瀛鍋

營業中

休息中

九龍城多食肆，而且火鍋店也不少。今日星期六晚竟然不用等位，可以walk-in，仲有卡位坐，夠空間擺到一枱都係。雖然只是任食，飲品要另叫，啤酒幾貴，$2X一枝，於是叫左一樽自家竹庶蔗矛根($30幾蚊可以倒到4杯)，唔太甜，涼涼地，幾配合打邊爐。湯底都係一般的選擇，不過來打邊爐不是飲湯，來個最傳統的鴛鴦(紹菜上湯+沙嗲)底。食品選擇都OK，海鮮類要加錢(九肚魚、魚片個D除外)。肥牛新鮮，好薄，有牛味，而且不是冰到硬硬的。其他食材都新鮮，也有坊間少見的冰豆腐。份量都好足，每款食物每人有2件，有空間試到其他。而且這間聲稱是中日式火鍋，日式方面竟然是任食三文魚、希靈魚、八爪魚刺身，一送來就是一大碟。還有其他活魚刺身，人多吃時可以考慮，$1XX一條。最值得寫的其實是服務員的水平︰主動加湯、不時協助調較電爐火力、推介招牌食材之後還會說明如何烹調、主動換骨碟.....幾位姐姐及經理都能維持到如此水平，實在食得舒服。熄爐後，經理每人送一粒雪米糍(唔係維記個D)。埋單每人$200鬆D(如果唔加飲品，人頭費都只係$200多DD)，應該在九龍城區是合理數字吧。

公司飯局，廿多人，一早訂了枱，每位$168放題，加醬油加一約二百元。佢地要我們六人枱坐八人，但爐得三個，我們極力爭取後才轉一些人坐卡位，可正常咁坐。但有店員已黑面。食物質素一般，較好的是手打牛肉丸，豆腐，最差是魚片魚骨腩，碎濕濕，似頭頭尾尾。最大問題是服務差極，食物寫了多次也不來，尤其是手打牛肉丸，第一次來了4粒，之後寫了2次也不來，口頭追了三四次，最後一名看似經理的承諾給我們要求的6粒。再等了20分鐘也沒有，親身走出去再追，一名沒著制服的男子説已親自拿了給我們一枱（看似是老闆），我堅持沒有，之後他又說是親自叫人拿了給我們，又爭辯了一輪，他仍説是「你再要6粒係唔係？」終於他送來牛丸，但態度惡劣，後來那名看似經理的也承認他沒有跟到牛丸。另有經理一直眼超超，我們叫食物時黑臉，仲話「又叫呀」！這是我第一篇食評，實在太嬲，最憎被人屈，永冇下次

去九龍城吃火鍋好像是冬天的指定動作。每次想試其他餐廳，但考慮到有小朋友想坐得舒服一點，又方便買蛋糕，自不然會來到這裡，地方舒服，服務殷勤。今晚又點了象拔蚌刺身套餐$998，再加了元貝$68@買3送一。元貝很大隻，像手掌一様，吃完已飽了一半。牛肉新鮮。響鈴是鮮炸的，店員説不要放入鍋內，用湯淋上面即食最美味。

真係陰陰寒寒呀！全日都係濛濛細雨咁......令人更寒收工後約左一班BEAUTIES打邊邊我地去九龍城間叉瀛鍋呀！叫左個蕃茄海鮮湯底~~~個湯好甜美，湯入面有好多海鮮架，有大大隻的蝦、蜆、蟹......我地5個人叫左個套餐，個餐都幾抵架！冇記錯好似係$988手切和牛~~~牛味好夠，脂肪分佈都好平均，好味象拔蚌刺身~~~套餐包埋架！係咪好抵先，如果散叫要7佰幾架！蠔~~~鮮味到不得了，SIZE都唔細的，真係好好好味手打丸~~~好彈牙水餃~~~皮夠薄GOOD其實仲叫左其他野的，但掛住食冇影喎！整體火鍋料都好新鮮而且服務都好好

