火薈中日火鍋

營業中

休息中

​今天是星期天，四位雀友打完麻雀後，有人提議去食火鍋，有位老友住係太子附近，知道太子地鐵站附近有間叫”火薈中日火鍋“打邊爐唔錯，聽老友講，呢一間鋪頭，食物質素好新鮮；我地大約六點半便到達這間鋪頭，時間尚早，人唔太多，店內環境都幾寬敞舒適，坐位間隔空間感都足夠，坐低後，店員就俾左盒調味配料我地自行混醬。​老友就指吓個套餐俾我睇，鮑魚龍蝦餐$298一位，個餐包括有龍蝦、鮑魚、元貝、、三寶丸、鱔片、廣島蠔、雜菜籃、稻庭烏冬同埋安格斯牛，仲送湯底和一罐可樂，價錢十分超值，但要記得鮑魚龍蝦餐逢星期五、六暫停供應。最後我們order了兩個鮑魚龍蝦餐及雙拼餃、脆皮芝士腸、即炸響鈴、馬鈴薯及辛辣麵等。​今次我就嗌左鮮茄薯仔湯底（鮑魚龍蝦餐送既），Ｄ湯底送到黎係超濃，好香、好正！先試安格斯牛，超好味喎，有牛味又唔韌；波士頓龍蝦超大隻，非常新鮮，淥幾分鐘龍蝦身就食得，但隻龍蝦鉗就要淥耐Ｄ，因Size都好大，龍蝦非常鮮甜又多肉，正呀！鮑魚及元貝都很大隻及新鮮，Ｄ肉唔韌、爽口及好鮮甜；三寶丸和雙拼餃都好正，粒粒都好大粒，當中我最鍾意墨魚丸，足料新鮮彈牙，係街市買唔到的，真係諗起都想再去食；鱔片肥美，淥熟了非常

襯仲有少少涼意，梗係要趕尾水打返個邊爐先啦！平時淨係同朋友打開啲任食嘅邊爐，因為貪佢夠平但啲嘢食真係麻麻地，今次同屋企人就諗住打返個高質嘅邊爐，食好西！我地一行四人就嗌咗一個二人份嘅套餐，再散叫其他嘢食。先講吓個二人份嘅套餐先，個套餐乜都有啲仲送湯底，好抵食！我地要咗個蕃茄薯仔湯底，呢個湯底有好濃郁嘅蕃茄鮮味，唔係出面嗰啲淨係紅色嘅水。呢個套餐仲正之處就係包咗海鮮，有龍蝦、鮑魚、廣島蠔、帶子等等，全部都非常新鮮！啲龍蝦同鮑魚上枱仲郁吓郁咁，未食落都知非常新鮮！啲海鮮全部都唔好點醬料，唔係就會浪費咗啲咁靚嘅海鮮啦！呢度除咗海鮮靚之外，啲丸類都好高質㗎! 啲丸並唔出面街市買到嘅行貨麵粉丸，而係真材實料嘅丸！全部都大大粒夠哂彈牙，睇得出係連丸都有俾心機整嘅餐廳。雖然呢度打邊爐俾出面任食嘅貴，但係材料新鮮同真材實料，性價比高呀！

做了平民這麼久的我，決定，今天要吃一下太子級的料理。這家火煱店能襯得起我了吧!本太子在平日的晚上前來，裡面的人不多，不需要等待就能進去了。這家是一家中日韓的火煱店，潢裝看起來也頗具東亞的特色吧!說起火煱的配料，本太子或多或少也有選擇困難的症狀。所以就直接選了這個賣相不錯的鮑魚龍蝦餐。主菜來前少不了醬料，這麼多選擇也足夠滿足我了。至於湯底的選擇方面，有清湯，蕃茄湯等，本太子就選了芫茜湯。凳凳凳凳!!海鮮駕到!!根據菜單的描述，這裡有波士頓龍蝦，日本大元貝，大連鮑魚，中山鱔片和廣島蠔，相當豐富。注意這裡是二人的份量啊！所有的材料很快都被端上，包括安格斯牛肉點上配醬，很正啊!招牌的三寶丸稻庭烏冬，沒錯，就是正宗稻庭味道~還有田園蔬菜籃~要說到最深刻印象的都是這隻波士頓的龍蝦了，看看是多麼的大，大口吃起來是啖啖肉，十分的滿足。大元貝和鮑魚也是本太子十分喜歡的，看看大元貝和鮑鮑是多麼的肥美就知了~哈哈 這麼一餐情侶來吃就最棒了。至於價錢方面要留意一下茶芥每位10元，醬料每位15元的。

