火薈中日火鍋

營業中

休息中

同事俾左張 coupon 我，佢話呢間食物質素高，又好坐，啱晒我呢啲要求高嘅人，咁一於就去試吓佢啦！餐廳位於太子花園街樓上舖，格局幾高檔喎！裡面裝修好高雅，枱面夠闊落舒服。呢度打邊爐係逐碟計的，Order 紙一張，有齊所有打邊爐的配料。Basic 湯底例如麻辣鍋、沙爹、芫茜皮蛋等都是 六十幾蚊， 價錢都很貼地。而特色鍋例如醉雞、牛尾、魚頭、大蜆等就百幾，都食得過呀！原來佢仲有一個套餐，海鮮、肉、丸、菜乜都包曬，每人都係$300，就叫佢啦唔使煩惱。Order 完之後冇幾耐，就上湯底了，普通一個芫茜皮蛋湯都毫不簡單喎。多芫茜多皮蛋，又多新鮮馬蹄，仲加入豆腐，價錢雖然平但一D都唔 hea。D湯好香芫茜味，夠下火。配料都係話咁快就到，首先海鮮拼盤當然最搶眼。龍蝦一隻，D腳仲係郁緊的，可見有幾新鮮，食落仲要啖啖肉，好正！元貝同鮑魚都好大隻，仲要好細心預先處理好曬。煮的時候唔使連殼烚，感覺乾淨好多, 鮮味之餘又食得安心，抵讚。除此之外，牛肉都好得，好有牛味。係安格斯牛，一碟單點都唔平，但佢套餐都包，又唔錯噃！三寶丸都要推介，尤其蝦丸好爽口彈牙，有蝦味。其他配料如白鱔片、生蠔、雜菜同烏冬就正常貨式。

天氣開始轉熱，但打邊爐嘅熱情並沒有冷卻，今次3個人走去火薈打邊爐。一坐低就即刻向我地推介邊d值得叫，特別係$298鮑魚龍蝦套餐，我地睇過之後都決定叫呢個套餐。另外，我地亦都散叫左d野食。醬料有呢d可供選擇。個餐就包埋某幾款湯底，我地就叫左蕃茄薯仔湯底。三寶丸有墨魚丸、蝦丸同埋肉丸，全都係即叫即整，好新鮮。套餐亦包左牛肉一碟，牛味非常足夠，而且好好食。雜菜籃有都幾多菜，仲有蕃茄國埋粟米，好豐富呀。另外，我地亦散叫左雙拼丸，有雲吞同埋水餃，兩款都好大粒，而且都好多餡，值得叫。響鈴亦都係即叫即炸，我攞上手時係熱傢，所以真係幾好食。重頭戲終於上台啦，有龍蝦 、鮑魚、生蠔、大元貝同埋鱔片，全部都非常新鮮。龍蝦6一陣就食得，而且好多肉呀。

媽媽生日去咗試一間新既邊爐鋪頭 去到門口個樣都幾正常 半期待又怕受傷害咁既心情入去試試門口仲見到宜家做緊d promotion 仲有生日優惠！坐低見到原來仲有好多優惠見佢咁抵就試咗呢set 另外仲有d 點單紙仲有好多唔同選擇以選擇層面黎講 呢間無得輸 包羅萬有 想食d 咩都會係呢到搵到順帶一提 店員服務態度唔錯 好多火鍋店都要服氣 呢間既店員都面帶笑容而且座位寬敞度亦都幾好 唔會太迫 d 櫈都坐得幾舒服 同埋好乾淨 食得安心 坐得放心等咗10分鐘就開始有野上 全部貌相既幾好 味道亦係驚喜地不錯 abovr average!總括而言 呢間火鍋有8分好味 環境地點都啊錯 差個2分就係比d 空間佢再努力 再好味d 遲d 會再黎試下！ 媽媽今次都好滿意 兩個都食到好飽 捧住個肚番屋企

