遊逛深水埗批發街電腦商場一整個下午， 接迎黃昏兼且餓壞了的朋友想吃雞肉，便找了間有名的手撕雞鵝油麵餐廳進食。 門口已排滿數名等外賣的食客， 店內的食客亦接近半滿座。 餐牌包羅萬有， 有酸菜魚米線、 腸粉、 炸薯條、 西多士等等）我倆有選擇困難症， 後經侍應熱情推介下： 選了2人晚餐包括店著名的手撕雞、太子鵝油撈麵、醬皇豬手、盐焗雞腎、雲耳等 。 一陣間已送上熱辣辣甜甜嘅老火湯 （很甜兼冇口乾，應該冇味精👍）， 頭盤嘅酸辣蒜香雲耳，酸醋蒜味夠重、雲耳朵朵爽口蒜味濃。店面的招牌菜手撕雞，堆到成座山的白白滑滑的雞肉。一碟有4 大塊的厚厚豬手，含有超濃厚的醬汁加滿滿厚厚一層的骨膠原。再來滿滿一碗的鵝油麵賣相厚厚的油香、第一口滑潤潤及鵝油香在口久違不散， 美味可口。 這頓晚餐很滿足而且只是 每人一百元 滿意。

估唔到北角一間隱世cafe，重陽節一于揾間有特色的 cafe,享受個懶洋洋下午，我的tea time叫了一份千島醬日本龍蝦沙律漢堡配焗新薯角及柚子醋汁沙律，$98，檸檬蘇打$42，個樣幾靚。 近住繼園街附近，小店一間，坐位不多。但是可以帶你的pet,一齊享受chill time. 千島醬日本龍蝦沙律漢堡味道唔錯，啖啖龍蝦肉，吃飽飽，心身好滿足,side dish配上薯角有胡椒香味，正。 飲品叫了一杯冰檸檬梳打水味道正常。 顏色幾好睇，cool未飲 feel到清涼。😃 呢度用電話掃 QR先可以睇到menu,cafe環境好舒適，油成浪漫粉紅色，而窗邊用藍綠，充滿異國風情，有室內同室外，好啱朋友知已出來傾下計的好地方。

經過長沙灣，於是我哋就穿梭於新舊嘅建築群，發現咗有好多新的餐廳，於是我哋就去到長沙灣嘅元洲街498號餐廳，日本餐廳，叫味道樂居酒屋。 日式燉蛋都好滑，如果有埋其他配料 如海鮮會更加好味。 它份量偏大份，新鮮嘅生菜番茄仔同粟米仔都好鮮甜，好清新，可以幫助開胃。 日本餐廳飲湯梗係麵豉湯，味道都不過不失，唔會太鹹。 原條炭燒鰻魚定食100分 炭燒鯖魚定食98分 餐廳嘅佈置都好得意 餐廳模型擺设😍😍 餐廳嘅佈置擺設，都放模型公仔，廣告招紙，充滿童趣，令人感覺上好似去咗日本。 個餐牌見到好多嘢食，都唔知要叫啲乜嘢食，睇到眼花繚亂，最後朋友就叫咗原條炭燒鰻魚飯，而我叫做鹽燒鯖魚飯定食。 套餐包括有：燉蛋、麵豉湯同沙律。過咗一陣間，我哋期待已久嘅炭燒鰻魚飯，就送上嚟。簡直就係視覺嘅享受，原條嘅炭燒鰻魚飯真係好巨型啊，一個女仔食唔哂，應該係兩個女仔一齊share，鰻魚燒得好香，魚肉好滑，配埋日本珍珠米，面頭仲有—絲絲蛋絲，朋友話稍為咸左少少的，本人感覺啱啱好。 鹽燒鯖魚飯，份量相比於其他嘅餐廳為多，鯖魚肉質都好嫩，好鮮甜，不會燒得太乾，但保持鮮魚水分，食飽飽，充滿能量，繼續行街街。😍🌹❤️

朋友的好介紹位于深水埗的鴨寮街101號 它名叫做<啤酒溝燒烤>，顧名思義，就係當然食串燒啦，食串燒加啤酒當然係絕配啦。 呢間鋪頭佢嘅門面裝修，都好簡單。都係好平民化嘅小店。聽朋友講，串燒係即燒即食。所以決定外賣，叫以下串燒： 清酒煮蜆，蒜蓉燒扇貝，大大隻蟶子，原條燒茄子，一口豚肉，紫薯，雞肉串燒 ，雞心，鴨舌，燒魷魚。見老闆娘仲喺度整緊串燒嘅時候 就嗌咗一支可樂，一路飲一路等住串燒。清酒煮蜆 蜆肉好香啦，而且好清甜，食唔停，啖啖酒香，送啤酒至啱。蒜蓉扇貝，蒜蓉蒸聖子 蒜蓉好香，配上海鮮扇貝同大只蟶子，啖啖䒺蓉香味同海鮮好夾，不會燒得太老，仲有保持蒜蓉香味同好juicy.原條燒茄子 燒茄子必定要叫嘅串燒 ，拎到屋企仲喺熱，一絲絲茄子香滋味無限。 燒菠蘿 食咗咁多串燒，又有海鮮，又有豬肉同雞肉，食下燒菠蘿，可以解油膩。 燒魷魚，已經聞到好香嘅孜然粉，燒魷魚，但🦑魷魚未夠入味。 整體串燒好好味，去深水埗MTR站，行大約十分鐘到，隱世串燒店，不能錯過。 OL其實有時可以好麻甩架 食著串燒同啤酒。啱哂知已好友的開生日派對好食物之選。😋😋😋😋 一口䐁肉好入味，keep水份好松軟，鴨舌好滋味。 鴨舌，一口䐁肉，雞肉串燒，雞心。點餐紙，自己落單。 餐廳環境：👍👍👍(3/5) 食物味道：👍👍👍👍(4/5) 服務態度：👍👍👍👍(4/5)