朋友們話想係太子打邊爐食雞煲，於是朋友就推介太子嘅火薈中日火鍋。餐廳裝修設計以黑紅色為主，如果一大班人亦有房間包房，仲有卡位窗口位選擇。醬料方面都有六款，當中有我最鍾意嘅辣椒粒。先叫一些飲品濕下喉嚨，朋友們叫了青島啤酒，我就叫左一榨涼茶-竹蔗茅根水，打邊爐嘅時候可以清下熱氣，估唔到蔗水非常鮮甜。蝦蟹雞煲入面嘅雞件質感好滑嫩，而且食落去好入味，仲有小小辣嘅味道。蟹嘅份量都比較多，有好大隻嘅蟹鉗，蟹肉鮮甜無比。小食中嘅冰火魷魚有一點麻辣嘅味道，而且魷魚非常爽口，好滋味。另外再叫左老友鬼鬼。一向喜歡食餃子類嘅我，當然唔少得要叫韭菜餃同埋雲吞啦，幾款餃子都好想食，所以我哋叫咗雙拼餃子，一份有八隻，特別係雲吞入面，食到有好大隻蝦肉，而且皮薄餡靚，必食之選！另外午餐肉厚切一條條，仲有我最鍾意嘅梅林牌午餐肉，食到入面有一粒粒紅色嘅肉，而且火鍋嘅精華味道索晒入午餐肉入邊。除此之外，其他火鍋配料同樣地新鮮美味。最後食咗咁多野都只係＄1300，每人平均消費大約＄300左右，最重要係食物質素高，火鍋配料新鮮，必定會再encore。

凍凍地，行街行都累累地同朋友打邊爐本身餐廳做套餐290幾一位但因海鮮類多有好多醬料可以自己加所以就選擇散叫叫左個黑松露湯底諗住清清地湯底有好多料有冬菇，金菇，雞尾菇有陣陣香黑松露味黑豚肉上碟好特別肉好薄，有肉味，涮一涮就食得墨魚畫好彈牙有鮮味，吾會一落就散 手打牛丸大大粒，好彈牙食到肉味餃子皮薄，餡多有成6粒食完都係飽打邊爐點可以冇麵嫁因為朋友吾係香港人好少可食出前一丁所以就俾距試下港式風味下次同其他朋友，再戰海鮮餐

位於太子嘅火薈中日火鍋，平時返工成日經過一直好想試吓，今次約埋三個朋友打邊爐。揸車一族非常方便，因為樓下好多咪錶位可以泊車，而且仲可以坐窗口位，除咗空氣流通、清涼之外，仲可以望下自己架車。餐紙雙面彩色列印，上面有不同款式嘅雞煲同埋火鍋配料，分門別類一一列晒出嚟，而且食物圖片吸引。蝦蟹雞煲遠處已經聞到好香嘅海鮮味道，雞件肉質非常嫩滑，大蝦爽口，蟹多膏多肉。小食老友鬼鬼炸得非常香脆，油炸鬼上面鋪滿蝦滑同埋蟹子粒，食落去有幾種口感。除此之外，仲有冰火魷魚。牛魔王嘅我們當然要叫一份頂級安格斯牛頸脊，賣相非常吸引，牛肉呈現鮮紅色，可見非常新鮮。食落去牛肉味道濃郁，而且口感是軟綿綿的。火鍋配料中蟹子鮮蝦滑爽口彈牙，中食到一粒粒嘅蝦肉。仲有炸魚皮、滑豆腐同埋油麥菜等。今餐火鍋餐非常豐富，而且食物新鮮，必定會再encore。