不嬲火鍋都係我嘅至愛，雖然夏天天氣炎熱，但係黎到餐廳入面開住冷氣嘆火鍋都係一大享受。餐廳近旺角警署，離太子地鐵站行幾分鐘就到喇。街道寧靜，不過好容易搵到間餐廳。門口紅色兩個字寫著火薈非常顯眼。要上樓梯先至入到去，入到去就發現面積都唔細。原來佢哋做緊一個優惠，只要喺Facebook畀like同埋推薦佢哋嘅page，就可以每人免費得到一隻生蠔。 當然要唔好執輸啦。愛爾蘭生蠔帶海水味之餘口感亦十分creamy， 落埋檸檬汁去咗啲腥味，好味！除咗一個海鮮套餐300蚊之外，仲有唔少嘅選擇。除咗火鍋之外仲有刺身，而湯底嘅選擇都唔少。我哋揀咗個非常特別嘅火焰波士頓龍蝦鍋湯底。一聽個名好似好好味，火焰絕對唔係取巧嘅名字，而係 湯底真係用火焰去預備，仲要喺你面前表演㖭！所以真係見到火焰架。波士頓龍蝦大大隻，令人超級滿足，仲有粟米同埋椰菜、冬菇等等，非常香口。有火鍋就梗係會有牛肉嘅出現，霜降牛肉薄得嚟充滿新鮮濃郁嘅牛肉味，大概有八塊，捲起嚟增加賣相感。加埋火焰海鮮湯底就配合得天衣無縫。 另外點左新鮮龍崗雞半隻。雞嘅鮮味喺浸完湯底之後不但味道沒有流失，而且更加濃味，簡直係食落上癮。雞肉鮮嫩，值得推介。注重健

香港人對食真係好多要求，又要平，又要好食，不過有一樣就好多相同，就係喜歡大熱天時都鍾意開住冷氣打邊爐。昨晚同太座係太子行街買嘢，近旺角警署花園街，近街尾有間叫火薈中日火煱，好光猛門面，門口介紹好多吃火煱款。於是入去試吓，要行上一樓，四周都掛左啲食物相接待處等位，附近有個酒櫃放左好多日本名酒大部份係卡位和房，大廳就不大，祇係六張枱左右服務員安排在大廳四人枱，可以睇埋電視，跟住放了小吃和醬油我地睇左張menu,好多款食料，好難選擇，於是選了鮑魚龍蝦餐廣島壕大隻肥美大連鮑魚吃落鲜甜有口感日本帶子鲜甜嫩滑安格斯牛肉半肥鲜口感夠波士頓龍蝦成隻手板咁大隻，經理重叫要快吃，不要放得太久招牌手打三寶丸，粒粒圓滑又大，再配埋滑滑稻庭烏冬真絕配吃到飽，埋單都係七百幾，抵吃，必再黎

我實在太鍾情於打邊爐啦💃🏻本來黎到太子想食餃子，最尾都係忍唔住去左打邊爐。環境唔錯，座位寬敞，坐得幾舒服。一入到去，店員即刻送上小食。睇下餐牌，鍋物選擇種類都幾多，蝦蟹雞煲，冬蔭公海鮮鍋通通都好吸引🤤不過平時海鮮食得多，冇乜新意，今次一於試新野，於是就揀左海南椰子雞鍋($238)，估唔到食完一次之後完全返唔到轉頭。打邊爐，最緊要個湯底。重口味既我，原本好擔心椰子湯底會淡如水，點知事實完全相反，味道十級清甜！結果我飲左成五六碗湯，就算後來加左湯，味道都唔會話變到好淡。一啖一幸福，好正～而雞既份量都幾多，雞肉帶點椰子清香，甜甜地，無需沾上其他醬汁，味道已經非常足夠。本地手切鮮牛肉($238)肉味尚算濃郁👍🏻唔錯。蟹子墨魚滑($78)非常推薦！又滑又彈牙！墨魚滑表面佈滿蟹子，口感層次豐富。手打鮮蝦丸($68)非常推薦！口感彈牙，鮮蝦味非常突出。日式烏冬($28)感覺唔係平時急凍嘅日本烏冬，我諗稻庭烏冬會比較好，呢個有啲失望。娃娃菜($32)椰子雞煲同蔬菜係絕配，蔬菜吸收晒湯底嘅精華，甜甜地，非常好食。而且一籃蔬菜份量都幾多，足夠三至四人食。清熱雪梨茶清甜既雪梨茶，配上邊爐，解膩一流😻整體食物

