影片
更多
2025-05-13
0 瀏覽
人均$398歎CEO套餐，手切靚牛任夾，仲有全場cocktail任斟任飲，唔飲酒都有Fruit Punch任飲，真係抵到癲～ 今日去咗位於旺角嘅火水爐冰室火鍋，餐廳裝潢以懷舊為主，播放住耳熟能詳嘅金曲📀，好有feel~CEO套餐 $398/位 ✨ 招牌麻辣雞煲(免費任添) ✨️雞肉🐓嫩滑，帶肉香味，越食越香，微辣我就啱啱好。✨ 鎮店靈魂湯底必點✨ 招牌濃郁沙嗲湯鍋🔥 沙爹味道極之香濃，湯底仲有超多軟腍牛𦟌同爆汁豆卜，加個公仔麵自製「終極沙嗲牛」，秒殺茶記沙嗲牛麵🍜 ！特濃皮蛋芫茜湯🌿 全綠湯底打卡一流💚 芫茜多到舖滿面，皮蛋熬到起沙溶入湯中，清甜得嚟帶回甘，打邊爐唔怕熱氣～ 🐮 手切牛4天王+黑毛豬狂歡 🐮 ▫️封門柳：牛味濃到似和牛！嫩滑無筋 ▫️牛板腱：筋肉交織彈牙感爆燈 ▫️安格斯三角肩：油花細密肉香滿瀉 ▫️極上牛小排：雪花紋入口即化 ▫️黑毛豬：油脂甘香爽滑唔膩 （溫馨提示：牛肉全部手切，記得encore到回本🤫） 🍟 邪惡小食三重奏 🍟 脆皮午餐肉外脆內嫩，點沙嗲汁係神級配搭💥 椒鹽燒賣鹹香惹味，鹽酥雞咬開仲有肉汁！記得蘸埋祖師爺嘅秘製辣椒油，你就會知點解佢
今日去咗位於旺角嘅火水爐冰室火鍋，餐廳裝潢以懷舊為主，播放住耳熟能詳嘅金曲📀，好有feel~
CEO套餐 $398/位
✨ 招牌麻辣雞煲(免費任添) ✨️
雞肉🐓嫩滑，帶肉香味，越食越香，微辣我就啱啱好。
✨ 鎮店靈魂湯底必點✨
招牌濃郁沙嗲湯鍋🔥
沙爹味道極之香濃，湯底仲有超多軟腍牛𦟌同爆汁豆卜，加個公仔麵自製「終極沙嗲牛」，秒殺茶記沙嗲牛麵🍜 ！
特濃皮蛋芫茜湯🌿
全綠湯底打卡一流💚 芫茜多到舖滿面，皮蛋熬到起沙溶入湯中，清甜得嚟帶回甘，打邊爐唔怕熱氣～
🐮 手切牛4天王+黑毛豬狂歡 🐮
▫️封門柳：牛味濃到似和牛！嫩滑無筋
▫️牛板腱：筋肉交織彈牙感爆燈
▫️安格斯三角肩：油花細密肉香滿瀉
▫️極上牛小排：雪花紋入口即化
▫️黑毛豬：油脂甘香爽滑唔膩
（溫馨提示：牛肉全部手切，記得encore到回本🤫）
🍟 邪惡小食三重奏 🍟
脆皮午餐肉外脆內嫩，點沙嗲汁係神級配搭💥 椒鹽燒賣鹹香惹味，鹽酥雞咬開仲有肉汁！記得蘸埋祖師爺嘅秘製辣椒油，你就會知點解佢啲辣椒油咁受歡迎。
🍹 Cocktail任飲攻略 🍹
生啤度度有，任飲特調cocktail先係戲肉！呢度一共有七款cocktail，推薦試勻呢幾款：
🌟巨峰乳酸燒酒梳打：酸甜爆珠感，少女心必點
🌟白桃燒酒梳打：果香清新打邊爐超解膩
🌟伏特加青檸梳打：醒神酸爽佐肉一流
🌟氈湯力：經典配搭永不出錯
其餘仲有青蘋果燒酒梳打、威士忌可樂、威士忌梳打，全部即叫即沖製·，酒味都幾重，唔會敷衍了事。唔飲酒？Fruit Punch一樣任飲，仲有罐裝汽水揀～
✨️記得留肚，終極甜品✨️
仙草芋圓糖水甜度適中，而且仙草可以清清熱氣，真的大滿足。
✨️隱藏攻略✨️
壽星仔女快mark低✨ 生日月份帶多3位朋友嚟「火水爐冰室」，自己即刻免單！即係四送一，生日大哂🎂
張貼