突然好想食打邊爐，朋友仔帶我嚟到呢間佢經常食既火鍋店，餐廳都幾大，位置寬闊，俾人一種好舒服嘅感覺食物款式都幾多，令人花多眼亂落完單之後，店員送上茶芥，讓客人自由選取朋友仔唔係太鍾意食肉，所以偏向點了一些清淡的食物！先點了番茄牛立方薯仔濃湯鍋，湯料很足！番茄味香濃很開胃，牛柳粒都很多而且肉質很稔手打雙拼丸(牛丸、豬肉丸)用料非常新鲜夾口彈牙！牛有牛味，豬有豬味👍🏻鳳城水餃每隻餃子都很足料新鲜，好似荷包一樣咁厚！一隻接一隻停不了口😋蟹子鮮蝦滑蝦肉新鲜爽口彈牙！炸魚皮鬆脆不會一口油，放在湯裡轉一圈上來！吸了番茄湯汁！那種有濃濃番茄味加上脆口的好味真係筆墨難以形容👍🏻👍🏻👍🏻蔬菜點了油麥菜，金菇菜，雞肶菇。油麥菜好翠綠，收剪得很整齊放在籃內。金菇菜及雞肶菇都很新鲜！是清肥腻的不錯選擇麵食點了薯粉把薯粉放在吸收了各種不同火鍋料精華的湯裡滾一滾！一個字很甜，雖然已經很飽，但都把所有薯粉食哂

最近天氣涼涼地，最適合打邊爐，是日假日，朋友介紹呢間位於太子，一個旺中帶靜嘅地方，空氣流通，打完邊爐都唔會成身火鍋味。餐廳有大量醬油配料供應包括辣椒、炸蒜、蒜蓉、芝麻、芫荽、蔥、沙茶醬、花生醬、XO醬，真係講得出既都有架。鮮茄牛立方薯仔濃湯鍋＄98 :坐低後，第一件事當然係揀左湯底先啦，其實湯底都算係火鍋既主角，一個靚既湯底，淥出黎既野食都好味d。喜歡食蕃茄既我，毫不猶豫地揀左鮮茄牛立方薯仔濃湯鍋，係未放任何食物落去淥之前，忍唔住先試一口，入口味道清甜，飲得出無咩味精。手打雙拼丸-墨魚丸豬肉丸:每款丸類都係手打，墨魚丸外色十分之雪白，入口好滑，豬肉丸肉質則鬆軟爽口。牛柏葉: 牛柏葉份量算多，放落湯淥一陣就食得，入口仲好爽好鮮味。雙拼滑-蝦滑+ 墨魚滑: 蝦滑加左蟹子，賣相無咁寡，好重蝦味，食落好爽口，墨魚滑入口煙煙韌韌，係湯底中碌左好耐口感都無變。響鈴 :即叫即炸既響鈴，輕輕放入湯內淥過後，外軟內脆，吸收左湯底既精華後真係格外好味。雙拼餃-雲吞水餃：皮薄餡靚既雲吞水餃，菜同肉既比例剛剛好，放入蕃茄薯仔湯底度吸入湯既精華後，真係好好味。稻庭烏冬:烏冬上菜時已經打散左，份量都幾多，放落湯度