自從幾個月前試過呢間火鍋店之後，每逢朋友相聚一堂既時候，我都會提意食呢一間。原因好簡單，環境舒適唔太嘈，相比旺角又多人坐得又逼夾係兩碼子既事。今日約左女友人再到呢一間火鍋店試下。醬料一望埋就知好新鮮，蒜蓉蔥炸蒜辣椒通通有齊。侍應仲話優惠期間仲有生蠔餸添，本身個人對腥既野無乜興趣既，但係送既點都試下，點知食完發覺一點都唔腥，仲好好食好甜添！估唔到送既都有咁水準，係意料之外火焰波士頓龍蝦海鮮湯底聽到個名已經好正 仲有場表演睇添侍應放好哂食材，就開始啦！話明係海鮮，當然有主菜波士頓龍蝦，蛽，魷魚，仲有粟米冬菇葱同生菜火焰真係有火焰既，唔係呃人當時聞到海鮮加酒同洋蔥嘅香味，已經好肚餓啦侍應仲貼心提醒 一滾就食得，唔好overcook。我地急不及待啦已經，到滾好。當然要試吓個龍蝦先呀，可能因為兩個人分嘅關係每人分到嘅龍蝦都好多，龍蝦煮到岩岩好 淡淡肉 又鮮甜加上酒香味 正！鹿兒島黑毛豬 脂肪比例平衡，薄薄一片已有好濃郁既豬味。帶子，個人認為呢到既海鮮真心正帶子爽口，鮮味十足 食左咁多野再食個帶子，都無蓋過佢原本既味道甜品，雪米糍食完咁多野再食埋呢個中和一下，完美！總結，高質太子火鍋店 係朋友相聚

今晚因為爸媽去左旅行無人煮飯我同细佬去左火薈打邊爐呢度我地之前都黎過覺得唔錯所以今晚又再幫襯我哋七點半嚟到已經坐左一部份位地方舒服幾適合一班人打邊爐傾計我地一坐低工作人員立刻給我們醬料，個寶盒好靚喎！今日嘅小食係毛豆湯底有好多款但我地選擇了清湯我地點了以下食物桂花蚌好有鮮味唔駛烚太耐食落爽脆好正😋呢度嘅手打丸真係好出色上次來都有叫今次當然唔例外粒粒都好大墨魚丸仲有墨魚粒有驚喜有誠意。 蠔亦好正鮮味十足打邊爐點少得菜今次我地點左娃娃菜同油麥菜兩個人埋單食左$556，唔算好貴，絕對係我打邊爐嘅首選😁

今日到㕵角太子探朋友。朋友介紹火薈的蝦蟹雞煲不錯，於決定到火薈食晚飯。火薈裝修十分古色古香，寕靜優雅，令人感覺耳目一新，十分舒服。剛坐下，侍應送上一小碟太子明蝦沙律，餐廳送的。明太子真可謂卜卜脆，有少少芥辣味。非常好味呢。蝦蟹雞煲$298。我們要了小辣。最開心是食完雞煲可以打邊爐呢。侍應放上枱，真是太驚喜哦，雖然知道是蝦蟹雞煲，但蝦蟹雞煲就在面前，而且蝦蟹都超乎想像的大大隻呀。煲面金金黃黃的蟹最最搶眼了。蟹大大件，味道十分鮮甜，帯著麻辣，真是滿口蟹香鮮甜麻辣味呢。至今想起還是十分回味哦。蝦十分大隻，蝦肉帶爽及清甜，不用㸃醬汁，已然入味非常。雖然食了蝦蟹才食雞，但雞肉還是非常淋滑，帶著麻辣味的雞肉非常入味，沾著濃濃的雞汁，非常惹味呢。日式烏冬$28。日式烏冬放到雞煲里，吸收了濃濃的蝦蟹雞汁的精華，真是從未食過如此好味的烏冬。油麥菜$32。食多了肉類，雞煲加上濃湯再灼油麥菜，消淛得來又好味。多規了朋友介紹，令我今晚可品嚐到非一般的蝦蟹雞煲，現在想起還是十分回味。

