影片
更多
6天前
0 瀏覽
天氣又凍番，想搵番間任食嘅火鍋，居然搵到一間，連手切牛肉都任食，實在太誇張。火水爐冰室火鍋喺旺角嘅”火水爐”，提供幾個套餐。就算係最平嘅”經理套餐”，都已經包括包含手切封門柳同手切牛板腱，但晚市就只係$328。就算食到最高級嘅”CEO套餐”，都只係$398。當然食到嘅牛就會再高級啲，包括手切牛小排同安格斯三角肩。咁都未算，就算係最平嘅套餐，都已經包咗所有飲品。所有飲品唔單只係雪櫃入邊嘅汽水包裝飲品，仲包括酒精飲品，甚至生啤。我哋今晚就試咗生啤，伏特加梳打，雜果賓治等等，通通唔使加錢。餐廳會先送上小食，包括熱辣辣嘅炸燒賣同炸午餐肉😍，當然呢啲都係可以再落order。之後就會上一個雞煲。雞煲可以揀辣度，仲可以走芫荽😆😆，啱晒我。呢個雞煲唔簡單，佢會有豬大腸、豬皮、豬肚等，絕對非一般！食完雞煲就可以換湯底，當中當然要叫必揀嘅”招牌沙嗲牛牛腩湯”(亦可以加錢鴛鴦鍋)。呢個沙嗲湯底非常濃，感覺上所有擺落去嘅配料都唔需要再點醬料！講返醬料，當然已經包喺價錢入邊，唔使左加右加。講返最值錢嘅肉。港式火鍋最值錢嘅地方，就係手切牛肉。所以出邊食手切牛肉火鍋嘅店，價錢都係相當高，一盤肉閑閑哋幾百蚊，一班人嚟
火水爐冰室火鍋
喺旺角嘅”火水爐”，提供幾個套餐。就算係最平嘅”經理套餐”，都已經包括包含手切封門柳同手切牛板腱，但晚市就只係$328。就算食到最高級嘅”CEO套餐”，都只係$398。當然食到嘅牛就會再高級啲，包括手切牛小排同安格斯三角肩。
咁都未算，就算係最平嘅套餐，都已經包咗所有飲品。所有飲品唔單只係雪櫃入邊嘅汽水包裝飲品，仲包括酒精飲品，甚至生啤。我哋今晚就試咗生啤，伏特加梳打，雜果賓治等等，通通唔使加錢。
餐廳會先送上小食，包括熱辣辣嘅炸燒賣同炸午餐肉😍，當然呢啲都係可以再落order。之後就會上一個雞煲。雞煲可以揀辣度，仲可以走芫荽😆😆，啱晒我。呢個雞煲唔簡單，佢會有豬大腸、豬皮、豬肚等，絕對非一般！
食完雞煲就可以換湯底，當中當然要叫必揀嘅”招牌沙嗲牛牛腩湯”(亦可以加錢鴛鴦鍋)。呢個沙嗲湯底非常濃，感覺上所有擺落去嘅配料都唔需要再點醬料！講返醬料，當然已經包喺價錢入邊，唔使左加右加。
講返最值錢嘅肉。
港式火鍋最值錢嘅地方，就係手切牛肉。所以出邊食手切牛肉火鍋嘅店，價錢都係相當高，一盤肉閑閑哋幾百蚊，一班人嚟打邊爐真係唔知叫幾多先夠了。但嚟到呢度，任叫，真正手切牛肉，而且質素好高。就算係”經理套餐”嘅封門柳，都絕對係正常火鍋店質素。當然牛小排就仲好食，可以就住個人需要揀套餐。
環顧四周，環境懷舊復古，好有氣氛，而且周圍都係人客，相當受歡迎。想食真係要預早訂位啊！
張貼