今晚約左好耐無見的朋友聚會，原本毫無頭緒去邊度食多野。朋友住太子附近，在太子地鐵站附近度搵嘢食，聽過朋友講，呢一間鋪頭，食物質素好新鮮，食下它之招牌餐，係$298之鮑魚龍蝦餐，價錢十分超值可惜今晚來晚，已經全部賣晒。😭最後決定叫海龍皇濃湯鍋$388,原來它是火薈之招牌火煱，包括有大肉蟹，大大只蝦，大蜆。火薈在花園街231號，近太子地鐵站A出口，上一層就到火薈。呢次無緣食呢至抵套餐，好彩有海龍皇濃湯鍋補番數。火薈之裝俢富有中國特式，設有卡位，空間感十足，不會坐得不舒服，而且侍應服務殷勤。而且仲有VIP房，啱晒一大班好友聚會。有埋紅色混醬盒，十分有睇頭，而且感覺好高貴，配合餐廳的格局，而且自行混合醤汁，如豉汁，蔥，蒜同埋辣椒粒等，中意點混就點混醬。海龍皇濃湯鍋$338有大肉蟹，大蝦，大蜆，仲有埋拌菜鮮菇添。仲叫左即炸響鈴$48,日本蟹柳$48,皇帝菜$32,鬼馬雙星$78,即是油炸鬼加蝦滑。朋友仲擔心以二人小女子的食力，搞唔掂添，其實我們很有食力，最終ko晒全部食物，兩人捧著肥肚回家。日本蟹柳$48皇帝菜$32鬼馬雙星$78,即是油炸鬼加蝦滑。大大只大蝦，好新鮮彈牙。溫馨提示，呢間打邊邊，

太子區內有條食街，差不多每間地鋪都是食肆，而今晚我就去了一間比較隱密的火鍋，其實之前來過一次，覺得食物新鮮，很多卡位，坐得舒服，而且私隠度高，所以再來。蝦蟹雞煲298元，有一隻肥大肉厚的蟹，加上了半只雞，和七只中蝦，味道帶些少辣，正宗雞煲味道，而雞煲混合了蝦和蟹的鮮味，簡直是天生一對，不吃是我的損失。手打四寶丸138元，有蝦、墨魚、牛丸、肉丸四種，我覺得蝦丸最鮮味，墨魚丸最彈牙，肉丸最有嚼勁。即製響玲48元，只需放在湯裏滾一會，響玲吸收了湯汁，變成又脆又滋味，如果滾得太耐，會很淋而味道更濃郁。稻庭烏冬42元，是一級靚烏冬，彈牙而很有口感，不能放在湯裏太耐，會變成太淋，失去了彈性。

今日約左朋友旺角行街街，行到又攰又肚餓。朋友提議打邊爐，咁我就即刻諗起呢間好多人推介既火鍋店啦。一上到去，見到裝修好靚呀，係中國風既裝修襯哂打邊爐。而且雖然餐廳好大，但都好多人，好彩岩岩好有位，即刻急不及待坐低叫野食。最近椰子雞煲好似好hit，一於就叫呢個試下啦。雞煲一上台，已經聞到好香既椰子味，等一陣之後揭蓋。哇，陣椰子雞味勁香，好似媽咪煲既足料椰子雞湯咁。而且d雞食落好滑好嫩，吸收左少少椰子味真係勁match呀。我個人都幾重口味，平時通常都會叫麻辣火鍋，估唔到椰子雞煲都可以咁好味喎。我地仲叫左呢個象拔蚌，食落非常新鮮，而且有咬口，一食就知係高級果種象拔蚌。呢個脆鯇片都好出色呀，夠哂脆又夠新鮮，切得薄薄的，真係食幾多塊都唔厭。而其他火鍋配料都有好多款選擇，菜呀芋絲呀蘿蔔等等既食材，放落呢個湯底度吸下d椰子雞味，真係又健康又好味啊。打完之後試左啖湯，點知一試就停唔到口，飲左2碗，同朋友夾埋飲哂成煲湯，可想而知幾咁好味呢。呢間火鍋真係好高質啊，下次再黎都要再食呢個椰子雞湯底先得。