不論四季打邊爐都係香港人既至愛上次係隔離食泰國野見到呢間好幾吸引今次就黎一探究竟==============================點左個睇落好似都幾抵食既鮑魚龍蝦餐打邊爐最緊要係咩呀?唔係個爐而係醬料其中一個應該係辣油黎,都幾香又唔會太辣值得一試未見官先打八十先食左前菜中華沙律頂下胃先呢個鮑魚龍蝦餐除左有鮑魚同龍蝦仲有非常多既海鮮不過我比較少食海鮮,所以唔係好識分應該係有扇貝,脆肉鯇同生蠔因為係兩個人食兩個人份量以為會得兩隻生蠔點知竟然有四隻仲要隻隻都大大隻又新鮮唔會有腥味新鮮既鮑魚,店家仲好貼心地界開佢,咁就唔洗淥咁耐仲幫手起埋出黎,唔洗連殼煮,又唔洗自己動手起出黎非常貼心非常之生猛既龍蝦拎起果陣竟然仲識郁可想而知有幾新鮮牛肉雖然份量唔多但係重質不重量食牛有牛味,又唔會韌三寶丸粒粒都大大粒其中蝦丸一定要一試又爽口又彈牙最後係菜,大大兜,份量認真唔少岩晒鍾意食菜既朋友最後點可以冇點澱粉質落肚佢D烏丸係偏幼所以會比較快熟同我一樣鍾意硬身D既朋友記住要快D撈返上黎唔係好易會變得太淋==============================總結黎講海鮮夠新鮮連我呢個唔鍾意食海鮮既

今日又嚟花墟行吓，見天氣涼涼地就想打邊爐。記得上次呢間唔錯就決定再食。因為我地比較早，所以冇乜人，地方環境都幾好,真係好鍾意佢可以望出街嘅設計，開揚好多醬料自己配搭，最緊要係個盒keep 得乾淨我地叫咗豆腐魚頭味噌鍋，味道好好，唔會太濃，魚頭係用三文魚頭，鍋裡面有菇有菜，特別啱女士咁啱做緊優惠，每人送一隻愛爾蘭生蠔，太好喇！生蠔都幾大隻同新鮮成餐最鍾意嘅安格斯牛頸脊，肉質鮮嫩，好有牛味出街打邊爐必食手打丸，超大粒，又彈牙，我最鍾意墨魚丸同蝦丸日式烏冬俾我想像中好，煙un, 唔會食落似膠西洋菜洗得好乾淨真係好鍾意嚟呢度打邊爐，無論環境，服務同食物都一流，一定會再嚟

早兩日天氣涼返少少，同男朋友仔去打邊爐，經過旺角警署附近，咁啱見到呢間樓上既火鍋店，人唔算太多，但環境舒服，好啱收工食飯慢慢傾偈。懶人就唔太想諗食咩，嗌套餐就最啱，包曬所有海鮮，以免選擇困難症出現。一坐低就有小食，似乎係花雕煮東風螺?比較少見有火鍋店會咁用心去做小食，抵讚。食落都幾香，螺肉夠爽，冰冰涼涼，加埋蘿蔔夠甜，食得出師傅既功力，令我對呢餐都有啲期待。跟住竟然送上生蠔做前菜，注意，係『免費』既！唔單止係嗌套餐就有，而係所以客人都有，不過數量有限，送完即止。我哋好好彩有得試埋，哈。生蠔夠曬海水味，每隻都有返咁上下大細，非常鮮味，不過我就鐘意加少少檸檬汁。湯底方面我哋就嗌左蕃茄湯，滿滿都是蕃茄，顏色咁紅，一睇已經知道非常濃郁。肥牛滿滿既雪花，不過有兩舊就比較肥，男朋友就鐘意食肥啲，我就鐘意瘦啲，不過都係淥左十秒已經忍唔到要擺落口食，夠曬牛味之餘，仲好滑好juicy，好好味啊×3 (食神mode)而手打既三寶丸亦係必食，每粒都好似乒乓波咁大，我諗亦可以當乒乓波咁打，因為真係好彈，蝦丸夠鮮，蝦肉夠爽口，而豬肉丸同牛丸就好有肉汁。蔬菜籃就有粟米、蕃茄、西洋菜、生菜、油麥菜，選擇都唔少，高度