較早前天氣凍, 朋友相約食反, 我二話不說就揀了食火鍋, 朋友隨即介紹任食火鍋2個人打邊爐, 是很難叫食物, 任食就最好不過了, 每款食少少, 可以食到多一些呢間火鍋, 朋友已食過的, 不太貴, 百多元任食, 飲品另計, 埋單都是2百多元, 值得一試坐下來就叫了啤酒, 不知原因, 總是覺得呷啖啤酒配火鍋是一樂也.我們點了沙爹湯底, 沙爹味很濃郁, 還有花生碎, 不是一般火鍋店的很浠很淡打邊爐, 雪花肥牛當然不少得, 很新鮮即刻機切出來, 一卷一卷的, 雖然不是油花分佈平均, 但都很有牛味, 我們2人都叫了3轉切得一磚磚的蘿蔔, 放在鍋裡滾, 吸收了湯底及牛肉的精華, 淋淋的, 很美味猪紅, 已經很少會食到, 看見隔離枱點了, 很新鮮, 不會有黑黑的外觀, 我們也叫了一客另外還點了龍蝦丸, 芝士丸, 油麥菜, 丸類不是廉價貨, 咬下很有質感, 菜也很新鮮綠綠的調味料也不吝惜, 有齊蒜, 蔥, 辣椒, 芫茜等.... 在九龍城火鍋林立的地方食到這樣的平靚正的任食火鍋, 真的不錯

見到D相都幾靚, 咪入去試下囉, 但總結來講都唔係好得, 俾咗咁多錢, 食唔到要俾的一半, 唔抵呀叫咗個龍蝦蕃茄湯底, $368, 有湯底加牛加菜籃, 先講龍蝦, 龍蝦SIZE大過隻虎蝦少少, 個頭就勁大, 不過個頭都冇野食架, 個龍蝦鋏同佢個身的肉質唔一样, 好梅, 好明顯係係合成龍蝦, 個龍蝦鋏唔知係邊道黎架, 湯底好甜, 重好杰, 自己睇圖啦, 都未加野食已經咁既样, 只得好少蕃茄係入面, 又係茄膏加糖啦, 話就話推介茄味魚皮, 但我真係唔知D蕃味去咗邊, 同一搬魚皮冇分別, 重要好碎, 好似食淨咁, 其他任食打邊爐都好過哩道跟住到牛, 睇相啦, 同任食一样, 好多肥糕, 鞋鞋地, 冇牛味, 散叫的分量都係咁少, 咁樓上食評食任食重好啦, 洗乜散叫呀個菜籃冇心機影啦, 少到不值一提, D菜重要洗唔乾淨, 有D黑色野癡住係條菜道, 另外重叫咗其他野, 豬肝, 雞塊等等大路野, 都食得下提議大家可以試下叫勝瓜, 包你有驚喜, 收40蚊, 得6片, 毎片長2寸, 厚3亳米, 刀功一流, 全晚都係叫咗支啤酒姐, 埋單咁就毎人$350, 都冇叫到其他海鮮貴野, 真係唔抵又唔好食!!!

跟飯伴本來打算到大家樂打邊爐, 誰知道人很多, 沒有位子, 最後找了在附近的一間有做任食的火鍋店去。它的價錢也不算非常平宜, 每位$168 加一, 不包括飲品, 所以每人埋單應該大約$200左右。台內的座位也算舒適, 也有好幾部大電視可以邊食邊看。  食物種類不算太多, 大家可以看看以下的點單紙: (還包括我們所點的食品  )牛肉一大碟的來到, 對於2人前來說都幾大份, 一點都不孤寒, 不過因為飯伴不吃牛...我一個人吃就吃不消了...不過, 味道真係很不錯! 絕對不是平宜的貨式; 牛味突出, 不會有太多"白邊"的脂肪。蔬菜類的質素也不錯, 味道鮮甜。蟹柳則沒有什麼太特別的。 我點了三文魚吃, 不過卻給多了那個我不愛吃的希靈魚...其實我不想浪費, 但最後都是一件都沒吃. 三文魚則普普通通, 可以用作"過口癮"。丸類都不過不失, 金菇幾好味。那個金黃色的是"芝士海鮮餅", 當中的芝士都幾多, 溶左之後很流心很好吃!總括來說, 食物的質素不錯, 不過款式不多, 價錢中規中矩啦, 不過座位和環境都滿舒適的。