週日朋友帶我打邊爐，餐廳位於太子花園街最尾的位置，門面比較隱蔽，估計主要做熟客生意。朋友話佢响對面睇開中醫骨科先知道呢到有間火鍋店，佢都未食過打算一齊試吓。我地尚算早到，人唔太多，入面企理舒服， 多人的話可以有卡位或者房。一坐低已經聞到好香酒味，估計有一枱食緊醉雞鍋。我地兩個都口水已流，就食醉雞鍋啦。坐低之後，老友就指吓個套餐俾我睇，鮑魚龍蝦餐$298一位， 佢真知我心，龍蝦、鮑魚、元貝、生蠔同安格斯牛全部都係我最愛，其實最愛仲有大蟶子，不過我知世界冇十全十美.......就係咁，我地連火鍋 tick tick 紙都唔需要睇嘅情況之下，就已經order左啦，真係好有效率。花雕醉雞鍋上枱啦！原來食醉雞是有步驟的，全程侍應叔叔會教你。首先要等藥材湯底滾起，再加入花雕醉雞，等佢再度水滾之後，關火蓋實，焗佢5-10 分鐘先食得。幾肚餓都好，想食好野係要有耐性架！响等食期間，火鍋配料亦陸續登場。橫掂人未食得，梗係俾相機食先啦！影完一輪，夠鐘食得，雞好香好滑，湯底我地都試左，好重藥材同酒味。feel 到係足料同埋好補，鍾意花雕雞的為食同好一定大愛！食完一輪雞之後，就開始試其他配料。首先當然試吓安格

朋友聚會諗食乜，咁岩有個朋友介紹話佢食過一間邊爐都幾好！係逐樣計，但唔限時同坐得幾舒服嘅大家都同意，地方又就腳，咁就一於去試啦甫入店內，就發現仲有一點點過年的裝飾坐低後，店員就俾左盒調味配料我地自行混醬店內環境都幾寬敞舒適，坐位間隔空間感都足夠除左有卡位、普通檯、仲有包廂添我地點呢個鍋底係叫海龍王濃湯鍋有好多海鮮，包括蝦、蟹、蜆、雜菇所以個湯好鮮甜，鍾意食海鮮嘅朋友真係唔好錯過包你食到 Lam Lam 利年紀大，出街食飯都偏向叫多菜少肉所以我地點左響鈴、粟米、腐竹、冬瓜片、白羅白片、雜菜籃等不過都有點下肉類嘅，但以手打系列為主包括手打蝦滑同手打墨魚滑口感彈牙、而且蝦滑仲有蝦肉，好有誠意而且粒粒都勁大粒，好食到要再黎多Round今晚大家都食到反曬肚 大家傾下笑下，食下野，談著近況感覺很棒

新年之後，就相約成班朋友出黎Girls Gathering呢間其實我之前食過架啦！今次就介紹朋友一齊再食幾個女仔叫到成檯都係野食，仲要encore 叫左2nd round 🤪🤪今次我地就點左海龍王海鮮鍋難得我地個個都鐘意食海鮮而且非常足料！有蟹、有蜆、又有蝦湯料足，當然令到個湯都鮮味十足啦！再加上其他配料嘅精華，我湯都飲左三碗呀🤷🏻‍♀️脆魚皮，脆卜卜鵝腸爽夾滑呢個手打蝦滑實在係真心推介超級彈牙足料，仲勁大粒朋友們大愛呢個午餐肉，仲encore添🤪自己食過翻尋味嘅餐廳，難得大家都食到lam lam 脷一邊傾計，一邊食真係一樂也

呢排迷上左打邊爐，所以成日周圍搵地方試新野。呢間火薈好多朋友推介，今日一於過黎試下先。因為遲到，朋友已經幫我叫好哂野食，咁我就乖乖地等食啦。個鍋一上枱，原來係椰子雞煲。麻辣雞煲就食得多，椰子雞煲真係第一次試，朋友試過話超正，搞到我都有d期待。一滾起，我即刻試左舊雞，真係好滑好嫩，吸收左d椰子味好特別啊。原來真係咁正，搞到我都食唔停口。湯底除左椰子同雞，仲有栗米同紅蘿蔔，每樣配料都好入味。呢個墨魚丸係手打既，食落好彈牙又夠哂墨魚味，入面仲食到細細粒既墨魚，果然誠意十足啊。呢排打邊爐必叫萵荀，因為又健康又好味，今次仲吸哂呢個椰子雞湯味，食落好fresh又唔會太硬。因為湯底太正，所以主要都係叫d吸到湯底味既野食，全部都好正好入味，下次一於要再黎試下其他湯底先。呢間餐廳食物高質，而且裝修好靚。有時打邊爐最怕隔離好多醉酒叔叔，不過呢間感覺好高級，環境又舒服，岩哂一大班女仔黎食啊。