影片
更多
2018-04-22
81 瀏覽
早兩日天氣涼返少少，同男朋友仔去打邊爐，經過旺角警署附近，咁啱見到呢間樓上既火鍋店，人唔算太多，但環境舒服，好啱收工食飯慢慢傾偈。懶人就唔太想諗食咩，嗌套餐就最啱，包曬所有海鮮，以免選擇困難症出現。一坐低就有小食，似乎係花雕煮東風螺?比較少見有火鍋店會咁用心去做小食，抵讚。食落都幾香，螺肉夠爽，冰冰涼涼，加埋蘿蔔夠甜，食得出師傅既功力，令我對呢餐都有啲期待。跟住竟然送上生蠔做前菜，注意，係『免費』既！唔單止係嗌套餐就有，而係所以客人都有，不過數量有限，送完即止。我哋好好彩有得試埋，哈。生蠔夠曬海水味，每隻都有返咁上下大細，非常鮮味，不過我就鐘意加少少檸檬汁。湯底方面我哋就嗌左蕃茄湯，滿滿都是蕃茄，顏色咁紅，一睇已經知道非常濃郁。肥牛滿滿既雪花，不過有兩舊就比較肥，男朋友就鐘意食肥啲，我就鐘意瘦啲，不過都係淥左十秒已經忍唔到要擺落口食，夠曬牛味之餘，仲好滑好juicy，好好味啊×3 (食神mode)而手打既三寶丸亦係必食，每粒都好似乒乓波咁大，我諗亦可以當乒乓波咁打，因為真係好彈，蝦丸夠鮮，蝦肉夠爽口，而豬肉丸同牛丸就好有肉汁。蔬菜籃就有粟米、蕃茄、西洋菜、生菜、油麥菜，選擇都唔少，高度
懶人就唔太想諗食咩，嗌套餐就最啱，包曬所有海鮮，以免選擇困難症出現。
一坐低就有小食，似乎係花雕煮東風螺?比較少見有火鍋店會咁用心去做小食，抵讚。
食落都幾香，螺肉夠爽，冰冰涼涼，加埋蘿蔔夠甜，食得出師傅既功力，令我對呢餐都有啲期待。
跟住竟然送上生蠔做前菜，注意，係『免費』既！唔單止係嗌套餐就有，而係所以客人都有，不過數量有限，送完即止。我哋好好彩有得試埋，哈。
生蠔夠曬海水味，每隻都有返咁上下大細，非常鮮味，不過我就鐘意加少少檸檬汁。
湯底方面我哋就嗌左蕃茄湯，滿滿都是蕃茄，顏色咁紅，一睇已經知道非常濃郁。
肥牛滿滿既雪花，不過有兩舊就比較肥，男朋友就鐘意食肥啲，我就鐘意瘦啲，不過都係淥左十秒已經忍唔到要擺落口食，夠曬牛味之餘，仲好滑好juicy，好好味啊×3 (食神mode)
而手打既三寶丸亦係必食，每粒都好似乒乓波咁大，我諗亦可以當乒乓波咁打，因為真係好彈，蝦丸夠鮮，蝦肉夠爽口，而豬肉丸同牛丸就好有肉汁。
蔬菜籃就有粟米、蕃茄、西洋菜、生菜、油麥菜，選擇都唔少，高度推薦粟米，非常之甜，無渣，建議早啲落湯，吸收湯底既味道，咁就最好味。
至於重頭戲就係海鮮，我哋第一樣食既係龍蝦，而印象最深既都係龍蝦。
點解咁講呢？！就係因為佢上檯仲識郁架新鮮程度不能以圖片表達，上檯時啲蝦腳仲郁郁下，真係不得了。對唔住唔龍蝦，生勾勾咁食你，似乎有少少殘忍。但真係好鮮好好味 ，我覺得呢餐淨係食龍蝦已經回本了。
其餘既海鮮仲有帶子、鱔片、鮑魚、廣島蠔。帶子同鮑魚都好出色，新鮮之餘仲係好大隻，食落啖啖都係肉。好彩我哋叫既係蕃茄湯，清清地，唔會遮到海鮮既鮮味，湯底吸引收埋海鮮既精華，飲落又夠甜。
龍蝦鉗真係好巨型，肉質好彈牙，諗起都想食多次。
最後仲有讚歧烏冬打底，滑滑既烏冬為今餐畫上完美既句號。
張貼