星期六放假，聽朋友介紹土瓜灣有很多的美食，于是趁放假，來到土瓜灣呢條街真係好多嘢食，它位於土瓜灣地鐵站A出口，行大概5分鐘就到。洪記潮州鹵味店，原來是潮流洲鹵味店，就發現好多街坊都喺度斬料加料返屋企。 今晚阿媽都唔知煮乜餸，于是乎就決定斬料返屋企，同屋企人一齊食晚飯。 入到鋪頭，老闆叫問我食乜嘢，我都諗咗好耐唔知要食乜嘢，我有選擇困難症，用咗5分鐘嘅時間，於是就叫半隻藍薑咸雞，大概為七十蚊半隻雞。 見到櫥窗入邊掛滿曬好大隻滷水燒鵝。望到都口水流。 希望下次有機會再嚟做土瓜灣㓎返隻燒鵝，返屋企同阿媽，一齊嘆下啦。 老闆都有溫馨提示，將個南薑雞同埋鹵蛋鹵豆腐分開用兩個盒裝住 拎走嗰時仲係熱辣辣嘅。個心都想快啲返屋企，同阿媽咪同屋企人一齊分享。 估唔到藍薑雞，它肉質好鮮嫩，好滑好嫩，同埋薑蓉一齊食，滋味無窮，它味道啱啱好又唔會太鹹，實在好滿足啦，星期六夜晚，煮個白飯，已經成為一個晚好豐富嘅晚餐啦。 鹵蛋同鹵豆腐味道都唔錯，好入味，阿媽最鍾意鹵豆腐，她真係食到舐舐脷。

新年同好友一齊嘆打邊爐，朋友呢排趕住返學，去到餐廳有很多人，好彩提早一個星期訂好位。 鴛鴦湯底～金寶湯之番茄羅勒湯同白汁豬肺湯👍 白汁豬肺湯味道唔錯，一坐底餐廳里面坐滿哂人。 入座時被安排近雪櫃附近，方便拎嘢食，記得帶好口罩先拎嘢食，仲有雪糕食添，有助茶水站，够方便，唔啱凍嘢嘅朋友，自己拎熱茶添。 一排排雪櫃放有很多款疏菜，有冰菜，有生菜同菜心娃娃菜等等。 西班牙粟飼豬肉 用Apps掃枱面上QR 碼，用手機Do QR 碼方便又快，上菜又幾快，自己想食咩喺手機點嘢食，實在太方便啦。 脆鯇魚片、白膳片 新鮮味道好鮮甜，又脆又鮮味。 脆鯇魚片、白膳片丶脆骨腩 自家制凉茶~蝶豆花茶 八寸長脚蟹蟹棒，蓮藕片，鮮萵筍，鮮淮山 蟹籽手打墨魚滑（必食） 手作陳皮鲮魚滑丶日本南瓜丶芋絲丶炸芋頭、炸珍寳陳皮檸檬魚蛋👍 味道好正。 1份有4隻生猛海蝦，仲有半份揀，够晒細心，海鮮新鮮好味。 雪櫃里面有很多自家制涼茶有冰糖燉檸檬同蝶豆花茶，唔啱飲仲有其他飲品有可樂，檸檬茶，仲有熱飲茶包，總括來講够多款式揀。覺得碟豆花茶味道超正，食著火煱，喺必飲涼茶之一。呢套餐有齊牛肉，豚肉，各式丸類同蔬菜同菇菌類食物，仲有很多款式，而且湯底又多選擇，打邊爐啱晒不同人嘅口味。 總括黎講，交通方便位置好易揾，好啱約朋友食飯嘅好地方，環境舒服，新鮮送上食物，呢個套餐算抵食，不過時間有點兒趕。下次會叫多啲朋友一齊食嚟呢度再拾下拾下。 韮菜餃，蓮藕

