火薈中日火鍋

營業中

休息中

呢間火鍋店自從我地幫襯過一次後，都成為我地嘅落腳地，每逢有聚會都會提起火薈，一來夠近公司，二來鐘意佢有房，有個私人空間，嘈啲都唔驚。是日朋友請食飯，一行十人又黎到火薈，一早預訂左房間，可容納十幾人，有電視有洗手間，夠哂方便，食左三個幾鐘，環境舒適，招呼好。醬油點單後，店員提醒我地，最近有個新優惠，只需要讚好店家fb專頁，就會每位贈送生蠔一隻，唔洗講拿拿聲like湯底方面，因為十人，有朋友唔食牛、唔食辣，各樣要求，於是我地點左三款，包括：招牌海龍皇濃湯鍋、海南椰子雞鍋、松茸菇滑雞鍋。松茸菇滑雞鍋料就幾足，而且湯底都幾香。海南椰子雞鍋店員首先倒入新鮮椰子水，然後待滾起就落雞，椰子水清甜，配雞係一流配料方面都點左唔少，未能盡錄，so far每樣野質素都唔錯。首先有朋友遲少少到，所以我地早到嘅幾位點左刺身、小食嘆住先刺身拼盤得幾個人到左，所以我地點左份細嘅，但其實大嘅當然抵食啲，拼盤就乜都有啲，三文魚、北寄貝、八爪魚、帶子、蝦、墨魚、希靈魚等。火鍋店嘅刺身當然唔及日本料理嘅咁正，但整體都新鮮粟米墨魚餅即食小食以炸物為主，即時炸起。韓國霜降牛肉平時多數叫手切牛、鮮牛等，今次試下呢款，又幾好食喎，

朋友生日要食火鍋，大日子當然要食好D，放題唔會考慮，通常量多質素麻麻，有時段限制免談，上網 search 到火薈，位置靜中帶旺，口碑好，朋友話 ok, 放工約在地下會合。咁著數，like 左 facebook 有得送，即做愛爾蘭蠔雖然唔算大隻，但新鮮滑溜， 最緊要是免費鮮茄牛立方薯仔濃湯鍋牛立方原來是將肉切成正方形一粒粒， 越咬越滋味，加上鮮甜番茄和京蔥，胃口大開火鍋，牛必食，今次試手切本地牛肉， 新鮮嫩滑，不用灼太耐，唔使一分鐘便食得聖子皇 、帶子兩樣都鮮甜味美，朋友讚不絕口手工水餃大隻料多脹卜卜，食完都飽了幾成 廣島蠔一份有咁多隻，抵食，肥美肉質豐富 蟹籽鮮蝦滑蟹籽很多， 可惜放在鍋裏全部散開，如果混和在蝦膠內，真的是蟹子蝦膠了！大連鮑魚size 不大，但都肉厚爽甜，洗得乾淨接著叫了雜菜籃、 豬皮……兩個食得太瘋狂埋單要過千， 睇價錢覺得貴， 但物有所值

依個星期又要回歸一星期五天工作，真係好難捱😭唯有出街食下飯，對自己好d😁老公最鐘意打邊邊，今晚仲要超級豐富，食個「鮑魚龍蝦餐」，每人都係$298加一。依個月份仲要每人送一隻生蠔，我地2個人賺左$84😁生蠔好滑，好creamy,好重海水味👍🏻個餐包括有：波士頓龍蝦龍蝦成個鍋咁長，好新鮮！厚厚既肉，好鮮甜，超彈牙！連鉗都爆膏，啖啖肉，好爽口招牌手打三寶丸燈丸網球咁大粒，手打好彈牙，真材實料。有豬肉丸、墨魚丸和龍蝦丸。龍蝦丸咬落啖啖龍蝦肉，好彈牙，yummy墨魚丸，咬落啖啖墨魚！豬肉丸都唔係麵粉丸黎架，啖啖豬肉！正！日本大元貝好大粒，好鮮甜，仲要連埋帶子裙邊，好嚼口！大連鮑魚好滑、好鮮、好甜，一d都唔靭。中山鱔片好爽、好脆，好滑，又甜廣島蠔超大粒，又爽滑，滾完都仲大大隻，又鮮甜。安格斯牛肉一見到d雪花紋，就知靚牛。好濃郁既牛味，好林，非常美味稻庭烏冬本身已經好好味，吸引埋龍蝦既精髓，更加甜同加添鮮味田園雜菜藍有油墨菜、生菜、大蕃茄和超甜粟米，好岩依家既天氣湯底， 揀左蕃茄湯底，右左京蔥，加添甜味

