我見到呢一間餐廳炑八， 其實住喺附近都好少試呢一間嘢。 咁今日我就試下啦， 佢個下午茶都算係抵嘅以今時今日嘅價錢， 咁我就叫咗個大醬湯再加飯 同一杯青檸梳打， 佢個大醬湯其實入面啲料呀，都算非常之充足有蜆同埋牛肉.. 但個湯我覺得就鹹咗少少，但其實都覺得佢嘅。 至於杯青檸梳打其實都非常之好， 最少佢肯擺兩嚿細嘅青檸落去。 杯嘅size亦都算中規中矩 一定夠飲。 同埋唔可以唔提下佢個前菜有kimchi同埋牙菜，啲kimchi其實真係非常之好食好有韓國嘅style。 所以下次我都會試下佢其他下午茶!