健康又美食味的沙律或者魚生飯 星期六經過荔枝角地鐵站去到D2出口，入到D2 商場，喺一樓間專賣新鮮魚生加沙律嘅餐廳叫pickabowl，由於舖頭比較細, 要先點餐後入座, 原來個餐牌有好多選擇, 眼花撩亂, 如果好難揀嘅話，有很多幾個套餐畀你揀嘅， 由於唔想用腦嘅關係，就叫咗個經典嘅夏威夷四重奏， 其中呢包括有： 辣味三文魚好鮮甜,經典吞拿魚都唔錯, 牛油果係superfood 不飽和脂肪相當健康美食,泰式酸辣大蝦, 泰式風味，中意泰式醬汁酸酸甜甜帶出大蝦甜味。額外加半份嘅牛油果同埋菠蘿粒粒， 飲品方面呢就揀咗蘋果汁。 套餐組合👍👍👍👍👍 自選組合，pickabowl.... ♥️♥️♥️♥️♥️ 揀好咗坐定定，就等叫號number，等咗唔係好，等咗一陣我嘅經夏威夷四重奏就整好咗啦， 賣相五顏六色好靚，蔬菜同海鮮好新鮮，食到食物原汁原味，感覺又健康又美味，唔使幾分鐘一下子食哂整碗魚生沙律，而且好啱注重飲食健康人，如果經過呢頭真係唔好錯過pickabowl...

輕鬆的周末🌹😋🥑🥗 今日星期六，嚟到新蒲崗揾好嘢食，順便輕鬆下，發現COTI the Bistro, 餐廳入里裝修好靚，坐得舒服，枱與枱之間隔離很闊，食得放心。 周未當然係嘆下個周末brunch, 牛油果蟹肉他他伴窩夫雜錦沙律，套餐跟埋餐湯係羅宋湯，（有牛肉羅宋湯）同埋一片細細嘅面包仔，玫瑰鮮奶咖啡，仲有很多心心拉花，見到咁靚拉花，心情靚番哂。 首先來咗個羅宋湯唔錯，而家很少餐廳煮嘅羅宋湯會有牛肉嘅，配埋一小件面包啱啱好。 跟住又嚟咗主菜牛油果蟹肉配他他醬同埋waffles一齊食真係好夾，waffles 好脆，如果配pancakes 🥞或泡夫嘅話，個人感覺會多個選擇。 甜品提拉米蘇窩夫（waffles）食落口感好滑cream 同朱古力粉溶埋一齊，濕濕地蛋糕，仲有很香濃whiskey 酒味。 玫瑰鮮奶咖啡，心心❤️❤️❤️拉花好靚配埋玫瑰，好靚圖案，有點唔捨得飲。都係慢慢嘆下杯🌹 玫瑰鮮奶咖啡（rose lattle）, 令自己打打氣加加油，享受一下寧靜，放鬆心情。

灣仔好有好多嘢食，我就特別鍾意食車仔麵，嚟到灣仔食車仔麵，喺春園街近囍帖街附近，十兄弟車仔麵嘅店舖呢裝修都簡潔，同埋充滿懷舊風。座位之間有膠板隔住，食客食得放心，燈光明亮。 店員有禮貌，細心同食客解釋點用手機掃QR Code 落單，用手機落單其實都幾方便嘅，唔使好似以前咁寫紙仔，又夠曬環保。 我就坐低咗，就好認真咁樣喺手機度落單，落單果時即時顯示價錢，叫左以下餸有米線，清甜無渣嘅蘿蔔👍（招牌），店員推鮑魚仔，做特價8元隻，我叫咗2隻，通菜，冬菇，仲有滷水汁（標準），要埋葱花，飲品叫咗黑豆漿加13元。 食落去個湯底好清甜食後唔口渴，唔會太咸，本人最中意它嘅清甜無渣嘅蘿蔔，難怪係招牌喇，食落好清甜，因為全部都係自己想食餸，這個就係車仔麵的重點，鮑魚仔算好味彈牙，冬菇好香同埋通菜好嫩。 十兄弟車仔麵真係唔錯，真係要介紹俾朋友同同事嚟食。

今晚嚟到鰂魚涌滷府叫滷水嘢食晚餐，位置算方便揾，鰂魚涌地鐵站A出口，向左手邊行咗3分鐘就見到。 餐牌-晚餐 滷水鵝翼 叫咗套餐：慢煮滷水雙拼飯，有很多款揀，諗咗一陣揀左豬五花肉加特調滷水雞$78，仲包杯嘢飲，熱檸檬茶，另加埋18元白灼生菜，白灼生菜都正常，杯熱檸檬茶算好大杯。由於餐廳無提供座位，都係叫外賣自取，拎番屋企慢慢嘆。 慢煮滷水雙拼飯 白灼生菜 熱檸檬茶 掛滿滷水鵝 滷水汁唔會太咸，而且它係慢煮方法整嘅，五花腩肉好香食落唔覺得肥膩，入口即溶感覺，而且滷水雞肉質好滑，雙拼仲有炸菜，半隻滷蛋，豆腐，滷水蛋炸菜加飯都係無得頂，而且不會太咸味，味道啱啱好，不過份量比較細，如果大隻仔應該唔够飽，不過啱我呢啲細食OL，所以記得加餸喎。