又黎到太子酒吧街覓食！天氣又涼左，緊係又打邊爐😋火薈嘅裝橫有一份古色古香嘅味道，位置亦寬敞舒服。我哋都係選擇恐懼症嘅人，見到menu有款鮑魚龍蝦套餐睇落幾豐富，咁梗係即刻嗌set唔使煩🤭Order咗蕃茄薯仔湯底，打邊爐前我哋一人先飲咗一碗湯，湯底勁入味！酸酸甜甜嘅蕃茄味非常開胃😋海鮮拼盤 拼盤裏面有波士頓龍蝦，日本大元貝大連鮑魚，中山繕片同廣島蠔。食材 非常新鮮，我哋食到中段先落波士頓龍蝦，落嘅時候隻龍蝦仲會郁😝 而且龍蝦幾大隻， 蟹鉗食落啖啖肉，鮮味重非常出！ 大元貝 煮熟後都冇縮水好多，味道亦唔錯！大連鮑魚本身用火鍋煮完後會好靭口，點知非常彈牙，完全係意料之外！ 本身唔鍾意食膳嘅我反而幾欣賞呢個中山膳片，味道一啲都唔send，而且放落鍋底肉仲唔會唔會散👍🏻 廣島蠔味道中規中矩，但勝在夠大隻！刺身拼盤加咗30蚊要咗個刺身拼盤，三文魚嘅質素同份量都意料之外，30蚊絕對扺呀！安格斯牛見到佢嘅 均勻分佈嘅雪花就知道質素唔差，食落好有牛味！招牌手打三寶丸有 蝦丸牛丸同豬肉丸 ，有別於一般機制肉丸， 手打肉丸 相對彈牙好多，而且味道亦比較出，尤其係蝦丸，好好味！稻庭烏冬唔會有平時 一般 烏冬嘅

係香港 全年365日都可以打邊爐呢一日我地過左黎 屋企附近ge火薈開左咁耐都冇黎過 一於試下佢啦佢係係2樓ge 沿樓梯行上去 有唔同野食介紹一路行就好想食座位好闊落 打邊爐黎講算係好舒服選擇唔算多我地叫左 黑松露什菌湯底餸就叫左 雙拼丸（墨丸拼牛丸）雙拼餃 （雲吞拼韭菜餃）雙拼滑（墨魚滑拼蝦滑）鯇魚什菜籃仲有一渣竹蔗茅根店員好快送上調味醬俾我地揀入座就每人送一隻生蠔 都值$42 ga好大隻好甜 個湯底有好多菇 仲有陣陣ge黑松露味tim手打墨丸同牛丸好大粒 真係拳頭咁大粒 好彈牙成籃菜 勁健康雙滑肉質彈牙 必叫之選雙拼丸同樣地都係好大粒 同皮薄料多竹蔗茅根用黎清熱 真係岩岩好

我以前同朋友嚟過呢間火鍋店打邊爐，覺得水準唔錯，今晚再約朋友返轉頭再試，水準依然keep到，宜家餐廳仲搞緊推廣，只like Facebook即送愛爾蘭生蠔，每人一隻，新鮮有海水味，屬清爽型，餐前整反隻，好味。湯底方面，由於朋友唔食辣，所以點左胡椒豬肚雞，湯底味算濃，而且雞件同豬肚都唔少，又多兩個配料，正。火鍋料方面有幾樣必點嘅，手打墨魚丸、蝦丸同蝦滑呢幾樣野真係好正，佢哋嘅手打丸夠新鮮，唔粉，起晒膠，夠彈牙又有鮮味，而且價錢唔貴，絕對抵食。我哋叫咗手切牛頸脊，份量適中，輕灼幾秒食得，不俗。午餐肉係朋友嘅至愛，厚切條裝，豬仔牌味道，佢好鍾意食。夾心獅子狗亦好滿意，芝士流心，味道明顯，唔錯。粟米味道夠甜，肉又大粒，好好味。炸芋條味道濃郁，灼耐啲先食，入口即溶，好似食緊芋泥咁，好香。另外仲試咗貴妃蚌都算幾新鮮同埋爽口，價錢亦唔貴。我哋最後叫埋個辛辣麵作為結尾，頓時感覺好充實，大滿足。另外飲品方面，除咗汽水、王老吉之外，亦有竹庶水＄48楂，兩個人慢慢飲，味道亦唔錯，清甜夠潤喉。今次人均二佰零，都幾抵食，想信不久又會回訪了。。