又係我呢個火鍋精出現嘅時候喇~太子呢間火薈，位處花園街尾嘅上樓舖，私隱度都幾高!空間感夠，座位夠闊落。我鍾意落大量生蒜、炸蒜同辣椒粒!而家黎打邊爐，每位送一隻愛爾蘭生蠔。雖然唔係好大隻，但都幾鮮味。有套餐但我地選擇了散叫。鮮茄牛立方馬鈴薯湯($98)超濃嘅番茄薯仔湯底，最適合淥牛肉!湯底仲有牛肉粒(牛立方)，好有咬口。本地手切鮮牛肉(中)($238)份量絕不欺場! 本地牛打邊爐，仲要係香濃番茄湯，冇得輸。即炸響鈴($48)好新鮮，係咪即炸一食就知!!手打雙拼丸($78/8粒)墨魚丸+牛丸嘅雙拼，墨魚丸大大粒，夠彈牙；牛丸好新鮮，係鮮打的，絕對唔係來貨果種。皇帝菜($32)其他價錢包括:加一服務費茶位($10/位)醬油費($15/位)太子呢間優質隱私火鍋店，值得一推。

我朋友講早幾個星期的晚上跟同事去在太子叫 「火薈中日火鍋」食過火鍋覺得幾好, 今晚佢帶我去食好野，佢請我晚餐就由佢發辦啦，好在是我生日，一入到火鍋店見坐滿客人，再加上檣身連窗口旁是開放式能夠整個檣身連窗口打開，見儘街全景，比人空氣清爽感又覺得裝修有花心思，坐下感覺闊落。叫左個韓國降霜牛肉，滾起夾起時肉質鮮嫩像絲般滑，有湯底的火鍋香氣撲鼻。脆肉脘片就成片食落口不會散掉在鍋中內，是魚肉彈身，唔會令人想起魚骨。手打雙拼丸，有4隻墨魚丸及4雙蝦丸，見丸身大粒又彈身想佢快滾來熟食，於是張每粒一分為兩，當墨魚丸浮起時，比佢雪香墨魚外表引入口真有肉質鮮美。再食蝦丸時都同樣覺得手打的丸果然達到新鮮及有水準呢。雙拼餃，有4隻雲吞4隻水餃，雲吞的蝦餡令佢變得好大隻餃，水餃餡一咬好多肉汁流出。包心蟹籽丸實在比佢的蟹籽吸引到不得了，食唔停止。黑椒牛丸是喜歡牛丸的人的好選擇，皇廷貢丸都夠大粒夠真材實料。叫左可口可樂飲，再來個出前一丁麵，打底就夠哂飽，又同時飲埋濃湯。

火薈愛爾蘭石蠔，HK$42/隻，生蠔，鮮甜美味，海水味不重，新鮮肥美。推介指數：7/10蝦蟹雞煲，HK$298，小辣，煲有中蝦，羔蟹，約半隻雞件等等。味道跟麻辣雞煲差不多，小小辣，咸咸地非常野味，用來餸飯一流。呢個煲最出衆嘅地方，就係煲內一隻羔蟹，其實整隻羔蟹已經價值不斐，仲要隻蟹真係有好多蟹羔，愛食羔嘅你必定喜歡，好好味Yummy，這隻蟹是新鮮制，不似雪藏貨啊。煲內仲有約6-8隻鮮中蝦，大大隻，鮮蝦味，幾正。雞件肉質嫩滑，亦連小許骨頭，有咬口，口感一流。推介指數：8.5/10牛胸爽，HK$88，一塊塊奶白色的牛胸爽，食落口非常爽脆，入口溶化，牛油味超重，好好味。其實牛胸爽是牛胸部位的兩排肋骨中間的肉，肉質爽口而不油膩，非常喜愛食啊。推介指數：9/10唐萵，HK$38，菜味重，最好用來打邊爐，菜味不易失去，食落感覺到新鮮。推介指數：8/10