今晚一家三口去到這間朋友介紹的火鍋店，霜降和牛和蝦滑相當好👍!嚮鈴有別於其他火鍋店👍👍！但最有驚喜有三樣！1.廣島蠔（好重蠔味）2.天使蝦（蝦味濃郁）3.酸梅湯（烏梅味特濃）埋單$892

 Sun 約埋朋友 三五知己, 記起之前有朋友介紹一間火鍋店, 係九龍城廣場對面既福田村道 " 瀛鍋 " , 16:00 致電訂位要求電視卡位, 我們 5 人準時到達, 她們都好快安排我們座位,  其後有店員介紹我們一個超值象拔蚌套餐及其他剌身, 經商量後我們點了一個餐及三文鱼, 仲有她們特別推介魚湯鍋底, 送到黎員工都提我們先飲湯後先打邊爐,這點她們服務都幾細心, 因先後有 2 位員工提過我們, 跟住象拔蚌刺身上場啦, 好味又爽又甜不過好似分量少d, 可能我們太大食, 嘿嘿 ! 跟住一輪食物, 牛肉、 豚肉 、手打四寶丸、雙味魚丸、蝦、日本烏冬、菜籃 ... ...  其實都好多野食, 但我們成班大食妹仲好似未食夠飽, 所以再叫了一條活魚兩食, 刺身新鮮但椒鹽仲惹味, 可能送酒傾計特別好食, 大家都好盡興, 飲飽食醉, 總括咁既食物質素價錢都非常合理, 我們埋單每人都係 $280, 而且我們仲座到凌晨 1:00 先走都無人趕, 以後我們大家多個夜鬼蒲點啦 ! Good Good Good  

今朝黑雨，原本諗住歸家吃飯，但臨收工收到朋友MESSAGE話想去HOTPOT，約齊人就GO GO GO上OPENRICE是但揀左間試下即打去訂位，去到就唔洗等喇我地4個人坐卡位，都幾舒服，張始都幾大，唔錯侍應介紹我地食魚魚刺身，一於叫來試試吧鱆紅魚刺身~~~魚肉質地好爽口，而且仲好新鮮添，好味！招牌水餃~~~$12一隻架，都算幾大隻架，皮都算薄，餡又真係不少喎！但味道都係水餃啫，只係SIZE大啫手打四寶丸~~~打得好彈牙，而且充滿肉汁喎豬潤~~~切得好薄GOOD！都算幾新鮮凍豆腐~~~吸收哂的湯，正4個人以上仲送一隻龍蝦添！正蕃茄炸魚皮~~~唔好食，加入D蕃茄粉在魚皮上就好似食緊蕃茄味薯片咁囉，下次都係食番原味好D豚肉片~~~切得好薄，肥瘦都幾均勻，好味總括來說，，配料選擇都幾多，湯底味都唔錯，服務都算好好，唔會有叫極都冇人情況出現，值得一讚

琴日慶祝好友生日，一班人去食火鍋。 瀛鍋係我朋友介紹的，佢經常去，同d員工好熟。 我未去過， 今次朋友請老闆發辦，8人份量放到一檯都係，都係三百幾蚊一位，好抵呀 (不過老闆免左我地加一)，多謝朋友咁好介紹。-牛肉已經有三種 －　(牛展，牛頸肉同手切肥牛) - 三樣都好食-海鮮有鮮鮑魚　－　切左薄片，灼３秒就食得，好爽口，有鮑味-"魚立"魚刺身　－　雖有小許筋但好鮮甜，但上檯時個魚咀仲郁緊，有ｄ殘忍，下次唔會叫。-珍珠蠔 - ok ，對辦-其他火喎配有 -- 水餃，菜肉雲吞，手打丸類，雞肉樣樣都好好味。