隨從放假放到悶悶地，話想約出黎打過邊邊吹下水，跟住仲喺火薈Book埋張枱，於是乎朕就出巡太子，去到火薈同隨從們打過邊邊吹吹水！上到去未曾坐低，隨從己經急不及待叫店小二拿酒來解解渴，而朕就坐低睇下Menu先！朕問隨從有咩推介，佢就話想要海龍皇濃湯鍋，而朕就有啲餓，於是就叫左啲小食酥炸黑松露餃同埋老友鬼鬼，而極上本地手切鮮牛肉就緊係唔小得啦，跟手叫埋個手打四寶丸同埋黃帝菜！首先上枱既係小食酥炸黑松露餃，餃皮炸到金黃香脆，食落有重重既黑松露味，小食餸酒一流！老友鬼鬼又係佐酒小食，老友鬼鬼炸到鬼咁彈牙，再喺上面加上蟹籽，有多一重層次，再配埋冰凍既啤酒，無得輸！跟住到海龍皇濃湯鍋，等朕睇過有幾濃＞·＜呢個海龍皇濃湯鍋有鮮海蝦，有蟹有蜆，仲有火箭魷魚，嗰啖湯朕試過，都真係好有鮮味！打邊邊不可少既就當然有牛肉啦，而朕就最鍾意極上本地手切鮮牛肉，牛肉新鮮彈牙又有牛味，真係多多都食得哂，加埋個手打四寶丸就完滿喇！－－－－－－完－－－－－－

天氣清涼同朋友想打邊爐，經過太子見到間火薈中日火鍋，從遠處見地下的樓面再去上層都見火鍋店的靚裝修，一坐下自然想看看店員的服務態度好不好，才配得上店的品牌，果然店員細心介紹熱門菜，真是值得坐下來嘆餐火鍋。見餐牌就想食海鮮火鍋因比店內以海鮮做賣點而吸引，仲有看看佢的海鮮達不達新鮮的水準，叫左個招牌海龍皇濃湯鍋，有大肉蟹、海蝦、大蜆、大魷魚，當煲滾湯底時便快夾起大肉蟹食是肉質結實鮮味，蟹鉗折開肉時真是肥美，大蜆肉食完都有蜆肉汁味，魷魚仲很彈牙又係聯想到魷魚的獨特味道香，當見海蝦的鮮色外表就猜到夠肉質清蝦鮮味，滾左一段時間了，湯料夾雜左海鮮味唔想加湯冲淡呢。由於太專心食海鮮鍋，再食酥炸黑松露餃都覺得外脆內熱，佢個餡料好熱口同充滿黑松露味。飲竹庶茅根夠清涼，飲兩口又開始有肚餓感再食過。

抓住冬天的尾巴，當然去打邊爐啦！朋友仔帶我去咗位於太子的火薈，夠晒排場。我哋四個人仲可以坐到卡位，舒適又闊落。單單係調味料，就有滿滿的一大盤，任君選擇。食物的選擇都幾多，淨係牛都已經有10幾款。海鮮供應亦充足。點左一客醉雞鍋，藥材味道十足，而且酒味亦好香濃。配上半隻農場鮮雞，吸收晒湯底的精華，好味到醉啊！珊瑚蚌同貴妃蚌一向都係我最愛，一口氣點晒兩款。正諗住價錢有點小貴之際，估唔到份量嚇死人，超級大份。每一客都有十幾片，好抵食！牛肉賣相超靚， 肥瘦脂肪分佈均勻，輕輕淥一淥就食得。脆肉鯇骨腩亦都好新鮮，厚切令到佢夠晒咬口。肉丸係真手打，粒粒圓渾。超彈牙而且肉味好突出，絕對要encore。太子果然係美食的集中地，今餐算係今個冬天裏面比較出色的火鍋，多謝朋友好介紹。

之前約好一班朋友打邊爐吹水，聽朋友講呢間幾好而且提我最好book定位，於是打去訂枱，佢話分兩個時段6：30或8：30，見大家收工未必趕得切6：30，就唯有訂8：30，去到見地方都幾大，幾多卡位而且有房添坐低我哋幾個即刻睇吓有乜嘢食先我哋叫左海龍皇濃湯鍋、極上本地手切鮮牛肉、老友鬼鬼、酥炸黑松露餃、即炸響鈴、萵筍件、皇帝菜、手打四寶丸、雙拼餃和鹿兒島黑毛豬海龍皇濃湯鍋（大肉蟹、海蝦、大蜆、火箭魷魚）雜菇和蕃茄濃湯加上多款海鮮，令到個湯好好味極上本地手切鮮牛肉，牛肉好新鮮，肉味好濃好甜老友鬼鬼，新鮮炸起，油炸鬼脆咯咯，蝦膠好彈牙酥炸黑松露餃，新鮮熱辣，外皮脆、餡料十足，好香黑松露味手打四寶丸（墨魚、蝦、豬肉、牛肉）墨魚丸好彈牙，蝦丸好爽，豬肉好鮮甜，牛肉味濃而彈牙雙拼餃（雲吞、韮菜）兩款餃都大大隻，味道好好鹿兒島黑毛豬，豬味濃，囗感嫩滑呢餐真係好好味，食得好飽

好的火鍋店，由環境服務、以致湯底、火鍋生料、甚至調味料，缺一不可。這裏的環境尚算優雅，而且空間感十足。調味料的款式很多，可以滿足不同人的需要。大膽嘗試了醉雞鍋，花雕酒的香氣撲鼻。淺嘗一啖湯底，酒味十分濃郁，而且藥材味道亦很重。後勁凌厲，彷彿令人帶點微微的醉意。雞件分量多，有鮮雞的味道。牛肉的肥瘦比例甚佳，入口有滿滿的油脂，且牛肉味重。海鮮選擇多，價錢也相宜。蔬菜也出色。手打肉丸令我們很驚喜，粒粒彈牙，且混和了肉粒，口感十足。手打的蝦滑和墨魚滑同樣出色，口感和味道皆上乘。另一個驚喜絕對是竹笙，非常大件但無沙，可見店員清洗得很乾淨。吸收盡滿滿的湯汁後，濃郁惹味。非常高質的火鍋店，價錢也很相宜，實在驚喜！

天氣就嚟熱反，襯呢個時候快啲打邊爐。見到火薈門口有海鮮餐火鍋同魚生刺身食，啱晒。呢度坐位間隔好闊落，坐得好舒服。呢度唔係任點任食，想食乜嘢就剔點心紙。呢個海鮮餐好似好新鮮同好多嘢食，所以叫咗呢個餐。等水滾，落下醬料先。D牛肉肥瘦分佈我好平均，食落牛味十足。海鮮盤好大堆頭，望落顏色都好新鮮，樣樣都有D，兩個人一定夠食。手打肉丸我至愛，口感彈牙，又有肉味，好食過普通機打丸十倍。仲有稻庭烏冬同菜籃，真係足料足份量。朋友仔大食，所以叫多個三文魚腩刺身，D三文魚腩厚切，仲要大大片。使唔使甘肥美呀!

$298@既龍蝦海鮮套餐真係抵到爛‼️‼️‼️食單點打邊爐每次都係一個挑戰，因為唔精打細算咁食往往都會點左五六百蚊一個人😓😓太子呢間打邊爐座落花園街尾，星期日去未見滿座，但食物質素堅係有驚喜，性價比勁高$298龍蝦套餐，點左麻辣湯，湯底絕對唔馬虎，夠麻夠辣得黎唔會死咸，仲要本身包埋豬皮、豬肚、粉腸、豬紅等等，食住等其他湯料上齊絕對冇問題海鮮拼盤包鮑魚、鱔、帶子、生蠔，當然唔少得龍蝦龍蝦爽口彈牙有鮮味，師傅已經好細心咁幫鮑魚同帶子起殻，生蠔大大隻，熟左都唔會縮水縮得好明顯擺盤好精緻啊～安格斯牛肉，唔會雪到冇晒牛味，輕輕淥半分鐘食剛剛好單點左牛肉丸同墨魚丸，因為實在太好味😊😊呢個係套餐包既蝦丸、豬肉丸、牛肉丸，爽口彈牙有充滿肉汁我會再幫襯ga😌😌私癮度好高