外出打邊爐一年打不到 5 次，是晚卻隨家父、家母試試這家從沒光顧過的火鍋店。對 promotion 中的廣島蠔沒多大期望，質素卻原來不錯，略灼熟後軟滑鮮甜，一客 8 隻只賣 HKD68，good value 啊。還有炸響鈴、竹串蝦、鮮腐竹及皇帝菜，算是中規中矩吧。

又食打邊爐， 星期一要離港去馬交 地獄生活一個星期，所以今天要高興一下今次叫SET， 不任食。＄998 海鮮SET。評：顏色一般， 但入口清甜，生食超爽。8／10評： 豬骨煲OK 甜 ，D大蒜好好味！！！ 8／10評：豚肉， OK 爽！！！ 8／10 SET還有手打烏冬， 招牌水餃，鮮打丸，蝦。 (掛住食無影相）我們加了一份牛肉， 豚肉， 生菜， 響鈴等還送了一客蟶子皇。甜品：雪米磁 (choco, green tea, strawberry)總評: 7.5 / 10＊REMARKS 冷氣足，打得舒服。

星期一,在午餐吃不飽,遲放工同時留了肚的情況下與三名身材與己一樣"胖壯"的好友到此餐廳吃任食火鍋,卻想不到有以下哭笑不得的怪異經歷,確實是我吃任食火以來所僅見!到埗後與好友略為寒暄後入座,選了卡位,頗寬敞舒適,四人坐下後,當然立即取來菜單點菜,務求大快朵頤。其時店內人客不多,入席疏落。侍應們不停賣力推銷其正特價$48的鮑魚不下四五次,令人不勝其擾。人家都是謀生,為餐廳推銷食物也自然是情理之中,無奈接二連三在短時間內推銷同一食物確會令人煩厭,甚至令人覺得那些鮑魚是否快將變壞?否則何如斯愷切地作出推銷?選擇任食火鍋無非是為了吃個飽足,餐單所見,食物種類雖不多,見照如下:其實另外還有一張火鍋配料選單,但由於要另外收費,況且以任食火鍋($168未計加一)而言,此店的收費已是略貴,故只集中吃此張菜單的食物好了。食物來了,先來的是霜降肥牛肉和豚肉,質素相當不錯,在碟上排列得美觀,吃入口中也味美;三文魚刺身亦鮮活味美,其他常見的火鍋配料諸如貢丸,牛丸,芝士腸,午餐肉,魚餃,蟹柳,冬菇等都相當味美,吃得出是新鮮的。酸梅湯要另加錢,一"渣"$25,味道酸中有梅味,生津順喉。吃完後,自然尚未滿足,當然再點

大熱天時係咪唔適合火鍋, 其實一d都無問題, 因為我發現原來夏天食東瓜夜香花打邊爐係超正又清熱, 080712 星期日Family Day's 一家人路經福佬村道 82-84 號有間"瀛" 火鍋, 我們就入內試試, 店員給我們空間慢慢選擇食物及湯底, 由於我們三心二意, 最後由店長推介東瓜鍋底, 我們食物開始送上, 先係鱆紅魚刺身, 新鮮爽甜, 跟住火鍋食物開始送上, 我至愛和牛及嫩滑本地牛,鎮店水餃皇, 花膠, 桶蠔, 腐皮卷, 手打四寶丸, 樣樣都好有驚喜, 由其四寶丸非常爽口彈牙, 湯底越滾越濃郁, 好清甜, 主廚作為夏天主打可謂窩心之作 . 不過本人最好都係店內蕃茄味魚皮，特別牛爽白肉, 出面好似未食過, 原來係牛瞼豬登肉, 我們一家人當晚都食物好開心, 價錢都好合理, 真係好滿足一個晚上,